ارىز - شاعىمدى، قايشىلىقتى شەشۋدەن قامال الۋ جونىندەگى مەملەكەتتىك جۇمىس باسىندا ىلگەرىلەتۋ ءماجىلىسى ۇرىمجىدە اشىلدى

چىن چۋانگو، شۋ شياۋچين ءسوز سويلەدى، جاڭ ىنشي، جۋ حايلۇن ماجىلىسكە قاتىناستى

　　تىلشىلەرىمىز ياۋ تۇڭ، لي ياڭ 9 - ايدىڭ 27 - كۇنى ۇرىمجىدەن حابارلايدى. 9 - ايدىڭ 26 -، 27 - كۇندەرى ارىز - شاعىمدى، قايشىلىقتى شەشۋدەن قامال الۋ جونىندەگى مەملەكەتتىك جۇمىس باسىندا ىلگەرىلەتۋ ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو، مەملەكەتتىك كەڭەستىڭ ورىنباسار باس حاتشىسى، مەملەكەتتىك ارىز - شاعىم مەكەمەسىنىڭ باستىعى شۋ شياۋچين ماجىلىسكە قاتىناستى ءارى ءسوز سويلەدى.

　　چىن چۋانگو سوزىندە اۆتونوميالى رايوندىق پارتكوم مەن ۇكىمەت اتىنان ورتالىق پەن مەملەكەت ورگاندارىنان، تۋىسقان ولكە، رايون، قالالاردان ماجىلىسكە قاتىناسقان جولداستاردى قىزۋ قارسى الىپ، ىقىلاستى قۇرمەت ءبىلدىردى. شينجياڭنىڭ ورنىقتىلىق، دامۋ جاعدايىن قىسقاشا تانىستىرعاننان كەيىن، چىن چۋانگو بىلاي دەپ اتاپ كورسەتتى: ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ «فىڭچياۋ تاجىريبەسىنە» تاباندى بولۋ مەن ونى دامىتۋ جونىندەگى بەكىتپەسىنىڭ 15 جىلدىعىن وراي ەتىپ، باس شۋجي شي جينپيڭنىڭ ارىز - شاعىم قىزمەتىن كۇشەيتۋ مەن جاقسارتۋ جونىندەگى ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، «فىڭچياۋ تاجىريبەسىنە» اناعۇرلىم تاباندى بولىپ، دامىتىپ، جاڭا داۋىردەگى شينجياڭنىڭ ارىز - شاعىم قىزمەتىن ءتىپتى تىڭعىلىقتى تۇردە ويداعىداي ىستەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا جۇرت تىلەگىن جۇمىلدىرۋىمىز، بەرىك نەگىز قالاۋىمىز كەرەك. ءبىرىنشى، ساياسي دەڭگەيدى جوعارىلاتىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋ، تياناقتاندىرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ارىز - شاعىم قىزمەتىن كۇشەيتۋ جانە جاقسارتۋ جونىندەگى شەشىمدەرى مەن ورنالاستىرۋلارىن باتىل دايەكتىلەندىرىپ، بۇقارالىق قىزمەتتى ناقتاپ ىجداعاتتىلىقپەن ىستەپ، كوركەم شينجياڭ قۇرۋ، وتان ارمانىن بىرگە ورىنداۋ قۇدىرەتتى كۇشىن ۇيىستىرۋ كەرەك. ەكىنشى، نازاردى باس نىساناعا شوعىرلاندىرىپ، جاڭا داۋىردەگى شينجياڭنىڭ بۇقارالىق قىزمەتىن تىڭعىلىقتى ىستەۋ كەرەك. ءداۋىر وزگەرىسىن مىقتاپ مەڭگەرىپ، بۇقارالىق قىزمەتتىڭ دانەكەرى مەن ءتاسىلىن ۇزدىكسىز جاڭالاپ جانە كەمەلدەندىرىپ، پارتيانىڭ بۇقارالىق لۋشيانىنا تاباندى بولىپ جانە امالياتتا ايگىلەپ، باسشى كادرلاردىڭ بۇقارامەن تىكە بايلانىس ورناتۋ، بۇقاراعا قىزمەت ەتۋ ءتۇزىمىن اقاۋسىزداندىرىپ، كەمەلدەندىرىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى «تۋىستاسۋ اپتالىعى» قيمىلىن ىشكەرىلەي ورىستەتۋ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ۇزدىكسىز كۇش جالعاپ ورىستەتۋ، «ۇشكە بارۋ، ەكىمەن بايلانىس جاساۋ، بىرمەن دوستاسۋ» قيمىلىن تىڭعىلىقتى ورىستەتىپ، بۇقارالىق قىزمەتتى ىشكەرىلەي مۇقياتتىلىقپەن، سۇيىسپەنشىلىكپەن ىستەۋ، ارىز - شاعىمدى، قايشىلىقتى تەكسەرۋ، شەشۋ قىزمەتىن كۇش سالا جاقسى ىستەۋ كەرەك. ءۇشىنشى، ۇيىمدىق باسشىلىقتى كۇشەيتىپ، ارىز - شاعىم قىزمەتىنىڭ تياناقتانۋىن قاتاڭ جاۋاپكەرشىلىكپەن ىلگەرىلەتۋ كەرەك. ءار دارەجەلى پارتكومدار ارىز - شاعىم قىزمەتىنە بارىنشا ءمان بەرۋ، ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار ءبىرىنشى جاۋاپتى ادام بولۋ مىندەتىن ويداعىداي ارقالاۋ، ارىز - شاعىم قىزمەتى بىرىككەن كەڭەسىندە جالپىلىق سايكەستىرۋ، ۇيىمدىق جاقتان ىلگەرىلەتۋ، تياناقتاندىرۋعا قۋزاپ جەتەكشىلىك ەتۋ سياقتى فۋنكتسيالاردى كۇشەيتۋ، ارىز - شاعىم قىزمەتى بىرىككەن كەڭەس كەڭسەسى مەن ارىز - شاعىم مەكەمەسى ارىز - شاعىم قىزمەتىنىڭ نەگىزگى جاۋاپكەرشىلىگىن، نەگىزگى كاسىبىن شىن مانىندە ۇستىنە الۋ، ارىز - شاعىم قىزمەتى بىرىككەن كەڭەسىنە مۇشە ورىندار مەن فۋنكتسيالىق تاراۋلار سۋبيەكتتىك جاۋاپكەرشىلىكتى تياناقتاندىرىپ، قايشىلىقتاردى ءاۋ باستا شەشۋگە، نەگىزگى ساتىدا شەشۋگە قۇلشىنۋ كەرەك. ءتورتىنشى، بەلسەندى تۇردە شارت - جاعداي ازىرلەپ، ارىز - شاعىم قىزمەتىن جاقسى ىستەۋگە تاماشا قوعامدىق ورتا دايىنداۋ كەرەك. ءار دارەجەلى ورىندار، تاراۋلار ارىز - شاعىم قىزمەتىنە اناعۇرلىم ءمان بەرىپ جانە ونى قولداپ، ارىز - شاعىم قىزمەتى مەن قالىڭ ارىز - شاعىم كادرلارىنىڭ قىزمەت جاۋاپكەرشىلىكتەرىن ءتىپتى جاقسى وتەۋىنە، رولدارىن ءتىپتى جاقسى ساۋلەلەندىرۋىنە شارت - جاعداي ازىرلەۋ كەرەك. كادرلار ستيلىنە بۇرىلىس جاساۋدى تىڭعىلىقتى ىلگەرىلەتىپ، ارىز - شاعىم كادرلار قوسىنى قۇرىلىسىن بارىنشا كۇشەيتىپ، پارتياعا ادال، حالىق ءۇشىن جاۋاپكەرشىلىك ارقالايتىن، بۇقارالىق قىزمەتتى شەبەرلىكپەن ىستەيتىن جوعارى ساپالى ارىز - شاعىم قىزمەتى قوسىنىن قۇرىپ، بارلىق ادام ارىز - شاعىم قىزمەتىنە كوڭىل بولەتىن، ارىز - شاعىم قىزمەتىنە ات سالىساتىن، ارىز - شاعىم قىزمەتىن قولدايتىن كۇشتى راي قالىپتاستىرۋعا قۇلشىنۋ كەرەك.

