تيانشان تورابى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «اۋىل - قىستاقتى گۇلدەندىرۋدىڭ ستراتەگيالىق جوباسىن (2022 − 2018 - جىل)» باسىپ تاراتتى

  شينحۋا اگەنتتىگىنىڭ 9 - ايدىڭ 26 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «اۋىل - قىستاقتى گۇلدەندىرۋدىڭ ستراتەگيالىق جوباسىن (2022 − 2018 - جىل)» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «اۋىل - قىستاقتى گۇلدەندىرۋدىڭ ستراتەگيالىق جوباسى (2022 − 2018 - جىل)» جيىنى 11 ءبولىم، 37 تاراۋدان قۇرالعان.

  بۇل جوبا باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن جەتەكشى ەتىپ، كاسىپ گۇلدەنگەن، ەكولوگياسى جانعا جايلى، اۋىل سالتى وركەنيەتتى، جونگە سالۋى ءونىمدى، تۇرمىس باي بولۋ جالپى تالابى بويىنشا اۋىل - قىستاقتى گۇلدەندىرۋ ستراتەگياسىن اتقارۋدىڭ كەزەڭدىك جوسپارىن جاساپ، 2020 - جىلعا دەيىن جاپپاي دوڭگەلەك داۋلەتتى قوعام ورناتۋداعى جانە 2022 - جىلى پارتيانىڭ 20 - قۇرىلتايىن اشقان كەزدەگى نىسانا - مىندەتتەردى جەكە - جەكە ايقىنداپ، قىزمەت تۇيىندەرى مەن ساياسات - شارالاردى اشالاپ، ناقتىلاندىرىپ، ماڭىزدى ينجەنەريالارعا، ماڭىزدى جوسپارلارعا، ماڭىزدى ارەكەتتەرگە ورنالاستىرۋ جاسادى، اۋىل - قىستاقتى گۇلدەندىرۋ ستراتەگياسىنىڭ تياناقتانۋىنا كەپىلدىك ەتتى، ول جەر - جەردىڭ، تاراۋلاردىڭ اۋىل - قىستاقتى گۇلدەندىرۋدى تۇرگە ءبولىپ، تارتىپپەن ىلگەرىلەتۋىنىڭ ماڭىزدى دايەگى.

  «جوبادا» مىنالار اتاپ كورسەتىلدى: جاپپاي دوڭگەلەك داۋلەتتى قوعام ورناتۋ مەن جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ەڭ جاپالى، ەڭ اۋىر مىندەتى اۋىل - قىستاقتا، ەڭ كەڭ، ەڭ تەرەڭ نەگىزى اۋىل - قىستاقتا، ەڭ زور كومەسكى كۇشى مەن تىرەك كۇشى دە اۋىل - قىستاقتا. اۋىل - قىستاقتى گۇلدەندىرۋ ستراتەگياسىن اتقارۋ − جاڭا داۋىردەگى ەلىمىز قوعامىنىڭ باستى قايشىلىعىن شەشۋدىڭ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ قاجەتتى تالابى، ول ماڭىزدى رەال مانگە جانە تەرەڭ تاريحي مانگە يە.

  اۋىل - قىستاقتى گۇلدەندىرۋ ستراتەگياسىن اتقارۋ وسىزاماندانعان ەكونوميكا جۇيەسىن ورناتۋدىڭ ماڭىزدى نەگىزى، كورىكتى جۇڭگو قۇرۋدىڭ شەشۋشى شاراسى، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋدىڭ ۇتىمدى جولى، زامانىمىز قوعامىن جونگە سالۋ جاعدايىن كەمەلدەندىرۋدىڭ بەكەمدەۋ شاراسى، جالپى حالىقتىڭ بىرگە بايۋىن جۇزەگە اسىرۋدىڭ قاجەتتى تالعامى.

