− باس شۋجي شي جينپيڭنىڭ اۋىل - قىستاقتى گۇلدەندىرۋ ستراتەگياسىن اتقارۋ جونىندەگى ماڭىزدى ءسوزىنىڭ رۋحىن ۇيرەنۋ تۋرالى
حالىق گازەتىنىڭ شولۋشىسى
اۋىل - قىستاق گۇلدەنسە، مەملەكەت گۇلدەنەدى، اۋىل - قىستاق قۇلدىراسا، مەملەكەت قۇلدىرايدى. وسىزامانداندىرۋ ۇردىسىندە ونەركاسىپ پەن اۋىل شارۋاشىلىعىنىڭ قاتىناسىن، قالا مەن اۋىلدىڭ قاتىناسىن قالاي ويداعىداي ءبىر جاقتى ەتۋ بەلگىلى دەڭگەيدە وسىزامانداندىرۋدىڭ ءساتتى - ءساتسىز بولۋىن بەلگىلەيدى.
«اۋىل شارۋاشىلىعىن، اۋىل - قىستاقتى وسىزامانداندىرۋ − اۋىل - قىستاقتى گۇلدەندىرۋ ستراتەگياسىن اتقارۋدىڭ باس نىساناسى، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولۋ − باس باعىت، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، جونگە سالۋى ۇتىمدى، تۇرمىسى باي بولۋ − جالپى تالاپ، قالا مەن اۋىلدىڭ توعىسپالى دامۋ ءتۇزىلىس - مەحانيزمىن جانە ساياساتتىق جۇيەسىن ورناتۋ، كەمەلدەندىرۋ − تۇزىمدىك كەپىل». ج ك پ ورتالىق كوميتەتى ساياسي بيۋروسىنىڭ 8 - رەتكى توپتىق ۇيرەنۋىندە باس شۋجي شي جينپيڭ جاپپاي سوتسياليستىك وسىزاماندانعان قۇدىرەتتى مەملەكەت قۇرۋ تۇرعىسىنان اۋىل - قىستاقتى گۇلدەندىرۋ ستراتەگياسىن اتقارۋدىڭ عىلمي ءمانىن اتاپ كورسەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدىڭ وي جەلىسىن، بەتالىسىن، كۇش سالۋ ءتۇيىنىن ايقىنداپ، ءبىزدىڭ اۋىل شارۋاشىلىعىن، اۋىل - قىستاقتى وسىزامانداندىرۋ سىندى باس نىسانانى مىقتاپ يگەرىپ، اۋىل شارۋاشىلىعىن، اۋىل - قىستاقتى وسىزامانداندىرۋدىڭ داۋىرلىك تالابىن ءدال تۇسىنۋىمىزگە ءتۇبىرلى ولشەم جانە ارەكەت باعدارلاماسىن ازىرلەدى.