　　شۋ شياۋچين سوزىندە بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ادامدى نەگىز ەتۋگە تاباندى بولىپ، ءبىر جاعىنان ورنىقتىلىقتى، ەندى ءبىر جاعىنان دامۋدى يگەرىپ، بۇكىل شينجياڭداعى ءار ۇلت حالقىن ۇدەرە العا ۇمتىلۋعا، ءورىس اشا جاڭالىق جاراتۋعا ىنتىماقتاستىرىپ، باستاپ، رەفورما جاساۋ، دامۋ، ۇلتتار ىنتىماعى، قوعامنىڭ العا باسۋى، حالىق تۇرمىسىنىڭ جاقسارۋى، شەكارا قورعانىسىنىڭ بەكەمدەلۋى جاقتارىندا كورنەكتى تابىستارعا قول جەتكىزدى. اسىرەسە، پارتيانىڭ تاڭداۋلى ءداستۇرىن جالعاستىرىپ جانە ساۋلەلەندىرىپ، بۇقارالىق قىزمەت ادىسىنە جاڭالىق ەنگىزىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى، «ۇلتتار ىنتىماعىنىڭ بەرەكەلى شاڭىراعى» سياقتى قيمىلداردى دانەكەر ەتىپ، كادرلار ستيلىنە بۇرىلىس جاساۋدىڭ، بۇقارامەن تىعىز بايلانىس ورناتۋدىڭ، بيلىك جۇرگىزۋ نەگىزىن بەكەمدەۋدىڭ جاڭا جولىن قاراستىردى، قىزمەت بارىسىندا قالىپتاستىرعان جاقسى تاجىريبەلەردى، جاقسى ادىستەردى ۇيرەنۋگە، پايدالانۋعا بولادى، ۇلگى ەتۋگە تاتيدى. ارىز - شاعىمدى، قايشىلىقتى شەشۋدەن قامال الۋ قىزمەتىن جاقسى ىستەۋدىڭ مىندەتى اۋىر، جاۋاپكەرشىلىگى زور، ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ارىز - شاعىم قىزمەتىن كۇشەيتۋ جانە جاقسارتۋ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اناعۇرلىم جوعارى ولشەم، اناعۇرلىم زور سەرپىن، اناعۇرلىم شىنايى ستيل ارقىلى ارىز - شاعىمدى، قايشىلىقتى شەشۋدەن قامال الۋ شايقاسىن كۇش سالا ويداعىداي جۇرگىزىپ، بۇقارانىڭ زاڭدى ۇقىق - مۇددەسىن قورعاۋعا، قوعامنىڭ جاراسىمدىلىعى مەن ورنىقتىلىعىن جەبەۋگە تىڭ ۇلەس قوسۋ كەرەك. «ءتورت تانىمدى» مىقتاپ ورناتىپ، يدەيا مەن ارەكەتتى شىن مانىندە پارتيا ورتالىق كوميتەتىنىڭ ورنالاستىرۋ - تالاپتارىمەن بىرلىككە كەلتىرىپ، ارىز - شاعىمدى، قايشىلىقتى شەشۋدى ىشكەرىلەي ىلگەرىلەتۋدىڭ ساياسي جاۋاپكەرشىلىك سەزىمىن اناعۇرلىم كۇشەيتۋ كەرەك. قامال الىپ، قيىنشىلىقتاردى جەڭۋ سەرپىنىن شىن مانىندە ارتتىرىپ، نىسانادان اۋىتقىماي بايىپتىلىقپەن ىستەپ، شەشۋشى تۇيىندەردى ۇستاپ، شىنايى يگەرىپ، ناقتاپ ىستەپ، تياناقتاندىرۋدى مىقتى يگەرىپ، ناقتى ونىمدىلىككە ءمان بەرىپ، ارىز - شاعىمدى، قايشىلىقتى شەشۋدىڭ جەتىستىكتەرىن ونان ارى بەكەمدەپ، كەڭەيتىپ، قامال الۋدا ناقتى ونىمدىلىككە جەتۋگە، ۋاقىتتىڭ سىنىنان وتۋگە شىنايى كەپىلدىك ەتۋ كەرەك. نەگىزگى ساتىنىڭ نەگىزدىك قىزمەتىن كۇش سالا كۇشەيتىپ، «فىڭچياۋ تاجىريبەسىنە» ونان ارى تاباندى بولىپ، ونى اناعۇرلىم دامىتىپ، بۇقارالىق قىزمەت سىندى ارقاۋدى قاشاندا مىقتى ۇستاپ، نازاردى قاشاندا ماسەلەلەردى دەر كەزىندە، سول جەردىڭ وزىندە شەشۋگە شوعىرلاندىرىپ، قاشاندا تۋ باستان ساقتانۋدى كورنەكتىلەندىرىپ، قايشىلىقتاردى ەرتە باستان شەشۋگە، كىشكەنە كەزىندە شەشۋگە، نەگىزگى ساتىدا شەشۋگە قۇلشىنۋ كەرەك. پارتيانىڭ ارىز - شاعىم قىزمەتىنە باسشىلىعىن شىن مانىندە كۇشەيتىپ، فۋنكتسيالىق تاراۋلاردىڭ رولىن ساۋلەلەندىرىپ، ءبىر تۇتاس تەكسەرۋدى، قاداعالاۋدى كۇشەيتىپ، ارىز - شاعىم قىزمەتىن جاقسى ىستەۋدىڭ قۇدىرەتتى بىرىككەن كۇشىن قالىپتاستىرۋ كەرەك.

