شينجياڭنىڭ ساياحاتىن دامىتۋدى بىرگە اقىلداستى
ءتىلشىمىز ميھىرگۇل عوپۇر 9 - ايدىڭ 20 - كۇنى ۇرىمجىدەن حابارلايدى. 9 - ايدىڭ 19 - كۇنى تۇستەن كەيىن اۆتونوميالى رايوندىق حالىق ۇكىمەتى جۇڭگو ساياحات توبىمەن ساياحاتتى دامىتۋ جونىندە اڭگىمە ءماجىلىس وتكىزدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، جۇڭگو ساياحات توبىنىڭ القا باستىعى ۋان مين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايون ساياحات كاسىبىن ستراتەگيالىق تىرەكتى كاسىپ رەتىندە جوسپارلاپ، ساياحات ارقىلى شينجياڭدى گۇلدەندىرۋ ستراتەگياسىن العا قويدى ءارى اتقاردى، ءبىر قىدىرۋ ماڭىزدى شارالاردى شىعارىپ، ساياحات كاسىبىنىڭ ءارى جاقسى، ءارى تەز دامۋىن ىلگەرىلەتتى، وسىنىڭ ارقاسىندا شينجياڭنىڭ ساياحات كاسىبىنىڭ كولەمى مەن ەكونوميكاسىنىڭ جالپى مولشەرى ۇزدىكسىز زورايىپ، ساياحات كاسىبى ەكونوميكانى جوعارى ساپامەن دامىتۋدىڭ ماڭىزدى قوزعالتقىشىنا اينالدى. جۇڭگو ساياحات توبى جاڭا دامۋ ۇستانىمىن، ورتالىق كاسىپورىنداردىڭ جانە شينجياڭعا كومەكتەسۋشى 19 ولكە، قالانىڭ مەملەكەت مەنشىگىندەگى كاسىپورىندارىنىڭ شينجياڭعا كاسىپ سالاسى بويىنشا كومەكتەسۋ جونىندەگى اڭگىمە ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، شينجياڭمەن بەلسەنە ۇشتاسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرۋدەگى، تياناقتاندىرۋداعى بەرىك بەكىمى مەن شىنايى ارەكەتىن ايگىلەدى.
ماجىلىستە اۆتونوميالى رايون مەن جۇڭگو ساياحات توبى ورتاق تانىم قالىپتاستىرىپ، شينجياڭنىڭ ساياحاتىن بىرگە قاۋىرت دامىتاتىن بولدى. ۇشتاستىرۋدى جەدەلدەتىپ، سەلبەستىكتى كۇشەيتىپ، شينجياڭنىڭ ساياحات بايلىعى جاعىنداعى باسىمدىعىن سۇيەنىش ەتىپ، جۇڭگو ساياحات توبىنىڭ كاسىپ سالاسى، بازار، باسقارۋ، دارىندى سياقتى ارتىقشىلىقتارىنان پايدالانىپ، نىساندى تۇتقا، قارجىنى ءتۇيىن، دارىندىلاردى تىرەك ەتىپ، شينجياڭعا كاسىپ سالاسى بويىنشا كومەكتەسۋ، شينجياڭعا ساياحات بويىنشا كومەكتەسۋ مەحانيزمىندە جاڭالىق اشىپ، ساياحات ارقىلى شينجياڭدى گۇلدەندىرۋ ستراتەگيالىق ورنالاستىرۋىنا ساي، شينجياڭنىڭ ساياحاتىن كەڭ كولەمدە اشىپ، جاپپاي قۇرىلىس جۇرگىزىپ، قاۋىرت دامىتىپ، شينجياڭنىڭ ساياحات كاسىبىنىڭ دامۋ ساپاسىن، ورەسىن جانە دەڭگەيىن جوعارىلاتاتىن بولدى.
