كورىكتى جاڭا نيڭشيا قۇرىپ، ۇلى جۇڭگو ارمانىن بىرگە جۇزەگە اسىرايىق
ۋاڭ ياڭ ورتالىقتىڭ ۋاكىلدەر ۇيىرمەسىن باستاپ نيڭشيا حۇيزۋ اۆتونوميالى رايونىنا ەستەلىك بۇيىم تارتۋ ەتۋ سالتىنا قاتىناستى
شينحۋا اگەنتتىگىنىڭ 9 - ايدىڭ 19 - كۇنى يىنچۋاننان بەرگەن حابارى (تىلشىلەر زوۋ ۋي، رۇڭ چيحان). 9 - ايدىڭ 19 - كۇنى تۇستەن بۇرىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىقتىڭ ۋاكىلدەر ۇيىرمەسىنىڭ باستىعى ۋاڭ ياڭ ورتالىقتىڭ ۋاكىلدەر ۇيىرمەسىن باستاپ نيڭشيا حۇيزۋ اۆتونوميالى رايونىنا ەستەلىك بۇيىم سيلاۋ سالتىنا قاتىناستى. ورتالىقتىڭ ۋاكىلدەر ۇيىرمەسى نيڭشياعا باس شۋجي شي جينپيڭ ارناۋ ءسوز جازعان قۇتتىقتاۋ ماڭدايشالىعى، «كورىكتى نيڭشيا» سىرلى بۇيىمى سياقتى ەستەلىك بۇيىمدارىن تارتۋ ەتتى.
قۇتتىقتاۋ ماڭدايشالىعى ايبىندى دا اسەم، تەرەڭ مانگە يە، باس شۋجي شي جينپيڭنىڭ «كورىكتى جاڭا نيڭشيا قۇرىپ، ۇلى جۇڭگو ارمانىن بىرگە جۇزەگە اسىرايىق» دەگەن ارناۋ ءسوزى ءدال ورتاسىندا تۇر. ورتا بولىگىنە جۇڭگو قىزىل رەڭى جاقپا قابات ەتىلىپ، تاۋ - سۋ كومەسكى بەدەرىمەن ايشىقتالىپ، اسپانى اشىق، جەرى جاسىل، سۋى تۇنىق كورىكتى نيڭشيا بەينەلەنگەن. رامكاسى 60 تال استرا گۇلىنىڭ بورتپە ويماسىنان قۇرالعان، بۇل نيڭشيا حۇيزۋ اۆتونوميالى رايونى قۇرىلعاندىعىنىڭ 60 جىلدىق شۇعىلالى بارىسىنىڭ سيمۆولى. جاقسىلىق بەلگىسى بولعان ەكى تىرەمە نيڭشيا حالقىنىڭ بارلىق ءىسى ءساتتى بولسىن، تىلەكتەرى تۇگەل ورىندالسىن دەگەن ىزگى تىلەكتى بەينەلەگەن.
ەستەلىك بۇيىمدارىن ۇسىنۋ سالتىندا ۋاڭ ياڭ مەن نيڭشيا حۇيزۋ اۆتونوميالى رايوندىق پارتكومنىڭ شۋجيى، حالىق قۇرىلتايى تۇراقتى كوميتەتىنىڭ مەڭگەرۋشىسى شى تايفىڭ باس شۋجي شي جينپيڭ ارناۋ ءسوز جازعان قۇتتىقتاۋ ماڭدايشالىعىن بىرگە اشتى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىقتىڭ ۋاكىلدەر ۇيىرمەسىنىڭ ورىنباسار باستىعى سۇن چۇنلان ارناۋ سوزىندە مىنالاردى اتاپ كورسەتتى: باس شۋجي شي جينپيڭ نيڭشيا حالقىنىڭ قامىن بارىنشا ويلايدى، اۆتونوميالى رايون قۇرىلعاندىعىنىڭ 60 جىلدىعىنا قۋانىشپەن ارناۋ ءسوز جازىپ، نيڭشيانىڭ كەلەشەگىنىڭ زور، ۇلكەن ۇمىتكە تولى ەكەندىگىن تەرەڭ ايگىلەدى، بۇل، ءسوزسىز، نيڭشياداعى ءار ۇلت حالقىن بۇرىنعىعا مۇراگەرلىك ەتىپ، بولاشاققا جول اشىپ، جاۋاپكەرشىلىك ارقالاپ ىسكەرلىك كورسەتىپ، ەكونوميكانىڭ گۇلدەنۋىن، ۇلتتاردىڭ ىنتىماعىن، قورشاعان ورتانىڭ كوركەمدىگىن، حالىقتىڭ باي بولۋىن جۇزەگە اسىرىپ، نيڭشيانىڭ جاڭا شۇعىلاسىن ۇزدىكسىز جازىپ، بۇكىل ەل حالقىمەن ءبىر نيەتتە بولىپ، بىرگە ساپارعا شىعىپ، بىردەي قاداممەن جاپپاي دوڭگەلەك داۋلەتتى قوعام ورناتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن بىرگە جۇزەگە اسىرۋعا شابىتتاندىرادى.
ورتالىقتىڭ ۋاكىلدەر ۇيىرمەسى جيىنى 12 ءتۇرلى ەستەلىك بۇيىم ۇسىندى، بۇلار باس شۋجي شي جينپيڭ ارناۋ ءسوز جازعان قۇتتىقتاۋ ماڭدايشالىعىن، «كورىكتى نيڭشيا» سىرلى بۇيىمىن، «ۇلتتار ىنتىماعى» فارفور قۇمىراسىن، «ەڭبەكپەن جۇڭگو ارمانىن اسقاقتاتايىق» ەستەلىك زناگىن، «مەيىرىم» رۋمكاسىن، «قول ۇستاسىپ دوڭگەلەك داۋلەتكە بىرگە ۇمتىلايىق» شاي ىدىسىن، كوپ مەديالى وقىتۋ ءبىر تۇلعالى جابدىعىن، LED ەكرانىن، ويىن - وقىتۋ قۇرالىن، سالاماتتىق دەنساۋلىق تەكسەرۋ ءبىر تۇلعالى جابدىعىن، جۇرەك كارديوگرامماسى باقىلاۋ - كۇتىمدەۋ جابدىعىن جانە امبەباپ دياگنوز قويۋ جابدىعىن قامتيدى. ەستەلىك بۇيىمدار ورتالىقتىڭ نيڭشياعا دەگەن شىنايى قامقورلىعىن، بۇكىل ەلدەگى ءار ۇلت حالقىنىڭ نيڭشياعا دەگەن تەرەڭ دوستىعىن ايگىلەۋمەن بىرگە، نيڭشيانىڭ ۇلتتىق سالت - سانا مادەنيەتىن، جەرگىلىكتى ەرەكشەلىگىن دە بەينەلەدى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، ورتالىقتىڭ ۋاكىلدەر ۇيىرمەسىنىڭ ورىنباسار باستىعى ساۋ جيانميڭ ۇسىنىلعان ەستەلىك بۇيىمداردىڭ تىزىمدىگىن وقىدى، ورتالىقتىڭ ۋاكىلدەر ۇيىرمەسىنىڭ ورىنباسار باستىقتارى يوۋ چۋان، باتىر، مياۋ حۋا قاتارلىلار سالتقا قاتىناستى.
