[مول ءونىم. باقىت] كورىكتى بايىنعولين كۇزدە مول ءونىم الدى

　　9-ايدىڭ 21-كۇنى، حۇشۇت اۋدانى شوقى قالاشىعىنداعى اۋىل-قىستاق جولدارىنىڭ ەكى جاعالاۋى ۇقساماعان تۇسكە ەنىپ، جانعا عاجايىپ سەزىم باعىشتادى.

　　9-ايدىڭ 23-كۇنى — جۇڭگو شارۋالار مول ءونىم مەرەكەسى. التىن كۇزدە كورىكتى بايىنعولين موڭعۇل اۆتونوميالى وبلىسىنىڭ تۇستىگىنەن تەرىستىگىنە دەيىن، اۋىل-قىستاقتاعى اتىز بويى قاربالاستىققا تۇسكەن ادامدار مەن الۋان ءتۇرلى ءوندىرىس ماشينالارىنا تولدى. چارقىلىق، چەرچەن قاتارلى جەرلەردىڭ شىلانى جەر بەتىن قىزىل تۇسكە بويادى، لوپنوردىڭ ماقتاسى دا تەرىم مەزگىلىنە جەتتى، قاراشار ويپاتىنىڭ لازىلارى توڭىرەكتى قىزىل-جاسىلدى تۇسپەن بويادى، شارۋاشىلار اۋلاسىنداعى ءجۇزىم، انار قاتارلى جەمىستەر ساياحاتشىلاردىڭ تاڭدايىن قاقتىردى. بايىنعوليننىڭ كەڭ بايتاق جەرىندە التىن كۇزدىڭ مول ءونىم الۋ قاربالاستىعىنا شومعان كورىنىسى بەينە سىزعان سۋرەتتەي كوز مەيىرىن قاندىرادى.