شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 9 - ايدىڭ 21 - كۇنى تۇستەن كەيىن اۋىل - قىستاقتى گۇلدەندىرۋ ستراتەگياسىن اتقارۋ جونىندە 8 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعان كەزدە مىنالاردى باسا دارىپتەدى: اۋىل - قىستاقتى گۇلدەندىرۋ ستراتەگياسىن اتقارۋ − پارتيانىڭ 19 - قۇرىلتايى ورتاعا قويعان ماڭىزدى ستراتەگيالاردىڭ ءبىرى، جاپپاي سوتسياليستىك وسىزاماندانعان مەملەكەت قۇرۋعا ساياتىن جالپى جاعدايلىق، تاريحي سيپات الاتىن مىندەت، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى. ءبىز وسى كەلەلى ستراتەگيا تۋرالى تۇسىنىكتى تەرەڭدەتىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى قاشاندا بۇكىل پارتيا قىزمەتىندەگى ەڭ ماڭىزدى ورىنعا قويىپ، وي جەلىسىن ايقىنداپ، تانىمدى تەرەڭدەتىپ، قىزمەتتى شىنايى، ويداعىداي ىستەپ، اۋىل شارۋاشىلىعىنىڭ جاپپاي جوعارىلاۋىن، اۋىل - قىستاقتىڭ جاپپاي العا باسۋىن، شارۋالاردىڭ جاپپاي دامۋىن جەبەۋىمىز كەرەك.
ۇيرەنۋ باستالعان كەزدە، اۋىل - قىستاقتى گۇلدەندىرۋ ستراتەگياسى جونىندە ارناۋلى فيلم قويىلدى. سوڭىنان، حان چاڭفۋ، ليۋ يۇڭفۋ جولداس ىركەس - تىركەس ءسوز كەزەگىن الدى، ولار ءوز تاراۋلارىنىڭ قىزمەت ءىس جۇزىندىگىمەن بىرلەستىرىپ، اۋىل - قىستاقتى گۇلدەندىرۋ ستراتەگياسى جونىندەگى اسەرلەرى مەن پىكىرلەرىن باياندادى.
جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسىنداعى جولداستار ولاردىڭ ءسوزىن مۇقيات تىڭدادى، سونىمەن بىرگە قاتىستى ماسەلەلەر جونىندە تالقى جۇرگىزدى.
شي جينپيڭ ۇيرەنۋدى باسقارعان كەزدە ءسوز سويلەدى. ول مىنالاردى باسا دارىپتەدى: اۋىل شارۋاشىلىعى، اۋىل - قىستاق وسىزاماندانباسا تۇتاس مەملەكەت وسىزاماندانبايدى. وسىزامانداندىرۋ ۇردىسىندە، جۇمىسشى مەن شارۋانىڭ قاتىناسىن، قالا مەن اۋىلدىڭ قاتىناسىن قالاي ويداعىداي ءبىر جاقتى ەتۋ بەلگىلى دەڭگەيدە وسىزامانداندىرۋدىڭ ءساتتى - ءساتسىز بولۋىن بەلگىلەيدى. جۇڭگو كوممۋنيستىك پارتياسىنىڭ باسشىلىعىنداعى سوتسياليستىك مەملەكەت رەتىندە، ەلىمىزدە جۇمىسشى مەن شارۋانىڭ، قالا مەن اۋىلدىڭ قاتىناسىن ويداعىداي شەشەتىن، ەلىمىزدىڭ سوتسياليستىك وسىزامانداندىرۋ ءۇردىسىن ءساتتى ىلگەرىلەتە الاتىن قابىلەت تە، شارت - جاعداي دا بولۋعا ءتيىس. رەفورما جاساپ، ەسىك اشقاننان بەرى، ەلىمىزدەگى قالىڭ شارۋا ونەركاسىپتەندىرۋدى، قالا - قالاشىقتانۋدى ىلگەرىلەتۋ ءۇشىن وراسان زور ۇلەس قوستى. اۋىل شارۋاشىلىعىنىڭ دامۋى مەن اۋىل - قىستاق قۇرىلىسىندا ايتارلىقتاي ناتيجەگە قول جەتىپ، ەلىمىزدىڭ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن بەرىك نەگىز قالاندى. ەلىمىزدە ءبىر ميلليارد 300 ميلليوننان استام حالىق بار، ونەركاسىپتەندىرۋ، قالا - قالاشىقتاندىرۋ ءۇردىسى قانداي دەڭگەيگە جەتسە دە قالا مەن اۋىل ۇزاق ۋاقىت قاتار ءومىر سۇرەدى. 