ءتىلشىمىز جاۋ جۇن 9 - ايدىڭ 20 - كۇنى ۇرىمجىدەن حابارلايدى. «قىستاقتىڭ جولدارى تۇگەلدەي اسفالتتاندىرىلدى، كوشەنىڭ ەكى جاعىنا دا جاسىلداندىرۋ قۇرىلعىلارى مەن مۇسىندەر ورناتىلدى، اۋەلى، تام قابىرعالارى دا جاڭادان اقتالۋمەن قويماي، نەگىزگى تاقىرىپتىق سۋرەتتەر سالىندى». 9 - ايدىڭ 20 - كۇنى بۇگىنگى ءۇرىمجى اۋدانىنىڭ شۇيشيگوۋ قالاشىعى فاڭجياجۋاڭزى قىستاعى اۋىزعا الىنعاندا، قىستاق تۇرعىنى ما شۋە - ي اۋىز جاپپاي ماقتادى. «بۇرىن فاڭجياجۋاڭزى قىستاعىنىڭ جولدارى توپىراق جول بولاتىن، كوشە بويىندا قوقىر - قوقسىقتار ءۇيىلىپ جاتاتىن، قازىر قىستاقتىڭ ورتاسى جاقسارىپ، جاڭا بەينەگە ەندى، كەلەتىن ساياحاتشىلار دا كوبەيدى، ءبىزدىڭ شارۋالار شاتتىعى ساياجايىن اشۋعا سەنىمىمىز ءتىپتى دە كۇشەيدى»، - دەدى ول. كىسىنى سۇيىندىرەرلىك وسى وزگەرىستەر ءۇرىمجى اۋدانىنىڭ شۇيشيگوۋ قالاشىعىندا اتقارعان قار - مۇز سپورتى ەرەكشەلىگىندەگى شاعىن قالاشىق قۇرىلىسىنىڭ ارقاسىندا تۋىلدى.
ۇعىسۋعا قاراعاندا، ەرەكشەلىككە يە شاعىن قالاشىق قۇرىلىسىنا مولشەرمەن جالپى 2 ميلليارد يۋان قارجى قوسىلعان، جوسپارداعى يەلەيتىن جەر كولەمى 3000 مۋ، جالپى قۇرىلىس كولەمى 400 مىڭ شارشى مەترگە جۋىق. 2017 - جىلى 7 - ايدا جۇمىس باستاپ، بيىل 8 - ايدىڭ سوڭىندا سالىنىپ بولدى.
ەرەكشەلىككە يە شاعىن قالاشىق ءۇرىمجى نانشان حالىقارالىق ساياحات وڭىرىنە ورنالاسقان، شينجياڭ مۇز ءۇستى دەنە تاربيە ورتالىعىنا جاقىن، قار - مۇز ساياحاتى (سولتۇستىك قالاشىق)، مادەنيەت، دەنە تاربيە، كۇتىمدەلۋ (وڭتۇستىك قالاشىق)، ويىن كورسەتۋ سىندى ءۇش ۇلكەن فۋنكتسيالىق اۋماقتى قامتيدى، ەرەكشە تاعامدار، ءداستۇرلى قولونەر ونىمدەرىن مانەرلەۋ، حالىقتىق سالت - سانانى سەزىنۋ جانە مادەنيەت - كوركەمونەر ويىندارىن كورسەتۋدى ءبىر تۇلعالاندىرعان، ۇلتتىق سالت - سانا سەيىل - سەرۋەنى − وسى زامانعى ساياحات فاكتورلارىن كىرىسۋ ءتۇيىنى ەتىپ، ءداستۇرلى ۇلتتىق سالت - سانانى، تاريحي - مادەنيەتتى جانە ەكولوگيالىق بايلىقتاردى يكەمدى توعىستىرعان.
سول كۇنى ءتىلشى ءۇرىمجى اۋداندىق حالىق ۇكىمەتىنىڭ قىزمەت عيماراتىنان جولعا شىعىپ، 4 اۆتوموبيل قاتار جۇرە الاتىن كەڭ ءارى تازا اسفالت جولمەن 3 كيلومەترگە جەتپەيتىن جول باسىپ، رەتتى ءارى وزىندىك ەرەكشەلىككە يە قىزىل توبەلى، سارى قابىرعالى الاسا عيماراتتار سالىنعان شۇيشيگوۋ قار - مۇز سپورتى ەرەكشەلىگىندەگى شاعىن قالاشىققا كەلىپ جەتتى، كوكوراي شالعىن، الۋان گۇلدەرمەن ارلەنگەن شاعىن قىستاقتىڭ كورىنىسى بەينە سىزعان سۋرەت سەكىلدى ەرەكشە كوز تارتادى.
