رايونىمىزداعى ءار ۇلت بۇقاراسى جۇڭچيۋ مەرەكەسىن قۋانىشپەن قارسى الىپ، جۇڭچيۋ مادەنيەتىن سەزىندى
جۇڭچيۋ مەرەكەسى ءالى كەلىپ جەتپەسەدە، الايدا مەرەكەلىك لەپ كۇن سايىن كۇشەيە ءتۇستى. مەيلى الەۋمەتتىك اۋماقتاردا، الدە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىندە، سونداي - اق مەكتەپتەردە، ەگىنشى - مالشىلار كەشكى مەكتەپتەرىندە بولسىن، رايونىمىزداعى ءار ۇلت بۇقاراسى بىرگە اي كۇلشە جاساۋ، جۇڭچيۋ مەرەكەسى كەزىندە كلاسسيكالىق ولەڭدەردى داۋىستاپ وقۋ سياقتى تاسىلدەردەن پايدالانىپ، جۇڭحۋا ۇلتىنىڭ وسى ءداستۇرلى مەرەكەسىن بىرگە قارسى الدى.
بىرگە اي كۇلشە جاسادى
«كوپشىلىك بەرى قاراڭدار، اي كۇلشەنى تۇيگەندە مىناعان كوڭىل بولەمىز، ياعني ۇگىلمەنى ورتاسىنا سالۋ، جيەگىن بويلاي ءتۇيۋ، قالىپقا تولتىرا نىعىزداپ سالۋ كەرەك، مىنە وسىلاي اي كۇلشەنى ادەمى جاساۋعا بولادى». 9 - ايدىڭ 20 - كۇن تاڭ سارىدە بۇراتالا قالاسى چيڭدىلي ءمالىسى دۇڭفىڭ الەۋمەتتىك اۋماعىنىڭ مادەنيەت وتاۋى دىر - دۋمانعا بولەندى، اسىلىندە بۇل ارادا اي كۇلشە پىسىرۋشى مۇعالىم الەۋمەتتىك اۋماقتاعى تۇرعىندارعا اي كۇلشە جاساۋدى قولما - قول ۇيرەتىپ جاتقان بولاتىن.
جۇڭچيۋ مەرەكەسى قارساڭىندا، دۇڭفىڭ الەۋمەتتىك اۋماعىنداعى كادرلار بۇرىنعى جىلدارداعى الەۋمەتتىك اۋماق تۇرعىندارىنا اي كۇلشە ۇسىنىپ، جۇڭچيۋ مەرەكەسىن تويلاۋ داعدىسىن وزگەرتتى، ونىڭ ورنىنا پىسىرۋ تەحنيكاسىن ۇيرەتىپ، ءار ۇلت تۇرعىندارىن تاتىمدى، ءدامدى اي كۇلشەنى بىرگە جاساپ، جۇڭچيۋ مەرەكەسىن كوڭىلدى وتكىزۋگە جۇمىلدىردى. «كورشىلەرمەن بىرگە اي كۇلشە جاساپ، ءبىر سەميانىڭ ادامدارىنداي بولعانىمىزعا ەرەكشە قۋانىپ وتىرمىن»، - دەدى الەۋمەتتىك اۋماقتىڭ تۇرعىنى رايحانگۇل.
9 - ايدىڭ 18 - كۇنى تۇستەن كەيىن، الەۋمەتتىك اۋماق تۇرعىندارى جانە جۇپ قۇراعان تۋىستار، سونداي - اق وسى وڭىرگە قاراستى جۇمىسكەرلەر ءۇرىمجى قالاسىنىڭ سايباق رايونى چاڭجىڭ شينسۇن الەۋمەتتىك اۋماعىنداعى جاڭا «ۇلتتار ىنتىماعىنىڭ بەرەكەلى شاڭىراعى» قيمىلى كەڭسەسىنە كەلدى، كوپشىلىك بىرگە وتىرىپ، تورت پىسىراتىن وقىتۋشىلاردان اي كۇلشە جاساۋدى ۇيرەندى.
