تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

پارتيانىڭ قامقورلىعىن ماڭگى ۇمىتپايمىن

بۇراتالا قالاسى شويىڭپان قالاشىعى دوربارتوقا قىستاعىنان

جاڭىلقان قۋانىش قىزى

  مەنىڭ اكە - شەشەم قاراپايىم قىستاق تۇرعىنى، ولار مال باققان، ەگىن سالعان، اسحانا اشقان، جۇمىسشى بولعان ... اكە - شەشەم اپەكەم ەكەۋىمىزدى وقىتقاندا، ءبىزدىڭ وقۋدى وزات وقىپ، ەرجەتكەندە مەملەكەتكە، قوعامعا جارامدى ادام بولۋىمىزدى ارمانداعان بولاتىن.

  2012 - جىلى ومىرىمدەگى تۇڭعىش بيىگىمە شىقتىم، قارامايلى قالالىق 10 - ورتا مەكتەپتىڭ شينجياڭ رايونى ىشىندەگى ورتالاۋ كلاسىنىڭ شاقىرتۋىن تاپسىرىپ الدىم، باسىمنىڭ دىمى كەپپەگەن مەن وسىدان باستاپ ۇيدەن ۇزاپ كەتە بەردىم. 3 جىل ىشىندە كوپ نارسە ۇيرەندىم، مەكتەپتىڭ ءبىزدى باستاپ كونە قارامايلىنىڭ، جيۋلۇڭتاننىڭ كورىنىسىن تاماشالاتقانى؛ بولىمشە مەكتەپ باستىعىنىڭ مەنىڭ ورنىقتى، سابىرلى مىنەز قالىپتاستىرۋىم ءۇشىن، ماعان 3 جىل بويى گازەتتەردى ءبولىپ تاراتۋ قىزمەتىن ىستەتكەنى؛ شيە يان مۇعالىمنىڭ مەكتەپ ءبىتىرىپ قوشتاساردا، سي رەتىندە ۇيعۇردىڭ حالىق ءانىن ايتىپ بەرگەنى كۇنى بۇگىنگە دەيىن ەسىمدە

  ...

  2015 - جىلى ومىرىمدەگى ەكىنشى بيىككە كوتەرىلدىم، شاڭحايعا كەلىپ ىشكى ولكەدەگى شينجياڭ تولىق ورتا كلاسىنا وقۋعا ءتۇستىم. ىشكى ولكەدەگى شينجياڭ تولىق ورتا كلاسىندا وقىعان كەزىمدەگى كوپتەگەن ىستەردى ۇمىتا المايمىن: مىسالى، ءار كەزەكتى قابىلدانعان وقۋشىلاردىڭ اتىن اتاي الاتىن ليۋ مەكتەپ باستىعى مەن جي اكە؛ ۇلكەندى - كىشىلى ىستەردىڭ بارىنە باس قاتىراتىن ياۋ مۇعالىم ... مۇنان سىرت، مەكتەپتىڭ ازىرلەگەن جەكەلىك تولىسۋدى جەبەۋ ورتاسىنا دا بەلسەنە ات سالىسىپ، بەلگىلى ناتيجەگە قول جەتكىزدىم.

  بيىل شينجياڭ رايونى ىشىندەگى ورتالاۋ مەكتەپ كلاسىنداعى ىشكى ولكەدەگى شينجياڭ ورتا مەكتەپ كلاسىنداعى 7 جىلدىق تۇرمىسىمدى تامامدادىم. بۇل بارىستا مەن پارتيانىڭ نۇر - شۇعىلاسىنا شومىلىپ، ساۋ - سالامات، تولىسىپ ەرجەتتىم. «سۋ ىشكەندە، قۇدىق قازۋشىنى ۇمىتپا» دەگەن. پارتيانىڭ وقۋ - اعارتۋدا حالىققا تيىمدىلىك جەتكىزۋ ساياساتتارى مەن جاراسىمدى، ورنىقتى قوعامدىق ورتا مەنىڭ اناعۇرلىم كەڭ ورىستە تاماشا تاربيە قابىلداۋىما جاعداي جاسادى، پارتياعا دەگەن العىستى سەزىم باستان - اياق جۇرەگىمدە مازداپ جاتىر. بىرنەشە جىلدىق ءبىلىم قۋعان ومىرىمدە، مەن ءبىلىم يگەرىپ قانا قالماستان، ءار ۇلت وقىتۋشى - وقۋشىلارىنىڭ شىنايى سۇيىسپەنشىلىگىنە بولەنىپ، وتانىمىز ۇلى شاڭىراعىنىڭ مەيىرىن سەزىندىم، ۇلتتار ىنتىماعىن كۇشەيتۋ جونىندەگى تانىمىم اناعۇرلىم ارتتى. مەن ءوز باسىمنان باستاپ ىستەپ، «ءۇشتىڭ ءبىر - بىرىنەن ايرىلا الماۋى يدەياسىن» بەرىك ورناتىپ، ۇلتتار ىنتىماعىن كوز قاراشىعىمدى قورعاعانداي قورعاپ، قوعام ورنىقتىلىعىن ومىرىمدەي قاستەرلەيمىن، ءوزىمنىڭ ءىس جۇزىندىك ارەكەتىم ارقىلى ونەگە كورسەتىپ، قاسىمداعى ادامدارعا يگى ىقپال جاساپ، ۇلتتار ىنتىماعىن قورعاۋدىڭ اتويشىسى بولامىن، مەكەنىمىزدىڭ قوعام ورنىقتىلىعى مەن باياندى تىنىشتىعىن قورعاۋعا ءوز ۇلەسىمدى قوسامىن. قىراعىلىعىمدى ارتتىرىپ، ءدىني ۇشقارى يدەيانىڭ سىنالاپ كىرۋىن باتىل تەجەيمىن، «ءۇش ءتۇرلى كۇشكە»، «ەكىبەتكەيلەرگە» باتىل قارسى تۇرىپ، وي - سانامدى قاي - قاشان دا سەرگەك ۇستاپ، يدەيالىق قىراعىلىعىمدى ارتتىرىپ، ساياسي تۇرعىسى بەرىك جاس بولامىن، «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەسىپ، جاۋ ەلەمەنتتەردى كوشەدەن قاشقان تىشقاندى ۇر - ۇردىڭ استىنا العان كۇيگە ءتۇسىرىپ، ولارعا بارار جەر، باسار تاۋ قالدىرمايمىن. سونىمەن بىرگە، جاۋاپكەرشىلىكتىڭ اۋىر مىندەتىن جۇرەكتىلىكپەن ارقالاپ، وزىق عىلمي بىلىمدەرمەن ءوزىمدى قارۋلاندىرىپ، كوركەيۋ جولىندا قۇلشىنىپ، قابىلەتىمدى ءوسىرىپ، مەكەنىمىزدى گۇلدەندىرىپ، مەكەنىمىزگە قىزمەت ەتىپ، وتانىمىزدىڭ ءۇمىتىن اقتايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.