  «جوبادا» مىنالار تالاپ ەتىلدى: 2020 - جىلعا بارعاندا جاپپاي دوڭگەلەك داۋلەتتى قوعام ورناتۋ جانە ەكىنشى 100 جىلدىق كۇرەس نىساناسىن ەكى باسقىشقا ءبولىپ جۇزەگە اسىرۋ ستراتەگيالىق ورنالاستىرۋىنا ساي، 2018 - جىلدان 2022 - جىلعا دەيىنگى 5 جىلدا اۋىل - قىستاقتا جاپپاي دوڭگەلەك داۋلەتتىلىكتى جۇزەگە اسىرۋمەن بىرگە، اۋىل شارۋاشىلىعىن، اۋىل - قىستاقتى وسىزامانداندىرۋدى نەگىزىنەن جۇزەگە اسىرۋ ءۇشىن جاقسى باستاما باستاۋ، جاقسى قادام تاستاۋ، جاقسى نەگىز قالاۋ كەرەك.

  «جوبادا» مىنالار باسا دارىپتەلدى: اۋىل - قىستاقتى گۇلدەندىرۋ ستراتەگياسىن اتقارۋدىڭ نەگىزگى پرينسيپتەرى مىنالار: اۋىل - قىستاق قىزمەتىن پارتيا باسقارۋعا تاباندى بولۋ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولۋ، شارۋالاردىڭ تۇلعالىق ورنىنا تاباندى بولۋ، اۋىل - قىستاقتى جاپپاي گۇلدەندىرۋگە تاباندى بولۋ، قالا مەن اۋىلدىڭ توعىسىپ دامۋىنا تاباندى بولۋ، ادام مەن تابيعاتتىڭ جاراسىمدى بىرگە تىرشىلىك ەتۋىنە تاباندى بولۋ، رەفورما جاساۋعا، جاڭالىق اشۋعا، ومىرشەڭدىك كۇشتى قاۋلاتۋعا تاباندى بولۋ، جەر جاعدايىنا قاراي ءىس ىستەپ، بىرتىندەپ ىلگەرىلەۋگە تاباندى بولۋ.

  «جوبادا» مىنالار العا قويىلدى: 2020 - جىلعا جەتكەندە، اۋىل - قىستاقتى گۇلدەندىرۋدىڭ تۇزىمدىك سۇلباسى مەن ساياساتتىق جۇيەسى نەگىزىنەن قالىپتاسىپ، جەر - جەردىڭ، تاراۋلاردىڭ اۋىل - قىستاقتى گۇلدەندىرۋ وي جەلىسى، شارالارى تۇراقتانىپ، جاپپاي دوڭگەلەك داۋلەتتى قوعام ورناتۋ نىساناسى ۋاعىندا ورىندالادى. 2022 - جىلعا جەتكەندە، اۋىل - قىستاقتى گۇلدەندىرۋدىڭ تۇزىمدىك سۇلباسى مەن ساياساتتىق جۇيەسى العاشقى ادىمدا كەمەلدەنەدى. اۋىل - قىستاقتى گۇلدەندىرۋدىڭ ەرەكشەلىككە يە ءبىر توپ ۇلگىسى مەن تاجىريبەسىن قالىپتاستىرۋعا ىزدەنىس جاسالىپ، اۋىل - قىستاقتى گۇلدەندىرۋ كەزەڭدىك ناتيجەگە قول جەتكىزەدى.

  2035 - جىلعا جەتكەندە، اۋىل - قىستاقتى گۇلدەندىرۋ شەشۋشى ىلگەرىلەۋشىلىككە يە بولىپ، اۋىل شارۋاشىلىعىن، اۋىل - قىستاقتى وسىزامانداندىرۋ نەگىزىنەن جۇزەگە اسادى.

   2050 - جىلعا جەتكەندە، اۋىل - قىستاق جاپپاي گۇلدەنىپ، اۋىل شارۋاشىلىق قۋاتتى، اۋىل - قىستاق كوركەم، شارۋالار باي بولۋ جاپپاي جۇزەگە اسادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى