حابارلاعان ءتىلشىمىز لي چۇنشيا
«پارتيانىڭ ساياساتى جاقسى، ءوزىمىز دە قۇلشىنۋىمىز كەرەك، سوندا عانا بۇرىن ويلاپ تا كورمەگەن تاماشا تۇرمىس كەشىرە الامىز»، - دەدى 9 - ايدىڭ 10 - كۇنى شينجياڭ جۇڭتاي توبى حۋاتاي سەرىكتەستىگى كۇيىدىرگىش ءسىلتى سەحىنىڭ جۇمىسشىسى اباباكىر ءوماريلي.
اباباكىردىڭ اۋىلى يىڭىسار اۋدانى ساعان اۋىلىنىڭ يىكانكول قىستاعىندا، بىلتىر 4 - ايدا اۆتونوميالى رايوننىڭ قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋداي ابزال ساياساتىنىڭ يگىلىگىندە ايەلى مەھىرگۇل ابلەت ەكەۋى جۇڭتاي توبىنىڭ حۋاتاي سەرىكتەستىگىنە بارىپ، كاسىپورىن جۇمىسشىسى بولادى. جۇڭتايعا العاش كەلگەن كەزدەرىندە، مەملەكەتتە ءبىر تۇتاس قولدانىلاتىن ءتىل - جازۋ دەڭگەيى تومەن، وعان قوسا ورتا بەيتانىس، كاسىپورىننىڭ باسقارۋى قاتاڭ بولعاندىقتان، ەرلى - زايىپتى ەكەۋى بىردەن ۇيلەسە المايدى.
ايتسە دە، اباباكىر قيىنشىلىققا مويىمادى. سەرىكتەستىك ورنالاستىرعان جۇيەلى تاربيە كۋرسىندا ايەلى ەكەۋى ەرەكشە قۇلشىنادى. ءتىل وتكەلىنەن ءوتۋ ءۇشىن، ولار ساباق ۇستىندە مۇقيات ۇيرەنىپ، ساباقتان كەيىن جالىقپاي جاتتىقتى، ءار كۇنى ەرتە تۇرىپ، كەش جاتىپ، تالپىنىپ تولىسا تۇسەدى. ناقتى جاتتىعۋ كەزەڭىنە تۇسكەننەن كەيىن، ولار تۇسىنبەگەن ماسەلەلەرىن مۇعالىمنان كىشى پەيىلدىكپەن سۇراپ ۇيرەنىپ، ءوندىرىس تەحنيكاسىنىڭ تەتىكتەرىن تەز يگەرەدى. مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن جانە ونەر ۇيرەنۋ كۋرسىندا جارتى جىل ۇيرەنۋ ارقىلى بىلتىر 10 - ايدىڭ سوڭىندا اباباكىر مەن ايەلى سەرىكتەستىك ۇيىمداستىرعان باسقا سالاعا ويىسىپ جۇمىستانعان جۇمىسشىلاردى رەسميلەستىرۋ ەمتيحانىنان ءساتتى ءوتىپ، سەرىكتەستىكتىڭ رەسمي قىزمەتكەرىنە اينالدى.
ەگىنشىدەن كاسىپورىن جۇمىسشىسىنا دەيىن اباباكىر مەن ايەلىنىڭ سالاۋاتىندا وزگەرىس بولۋمەن بىرگە، ولار وتباسىنىڭ ەكونوميكالىق كىرىسىنىڭ ۇزدىكسىز ارتقانىن ەڭ تىكە سەزىندى. ول: بىلتىر 11 - ايدا رەسميلەسكەننەن كەيىنگى العاشقى ەڭبەكاقىمدى الدىم، اسىلگى 2000 يۋاننان 4100 يۋانعا ءوسىپتى، بىرنەشە كۇن قاتتى جەلپىنىپ ءجۇردىم. ايەلىمنىڭ كىرىسىن قوسقاندا ەكەۋىمىز ءبىر ايدا كەمىندە 7000 يۋان تابامىز، - دەدى.
قۇلشىنا قىزمەت ىستەپ، ۇنەمشىلدىكپەن تۇرمىس كەشىرگەن اباباكىر مەن ايەلى تەز ارادا نەشە 10 مىڭ يۋان جيناپ، ءۇي سالۋ ءۇشىن العان 30 مىڭ يۋان قارىز اقشاسىن قايتارىپ، كەدەيلىك قالپاعىن الىپ تاستادى. بيىل 4 - ايدا جۇڭتايدا قىزمەت ىستەگەنىنە ءبىر جىل تولعان اباباكىر مەن ايەلى جىلدىق دەمالىسىن الىپ، اۋىلىنا باردى. كورشىلەرى امانداسا كەلىپ، ولارمەن اڭگىمەلەستى، ولاردىڭ ورتاق ءتىلدى ۇيرەنىپ العاندىعىن، ءجۇرىس - تۇرىستارىندا، كيىنىستەرىندە بۇرىنعىدان وزگەشەلىك بولعاندىعىن بايقاعان تۋىس - تۋعاندارى، دوس - جاراندارى ەرەكشە ءسۇيىندى. «سەندەر قازىر كاسىپورىننىڭ ادامى بولدىڭدار، الدا جاقسى جۇمىس ورايى بولسا ءبىزدى دە ويلاي جۇرىڭدەر!»، - دەپ اباباكىرگە قاداعالاي تاپسىرىپ جاتتى قىستاقتاعى كەدەي وتباسى عۇلام ابباس.
وسىمەن تولدىم - بولدىم دەپ توقىراپ قالماعان اباباكىر تاياۋدا 850 يۋان تىزىمدەلۋ اقىسىن تاپسىرىپ، اشالى كرانشا شوفەرلەرى كۋرسىنا قاتىناسىپ، قاتىستى تولىمدىلىق الدى. «سەحتا اشالى كرانشا ىستەتەتىن ورىندار كوپ، ءبىر ونەردى ارتىق يگەرسەم، ادام تاپشى بولعاندا ولاردىڭ ورنىنا ىستەي الامىن»، - دەدى اباباكىر.
وتباسى شارت - جاعدايىنىڭ جاقسارۋىمەن اباباكىردىڭ 2 قىزى دا كوز اياسىن كەڭەيتەتىن ورايعا يە بولدى. بيىل جازعى دەمالىستا اباباكىر شەشەسى مەن 2 قىزىن الىپ كەلىپ، شەشەسىن شينجياڭ مەديتسينا داشۋەسىنە قاراستى 1 - شيپاحاناعا اپارىپ دەنساۋلىعىن تەكسەرتتى، 2 قىزىن بالاباقشاسىن ارالاتىپ سەيىلدەتتى. «ايەلىم ەكەۋىمىز سەرىكتەستىكتىڭ ماڭىنداعى مەكتەپتەردى ارالاپ شىقتىق، تاعى ءبىراز اقشا جيىپ، سەرىكتەستىكتىڭ ماڭىنان قارىز اقشاعا ءۇي ساتىپ الىپ، بالالارىمىزدى وسى جەردە وقىتىپ، ولاردىڭ اناعۇرلىم جاقسى تاربيە الۋىنا مۇمكىندىك جاسايمىز»، - دەدى 2 قىزىنىڭ بولاشاعىن ويلاعاندا قايراتى ءتىپتى دە تاسي تۇسكەن اباباكىر.