ەرەكشەلىككە يە شاعىن قالاشىق قۇرۋ بارىسىندا ءۇرىمجى اۋدانى ەكولوگيالىق ورتانى قورعاۋدى ماڭداي الدى ورىنعا قويىپ، ەكولوگياسى قورعالاتىن اۋماق پەن سۋ قاينارى وڭىرلەرىنەن اۋاشا جەردى تاڭداپ، نىسانداعى ءوڭىردىڭ اعاش، شىمداۋىت سياقتى وسىمدىك جامىلعىلارىن ساقتاپ قالىپ، قورشاۋ سالۋ، سۋ سەۋىپ شاڭ - توزاڭدى باسۋ سياقتى ورتانى قورعاۋ شارالارىن قولداندى. سونىمەن بىرگە، ءۇرىمجى اۋدانى تاعى نىسانداعى وڭىردەگى حالىقتى كوشىرۋدىڭ يدەيالىق قىزمەتىن ەگجەي - تەگجەيلى، ۇقىپتى ىستەپ، نە ءبارى 10 نەشە كۇندە كوشىرۋ جۇمىسىن تولىق ورىنداپ بولدى.
تاماشا ساياحات ورتاسىن ازىرلەپ، ماڭايداعى ەگىنشى - مالشى قاۋىمىنىڭ تۇرعىن ءۇي شارت - جاعدايىن جاقسارتۋ ءۇشىن، ءۇرىمجى اۋدانى 450 ميلليون يۋان قارجى قوسىپ، ەرەكشەلىككە يە شاعىن قالاشىقتىڭ ىشىندە جانە ونىڭ توڭىرەگىندە جالپى ۇزىندىعى 24 كيلومەترلىك اسفالت جولدى جوسپارلاپ سالدى، 10 ميلليون يۋان قارجى قوسىپ، قالاشىقتىڭ توڭىرەگىنىڭ ورتاسىن جان - جاقتى جونگە سالدى.
ەگىنشى - مالشىلاردىڭ ءۇيىنىڭ ماڭايىندا جۇمىسقا ورنالاسۋىنا، شارۋاشىلىق قۇرۋىنا مۇمكىندىك جاراتۋ ءۇشىن، ءۇرىمجى اۋدانى ەرەكشەلىككە يە شاعىن قالاشىقتىڭ جۇمىسشى ىستەتۋ قاجەتىنە ساي، اۋدانداعى 7000نان استام ارتىق ەڭبەككۇشتەردىڭ جاعدايىن كۇنى بۇرىن ەگجەي - تەگجەيلى يەلەپ، سونداي - اق ولاردى توپقا ءبولىپ، جۇمىسقا ورنالاسۋ بويىنشا ونەرگە جەتىلدىرىپ، ەرەكشەلىككە يە شاعىن قالاشىقتىڭ جۇمىس باستاعاننان كەيىن كوبەيتەتىن جۇمىس ورىندارىنا الدىن الا دايىندىق جاسادى.
ۇعىسۋعا قاراعاندا، ەرەكشەلىككە يە شاعىن قالاشىق جۇمىس باستاعاننان كەيىن، ءار جىلى 20 ميلليوننان (رەت) ارتىق ساياحاتشى قابىلدايتىندىعى، تيجارات كىرىسى 250 ميلليون يۋانعا جەتەتىندىگى مەجەلەنىپ وتىر. سونىمەن بىرگە زور مولشەردەگى ساياحاتشى ەرەكشەلىككە يە شاعىن قالاشىقتىڭ اس - سۋ، جاتىن ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ سياقتى جاقتارداعى تۇتىنۋىن جەبەيدى، سول ارقىلى توڭىرەكتەگى ەگىنشى - مالشىلاردىڭ كىرىسىن ارتتىرۋعا بولادى. ەرەكشەلىككە يە شاعىن قالاشىق قۇرىلىسى شۇيشيگوۋ قالاشىنىڭ اۋىل - قىستاقتارىن گۇلدەندىرۋگە تىڭ تىنىس بەردى.