اۋىل شارۋاشىلىعىن، اۋىل - قىستاقتى وسىزامانداندىرۋ سىندى باس نىسانانى مىقتاپ يگەرۋ ءۇشىن، اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعالاندىرىپ جوبالاۋعا، بىرگە ىلگەرىلەتۋگە تاباندى بولۋ كەرەك. وسىزاماندانۋدى جۇزەگە اسىرۋدىڭ ولقىلىعى − اۋىل شارۋاشىلىعىندا، قيىن ءتۇيىنى − اۋىل - قىستاقتا. 2017 - جىلى ەلىمىز اۋىل شارۋاشىلىق عىلىم - تەحنيكاسى العا باسۋىنىڭ ۇلەس قوسۋ سالىستىرماسى %57.5كە، ەگىس داقىلدارىن ەگۋ، جيناۋدىڭ ماشينالانۋ دەڭگەيى %67كە جەتىپ، اۋىل شارۋاشىلىعى ءوندىرىس تاسىلىندە ادام كۇشىن، مال كۇشىن نەگىز ەتۋدەن ماشينالاسقان جۇمىستى نەگىز ەتۋگە دەيىنگى تاريحي سەكىرۋ جۇزەگە اسىرىلدى. ەلىمىز اۋىل - قىستاقتارىنىڭ دامۋىنىڭ كەنجە قالۋى ماسەلەسىنىڭ كۇن سايىن كورنەكتىلەنۋى اۋىل شارۋاشىلىعىنىڭ وسىزاماندانعان دامۋىمەن ايقىن سالىستىرما قالىپتاستىرىپ وتىر. سول ءۇشىن دە پارتيا 19 - قۇرىلتايىنىڭ بايانداماسىندا اۋىل - قىستاقتى وسىزامانداندىرۋ مىندەتى ايقىن العا قويىلدى ءارى ول اۋىل شارۋاشىلىعىن وسىزامانداندىرۋمەن بىرگە، اۋىل - قىستاقتى گۇلدەندىرۋ ستراتەگياسىن اتقارۋدىڭ نىساناسى ەتىلدى. اۋىل شارۋاشىلىعىنا ءمان بەرگەن سياقتى، اۋىل - قىستاقتىڭ دامۋىنا دا ءمان بەرىپ، ەكەۋىن بىرگە ىلگەرىلەتىپ، بىرىنە - ءبىرى ساي كەلگەندە عانا، اۋىل شارۋاشىلىعىنداعى ءىرى ەلدەن اۋىل شارۋاشىلىعىنداعى قۋاتتى ەلگە قاراي سەكىرۋدى جۇزەگە اسىرىپ، مەملەكەتتىڭ وسىزاماندانۋىنا بەرىك تىرەك ازىرلەپ، ءجۇز ميلليونداعان شارۋانىڭ وسىزاماندانۋ ۇردىسىنە تەڭ تۇرعىدا قاتىناسىپ، وسىزاماندانۋدىڭ جەتىستىكتەرىنەن بىرگە يگىلىكتەنۋىنە مۇمكىندىك جاساۋعا بولادى.
اۋىل شارۋاشىلىعىن، اۋىل - قىستاقتى وسىزامانداندىرۋ سىندى باس نىسانانى مىقتاپ يگەرۋ ءۇشىن، اۋىل شارۋاشىلىعىن، اۋىل - قىستاقتى الدىمەن دامىتۋدى شىن مانىندە تياناقتاندىرۋ كەرەك.
ەلىمىز حالقىنىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق اۋىل - قىستاقتا ەڭ كورنەكتى، ەلىمىزدىڭ ءالى دە سوتسياليزمنىڭ العاشقى ساتىسىندا تۇرۋى ءارى ۇزاق ۋاقىت تۇرۋى ەرەكشەلىگى زور دەڭگەيدە اۋىل - قىستاقتاردا بەينەلەنىپ وتىر. جاپپاي دوڭگەلەك داۋلەتتى قوعام ورناتۋ مەن جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەڭ جاپالى، ەڭ اۋىر مىندەتى اۋىل - قىستاقتا، ەڭ كەڭ، ەڭ تەرەڭ نەگىزى اۋىل - قىستاقتا، ەڭ ۇلكەن كومەسكى كۇشى مەن سەرپىنى دە اۋىل - قىستاقتا. سول ءۇشىن دە ءبىز، ءسوز جوق، اۋىل شارۋاشىلىعىن، اۋىل - قىستاقتى الدىمەن دامىتۋدى ناقتاپ تياناقتاندىرىپ، قارجى ۇسىنىلىمى، فاكتورلاردى جايعاستىرۋ، الەۋمەتتىك قىزمەت وتەۋ، كادرلار دايىنداۋ جاقتارىندا پارمەندى شارا قولدانىپ، اۋىل شارۋاشىلىعىنىڭ، اۋىل - قىستاقتىڭ دامۋىنداعى ولقىلىقتاردى جەدەل تولىقتىرىپ، قالا مەن اۋىلدىڭ پارقىن ۇزدىكسىز ازايتىپ، اۋىل شارۋاشىلىعىن بولاشاعى بار سالاعا، ديقان بولۋدى باۋراۋ قۋاتى بار كاسىپكە، اۋىل - قىستاقتى شات - شادىمان ءومىر كەشەتىن مەكەنگە اينالدىرۋىمىز كەرەك.
