شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. 9 - ايدىڭ 23 - كۇنى كۇن مەن ءتۇننىڭ كۇزگى تەڭەلۋ كۇنى، ەلىمىز تۇڭعىش كەزەكتى جۇڭگو شارۋالار مول ءونىم مەرەكەسىن قارسى الدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلىمىزدەگى 100 ميلليونداعان شارۋاعا مەرەكەلىك سالەم جانە ىزگى تىلەك جولدادى.
شي جينپيڭ بىلاي دەپ اتاپ كورسەتتى: جۇڭگو شارۋالار مول ءونىم مەرەكەسىن بەلگىلەۋدى پارتيا ورتالىق كوميتەتى اقىلداسىپ تۇراقتاندىردى، بۇل اۋىل شارۋاشىلىعى، اۋىل - قىستاق، شارۋالار قىزمەتىنىڭ اسا ماڭىزدى نەگىزدىك ورنىن اناعۇرلىم ايگىلەيدى، ىقپالى زور كەلەلى ءىس. كۇن مەن ءتۇننىڭ كۇزگى تەڭەلۋى كەزىندە بۇكىل ەلىمىزدىڭ جەر - جەرى استىقتان مول ءونىم الىپ، جەمىس - جيدەكتىڭ حوش ءيىسى اڭقىپ، قالىڭ شارۋا ىرىستى جىلدى بىرگە تويلاپ، قۋانىشتارىن ءبولىسىپ جاتاتىندىقتان، جۇڭگو شارۋالار مول ءونىم مەرەكەسىن وتكىزۋدىڭ ءدال ۋاقىتى سانالادى.
شي جينپيڭ مىنانى باسا دارىپتەدى: ەلىمىز اۋىل شارۋاشىلىعىنداعى ءىرى ەل. اۋىل شارۋاشىلىعىنا ءمان بەرىپ، نەگىزدى بەكەمدەۋ − حالىقتى الاڭسىز ەتۋدىڭ ارقاۋى، مەملەكەتتى جونگە سالۋدىڭ ءتۇيىنى. شارۋالار ەلىمىزدىڭ توڭكەرىس، قۇرىلىس، رەفورما سياقتى ءاربىر تاريحي كەزەڭىندە تۇگەلدەي ماڭىزدى ۇلەستەر قوستى. بيىل اۋىل - قىستاق رەفورماسىنىڭ 40 جىلدىعى، 40 جىلدان بەرى ەلىمىز اۋىل شارۋاشىلىعىن، اۋىل - قىستاقتاردى دامىتۋدا تاريحي تابىستارعا قول جەتكىزىپ، تاريحي وزگەرىستەردى جارىققا شىعاردى. قالىڭ شارۋانىڭ جانە قوعامداعى ءار سالانىڭ جۇڭگو شارۋالار مول ءونىم مەرەكەسى قيمىلىنا بەلسەنە قاتىناسىپ، بۇكىل قوعام اۋىل شارۋاشىلىعىنا ءمان بەرەتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن جاقسى ورتا قالىپتاستىرىپ، 100 ميلليونداعان شارۋانىڭ اۋىل شارۋاشىلىعىنا ءمان بەرۋ، اۋىل شارۋاشىلىعىمەن شۇعىلدانۋ بەلسەندىلىگىنە، ىرىقتىلىعىنا، جاسامپازدىعىنا دەم بەرىپ، اۋىل - قىستاقتى گۇلدەندىرۋ ستراتەگياسىن جاپپاي اتقارىپ، كەدەيلىكتەن قۇتىلدىرۋدان قامال الۋ شايقاسىن جەڭىستى جۇرگىزىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، اۋىل - قىستاقتاردى جاپپاي گۇلدەندىرۋدى جەبەۋدىڭ، «قوس 100 جىلدىق» كۇرەس نىساناسىن ىسكە اسىرۋدىڭ تىڭ جورىعىندا ەلىمىزدىڭ اۋىل شارۋاشىلىق، اۋىل - قىستاق رەفورماسىن دامىتۋدىڭ شىت جاڭا تارتىمدى جىرىن جازۋلارىن ءۇمىت ەتەمىن!