40 جىلدىڭ الدىندا، ءبىز اۋىل - قىستاق رەفورماسى ارقىلى رەفورما جاساپ، ەسىك اشۋدىڭ شىمىلدىعىن اشتىق. 40 جىلدان كەيىنگى بۇگىنگى كۇنى ءبىز اۋىل - قىستاقتى گۇلدەندىرۋ ارقىلى قالا مەن اۋىلدىڭ توعىسپالى دامۋىنىڭ جانە وسىزامانداندىرۋ قۇرىلىسىنىڭ جاڭا جاعدايىن اشۋعا ءتيىسپىز.
شي جينپيڭ مىنالاردى اتاپ كورسەتتى: اۋىل شارۋاشىلىعىن، اۋىل - قىستاقتى وسىزامانداندىرۋ − اۋىل - قىستاقتى گۇلدەندىرۋ ستراتەگياسىن اتقارۋدىڭ باس نىساناسى، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولۋ − باس باعىت، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، جونگە سالۋى ۇتىمدى، تۇرمىسى باي بولۋ − جالپى تالاپ، قالا مەن اۋىلدىڭ توعىسپالى دامۋ ءتۇزىلىسى مەن مەحانيزمىن جانە ساياساتتىق جۇيەسىن ورناتۋ، كەمەلدەندىرۋ − تۇزىمدىك كەپىل. اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعالاندىرىپ جوسپارلاۋعا، بىرگە ىلگەرىلەتۋگە تاباندى بولىپ، اۋىل شارۋاشىلىعىنداعى ءىرى ەلدەن اۋىل شارۋاشىلىعىنداعى قۋاتتى ەلگە اينالۋدى جۇزەگە اسىرۋ كەرەك. قارجى ۇسىنىلىمى، فاكتورلاردى جايعاستىرۋ، الەۋمەتتىك قىزمەت وتەۋ، كادر دايىنداۋ سياقتى جاقتاردا پارمەندى شارالار قولدانىپ، اۋىل شارۋاشىلىعىنىڭ، اۋىل - قىستاقتىڭ دامۋىنداعى ولقىلىقتاردى جەدەل تولىقتاپ، قالا مەن اۋىلدىڭ ايىرماشىلىعىن ۇزدىكسىز ازايتىپ، اۋىل شارۋاشىلىعىن بولاشاعى بار سالاعا، شارۋا بولۋدى باۋراۋ قۋاتى بار كاسىپكە، اۋىل - قىستاقتى شات - شادىمان ءومىر كەشەتىن مەكەنگە اينالدىرۋ كەرەك. اۋىل شارۋاشىلىعى، اۋىل - قىستاق ەكونوميكاسىنىڭ بازار سۇرانىسىنا ۇيلەسۋىن، ىلگەرىلەتىپ ساپالىلانۋىن، جوعارىلاۋىن جەدەلدەتىپ، كاسىپ سالاسىنىڭ توعىسۋىن جەبەپ، اۋىل - قىستاق ەكولوگيالىق وركەنيەت قۇرىلىسىن ىلگەرىلەتىپ، كورىكتى اۋىل - قىستاق قۇرىپ، سوتسياليستىك وزەكتى قۇن كوزقاراسىن ساۋلەلەندىرىپ، اۋىل - قىستاق تاڭداۋلى ءداستۇرلى مادەنيەتىن قورعاپ جانە جالعاستىرىپ، اۋىل - قىستاقتىڭ الەۋمەتتىك مادەنيەت قۇرىلىسىن كۇشەيتىپ، اۋىل - قىستاقتىڭ قوعامدىق وركەنيەت دەڭگەيىن جوعارىلاتىپ، اۋىل - قىستاقتى جونگە سالۋ قابىلەتى مەن ورەسىنىڭ وسىزاماندانۋىن ىلگەرىلەتىپ، اۋىل - قىستاقتىڭ ومىرشەڭدىككە تولى ءارى جاراسىمدى، ءتارتىپتى بولۋىنا مۇمكىندىك جاساپ، قالىڭ شارۋا بۇقاراسىنىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرۋ كەرەك.
