تيانشان تورابى   ›   جاڭالىقتار   ›   شۋجي ەستەلىگى

گو شىڭكۇن شينجياڭدا تەكسەرۋ - زەرتتەۋ جۇرگىزدى

  شينجياڭنىڭ قوعام ورنىقتىلىعىنىڭ تاماشا جاعدايىن بەكەمدەپ، دامىتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كۇشەيتۋ كەرەك

  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن 9 - ايدىڭ 17 - كۇنىنەن 20 - كۇنىنە دەيىن شينجياڭدا تەكسەرۋ - زەرتتەۋ جۇرگىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو بىرگە تەكسەرۋ - زەرتتەۋ جۇرگىزدى. سۋرەتتى ءتىلشىمىز سۇي جىجيان تۇسىرگەن

  ءتىلشىمىز ياۋ تۇڭ 9 - ايدىڭ 20 - كۇنى ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن 9 - ايدىڭ 17 - كۇنىنەن 20 - كۇنىنە دەيىن شينجياڭدا تەكسەرۋ - زەرتتەۋ جۇرگىزگەندە مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ءار ۇلت كادرلارى مەن بۇقاراسىنىڭ ىنتىماقتاسا كۇرەس جۇرگىزۋىنە تولىق سۇيەنىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋعا قۇلشىنىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كۇشەيتۋ كەرەك. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى چىن چۋانگو بىرگە تەكسەرۋ - زەرتتەۋ جۇرگىزدى.

  گو شىڭكۇن اۆتونوميالى رايوننىڭ ورنىقتىلىقتى قورعاۋ قولباسشىلىق شتابىنا كەلىپ، ۇلكەن بازاردىڭ، كورىنىس وڭىرلەرىنىڭ قوعام اماندىق جاعدايىن بەينە - كەسكىن ارقىلى كوردى، ءبىرىنشى شەپتە مىندەت وتەپ جاتقان قىزمەتكەرلەردەن حال سۇرادى؛ قاشقاردا، حوتاندا سوت مەكەمەلەرىنە، تۇرمەلەرگە بارىپ، زورلىقتى كۇش، لاڭكەستىك دەلولارىن زاڭ بويىنشا قاراپ ءبىر جايلى ەتۋ، جازا وتەپ جاتقانداردى تاربيەلەۋ، وزگەرتۋ سياقتى جاعدايلاردى تەكسەردى. ول مىنانى اتاپ كورسەتتى: شينجياڭنىڭ قوعام ورنىقتىلىعىنىڭ تاماشا جاعدايى وڭاي - وسپاق قولعا كەلمەگەن، ونى بارىنشا قاستەرلەۋ، ۇزدىكسىز بەكەمدەۋ كەرەك. سوتسياليستىك زاڭمەن جونگە سالۋ تۋىن بيىك ۇستاپ، زورلىقتى كۇش، لاڭكەستىك ارەكەتتەرىنەن زاڭ بويىنشا ساقتانىپ جانە وعان سوققى بەرىپ، ءار ۇلت بۇقاراسىنىڭ باس اماندىعىن، مال - مۇلىك حاۋىپسىزدىگىن شىنايى قورعاۋ كەرەك. زاڭمەن جونگە سالۋ تاربيەسى، پسيحيكالىق جەتەكتەۋ، ونەرگە باۋلۋ سياقتى تاسىلدەردى ۋنيۆەرسال قولدانىپ، جازا وتەپ جاتقانداردى تاربيەلەۋ، وزگەرتۋ قىزمەتىن كۇشەيتۋدە جاڭالىق اشىپ، ولاردىڭ قاتەلىگىن تۇزەتىپ، قايتا ادام بولىپ، قوعامعا ەرتەرەك ورالىپ، قوعامعا پايدالى، زاڭعا بويسۇناتىن ازامات بولۋىنا مۇمكىندىك جاساۋعا قۇلشىنۋ كەرەك.