«جۇپ قۇراعان تۋىستارىمەن بىرگە اي كۇلشە جاساۋ ارقىلى ارامىزداعى تۇسىنىكتى كۇشەيتۋگە ءارى جۇڭحۋا ۇلتىمىزدىڭ ءداستۇرلى مەرەكەسى جونىندەگى تانىمىمىزدى تەرەڭدەتۋگە بولادى، وتە جاقسى بولدى!»، - دەدى تۇرعىن شي جۋان جەلپىنە.
كلاسسيكالىق شىعارمالاردى بىرگە داۋىستاپ وقىدى
«تولقىندارى چۇنجياڭنىڭ تەڭىزبەنەن ۇلاسىپ، تولىقسىعان تولعان اي تولقىندارمەن سىرلاسىپ ...». 9 - ايدىڭ 19 - كۇنى كەشتە يانجي حۇيزۋ اۆتونوميالى اۋدانى چيگىشيڭ قالاشىعى حۇردۇڭ قىستاعى تۇرعىندار كوميتەتىنىڭ ەگىنشى - مالشىلار كەشكى مەكتەبى ساباقحاناسىندا تامىلجىعان مۋزيكاعا ىلەسە، قىستاق تۇرعىندارى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەسى جىڭ جيانجۇننىڭ باسشىلىعىندا، تاڭ پاتشالىعىنىڭ اقىنى جاڭ روشۇيدىڭ «چۇنجياڭنىڭ كوركەم كەشى» دەگەن ولەڭىن مانەرىنە كەلتىرە داۋىستاپ وقىدى.
قىستاق تۇرعىنى ابىلەز قۇربان بىلاي دەدى: «بۇرىندارى بالالاردىڭ بايىرعى ولەڭدەردى وقىعانىن تىڭداپ قاتتى ءسۇيىنۋشى ەدىم، قازىر قىزمەت اترەتى قىستاقتاعىلارعا ۇيرەتەتىن بولدى، ءبىز بايىرعى ولەڭدەردى ۇيرەنۋمەن بىرگە، تاعى كوپتەگەن ءارىپتى تانيتىن بولدىق، ءسوزى مەن مۋزيكاسى وتە تاماشا، قىزمەت اترەتىنىڭ كادرلارى ءتىپتى دە تاماشا».
حانزۋشا كيىم كيگەن 30 نەشە باستاۋىش مەكتەپ وقۋشىسىنىڭ كلاسسيكالىق شىعارمالاردى وقۋىنا ىلەسە، كوڭىلگە شابىت سيلاعان وتاندىق ءىلىم ساباعى، رۋحتى جەلپىندىرەتىن كلاسسيكالىق شىعارمالاردى داۋىستاپ وقۋ قيمىلى ءۇرىمجى قالالىق 78 - باستاۋىش مەكتەپتىڭ زالىندا باستالدى. 9 - ايدىڭ 20 - كۇنى تۇستەن كەيىن، اتاۋلى مەكتەپ «جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرىپ، جالىنداعان جاس وسپىرىمدەردىڭ كەلبەتىن ايگىلەۋدى» نەگىزگى تاقىرىپ ەتكەن «جۇڭچيۋدى قارسى الۋ، مەملەكەت مەرەكەسىن تويلاۋ» اتىنداعى ولەڭ وقۋ قيمىلىن وتكىزدى. وقۋشىلار ورىنداعان تاۋ سىبىزعى، كلاسسيكالىق اڭگىمە ايتۋ، اسقاباق وركەسترى، گۋجىڭ (ەجەلگى كۇي ساندىق)، جيڭجۇي (بەيجيڭ تەاترى)، تايجي سايىسكەرلىگى جانە ءبي سياقتى تارتىمدى كونسەرتتەردى كورگەن وقىتۋشىلار مەن وتاعاسىلار تولاسسىز شاپالاق سوقتى. وتاعاسى جاڭ حانىم: مەكتەپ وتاندىق ءىلىم تاربيەسى ساباعىن اشقاننان بەرى، وتاعاسىلار بالالارىنا ەس كىرە باستاعانىن، العىس ايتۋدى اناعۇرلىم ۇعىنعاندىعىن سەزىندى، - دەدى.
ىنتىماقتى تىلگە تيەك ەتىپ، ەتەنە سۇيىسپەنشىلىكتى جىرلادى
9 - ايدىڭ 19 - كۇنى جۇڭچيۋ مەرەكەسىنە بىرنەشە كۇن قالعان بولسا دا، ءۇرىمجى قالاسى شۇيموگوۋ رايونى چيفاڭ اۋماعى ۋىنچۋان سولتۇستىك الەۋمەتتىك اۋماعىنىڭ «اي كۇلشە ارقىلى سۇيىسپەنشىلىكتى جەتكىزۋ، جۇڭچيۋ مەرەكەسىن قۋانىشپەن قارسى الۋ، ۇلتتار ىنتىماعىنىڭ بەرەكەلى شاڭىراعى» جەلىلەس قيمىلى باستالدى. الەۋمەتتىك اۋماقتىڭ تۇرعىنى وتۋحان نيزاحۇن مەن تۋىسى چىن رۇڭ الەۋمەتتىك اۋماق الاڭىنا ەرتە كەلىپ، كوپشىلىكپەن بىرگە اي كۇلشە جاسادى. چىن رۇڭ قامىر يلەدى، وتۋحان نيزاحۇن ۇگىلمە ءتۇيدى، تاعى باسقا تۇرعىندار پىسىرۋشى مۇعالىمنىڭ جەتەكشىلىگىندە قالىپپەن اي كۇلشەنى نىعىزدادى، اي كۇلشە پىسىردى ... الاڭدا اۋىق - اۋىق قۋانىش كۇلكىسى كوتەرىلدى.
كوپ وتپەي اي كۇلشە پىستى. ءار ۇلت تۇرعىندارى ءبىر داستارقاندا وتىرىپ كەڭەس قۇرىپ، جۇمباق شەشىپ، ەتەنە سۇيىسپەنشىلىكتەرىن جىرلاپ، ىنتىماقتى تىلگە تيەك ەتتى. چىن رۇڭ ءبىر اي كۇلشەنى وتۋحانمەن ءبولىپ جەدى. «بۇرىندارى جۇڭچيۋ مەرەكەسىن وتكىزگەندە، اي كۇلشەنى ساتىپ الاتىنبىز. بۇگىن اي كۇلشەنى جاساۋ ءادىسىن ۇيرەندىم، تۋىستارمەن بىرگە وتىرىپ جەگەن اي كۇلشە وتە ءدامدى بولادى ەكەن»، - دەدى وتۋحان نيزاحۇن.
«وتۋحان اپەكەمەن، الەۋمەتتىك اۋماقتاعى تاعى باسقا اپەكە - سىڭلىلەرمەن بىرگە اي كۇلشە جاساۋ، اي كۇلشە جەۋ ارقىلى ارامىزداعى سۇيىسپەنشىلىكتەرىمىزدى كۇشەيتۋمەن بىرگە، مەن جۇڭچيۋ مەرەكەسىندە باس قوسۋدىڭ ءدامىن الدىن الا سەزىنگەندەي بولدىم»، - دەدى چىن رۇڭ.
(تىلشىلەرىمىز ساۋ شينليڭ، جاۋ چۇنحۋا، گاۋا، جاۋ جۇن، بايىنعولين وبلىسىنداعى تىلشىلەر پۋنكتىنەن ياڭ شياۋدۇڭ، ەرىكتى ءتىلشى لي چياڭ)
