باسشىلىقتى كۇشەيتىپ، عىلمي جولمەن ءبىر تۇتاس جوسپارلاپ، تياناقتاندىرۋدى مىقتى يگەرىپ، رەفورمانىڭ ءتۇيىنىن ءىس جۇزىندىك ماسەلەلەردى شەشۋگە اۋدارۋدى باسا دارىپتەدى
لي كىچياڭ، ۋاڭ حۋنيڭ ماجىلىسكە قاتىناستى
شينحۋا اگەنتتىگىنىڭ 9 - ايدىڭ 20 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 9 - ايدىڭ 20 - كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 4 - رەتكى ءماجىلىسىن باسقارىپ اشتى جانە ماڭىزدى ءسوز سويلەدى. ول مىنالاردى باسا دارىپتەدى: رەفورمانىڭ ماڭىزى تياناقتاندىرۋدا، قيىندىعى دا تياناقتاندىرۋدا. رەفورما ءجۇرىلىپ بۇگىنگە جەتكەندە، رەفورمانى يگەرۋدىڭ، تياناقتاندىرۋدى يگەرۋدىڭ ءتيىمدى شارتتارى اناعۇرلىم كوبەيىپ، رەفورمانىڭ يدەيالىق نەگىزى، امالياتتىق نەگىزى، تۇزىمدىك نەگىزى، حالىق تىلەگى نەگىزى اناعۇرلىم بەكەمدەلىپ كەلەدى، اناعۇرلىم مول زەيىن - زەردە جۇمساپ، اناعۇرلىم ۇلكەن كۇش - قايرات جۇمساپ تياناقتاندىرۋدى يگەرۋ، باسشىلىقتى كۇشەيتۋ، عىلمي جولمەن ءبىر تۇتاس جوسپارلاۋ، تياناقتاندىرۋدى مىقتاپ يگەرۋ، رەفورمانىڭ ءتۇيىنىن ءىس جۇزىندىك ماسەلەلەردى شەشۋگە اۋدارۋ كەرەك.
ورتالىق كوميتەت ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ ماجىلىسكە قاتىناستى.
ءماجىلىس «ساپالى دامۋدى ىلگەرىلەتۋ جونىندەگى پىكىردى»، «وڭىرلەردىڭ سايكەستى دامۋىنىڭ اناعۇرلىم ءونىمدى جاڭا مەحانيزمىن ورناتۋ جونىندەگى پىكىرلەردى»، «ەركىن ساۋدا سىناق رايونىندا رەفورمانى تەرەڭدەتۋگە، جاڭالىق اشۋعا قولداۋ كورسەتۋ جونىندەگى شارالاردى»، «جۇيەلىك ماڭىزى بار فينانس قۇرىلىمدارىن باقىلاۋ - باسقارۋدى كەمەلدەندىرۋ جونىندەگى جەتەكشى پىكىردى»، «ۆاكسينا باسقارۋ تۇزىلىسىنە رەفورما جاساۋ جانە ونى كەمەلدەندىرۋ جونىندەگى پىكىردى»، «جوبا جۇيەسىن بىرلىككە كەلتىرىپ، مەملەكەتتىڭ دامۋ جوباسىنىڭ ستراتەگيالىق جەتەكشىلىك رولىن اناعۇرلىم ويداعىداي ساۋلەلەندىرۋ جونىندەگى پىكىردى»، «ۇساق شارۋا قوجالىقتارى مەن وسى زامانعى اۋىل شارۋاشىلىعى دامۋىنىڭ ورگانيكالى ۇشتاسۋىن جەبەۋ جونىندەگى پىكىردى» قاراپ ماقۇلدادى.
ءماجىلىس مىنالاردى اتاپ كورسەتتى: ساپالى دامۋدى ىلگەرىلەتۋ − قازىرگى جانە الداعى ءبىر مەزگىلدەگى دامۋ وي جەلىسىن تۇراقتاندىرۋدىڭ، ەكونوميكالىق ساياسات بەلگىلەۋدىڭ، ماكرولىق رەتتەۋ - مەڭگەرۋدىڭ ءتۇبىرلى تالابى، تۇزىمدىك ورتانى جەدەل قالىپتاستىرىپ جانە كەمەلدەندىرىپ، ساپالى دامۋدىڭ كورسەتكىش جۇيەسىن، ساياسات جۇيەسىن، ولشەم جۇيەسىن، ساناق جۇيەسىن، ناتيجە - ونىمدىلىگىن باعالاۋ جانە قىزمەت ناتيجەسىن باعالاۋ ءادىسىن جاساۋدى سايكەستىرۋ كەرەك. جاساۋ كاسىبى، جوعارى تەحنيكالىق كاسىپتەر، قىزمەت كورسەتۋ كاسىبى جانە نەگىزدىك قۇرىلعى، الەۋمەتتىك قىزمەت كورسەتۋ سياقتى ءتۇيىندى سالالاردى ساپالى دامىتۋ ساياساتتارىن جەدەل زەرتتەپ، جاساپ، حالىق بۇقاراسىنىڭ مۇددەسىن قورعاۋدى اناعۇرلىم كورنەكتى ورىنعا قويىپ، تۇتاس تۇلعالىق ساپالى دامۋعا باستاماشىلدىق، جەتەكشىلىك ەتۋ كەرەك.
ءماجىلىس مىنالاردى باسا دارىپتەدى: وڭىرلەردىڭ سايكەستى دامۋىنىڭ اناعۇرلىم ءونىمدى جاڭا مەحانيزمىن ورناتۋدا پارتيانىڭ وڭىرلەردىڭ سايكەستى دامۋ قىزمەتىنە باسشىلىعىنا تاباندى بولىپ جانە ونى كۇشەيتىپ، جاڭا دامۋ ۇستانىمىنان جازباي، جەر - جەردىڭ سالىستىرمالى ارتىقشىلىعىن ساۋلەلەندىرۋدى جانە وڭىرلەردىڭ دامۋ ايىرماشىلىعىن ازايتۋدى تياناق، نەگىزگى الەۋمەتتىك قىزمەت وتەۋدىڭ بىركەلكىلەنۋى، نەگىزدىك قۇرىلعىلاردىڭ ىركىلىسسىزدىگىنىڭ ءبىرشاما تەڭگەرىمدى بولۋى، حالىقتىڭ نەگىزگى تۇرمىسىن قامتاماسىز ەتۋ دەڭگەيىنىڭ ۇلكەن جاقتان شامالاس بولۋى نىساناسىن جۇزەگە اسىرۋعا قۇلشىنۋدى ارقاۋ ەتىپ، رەفورما جاساۋدى، ەسىك اشۋدى تەرەڭدەتىپ، وڭىرلەر اراسىنداعى مۇددەلەر قورشاۋىن جانە ساياساتتىق قامالداردى باتىل تالقانداپ، وڭىرلەر دامۋىنىڭ ءبىر تۇتاس جوسپارلانۋى پارمەندى، باسەكەسى جۇيەلى، جاسىل، سايكەسىمدى، بىرگە يگىلىكتەنەتىن، بىرگە كەنەلەتىن جاڭا مەحانيزمىن جەدەل قالىپتاستىرۋ كەرەك.
ءماجىلىس مىنالاردى اتاپ كورسەتتى: ەركىن ساۋدا سىناق رايونىندا رەفورمانى تەرەڭدەتۋگە، جاڭالىق اشۋعا قولداۋ كورسەتۋ − پارتيا 19 - قۇرىلتايىندا ورتاعا قويىلعان ەركىن ساۋدا سىناق رايوندارىنا رەفورما جاساۋدىڭ اناعۇرلىم زور دەربەس ۇقىعىن بەرۋ تالابىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى. ەركىن ساۋدا سىناق رايونى قۇرىلىسىنىڭ دامۋ قاجەتىن ارقاۋ ەتىپ، تاماشا قارجى قوسۋ ورتاسىن قالىپتاستىرۋ، ساۋداعا قولايلىلىق جاساۋ دەڭگەيىن جوعارىلاتۋ، فينانستا جاڭالىق اشىپ، ناقتى ەكونوميكاعا قىزمەت كورسەتۋدى ىلگەرىلەتۋ، ادام كۇشى بايلىعى سالاسىندا الدىمەن ىسكە كىرىسۋدى، الدىمەن سىناپ كورۋدى ىلگەرىلەتۋ سياقتى جاقتاردا رەفورما جاساۋ ۇقىعىن كوبىرەك بەرىپ، ەسىك اشۋ سەرپىنىن ارتتىرىپ، ساياساتتىق قولداۋ كورسەتىپ، ەرەكشەلىگىن تۇراقتاندىرۋدى ايگىلەپ، ەركىن ساۋدا سىناق رايونىنىڭ ۇلگىلىك، جەتەكشىلىك رولىن اناعۇرلىم ويداعىداي ساۋلەلەندىرۋىن ىلگەرىلەتۋ كەرەك. حاۋىپسىزدىك قاتەرىنەن ساقتانۋعا جانە ونى مەڭگەرۋگە نازار اۋدارىپ، تومەنگى شەكتى باتىل، ويداعىداي ساقتاۋ كەرەك.
ءماجىلىس مىنالاردى باسا دارىپتەدى: جۇيەلىك ماڭىزى بار فينانس قۇرىلىمدارىن باقىلاۋ - باسقارۋدى كەمەلدەندىرۋ فينانستى باقىلاۋ - باسقارۋداعى ولقىلىقتاردى تولىقتىرۋدا، ءىرى كولەمدى فينانس قۇرىلىمدارىن ورنىقتى جۇمىس جۇرگىزۋگە جەتەكتەۋدە، جۇيەلىك فينانس قاتەرلەرىنەن ساقتانۋدا ماڭىزدى مانگە يە. ساياساتتىق بەتالىستى ايقىنداپ، جۇيەلىك ماڭىزى بار فينانس قۇرىلىمدارىن پارىقتاۋ، باقىلاۋ - باسقارۋ، ءبىر جاقتى ەتۋ جونىندە تۇزىمدىك ورنالاستىرۋ جاساپ، فينانستى باقىلاۋ - باسقارۋدىڭ ورتالىقتانعان ءبىر تۇتاستىعىن، سايكەسۋ - سەلبەسۋىن كۇشەيتىپ، باقىلاۋ - باسقارۋدىڭ بىرىككەن كۇشىن قالىپتاستىرىپ، فينانس جۇيەسىنىڭ ورنىقتى اينالىمىن ءونىمدى قورعاۋ كەرەك.
ءماجىلىس مىنالاردى اتاپ كورسەتتى: ۆاكسينا حالىق بۇقاراسىنىڭ ءومىرى مەن سالاماتتىعىنا سايادى، الەۋمەتتىك دەنساۋلىق ساقتاۋ حاۋىپسىزدىگى مەن مەملەكەتتىڭ حاۋىپسىزدىگىنە سايادى. ۆاكسينا باسقارۋ تۇزىلىسىنە رەفورما جاساۋدا جانە ونى كەمەلدەندىرۋدە، ءسوز جوق، تۇبىرىنەن وڭاۋ مەن ۇستىنەن وڭاۋدى قاتار يگەرىپ، تۇبىرىنەن وڭاۋعا باسا ءمان بەرىپ، پارمەندى شارالار قولدانىپ، بازارعا كىرۋ رۇقساتىن قاتايتىپ، بازار باقىلاۋ - باسقارۋدى كۇشەيتىپ، اينالىمدى، جەتكىزۋدى ساپالىلاندىرىپ، ۆاكسينا قويۋدى باسقارۋدى ارناعا ءتۇسىرىپ، باقىلاۋ - باسقارۋ ساڭلاۋلارىن باتىل بىتەپ، زاڭعا، ەرەجەگە قايشىلىق جاساعاندارعا قاتاڭ سوققى بەرىپ، ۆاكسينا ءوندىرۋ جانە قامداۋ حاۋىپسىزدىگىنە كەپىلدىك ەتۋ كەرەك. مەملەكەت مەنشىگىندەگى كاسىپورىندار مەن ءىرى، تىرەكتى كاسىپورىنداردىڭ جەتەكشىلىك رولىن ساۋلەلەندىرىپ، ۆاكسينا زەرتتەۋ - اشۋدى جانە وعان جاڭالىق ەنگىزۋدى، تەحنيكانى جاڭارتۋدى جانە ساپا باسقارۋدى كۇشەيتۋ كەرەك. قاتىستى زاڭ - ەرەجەلەردى جەدەل كەمەلدەندىرىپ، ۆاكسينالىق دارىلەر جاعىندا زاڭعا قايشىلىق جاساعانداردىڭ بەرەتىن بوداۋى تومەن، جازالاۋ سەرپىنى ءالسىز بولۋ سياقتى ەلەۋلى ماسەلەلەردى تەز ارادا شەشۋ كەرەك.
ءماجىلىس مىنالاردى باسا دارىپتەدى: مەملەكەتتىڭ دامۋ جوباسىن عىلمي جولمەن جاساۋ جانە ونى ءونىمدى اتقارۋ، الەۋمەتتىك بايلىقتىڭ جايعاستىرىلۋ بەتالىسىنا جەتەكتەشىلىك ەتۋ، بازار تۇلعالارىنىڭ ءىس - قيمىلىن ارناعا ءتۇسىرۋ مەملەكەت ستراتەگياسىنىڭ جالعاسىمدىلىعى مەن تۇراقتىلىعىن ساقتاۋعا ءتيىمدى بولىپ، ءبىر جوبانىڭ تۇبەگەيلى جاسالۋىنا كەپىلدىك ەتەدى. پارتيانىڭ باسشىلىعىن كۇشەيتىپ، ساپالى دامۋ تالابىن تياناقتاندىرىپ، ءبىر تۇتاس جوبالاۋ جۇيەسى قۇرىلىسىن جەدەل بىرلىككە كەلتىرىپ، جوبالاۋ قاتىناستارىن رەتتەپ، جوبا باسقارۋدى كۇشەيتىپ، جوبانىڭ ساپاسىن جوعارىلاتىپ، ساياساتتىڭ سايكەستىلىگىن كۇشەيتىپ، اتقارۋ مەحانيزمىن كەمەلدەندىرىپ، ءتۇزىمى كەمەلدى، عىلمي، ارناعا تۇسكەن، اينالىمى ءونىمدى جوبا ءتۇزىلىسىن جەدەل ورناتىپ، دامۋ جوباسىن قازىنا، فينانس سياقتىلارمەن سايكەستىرۋ، ت.ب ساياساتتىق سايكەستىرۋ مەحانيزمىن ورناتىپ، مەملەكەتتىڭ دامۋ جوباسىنىڭ ستراتەگيالىق جەتەكشىلىك رولىن اناعۇرلىم ويداعىداي ساۋلەلەندىرۋ كەرەك.
ءماجىلىس مىنالاردى اتاپ كورسەتتى: ۇساق شارۋا قوجالىقتارى مەن وسى زامانعى اۋىل شارۋاشىلىعى دامۋىنىڭ ورگانيكالى ۇشتاسۋىن جەبەۋ، اۋىل - قىستاقتىڭ نەگىزگى شارۋاشىلىق ءتۇزىمىن بەكەمدەۋدە، كەمەلدەندىرۋدە، اۋىل - قىستاقتى گۇلدەندىرۋ ستراتەگياسىن اتقارۋدا، پارتيانىڭ بيلىك جۇرگىزۋ نەگىزىن بەكەمدەۋدە كەلەلى ماڭىز الادى. ۇساق شارۋا قوجالىقتارىنىڭ وتباسىلىق شارۋاشىلىق جۇرگىزۋىن نەگىز ەتۋ مەن كوپ فورماداعى، لايىقتى كولەمدەگى شارۋاشىلىق جۇرگىزۋدى جەتەكشى ەتۋدى ءوزارا سايكەستىرۋگە تاباندى بولىپ، ۇساق شارۋا قوجالىقتارىنا قىزمەت كورسەتۋ، ۇساق شارۋا قوجالىقتارىنىڭ ورەسىن ءوسىرۋ، ۇساق شارۋا قوجالىقتارىن بايىتۋ تالابى بويىنشا ۇساق شارۋا قوجالىقتارىنىڭ دامۋىن سۇيەمەلدەيتىن ساياساتتىق جۇيەنى جەدەل ورناتىپ، اۋىل شارۋاشىلىعىنا قوعامدانعان قىزمەت كورسەتۋدى كۇشەيتىپ، ۇساق شارۋا قوجالىقتارىنىڭ ءوندىرىس، شارۋاشىلىق جۇرگىزۋ قابىلەتىن ءوسىرىپ، ۇساق شارۋا قوجالىقتارىنىڭ ۇيىمداسۋ دەڭگەيىن جوعارىلاتىپ، ۇساق شارۋا قوجالىقتارىنىڭ ءوندىرىس قۇرىلعىلارى مەن شارت - جاعدايلارىن جاقسارتىپ، ۇساق شارۋا قوجالىقتارىنىڭ كىرىستى ارتتىرۋ ءورىسىن كەڭەيتىپ، ءداستۇرلى ۇساق شارۋا قوجالىقتارىنىڭ وسى زامانعى ۇساق شارۋا قوجالىقتارىنا اينالۋىن جەبەپ، ۇساق شارۋا قوجالىقتارىن وسى زامانعى اۋىل شارۋاشىلىعىن دامىتۋعا بەلسەنە ات سالىسۋشىلارعا جانە ونان تىكەلەي يگىلىكتەنۋشىلەرگە اينالدىرۋ كەرەك.
ءماجىلىس مىنالاردى باسا دارىپتەدى: پارتيانىڭ رەفورما قىزمەتىنە باسشىلىعىن كۇشەيتۋدى ىستەردى كەڭەسۋدە، شەشىم قابىلداۋدا ايگىلەپ قانا قويماي، تياناقتاندىرۋدى يگەرۋ، ناتيجەگە جەتۋ جاعىندا دا ايگىلەۋ كەرەك. جەر - جەر، تاراۋلار، اسىرەسە، ءبىرىنشى باسشى جاۋاپكەرلىكتى باتىل ارقالايتىن باتىلدىق كورسەتىپ جانە بەكىمگە كەلىپ، رەفورما نەعۇرلىم قيىن بولعان سايىن، وعان سولعۇرلىم تايسالماي شىنداپ كىرىسىپ، سوڭىنا دەيىن يگەرۋ كەرەك. بۇقارانىڭ اڭىسى كۇشتى، كورنەكتى ماسەلەلەردى، ءسوز جوق، باتىل تۇزەتۋ، تاباندا تۇزەتۋ كەرەك. ستراتەگيالىق جالپى جاعدايعا ساياتىن، ۇزاق بولاشاقتىق دامۋعا ساياتىن، حالىقتىڭ باقىتىنا ساياتىن ماڭىزدى ماسەلەلەردى عىلمي جولمەن ءبىر تۇتاس جوسپار جاساپ، الدىمەن شەشۋ كەرەك. ءىس جۇزىندىكپەن بىرلەستىرۋ، جالپى جاعدايدىڭ ماڭىزدى ءتۇيىنىن يگەرۋمەن بىرگە، ءىشىنارا جاعدايدىڭ ماڭىزدى ءتۇيىنىن دە يگەرىپ، جالپى جاعداي مەن ءىشىنارا جاعدايدى ءبىر تۇتاس يگەرۋگە كەپىلدىك ەتۋ كەرەك. حالىق بۇقاراسىنىڭ تابىس سەزىمىن كۇشەيتۋگە ءتيىمدى رەفورمالاردى اناعۇرلىم ماڭىزدى ورىنعا قويا وتىرىپ مىقتى ۇستاپ، تابىس ءبولىسى، وقۋ - اعارتۋ، جۇمىسقا ورنالاستىرۋ، قوعامدىق قامتاماسىز ەتۋ، ەمدەۋ، تۇرعىن ءۇي، قورشاعان ورتانى جونگە سالۋ، زەينەتكەرلىك، ازىق - تۇلىك، ءدارى - دارمەك حاۋىپسىزدىگى سياقتى ماسەلەلەر جونىندە بۇقارانىڭ ناقتى قاجەتىمەن بىرلەستىرىپ، باعىتتامالى تۇردە ءبىر توپ رەفورما شارالارىن ورتاعا قويۋ كەرەك. شىنايى ىسكەرلىككە تالپىنىپ، جالعاندىقتى تيۋعا كۇش سالىپ، اناعۇرلىم كوپ زەيىن - زەردەنى ءىس جۇزىندىك ماسەلەلەردى شەشۋگە شوعىرلاندىرىپ، جىنتىكتەي سارالاپ، ماسەلە تۋرالى تەرەڭدەي، ەگجەي - تەگجەيلى، جەتە ويلانىپ، قانداي ماسەلە بولسا، سونداي ماسەلەنى شەشۋ، كىمنىڭ ماسەلەسى بولسا، سونىڭ شەشۋىنە جۇكتەۋ كەرەك. جەر - جەر، تاراۋلار پارتيا ورتالىق كوميتەتىنىڭ رەفورما جونىندەگى شەشىمدەرى مەن ورنالاستىرۋلارىن دايەكتىلەندىرۋدى، تياناقتاندىرۋدى ساياسي مىندەت ەتىپ، رەفورمانىڭ تىڭعىلىقتى ىلگەرىلەۋىنە قاتاڭ تارتىپپەن كەپىلدىك ەتۋ كەرەك.
ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىقتىڭ جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