  گو شىڭكۇن كوشە بويلارىنداعى حالىققا قولايلى ساقشى ىستەرى پۋنكتتەرىنە جانە اۋىلداردىڭ جان - جاقتىلى جونگە سالۋ ورتالىقتارىنا بارىپ، قوعامدىق جونگە سالۋ، نەگىزگى ساتىنىڭ نەگىزدىك قىزمەتىن تەكسەردى. ول مىنانى باسا دارىپتەدى: ءتۇيىندى تومەنگە ويىستىرۋعا تاباندى بولىپ، نەگىزگى ساتىلارداعى جان - جاقتىلى جونگە سالاتىن ساياسي - زاڭ ۇيىمدارىنىڭ قۇرىلىسىن كۇشەيتىپ، ساياسي - زاڭ كادر - ساقشىلارىنىڭ كاسىپتىك قامتاماسىز ەتۋ ورەسىن جوعارىلاتىپ، ولاردى نەگىزگى ساتىعا تەرەڭ تامىر تارتۋعا، ءار ۇلت بۇقاراسىنا قىزمەت ەتۋگە ىنتالاندىرۋ كەرەك. توركوزدەنگەن قىزمەت كورسەتۋدى، باسقارۋدى ىلگەرىلەتىپ، نەگىزگى ساتىنىڭ قوعامدىق جونگە سالۋ دەڭگەيىن جوعارىلاتىپ، بۇقاراعا وزدەرىن اناعۇرلىم حاۋىپسىز، قىزمەت كورسەتۋدىڭ وزدەرىنىڭ جاندارىندا ەكەندىگىن سەزىندىرۋ كەرەك.

  تەكسەرۋ - زەرتتەۋ كەزىندە گو شىڭكۇن از ۇلت تۇرعىندارىنىڭ ۇيىنە بارىپ، ولاردىڭ قىزمەت، تۇرمىس جاعدايىن ۇعىستى ءارى بالاباقشالارعا، كيىم - كەشەك فابريكالارىنا بارىپ حالىق تۇرمىسىنىڭ جاقسارۋ جاعدايىن تەكسەردى. ول مىنانى اتاپ كورسەتتى: «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتىپ، حالىققا تيىمدىلىك جەتكىزۋ، حالىققا پايدا جەتكىزۋ، قيىنشىلىقتى شەشۋ، كومەكتەسۋ قىزمەتىن ويداعىداي ىستەپ، ءار ۇلت بۇقاراسىنىڭ «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتىپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتىپ، اناردىڭ دانىندەي شىنايى ۇيىسىپ، باقىتتى تۇرمىستان بىرگە يگىلىكتەنۋىنە مۇمكىندىك جاساۋ كەرەك. مەشىتتەردە گو شىڭكۇن ءدىني قايراتكەرلەرمەن ىشكەرىلەي پىكىر اۋىستىرىپ، ولاردى وتاندى ءسۇيۋ، ءدىندى قادىرلەۋ تاماشا ءداستۇرىن ساۋلەلەندىرىپ، دىنگە سەنەتىن بۇقارانى ءدىن قاعيدالارىن دۇرىس تۇسىنۋگە باستاپ، سانالى تۇردە «ۇشقارىلىقتى الاستاپ»، كورىكتى مەكەندى بىرگە قۇرۋعا جىگەرلەندىردى.

   ورتالىق پەن مەملەكەتتىڭ قاتىستى مينيسترلىكتەرىنىڭ، كوميتەتتەرىنىڭ باسشىلارىنان فۋ جىڭحۋا، شى جۇن، لەي دۇڭشىڭ، ليۋ يۋەجين، اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە ءوندىرىس - قۇرىلىس بيڭتۋانىنىڭ باسشىلارىنان سۇن جينلۇڭ، جۋ حايلۇن، شۇي حايرۇڭ، سارقىت اقان ۇلى، جاڭ چۇنلين، پىڭ جيارۇي، جۋ چاڭجيە، جوۋ جيانگو، لي فا - ي، جاڭ ۋىنچۋان، يان فىنشين، گو ليانشان جەكە - جەكە جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى