تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 29 - رەتكى مەڭگەرۋشىلەر ءماجىلىسىن اشتى

  ءتىلشىمىز لياڭ ليحۋا 9 - ايدىڭ 20 - كۇنى ۇرىمجىدەن حابارلايدى. 9 - ايدىڭ 20 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ تۇراقتى كوميتەتى 29 - رەتكى مەڭگەرۋشىلەر ءماجىلىسىن اشىپ، قاتىستى تاراۋلاردىڭ اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ تۇراقتى كوميتەتتىڭ 6 - رەتكى ماجىلىسىندە ءتۇرلى كەڭەستىك تاقىرىپتاردى قاراۋ جاعدايىنان بەرگەن مالىمەتىن تىڭدادى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.

  ءماجىلىس تۇراقتى كوميتەت قۇرامىنداعىلاردىڭ «شينجياڭ ۇيعۇر اۆتونوميالى رايونىنىڭ ينفورماتسيالاندىرۋدى جەبەۋ ەرەجەسىن (وزگەرىس ەنگىزۋ جوباسىنىڭ وزگەرىس ەنگىزىلگەن نۇسقاسى)»، «شينجياڭ ۇيعۇر اۆتونوميالى رايونىنىڭ نەگىزگى زاڭعا سەرت بەرۋ ءتۇزىمىن اتقارۋ ءادىسىن (جوبانىڭ وزگەرىس ەنگىزىلگەن نۇسقاسى)»، «شينجياڭ ۇيعۇر اۆتونوميالى رايونىنىڭ اراق - شاراپ باسقارۋ ەرەجەسىن»، «<شينجياڭ ۇيعۇر اۆتونوميالى رايونىنىڭ جاراتىلىستىق قورىقتاردى باسقارۋ ەرەجەسى> سياقتىلارعا شوعىرلى وزگەرىس ەنگىزۋ جونىندەگى 7 جەرگىلىكتى زاڭ - ەرەجەنىڭ ۇسىنىسىن (جوبا)» قاراۋ جاعدايىن، «جامبۇلاق كورىنىس ءوڭىرىن قورعاۋ - باسقارۋ ەرەجەسىن»، «قارامايلى قالاسىنىڭ بوران اپاتىنان ساقتانۋ ەرەجەسىن» تەكسەرۋ جاعدايىن، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ەكولوگيالىق قورشاعان ورتانى قورعاۋدى جان - جاقتى كۇشەيتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزۋدى زاڭ بويىنشا ىلگەرىلەتۋ جونىندەگى قارارىن (جوبا)» قاراۋ جاعدايىن، اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ءىشىنارا ۋاكىلدەردىڭ ۋاكىلدىك تولىمدىلىعىن توقتاتۋ جونىندەگى باياندامانى جانە كادرلاردى مىندەتكە تاعايىنداۋ، مىندەتىنەن قالدىرۋ كەڭەس جوباسىن قاراۋ جاعدايىن تىڭداپ، جوعارىداعى كەڭەستىك ءتارتىپ (جوبا) سياقتىلاردى تۇراقتى كوميتەتتىڭ جالپى ماجىلىسىندە داۋىسقا سالۋعا ۇسىنۋدى ۇيعاردى.

  ءماجىىس تۇراقتى كوميتەت قۇرامىنداعىلاردىڭ «شينجياڭ ۇيعۇر اۆتونوميالى رايونىنىڭ پوچتا ەرەجەسىنە وزگەرىس ەنگىزىلگەن العاشقى جوباسىن (جوبا)»، «شينجياڭ ۇيعۇر اۆتونوميالى رايونىنىڭ تاس جول قۇرىلىس ينجەنەرياسىنىڭ ساپاسىن باقىلاۋ - باسقارۋ ەرەجەسىن (جوبا)»، «شينجياڭ ۇيعۇر اۆتونوميالى رايونىنىڭ اتموسفەرانىڭ لاستانۋىنان ساقتانۋ جانە ونى جونگە سالۋ ەرەجەسىن (جوبا)» قاراۋ جاعدايىن تىڭداپ، تۇراقتى كوميتەت قۇرامىنداعىلاردىڭ قاراۋ پىكىرىنە نەگىزدەلىپ، جوعارىداعى ەرەجە (جوبا) سياقتىلاردى ىشكەرىلەي تالقىلاپ، دالەلدەپ جانە وزگەرىس ەنگىزىپ، كەمەلدەندىرىپ، تۇراقتى كوميتەتتىڭ كەيىنگى ءماجىلىسىنىڭ قاراۋىنا ۇسىندى.

  ءماجىلىس تاعى تۇراقتى كوميتەت قۇرامىنداعىلاردىڭ اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ مەملەكەت مەنشىگىندەگى مال - مۇلىكتى باسقارۋ جاعدايى جونىندەگى بايانداماسىن جانە اۆتونوميالى رايوننىڭ فينانس كاسپورىندارىنىڭ مەملەكەت مەنشىگىندەگى مال - مۇلكىن باسقارۋ جاعدايى جونىندەگى بايانداماسىن، اۆتونوميالى رايوننىڭ ساياحات قىزمەتى جاعدايى جونىندەگى بايانداماسىن قاراۋ جاعدايىن، «جۇڭحۋا حالىق رەسپۋبليكاسىنىڭ اۋىل شارۋاشىلىق ونىمدەرىنىڭ ساپا حاۋىپسىزدىگى زاڭىنىڭ»، «اۆتونوميالى رايوننىڭ <اۋىل شارۋاشىلىق ونىمدەرى ساپا حاۋىپسىزدىگى زاڭىن> اتقارۋ ءادىسىنىڭ» اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوننىڭ ەمدەۋ قامسىزداندىرۋ قىزمەتى جاعدايى بايانداماسىن قاراۋ پىكىرىنىڭ تياناقتاندىرىلۋ جاعدايىن قاداعالاپ باقىلاۋ جونىندەگى تەكسەرۋ بايانداماسىن قاراۋ جاعدايىن تىڭداپ، تۇراقتى كوميتەت قۇرامىنداعىلاردىڭ قاراۋ پىكىرىن جيناپ، رەتتەپ، ءتارتىپ بويىنشا ۇكىمەتتىڭ تەكسەرىپ ءبىر جاقتى ەتۋىنە تاپسىرۋدى ۇيعاردى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ يۇڭميڭ، دۇڭ شينگۋاڭ، باداي، گۇلشات ابدىقادىر ماجىلىسكە قاتىناستى.

  اۆتونوميالى رايوننىڭ ورىنباسار ءتوراعاسى قادىلبەك قامزا ۇلى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق باقىلاۋ - تەكسەرۋ كوميتەتىنىڭ جانە اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.