يۋە يانيۇن
1 - رەتكى جۇڭگو شارۋالار مول ءونىم مەرەكەسىنە قۋانىشتى الاقاي ءۇنى ىشىندە تابىستى نۇكتە قويىلدى. الايدا، جۇڭگو شارۋالار مول ءونىم مەرەكەسىن ويداعىداي وتكىزۋ، شىنايى وتكىزۋ، ەرەكشەلىككە جانە دەڭگەيگە يە ەتىپ وتكىزۋ ءۇشىن، تەك ءار جىلعى ەگىنشىلىك كالەندارى بويىنشا كۇن مەن ءتۇننىڭ تەڭەلۋى سىندى ماڭىزدى ساتتە عانا كۇش سالۋمەن ءىس بىتپەيدى، ونان دا ماڭىزدىسى، مول ءونىم مەرەكەسىن وراي ەتىپ، بۇكىل قوعامنىڭ اۋىل شارۋاشىلىعىنا نازار اۋدارۋىن، اۋىل - قىستاققا كوڭىل ءبولۋىن، شارۋالارعا قامقورلىق جاساۋىن كۇندەلىكتى اۋىل - قىستاقتى گۇلدەندىرۋ امالياتىنا دەيىن كەڭەيتىپ، 365 كۇندەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ ناقتى ارەكەتىنە توعىستىرۋ كەرەك. باسقاشا سوزبەن ايتقاندا، مول ءونىم − مەرەكەدەن باسقا كەزدىڭ جەمىسى.
جۇڭگو شارۋالار مول ءونىم مەرەكەسىنىڭ بەلگىلەنۋى جاڭا داۋىردەگى اۋىل شارۋاشىلىعىن قۇدىرەتتەندىرۋدىڭ، شارۋالارعا تيىمدىلىك جاساۋدىڭ، شارۋالاردى بايىتۋدىڭ اناعۇرلىم جوعارى تالابىنان، اناعۇرلىم جاڭا بورىشىنان دەرەك بەرەدى، ول جاڭا ءداۋىردىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندە تاعى ءبىر مارتە دابىل قاعۋى بولىپ تابىلادى. قازىر ەلىمىز قوعامىنداعى باستى قايشىلىق حالىقتىڭ كۇن سايىن ارتقان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. شارۋالار اڭساعان «مول ءونىم»، قوعامعا قاجەت «مول ءونىم» تەك «قامباعا استىق، ۇيگە ازىق تولۋ» عانا ەمەس، ول تاعى اناعۇرلىم ساپالى كاسىپ قۇرىلىمىنان، اناعۇرلىم جوعارى ءونىم ساپاسىنان، اناعۇرلىم جاسىل ءوندىرىس تاسىلىنەن دە دەرەك بەرەدى؛ مۇندا ايتىلعان مول ءونىم استىقتان مول ءونىم الۋ عانا ەمەس، كىرىستىڭ ارتۋىن، پايدانىڭ مولايۋىن، تابىستىڭ سىرەلۋىن دە قامتيدى، ءونىم مول بولىپ، جيىلماي قالسا، شارۋاعا زيان كەلتىرۋ ەسەپتەلەدى. استىقتى مولايتىپ، شارۋالاردىڭ قالتاسىن قامپيتقاندا عانا، شىن مول ءونىم الىندى دەۋگە بولادى. بۇل نىساناعا جەتۋ ءبىر كۇندىك مەرەكەمەن ورىندالاتىن جۇمىس ەمەس.
شينجياڭ − اۋىل شارۋاشىلىعىنداعى ۇلكەن رايون، مول ءونىم قىزمەتىن شىنايى ىستەپ، اۋىل - قىستاقتى گۇلدەندىرۋ ستراتەگياسىن اتقارۋدى جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى ەتىپ، قالا مەن اۋىلدىڭ سايكەسىمدىلىگى، اۋىل شارۋاشىلىعىنىڭ دامۋى، شارۋالار كىرىسىنىڭ ارتۋى سياقتى ماسەلەلەردى ءبىر تۇتاس جوسپارلاي وتىرىپ شەشىپ، ساپالى دامۋدى جەبەۋدىڭ ءمانى تىپتەن زور بولماق.
