شينحۋا اگەنتتىگىنىڭ 9 - ايدىڭ 19 - كۇنى بەيجيڭنەن بەرگەن حابارى. 2018 - جىلعى حالىقارالىق بەيبىتشىلىك كۇنىن اتاپ ءوتۋ قيمىلى 9 - ايدىڭ 19 - كۇنى جياڭسۋ ولكەسىنىڭ نانجيڭ قالاسىندا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ اتاپ ءوتۋ قيمىلىنا قۇتتىقتاۋ حات جولدادى.
شي جينپيڭ مىنانى ءبىلدىردى: 2018 - جىلعى حالىقارالىق بەيبىتشىلىك كۇنىن اتاپ ءوتۋ قيمىلىنىڭ وتكىزىلۋى بايلانىسىمەن، مەن جۇڭگو كوممۋنيستىك پارتياسى، جۇڭگو ۇكىمەتى جانە جۇڭگو حالقى اتىنان، سونداي - اق ءوز اتىمنان اتاپ ءوتۋ قيمىلىنىڭ وتكىزىلگەندىگىن قىزۋ قۇتتىقتايمىن! ءار ەلدەن اتاپ ءوتۋ قيمىلىنا قاتىناسۋعا كەلگەن سيلى قوناقتاردى، حالىقتىق بەيبىتشىلىك ۇيىمدارىنىڭ، حاۋىپسىزدىك اقىل - پاراسات قويماسىنىڭ ۋاكىلدەرىن جانە ءار سالا قايراتكەرلەرىن شىن ىقىلاسپەن قارسى الامىن.
شي جينپيڭ مىنانى اتاپ كورسەتتى: بەيبىتشىلىك قاشاندا ادامزات قوعامىنىڭ جالپىلىق ءۇمىتى جانە كوكەي تەستى تالپىنىسى. قازىرگى دۇنيە جۇزىندە بەيبىتشىلىك پەن دامۋ داۋىرلىك نەگىزگى تاقىرىپقا اينالدى، الايدا ءار ەلدىڭ ءدوپ كەلىپ وتىرعان حاۋىپسىزدىك قاتەرى كۇن سايىن كۇردەلىلەسىپ، سوعىس حاۋپى قاشاندا جويىلماي كەلەدى. جۇڭحۋا ۇلتى بەيبىتشىلىكتى سۇيەدى، جۇڭگو حالقى بەيبىتشىلىكتىڭ قىمباتتى ەكەندىگىن ابدەن بىلەدى، جۇڭگو بەيبىت دامۋ جولىمەن جۇرۋگە بۇلجىماي تاباندى بولىپ، ماڭگى دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى.
شي جينپيڭ مىنانى باسا دارىپتەدى: حالىقارالىق بەيبىتشىلىك كۇنىن اتاپ ءوتۋ قيمىلى بەلگىلەنگەننەن بەرى، ول بەيبىتشىلىك ۇستانىمىن تاراتۋعا، دۇنيە ءجۇزىنىڭ بەيبىتشىلىگىن قورعاۋعا كۇش سالاتىن، ءار جاقتىڭ حاۋىپسىزدىكتى جونگە سالۋ سەلبەستىگىن كۇشەيتەتىن، حالىقارالىق بەيبىتشىلىك كۇشتەرىن جۇمىلدىراتىن ماڭىزدى تۇعىرعا اينالدى. بۇگىنگى اتاپ ءوتۋ قيمىلى «ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، باياندى بەيبىتشىلىك ورناعان، جالپى بەتتىك حاۋىپسىز دۇنيەنى بىرگە قۇرۋدى» نەگىزگى تاقىرىپ ەتتى، بۇل حالىقارالىق بەيبىتشىلىكتى اتاپ ءوتۋ كۇنىن بەلگىلەۋدىڭ نەگىزگى ماقساتىنا باپ كەلەدى، دۇنيە جۇزىندەگى ءار ەلدىڭ جانە ءار ەل حالقىنىڭ ءتۇبىرلى مۇددەسىنە ۇيلەسەدى. مەن كوپشىلىكتىڭ كوپتىڭ پاراساتىن ساۋلەلەندىرىپ، ورتاق تانىم ۇيىستىرىپ، كۇش - قۋات توپتاپ، ادامزاتتىڭ تاعدىرلاس ورتاق تۇلعاسىن قۇرىپ، اناعۇرلىم كوركەم دۇنيە قۇرۋدى ىلگەرىلەتۋدە بەلسەندى رول اتقارۋىن ءۇمىت ەتەمىن. 2018 - جىلعى حالىقارالىق بەيبىتشىلىك كۇنىن اتاپ ءوتۋ قيمىلىنىڭ تابىستى بولۋىنا تىلەكتەسپىن.
