سۇيەك تكاندارىنىڭ سيرەۋى — 4-ورىندا تۇراتىن ۇنەمى كەزدەسەتىن سوزىلمالى حاراكترلى اۋرۋ ءارى ورتا جاستاعىلاردا ەڭ كوپ كەزدەسەتىن سۇيەك اۋرۋى. شىنياڭ قالالىق دەنساۋلىق ساقتاۋ، تاربيە ورتالىعىنىڭ مامانى لي حاننىڭ ايتۋىنشا، كۇندەلىكتى تۇرمىستا مىنالارعا ءمان بەرۋىمىز كەرەك ەكەن:
ءىشىپ-جەم بىركەلكى بولۋ. ازىقتىقتىڭ قۇرامىنداعى كالتسي مەن بەلوكتىڭ مولشەرىن ارتتىرىپ، تۇزدى از تۇتىنۋ كەرەك. تەمەكى تارتۋ، اراق ءىشۋ، شەكتەن تىس مولشەردە كوففەين جانە جوعارى فوسفورلى سۋسىندىق ءىشۋدىڭ بارلىعى سۇيەك تكاندارىنىڭ سيرەۋىن كەلتىرىپ شىعارۋ مۇمكىندىگىن ارتتىرادى.
لايىقتى تۇردە ارەكەت جاساۋ. ادامدار ارەكەت جاساعاندا بۇلشىق ەتتىڭ ارەكەتى سۇيەك قۇرىلىمىن ۇزدىكسىز تىتىركەندىرىپ، سۇيەكتى مىعىمدايدى. بۇدان سىرت، ورگانيزمنىڭ رەاكسيالىق سيپاتتىن ارتتىرىپ، تەپە-تەڭدىك رولىن جاقسارتادى ءارى جىعىلىپ-سۇرىنۋدىڭ الدىن الادى.
كۇن ساۋلەسىنە قىزدىرىلۋ. جۇڭگولىقتاردىڭ ازىقتىعىنداعى ۆيتامين D نىڭ قۇرامى وتە از، كوپتەگەن ۆيتامين D3 تەرىنىڭ كۇن نۇرىنداعى ۆلترا كۇلگىن ساۋلەسىن بىرىكتىرۋىنەن كەلىپ شىعادى. ۇنەمى كۇن نۇرىنا قىزدىرىلعاندا ۆيتامين D نىڭ كەلىپ شىعۋى مەن كالتسيدىڭ سىمىرىلۋىنە ايرىقشا ماڭىزدى رول اتقارادى. قالىپتى ادامدار ادەتتە كۇنىنە از دەگەندە 20 مينۋت كۇنگە قىزدىرىلعانى ءجون. ۇزاق مەزگىل قىزدىرىلۋدان ساقتانۋ مايىن ىستەتۋ مەن قولشاتىر ۇستاۋ ايەلدەردىڭ سۇيەك تكاندارى سيرەۋ اۋرۋىنا شالدىعۋ شاماسىن ارتتىرادى، سەبەبى كۇن نۇرى ءالسىز كەزدە تاعى دا ءبىر قابات قالىڭ كۇن كۇيۋدەن ساقتانۋ مايىن جاعىپ العاندا، نەمەسە قولشاتىر ۇستاعاندا دەنەدەگى ۆيتامين D نىڭ بىرىگۋىنە اسەر ەتەدى.
