تيانشان تورى
تيانشان تورى   ›   جاڭالىقتار   ›   ماڭىزدى حابارلار

ءتوراعا شي جينپيڭ مەن حانىمى كامبودجانىڭ پاتشاسى سىحامونيمەن جانە پاتشايىم مونيلەمەن كەزدەستى

  شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى (ءتىلشى لي جۇڭفا). 9 - ايدىڭ 19 - كۇنى كەشتە جۇڭچيۋ مەرەكەسى قارساڭىندا مەملەكەت ءتوراعاسى شي جينپيڭ مەن حانىمى پىڭ لييۋان دياۋيۇيتايداعى مەملەكەتتىك قوناق ۇيدە بەيجيڭگە تىنىعۋعا كەلگەن كامبودجانىڭ پاتشاسى سىحامونيمەن جانە پاتشايىم مونيلەمەن كەزدەستى.

  شي جينپيڭ الدىمەن سىحاموني پاتشا مەن مونيلە پاتشايىمنىڭ مەرەكەلەرىنىڭ كوڭىلدى، دەندەرىنىڭ ساۋ، عۇمىرلارىنىڭ ۇزاق بولۋىن تىلەدى. شي جينپيڭ مىنانى اتاپ كورسەتتى: جۇڭگو - كامبودجا قارىم - قاتىناسى ەتەنە، ەرەكشە، تەرەڭ تاريحي سۇيىسپەنشىلىكتى قالىپتاستىرعان. ديپلوماتيالىق قارىم - قاتىناس ورناتقان 60 جىلدان بەرى، جۇڭگونىڭ اعا بۋىن باسشىلارى مەن سىحانوك پاتشا بىرگە سومداعان جانە دەن قويا جەتىلدىرگەن جۇڭگو - كامبودجا دوستىعى كۇن سايىن قارىشتاپ دامۋدا. سىحاموني پاتشا مەن مونيلە پاتشايىم جۇڭگو - كامبودجا دوستىعىن كوڭىلدەرىندە ساقتاپ، جۇڭگو - كامبودجا قاتىناسىن دامىتۋعا ماڭىزدى ۇلەس قوستى. جۇڭگو جاق كامبودجا پاتشا اۋلەتتەرىمەن ەرەكشە دوستىعىن قاستەرلەيدى. 2016 - جىلدان قازىرگە دەيىن مەن سىحاموني پاتشامەن جانە مونيلە پاتشايىممەن بەينە ءبىر ءۇيدىڭ ادامدارىنىڭ باس قوسقانىنداي جىل سايىن جۇزدەسىپ كەلەمىن. سىحاموني پاتشا ەكەۋىمىز جۇڭگو مەن كامبودجانىڭ ءداستۇرلى دوستىعىنا مۇراگەرلىك ەتۋ جانە ونى ساۋلەلەندىرۋ جونىندە ماڭىزدى ورتاق تانىمعا كەلدىك، ەكى جاقتى قارىم - قاتىناستى ىلگەرىلەتۋ تاريحتاعى ەڭ تاماشا مەزگىلگە اياق باستى. ەكى ەلدىڭ جوعارى جىكتەگىلەرى مەن ەكى ەل حالقى تۋىس - تۋعاندارداي ۇنەمى بارىس - كەلىس جاساپ تۇرۋ كەرەك.

  شي جينپيڭ كامبودجا سايلاۋىنىڭ ءساتتى، تابىستى بولعاندىعىن ءارى جاڭا كەزەكتى پارلامەنت پەن ۇكىمەتتىڭ سايلانعاندىعىن قۇتتىقتادى، سىحاموني پاتشانىڭ قولداۋىندا، باس ءۋازىر حۇڭسىن باس بولعان پاتشا ۇكىمەتىنىڭ باسشىلىعىندا كامبودجانىڭ مەملەكەت قۇرىلىسى ىستەرىندە جاڭا دا اناعۇرلىم زور ناتيجەگە قول جەتكىزۋىن تىلەدى. كامبودجانىڭ باياندى تىنىشتىعىن، حالقىنىڭ باقىتتى بولۋىن تىلەدى. شي جينپيڭ مىنانى باسا دارىپتەدى: جۇڭگو كامبودجامەن قارىم - قاتىناسىنا وسكەلەڭ ءمان بەرەدى، كامبودجامەن بىرگە ەكى ەلدىڭ ءداستۇرلى دوستىعىن ويداعىداي جالعاستىرىپ، الدىڭعىلاردىڭ ءىزىن باسىپ، بولاشاققا جول اشىپ، جۇڭگو مەن كامبودجانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتەدى.

  سىحاموني مەن مونيلە شي جينپيڭ مەن پىڭ لييۋاننىڭ دوستىق كوڭىلدەرىنە العىس ايتتى. ولار مىنانى ءبىلدىردى: ءبىز ءتوراعا شي جينپيڭمەن جانە پىڭ لييۋان پروفەسسورمەن كەزدەسكەن سايىن ءۇي ىشىمىزدەگىلەرگە جولىققانداي ىقىلاستى بەينەدە بولامىز. كامبودجا حالقى جۇڭگو جاقتىڭ ۇزاق ۋاقىتتان بەرى كورسەتكەن بەكەم قولداۋىنا جانە قىمباتتى كومەگىنە العىس ايتادى، ءتوراعا شي جينپيڭنىڭ كامبودجا - جۇڭگو قارىم - قاتىناسىنىڭ دامۋىنا ايرىقشا كوڭىل بولگەندىگىنە، باسا نازار اۋدارعاندىعىنا جانە ونى ىلگەرىلەتكەندىگىنە العىس ايتادى. ءتوراعا شي جينپيڭنىڭ 2016 - جىلعى كامبودجاداعى تاريحي ساپارى كامبودجا - جۇڭگو قارىم - قاتىناسىن جاڭا تاريحي دەڭگەيگە كوتەردى. كامبودجا - جۇڭگو دوستىعى بولاتتاي بەكەم، كامبودجا - جۇڭگو سەلبەستىگى بارىنشا گۇلدەنۋدە. كامبودجا پاتشا اۋلەتتەرى سىحانوك پاتشا اشقان جۇڭگومەن دوستىق ىستەرىنە مۇراگەرلىك ەتىپ، كامبودجا مەن جۇڭگونىڭ جالپى بەتتىك ستراتەگيالىق سەلبەستىگىنىڭ جاڭا دامۋعا ۇزدىكسىز قول جەتكىزۋىن تىنباي، بەلسەنە ىلگەرىلەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.