شي جينپيڭ مىنالاردى باسا دارىپتەدى: اۋىل - قىستاقتى گۇلدەندىرۋ ستراتەگياسىن اتقارۋدا، ەڭ الدىمەن، زاڭدىلىق بويىنشا جۇمىس ىستەۋ كەرەك. ءبىر ميلليارد 300 ميلليوننان استام حالقى بار ءبىز سياقتى ءىرى مەملەكەتتە اۋىل - قىستاقتىڭ گۇلدەنۋىن جۇزەگە اسىرۋ بۇرىن - سوڭدى بولماعان ۇلى جاسامپازدىق، دايىن، كوشىرە سالاتىن تاجىريبە دە جوق. شارۋالار سەلبەستىك كووپەراتيۆى مەن وتباسىلىق ەگىس الاڭى سىندى اۋىل شارۋاشىلىعىنىڭ ەكى ءتۇرلى شارۋاشىلىق جۇرگىزۋ تۇلعالارىنىڭ دامۋىن كورنەكتىلەندىرە جاقسى يگەرىپ، قوس قاباتتى شارۋاشىلىق جۇرگىزۋ تۇزىلىسىنە جاڭاشا ءمان ەنگىزىپ، اۋىل شارۋاشىلىعىنىڭ شارۋاشىلىق جۇرگىزۋ ونىمدىلىگىن ۇزدىكسىز جوعارىلاتۋ كەرەك. ەلىمىزدىڭ تاريحى ۇزاق، دارقان دا شۇرايلى ەگىنشىلىك وركەنيەتى جۇڭحۋانىڭ تاڭداۋلى ءداستۇرلى مادەنيەتىنىڭ تامىرى، ءوزىن - ءوزى باسقارۋمەن جانە زاڭمەن جونگە سالۋمەن بىرگە، مورالمەن جونگە سالۋدىڭ رولىن ويداعىداي ساۋلەلەندىرۋگە ءمان بەرىپ، جول - جوسىندى ەل، تاڭداۋلى ءداستۇرلى مادەنيەت جانە زاڭمەن جونگە سالىناتىن قوعام قۇرىلىسىنىڭ ءبىرىن - ءبىرى تولىقتاۋىن، ءبىر - بىرىنە سايكەسۋىن ىلگەرىلەتۋ كەرەك. قالا مەن اۋىلدىڭ توعىسپالى دامۋ جولىمەن ءجۇرىپ، رەفورمادان دەمەۋشى كۇش الىپ، قالا مەن اۋىلدىڭ توعىسپالى دامۋ ءتۇزىلىسى مەن مەحانيزمى جانە ساياسات جۇيەسىن جەدەل ورناتىپ، كەمەلدەندىرىپ، كوپ نەگىزدى ۇسىنىلىممەن قامتاماسىزداندىرۋ مەحانيزمىن كەمەلدەندىرىپ، اۋىل شارۋاشىلىعىنىڭ، اۋىل - قىستاقتىڭ نەگىزدىك قۇرىلعى قۇرىلىسىنا ۇسىنىلىمدى ارتتىرىپ، قالا، اۋىل نەگىزدىك قۇرىلعىلارىنىڭ ءوزارا بايلانىسۋىن، ۇلاسۋىن جەدەلدەتىپ، دارىندى، جەر، كاپيتال سياقتى فاكتورلاردىڭ قالا مەن اۋىل اراسىندا قوس باعىتتا جىلجۋىن ىلگەرىلەتۋ كەرەك. قالا مەن اۋىلدا نەگىزگى الەۋمەتتىك قىزمەت وتەۋ بىركەلكى بولاتىن ءتۇزىلىس - مەحانيزم ورناتىپ، كەمەلدەندىرىپ، الەۋمەتتىك قىزمەت وتەۋدىڭ اۋىل - قىستاققا قاراي كەڭەيۋىن، قوعامدىق ىستەردىڭ اۋىل - قىستاقتى قامتۋىن ىلگەرىلەتۋ كەرەك. كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ − اۋىل - قىستاقتى گۇلدەندىرۋ ستراتەگياسىن اتقارۋدا الدىمەن ورىندالاتىن مىندەت. كەدەي قىستاقتار مەن كەدەي قىستاقتار تۇرعان اۋدان، اۋىلداردىڭ كەزەكتەگى قىزمەت ءتۇيىنى كەدەيلىكتەن قۇتىلدىرۋدان قامال الۋ بولىپ تابىلادى، نىسانانى وزگەرتپەۋ، كوزدەۋ ءتۇيىنىن وزگەرتپەۋ، ارنانى وزگەرتپەۋ كەرەك.
شي جينپيڭ مىنالاردى اتاپ كورسەتتى: اۋىل - قىستاقتى گۇلدەندىرۋ ستراتەگياسىن اتقارۋدا ءار دارەجەلى پارتكومدار مەن پارتيا ۇيىمدارى، ءسوز جوق، باسشىلىقتى كۇشەيتىپ، بۇكىل پارتيادا جوعارىدان تومەنگە دەيىن قوعامنىڭ ءار سالاسىنان قۇدىرەتتى كۇش توپتاۋ كەرەك. اۋىل - قىستاقتى گۇلدەندىرۋ ستراتەگياسىنىڭ ساياسي باعدارىن ويداعىداي يگەرىپ، اۋىل - قىستاق جەرىنىڭ كوللەكتيۆ مەنشىگىندە بولۋ سيپاتىنا تاباندى بولىپ، جاڭاشا كوللەكتيۆ شارۋاشىلىقتاردى دامىتىپ، بىرگە بايۋ جولىمەن ءجۇرۋ كەرەك. اۋىل - قىستاقتاردا پارتيا ۇيىمدارىنىڭ رولىن تولىق، ويداعىداي ساۋلەلەندىرىپ، اۋىل - قىستاق پارتيا ۇيىمدارىن ويداعىداي قۇرىپ، باسشىلىق القا قۇرىلىسىن كۇشەيتۋ كەرەك. دارىندىلاردى وركەندەتۋ − اۋىل - قىستاقتى گۇلدەندىرۋدىڭ نەگىزى، اۋىل - قىستاق دارىندىلار قىزمەتىنىڭ ءتۇزىلىس - مەحانيزمىندە جاڭالىق اشىپ، اۋىل - قىستاقتاعى قازىر بار دارىندىلاردىڭ ومىرشەڭدىگىن تولىق قاۋلاتىپ، قالالارداعى اناعۇرلىم كوپ دارىندىلاردى اۋىل - قىستاققا بارىپ جاڭالىق اشىپ، شارۋاشىلىق قۇرۋعا جەتەكتەۋ كەرەك.
شي جينپيڭ مىنالاردى باسا دارىپتەدى: اۋىل - قىستاقتى گۇلدەندىرۋ ستراتەگياسىن اتقارۋدا مىناداي قاتىناستاردى ويداعىداي ءبىر جاقتى ەتۋگە كوڭىل ءبولۋ كەرەك: ءبىرىنشى، ۇزاق مەرزىمدىك نىسانا مەن قىسقا مەرزىمدىك نىسانانىڭ قاتىناسى. اۋىل - قىستاق قۇرىلىسىنىڭ زاڭدىلىعىنا بويسۇنىپ، عىلمي جوبالاۋعا، ساپاعا ءمان بەرۋگە، بايىپتىلىقپەن قۇرىلىس جۇرگىزۋگە تاباندى بولىپ، ءبىر ىستەن ءبىر ىسكە ساباقتاستىرا تىندىرىپ، ءبىر جىلدان ءبىر جىلعا جالعاستىرا ىستەپ، ۇلكەن، تەز بولۋعا سالىنۋدان، ءبىر مەزەتتىك ناۋقانعا اينالدىرۋدان اۋلاق بولۋ، بۇراڭ جولعا تۇسۋدەن، قايتا - قايتا وزگەرتۋدەن ساقتانۋ كەرەك. ەكىنشى، جوعارى دەڭگەيدەگى جوبالاۋ مەن نەگىزگى ساتىنىڭ ىزدەنىس جاساۋىنىڭ قاتىناسى. پارتيا ورتالىق كوميتەتى اۋىل - قىستاقتى گۇلدەندىرۋ تۋرالى جوعارى دەڭگەيدەگى جوبانى ايقىنداپ بەردى، جەر - جەر ءوز ءىس جۇزىندىك جاعدايىنا ۇيلەسەتىن اتقارۋ جوباسىن جاساپ، اۋىل - قىستاقتاردىڭ ايىرماشىلىعىن عىلمي مەڭگەرىپ، قىستاقتىڭ ىڭعايىنا قاراي ىستەپ، 100 ميلليونداعان شارۋانىڭ تۇلعالىق رولى مەن ءتول جاسامپازدىق رۋحىن ساۋلەلەندىرىپ، نەگىزگى ساتىنىڭ امالياتتىق جاسامپازدىقتارىن شەبەرلىكپەن قورىتىندىلاۋ كەرەك. ءۇشىنشى، بازاردىڭ شەشۋشى رولىن تولىق ساۋلەلەندىرۋ مەن ۇكىمەتتىڭ رولىن اناعۇرلىم ويداعىداي ساۋلەلەندىرۋدىڭ قاتىناسى. يدەيانى ونان ارى ازات ەتىپ، جاڭا كەزەكتى اۋىل - قىستاق رەفورماسىن ىلگەرىلەتىپ، ۇكىمەتتىڭ جوبا ارقىلى جەتەكتەۋ، ساياساتتىق قولداۋ، بازاردى باقىلاۋ - باسقارۋ، زاڭمەن جونگە سالۋ ارقىلى قامتاماسىزداندىرۋ سياقتى جاقتارداعى بەلسەندى رولىن ساۋلەلەندىرۋ كەرەك. ءتورتىنشى، بۇقارانىڭ تابىس سەزىمىن كۇشەيتۋ مەن دامۋ كەزەڭىنە ۇيلەسۋدىڭ قاتىناسى. شارۋالار قاۋىمى ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ارقاۋ ەتىپ، اۋىل - قىستاقتىڭ دامۋىنداعى جانە حالىق تۇرمىسىنداعى ولقىلىقتاردى جەدەل تولىقتاپ، 100 ميلليونداعان شارۋانى اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋ، سونىمەن بىرگە، باياندى دامۋدىڭ ۇزاق ۋاقىتتىق ءونىمدى مەحانيزمىن قالىپتاستىرىپ، كۇش سالا ءىس تىندىرۋعا، شاماعا قاراي ىستەۋگە تاباندى بولۋ، ءىس جۇزىندىكتەن الشاق نىسانا بەلگىلەمەۋ، فورماشىلدىق پەن «وبراز ينجەنەرياسىنا» تىپتەن جول بەرمەۋ كەرەك.
