شينحۋا اگەنتتىگىنىڭ 9 - ايدىڭ 20 - كۇنى چىڭدۋدان بەرگەن حابارى. 17 - كەزەكتى جۇڭگو باتىس بولىك حالىقارالىق كورمەسى 9 - ايدىڭ 20 - كۇنى سىچۋان ولكەسىنىڭ چىڭدۋ قالاسىندا اشىلدى. مەملەكەت ءتوراعاسى شي جينپيڭ قۇتتىقتاۋ حاتىن جولدادى.
شي جينپيڭ مىنالاردى اتاپ كورسەتتى: جۇڭگو باتىس بولىك حالىقارالىق كورمەسى − جۇڭگونىڭ سىرتقا ەسىك اشۋداعى ماڭىزى تەرەزەسى، ول جۇڭگونىڭ باتىس بولىك رايونىنىڭ «ءبىر بەلدەۋ، ءبىر جولدى» بىرگە قۇرۋعا ات سالىسۋىنا، دۇنيە جۇزىندەگى ەلدەرمەن اۋىس - كۇيىس جاساپ، سەلبەستىك ورناتۋىنا ماڭىزدى تۇعىر ازىرلەدى. جۇڭگونىڭ باتىس بولىك رايونى جەرى كەڭ، بايلىعى مول، ورايعا تولى جەر، ەرەكشە وڭىرلىك باسىمدىققا يە، تاياۋ جىلداردان بەرى، جۇڭگو باتىس بولىكتى قاۋىرت اشۋ ستراتەگياسىن اتقارۋدا قارىشتاپ دامۋعا قول جەتكىزدى. جۇڭگونىڭ باتىس بولىك رايونى «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسۋ ارقىلى وراسان زور ومىرشەڭدىك قۋاتىن ونان ارى قاۋلاتىپ، ەسىك اشۋدىڭ قۇرلىق پەن تەڭىز، ءىش پەن سىرت بىرلەسىپ ارەكەتتەنەتىن، شىعىس، باتىس قوس باعىتتا ءوزارا پايدا جەتكىزەتىن جۇلگەسىنىڭ ماڭىزدى قۇرامداس بولىگىنە اينالادى.
شي جينپيڭ مىنالاردى باسا دارىپتەدى: وسى كەزەكتى جۇڭگو باتىس بولىك حالىقارالىق كورمەسى «جۇڭگونىڭ جاڭا ءداۋىرى، باتىس بولىكتىڭ تىڭ ناتيجەسى» دەگەندى نەگىزگى تاقىرىپ ەتەدى، نازاردى «ءبىر بەلدەۋ، ءبىر جولدى» بىرگە قۇرۋعا شوعىرلاندىرادى، جۇڭگونىڭ باتىس بولىك رايونىنىڭ سىرتپەن اۋىس - كۇيىس جاساپ، سەلبەستىك ورناتۋى جونىنەن بەلسەندى ءمان الادى. مەن كورمەگە قاتىناسقان سيلى قوناقتاردىڭ جۇڭگونىڭ باتىس بولىك رايونىن ىشكەرىلەي ءتۇسىنىپ، ءوزارا دوستىقتى تەرەڭدەتىپ، سەلبەستىكتى، اۋىس - كۇيىستى كۇشەيتىپ، اشىق دامۋدىڭ جاڭا ورايىنان بىرگە يگىلىكتەنۋىن ءۇمىت ەتەمىن.