اۋىل شارۋاشىلىعىن، اۋىل - قىستاقتى وسىزامانداندىرۋ سىندى باس نىسانانى مىقتاپ يگەرۋ ءۇشىن، اۋىل - قىستاقتى گۇلدەندىرۋ ستراتەگياسىن اتقارۋدىڭ ساياساتتىق كۇش سالۋ ءتۇيىنىن ويداعىداي يگەرۋ كەرەك. شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، جونگە سالۋى ۇتىمدى، تۇرمىسى باي بولۋ سىندى جالپى تالاپتى دايەكتىلەندىرىپ، تياناقتاندىرىپ، قالا مەن اۋىلدىڭ توعىسپالى دامۋ ءتۇزىلىس - مەحانيزمىن جانە ساياساتتىق جۇيەسىن ورناتۋ، كەمەلدەندىرۋ ءۇشىن، باس شۋجي شي جينپيڭنىڭ تالابىنا ساي، اۋىل شارۋاشىلىعى، اۋىل - قىستاق ەكونوميكاسىنىڭ بازار قاجەتىنىڭ وزگەرىسىنە سايكەسۋىن ىلگەرىلەتۋ، ساپالىلانۋ دارەجەسىنىڭ جوعارىلاۋىن جەدەلدەتۋ، كاسىپتەردىڭ توعىسۋىن جەبەۋ، اۋىل - قىستاقتىڭ ەكولوگيالىق وركەنيەت قۇرىلىسىن، اۋىل - قىستاق كورىكتى مەكەنىن قۇرۋدى تەزدەتىپ، سوتسياليستىك وزەكتى قۇن كوزقاراسىن ساۋلەلەندىرۋ، اۋىل - قىستاقتىڭ تاڭداۋلى ءداستۇرلى مادەنيەتىن قورعاۋ جانە جالعاستىرۋ، اۋىل - قىستاقتىڭ الەۋمەتتىك مادەنيەت قۇرىلىسىن كۇشەيتۋ، اۋىل - قىستاق قوعامىنىڭ وركەنيەت دەڭگەيىن جوعارىلاتۋ، اۋىل - قىستاقتىڭ جونگە سالۋ قابىلەتى مەن دەڭگەيىنىڭ وسىزاماندانۋىن ىلگەرىلەتۋ، اۋىل - قىستاقتىڭ ومىرشەڭدىك كۇشكە باي ءارى جاراسىمدى، ءتارتىپتى بولۋىنا مۇمكىندىك جاساۋ، قالىڭ شارۋالار جۇرتشىلىعىنىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرۋ كەرەك.
جۇڭگوشا سوتسياليزم جاڭا داۋىرىندە اۋىل - قىستاقتىڭ بولاشاعى نۇرلى، ءورىسى كەڭ، تاپتىرماس دامۋ ورايىنا ءدوپ كەلىپ وتىر. بۇكىل پارتيانىڭ، بۇكىل ەلدىڭ، بۇكىل قوعامنىڭ كۇشىن جۇمىلدىرىپ، اناعۇرلىم زور بەكىم، اناعۇرلىم ايقىن نىسانا، اناعۇرلىم پارمەندى شارا ارقىلى اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جوعارى دەڭگەيدە ىلگەرىلەتىپ، اۋىل شارۋاشىلىعىنىڭ دارەجەسىنىڭ جاپپاي جوعارىلاۋىن، اۋىل - قىستاقتىڭ جاپپاي العا باسۋىن، شارۋالاردىڭ جان - جاقتى دامۋىن ىلگەرىلەتسەك، جاڭا داۋىردەگى اۋىل - قىستاقتىڭ جاپپاي گۇلدەنۋىنىڭ تىڭ پاراعىن جازا الامىز.
(شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى)
