شوكىرات زاكىر، لي پىڭشين ماجىلىسكە قاتىناستى
ءتىلشىمىز ياۋ تۇڭ 9 - ايدىڭ 24 - كۇنى ۇرىمجىدەن حابارلايدى. 9 - ايدىڭ 24 - كۇنى تۇستەن كەيىن، اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ باستىعى چىن چۋانگو اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ ءماجىلىسىن باسقارىپ اشتى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، رەفورمانى سوڭىنا دەيىن تاباندىلىقپەن جۇرگىزۋ كەرەك.
اۆتونوميالى رايوننىڭ ءتوراعاسى، اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ ورىنباسار باستىعى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى.
ءماجىلىس «شينجياڭ كوممۋنيستىك جاستار وداعى مەكتەبىنىڭ رەفورما جوباسىن»، «حالىق جاراستىرۋشىلارى قوسىنى قۇرىلىسىن كۇشەيتۋ جونىندەگى اتقارۋ پىكىرىن» قاراپ ماقۇلدادى.
ءماجىلىس مىنانى اتاپ كورسەتتى: كوممۋنيستىك جاستار وداعى مەكتەبى رەفورماسى − كوممۋنيستىك جاستار وداعى رەفورماسىنىڭ ماڭىزدى قۇرامداس بولىگى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋلارىن، تالاپتارىن باتىل دايەكتىلەندىرىپ، تياناقتاندىرىپ، پارتيانىڭ جاستار قىزمەتىنىڭ جالپى جاعدايىن كوزدەپ، پارتيانىڭ جاستار قىزمەتى سالاسىنداعى ەرەكشەلىگى ايقىن ساياسي مەكتەبىن قۇرۋ سىندى ءتۇبىرلى تياناقتى يگەرىپ، كوممۋنيستىك جاستار وداعى مەكتەبىنىڭ پارتيالىلىق سيپاتى سىندى ءتۇبىرلى پرينسيپتى مىقتاپ يگەرىپ، نازاردى كوممۋنيستىك جاستار وداعى كادرلارىن تاربيەلەۋدەي نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن وزەكتى مازمۇن ەتىپ، پارتيانىڭ نازاريالىق تاربيەسىن كۇشەيتىپ، ساياسي ولشەمدى كورنەكتىلەندىرىپ، كاسىپتىك ولشەمدى قاتايتىپ، ستيل ولشەمىن كۇشەيتىپ، ساياسيدا مىزعىمايتىن، كاسىپتە ىسىلعان، ستيلى جاقسى وقىتۋشىلار قوسىنىن قۇرىپ، مەكتەپ باسقارۋ ءتاسىلىن جانە ءتۇزىلىس - مەحانيزمىن جاڭالاپ، بۇكىل رايونىمىزدا پارتيانىڭ جاستار بۇقارالىق قىزمەتىن جانە كوممۋنيستىك جاستار وداعى قۇرىلىسىن دارىندىلارمەن، اقىل - پاراساتپەن قولداۋعا قۇلشىنۋ كەرەك.
ءماجىلىس مىنالاردى اتاپ كورسەتتى: حالىقتىق جاراستىرۋ − جۇڭگولىق ەرەكشەلىككە يە زاڭ - ءتۇزىم، الەۋمەتتىك زاڭدىق قىزمەت وتەۋ جۇيەسىنىڭ ماڭىزدى قۇرامداس بولىگى، حالىق جاراستىرۋشىلارى قايشىلىقتاردى شەشۋ، زاڭمەن جونگە سالۋدى ۇگىتتەۋ، ورنىقتىلىقتى قورعاۋ، جاراسىمدىلىقتى جەبەۋ قىزمەت جاۋاپكەرشىلىگى مەن بورىشىن ارقالاپ وتىر. حالىق جاراستىرۋشىلارى قوسىنى قۇرىلىسىن كۇشەيتۋدە پارتيانىڭ باسشىلىعىنا تاباندى بولىپ، زاڭ ارقىلى ىلگەرىلەتۋگە، ۇزدىكتەرىن تاڭداپ ۇسىنىس ەتۋگە، ارناۋلى ىستەۋ مەن قوسىمشا ىستەۋدى ۇشتاستىرۋعا تاباندى بولىپ، حالىق جاراستىرۋشىلارى زاڭىن جاپپاي دايەكتىلەندىرىپ، اتقارىپ، قوسىن قۇرىلىمىن ساپالىلاندىرىپ، ساپانى كۇش سالا ءوسىرىپ، باسقارۋ ءتۇزىمىن كەمەلدەندىرىپ، قىزمەتتى قامتاماسىز ەتۋدى كۇشەيتىپ، ساياسيدا تولىمدى، كاسىپكە جەتىك، الەۋمەتتىك ىستەرگە قىزۋ ات سالىساتىن، ءادىل دە تۋراشىل، قالىستىعىن ايتاتىن حالىق جاراستىرۋشىلارى قوسىنىن قۇلشىنا قۇرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەلسەندى ۇلەس قوسۋ كەرەك.