　　مەملەكەتتىك ارىز - شاعىم مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى جاڭ ىنشي ارىز - شاعىمدى، قايشىلىقتى شەشۋدەن قامال الۋ شايقاسىنىڭ ىلگەرىلەتىلۋ جاعدايىن حابارلاندىردى. اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن شينجياڭنىڭ جاڭا داۋىردەگى «فىڭچياۋ تاجىريبەسىن» امالياتتا ايگىلەۋ، ارىز - شاعىم قىزمەتىن جاقسى ىستەۋ تاجىريبەلەرىن تانىستىردى.

　　جىجياڭ ولكەسى، فۋجيان ولكەسى، شاندۇڭ ولكەسى، حىنان ولكەسى، حۋبەي ولكەسى، گۋاڭدۇڭ ولكەسى، گۇيجوۋ ولكەسى، نيڭشيا حۇيزۋ اۆتونوميالى رايونى، چىڭدۋ قالاسى جانە جاراتىلىستىق بايلىق مينيسترلىگى سياقتى 10 ورىن تاجىريبەلەرىن تانىستىردى، 22 ولكە، رايون، قالا جازباشا ءسوز سويلەدى.

　　مەملەكەتتىك ارىز - شاعىم مەكەمەسىنىڭ، اۆتونوميالى رايوننىڭ باسشىلارىنان لي گاۋ، سارقىت اقان ۇلى، جۋ چاڭجيە، جاروللا يسامدين قاتارلىلار ماجىلىسكە نەمەسە قاتىستى قيمىلدارعا قاتىناستى.

　　ءماجىلىس تەلەۆيزور - تەلەفون ءماجىلىسى فورماسىمەن اشىلدى. ورتالىق پەن مەملەكەت ورگاندارىنىڭ قاتىستى تاراۋلارىنداعى، ولكە، رايون، قالالار مەن جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى، ولكەلەردىڭ ورتالىق قالالارىنداعى قاتىستى جاۋاپتى جولداستار نەگىزگى ءماجىلىس الاڭىندا ماجىلىسكە قاتىناستى.

  　ماجىلىسكە قاتىناسقاندار ۇرىمجىدە ۇيرەنۋ، تاجىريبە اۋىسۋ، ەكسكۋرسيالاۋ قيمىلىن وتكىزدى.