بۇكىل رايونىمىزدىڭ جەر - جەرى، تاراۋلارى مول ءونىم مەرەكەسىن وراي ەتىپ، كاسىپ سالاسىن دامىتۋدى ويداعىداي يگەرىپ، كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزىپ، كۇشتى اۋىل - قىستاقتى گۇلدەندىرۋگە شوعىرلاندىرعاندا عانا، جاپپاي مول ءونىم الۋدى، جاپپاي كىرىستى ارتتىرۋدى جۇزەگە اسىرۋعا، قالىڭ شارۋالاردى بايۋ جولىنا تۇسۋگە باستاۋعا بولادى. سونىمەن بىرگە، ءار دارەجەلى تاراۋلارءتيىستى جاۋاپكەرلىكتەرىن بارىنشا ادا ەتىپ، ءتيىستى بورىشىن بارىنشا اتقارعاندا عانا، «جۇڭگو شارۋالار مول ءونىم مەرەكەسى» كەلۋ قارساڭىندا، «مول ءونىم» تۋرالى تولىمدى جاۋاپ بەرۋگە بولادى.
شارۋالار مول ءونىم مەرەكەسى كۇنى عانا باس كەيىپكەر بولماۋى كەرەك، قاتىستى تاراۋلار شارۋالارعا وسى زامانعى اۋىل شارۋاشىلىعىنىڭ جاڭا ۇستانىمدارىن، جاڭا ادىستەرىن، جاڭا تەحنولوگيالارىن ۇنەمى جەتكىزىپ تۇرۋى، شارۋالاردىڭ وسى زامانعى اۋىل شارۋاشىلىعىن دامىتۋ سەنىمى مەن كۇش - قايراتىن نىعايتۋى، جاڭاشا كاسىپتىك شارۋالاردى جەتىلدىرۋدى جەبەۋى، شارۋالاردىڭ بايۋ قابىلەتتەرىن كۇشەيتۋى، شارۋالاردىڭ اناعۇرلىم بەلسەندى قوجايىن بەينەسىمەن قوعامنىڭ ۇلكەن ساحناسىنا شىعۋىنا مۇمكىندىك جاساۋى كەرەك؛ بۇكىل قوعامنىڭ اۋىل شارۋاشىلىعىنا قولداۋ كورسەتۋ، شارۋالارعا تيىمدىلىك جاساۋ، اۋىل شارۋاشىلىعىن قۇدىرەتتەندىرۋ اۋقىمى دا وسى ءبىر كۇندە عانا دۋماندانباي، ونان دا ماڭىزدىسى، ونى ۇزدىكسىز جالعاستىرا بەرۋ قاجەت.
جۇڭگو شارۋالار مول ءونىم مەرەكەسىن وراي ەتىپ، بۇكىل قوعامدى، بۇكىل حالىقتى جۇمىلدىرىپ، 100ميلليونداعان شارۋالار مول ءونىمدى قۇتتىقتاۋ، تابىستاردى، مول ءونىمدى كورسەتۋ، قوعامنىڭ ءار سالاسى مول ءونىمدى جىرلاۋ، بۇكىل حالىق مول ءونىمدى بولىسۋگە ات سالىسۋ، ەلەكتروندىق ساۋدامەن ساتىلىمدى تەزدەتۋ، مول ءونىم الۋدى جەبەۋ سياقتى ءتۇرلى ەرەكشەلىككە يە قيمىلدار ۇيىمداستىرۋ ارقىلى بۇكىل قوعام اۋىل شارۋاشىلىعىنا نازار اۋداراتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن تاماشا ورتا قالىپتاستىرىپ، بارلىق ادامنىڭ مول ءونىمنىڭ شاتتىعىن سەزىنە الۋىنا مۇمكىندىك جاساپ، اۋىل - قىستاقتى گۇلدەندىرۋ ستراتەگياسىن اتقارۋدى ىلگەرىلەتۋدىڭ قۋاتتى قوزعاۋشى كۇشىن توپتاۋ كەرەك.
باقىت كۇرەستەن كەلەدى، مول ءونىم دە تابان ەت، ماڭداي تەردەن كەلەدى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو شارۋالار مول ءونىم مەرەكەسىن وراي دەپءبىلىپ، تىنباي كۇرەس جاساپ، مول ءونىم الىپ، مول ءونىم ارقىلى كۇرەس جاساۋعا جىگەرلەندىرىپ، ءار كۇنىمىزدى مول ءونىم كۇنىنە، ءار كۇنىمىزدى مەرەكەگە اينالدىرايىق!