ءماجىلىس مىنانى باسا دارىپتەدى: قازىر رەفورما قامال الۋ كەزەڭى مەن كۇردەلى كەزەڭگە كىردى، قيىندىقتارعا قارسى شابۋعا، قاتەرلى اعىستارعا تۇسۋگە باتىل بولىپ، رەفورمانى توقتاتپاۋ، ەسىك اشۋدى دوعارماۋ كەرەك. «ءتورت تانىمدى» شىن مانىندە كۇشەيتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، رەفورمانىڭ دۇرىس بەتالىسىن مىقتاپ يگەرىپ، پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرى مەن ورنالاستىرۋلارىنىڭ قاز - قالپىندا ناقتاپ تياناقتاندىرىلۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك. ءبىر تۇتاس سايكەستىرىپ، ءوزارا جەبەپ، نازاردى باس نىساناعا شوعىرلاندىرا وتىرىپ رەفورما قىزمەتتەرىن جوبالاپ، ىلگەرىلەتىپ، ديالەكتيكادان ويداعىداي پايدالانۋ، «پيانينو ويناۋدى» ۇيرەنۋ كەرەك. ءبىر جاعىنان، رەفورمانى جاپپاي تەرەڭدەتۋدى ىلگەرىلەتۋ ارقىلى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ومىرشەڭ كۇش، قوزعاۋشى كۇش قوسۋ، ەندى ءبىر جاعىنان، قوعامدىق جالپى جاعدايدىڭ باياندى جاراسىمدىلىعىن، ورنىقتىلىعىن ساقتاۋ ارقىلى رەفورمانى جاپپاي تەرەڭدەتۋگە تاماشا شارت - جاعداي ازىرلەۋ كەرەك. باسشىلىقتى كۇشەيتىپ، دەن قويا اتقارىپ، پارتيانىڭ رەفورما قىزمەتىنە باسشىلىعىن شىن مانىندە كۇشەيتىپ، دەن قويا ۇيىمداستىرىپ، دەن قويا اتقارىپ، زەيىن سالا ىستەپ، ناقتى ونىمدىلىككە ءمان بەرىپ، رەفورمانى جاپپاي تەرەڭدەتۋدى تىڭعىلىقتى تۇردە ىشكەرىلەي ىلگەرىلەتۋ كەرەك. ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ستيلگە شىن مانىندە بۇرىلىس جاساپ، رەفورمانى وزدەرى كۇش سالا يگەرىپ، تياناقتاندىرۋدى دەن قويا يگەرىپ، شىن مانىندە «قۇرىلىس جۇرگىزۋ اترەتىنىڭ باستىعى» بولا ءبىلۋى كەرەك. تاراۋلار قىزمەت جاۋاپكەرشىلىگى ءبولىسى بويىنشا تىعىز سايكەسىپ، بىرىككەن كۇش قالىپتاستىرۋى كەرەك. ۇگىت سەرپىنىن ارتتىرىپ، رەفورمانى جاپپاي تەرەڭدەتۋگە تاماشا بەينە قالىپتاستىرۋ كەرەك.
اۆتونوميالى رايون باسشىلارىنان شۇي حايرۇڭ، ەركىن تۇنياز، سارقىت اقان ۇلى، ياڭ شين، جاڭ چۇنلين، پىڭ جيارۇي جانە اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ باسشىلىق گرۋپپاسىنا مۇشە ورىندارداعى جاۋاپتى جولداستار ماجىلىسكە قاتىناستى.
