تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ورتالىق تەلەۆيزياسى قۇرىلعاندىعىنىڭ جانە جاڭا جۇڭگو تەلەۆيزيا ىستەرى دۇنيە كەلگەندىگىنىڭ 60 جىلدىعىنا جولداعان قۇتتىقتاۋ حاتىن جەتكىزدى، ۇيرەندى، كەزەكتەگى رايونىمىزدىڭ ەكونوميكالىق جاعدايى مەن ەكونوميكالىق قىزمەتىنە تالداۋ جاسادى، اقىلداستى

پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتىلەندىرىپ، نازاردى باستان - اياق باس نىساناعا شوعىرلاندىرىپ، بۇكىل رايونىمىزدىڭ قوعام جاراسىمدىلىعىنا، ورنىقتىلىعىنا كۇش سالا كەپىلدىك ەتىپ، ەكونوميكانىڭ جوعارى ساپالى دامۋىن ىلگەرىلەتەيىك

چىن چۋانگو ءماجىلىستى باسقاردى

  ءتىلشىمىز ياۋ تۇڭ 9 - ايدىڭ 29 - كۇنى ۇرىمجىدەن حابارلايدى. 9 - ايدىڭ 29 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىق تەلەۆيزياسى قۇرىلعاندىعىنىڭ جانە جاڭا جۇڭگو تەلەۆيزيا ىستەرى دۇنيە كەلگەندىگىنىڭ 60 جىلدىعىنا جولداعان قۇتتىقتاۋ حاتىن جەتكىزدى، ۇيرەندى، كەزەكتەگى رايونىمىزدىڭ ەكونوميكالىق جاعدايى مەن ەكونوميكالىق قىزمەتىنە تالداۋ جاسادى جانە ونى اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنانى اتاپ كورسەتتى: ورتالىق تەلەۆيزياسى قۇرىلعاندىعىنىڭ جانە جاڭا جۇڭگو تەلەۆيزيا ىستەرى دۇنيە كەلگەندىگىنىڭ 60 جىلدىعى قارساڭىندا، باس شۋجي شي جينپيڭنىڭ حات جولداپ قۇتتىقتاۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇگىت - يدەيا قىزمەتىنە وسكەلەڭ ءمان بەرگەندىگىن جانە اقپارات شەبىندەگى قالىڭ قىزمەتكەرلەرگە بولعان ىقىلاستى قامقورلىعىن تولىق ايگىلەدى. تۇتاس رايونىمىزداعى ۇگىت - يدەيا شەبى باس شۋجي شي جينپيڭنىڭ مەملەكەتتىك ۇگىت - يدەيا قىزمەتى جونىندەگى ماجىلىستە سويلەگەن ماڭىزدى ءسوزىنىڭ رۋحىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، باس شۋجيدىڭ قۇتتىقتاۋ حاتىنىڭ رۋحىن مۇقيات ۇيرەنۋ، ءتۇسىنۋ، ىشكەرىلەي دايەكتىلەندىرۋ، تياناقتاندىرۋ كەرەك. پارتيانىڭ باسشىلىعىنا تاباندى بولىپ، تۋى ايقىن تۇردە پارتيانىڭ ۇگىتتى باسقارۋىنا، پارتيانىڭ يدەولوگيانى باسقارۋىنا تاباندى بولىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاۋ كەرەك؛ دۇرىس ساياسي باعدارعا تاباندى بولىپ، دۇرىس ساياسي باعداردى مىقتى يگەرىپ، دۇرىس قوعامدىق پىكىر بەتالىسىنا باستان - اياق تاباندى بولىپ، نەگىزگى اۋەندى اسقاقتاتىپ، وڭ ەنەرگيانى زورايتىپ، نەگىزگى اعىم يدەيالىق قوعامدىق پىكىردى زورايتىپ، كۇشەيتىپ، اقپارات قوعامدىق پىكىرىنىڭ تاراتۋ قۋاتىن، جەتەكشىلىك قۋاتىن، ىقپال قۋاتىن، الەۋمەتتىك سەنىمدىلىك قۋاتىن ۇزدىكسىز جوعارىلاتۋ كەرەك؛ حالىقتى وزەك ەتۋگە تاباندى بولىپ، نەگىزگى ساتىمەن بىتە قايناسىپ، بۇقارامەن بىتە قايناسىپ، حالىق بۇقاراسى جاراتقان تاجىريبەلەر مەن ءدوپ كەلگەن ءىس جۇزىندىك جاعدايدى دەر كەزىندە اڭىس ەتىپ، حالىقتىڭ رۋحاني الەمىن بايىتىپ، حالىقتىڭ رۋحاني كۇشىن ارتتىرۋ كەرەك؛ رەفورما جاساۋعا، جاڭالىق اشۋعا تاباندى بولىپ، تاراتۋ تاسىلىندە جانە ءسوز سويلەۋ تاسىلىندە جاڭالىق اشۋدى كۇشەيتىپ، توعىسا دامۋدى تەزدەتىپ، ۇگىتتىڭ باعىتتامالىلىعى مەن ناقتى ونىمدىلىگىن كۇشەيتۋ كەرەك؛ جاۋاپكەرشىلىكتى كۇشەيتۋگە تاباندى بولۋ كەرەك، ءار دارەجەلى پارتكومدار پارتيانىڭ ۇگىت - يدەيا قىزمەتىنە جالپى بەتتىك باسشىلىقتى كۇشەيتىپ، ساياسي جاۋاپكەرشىلىك پەن باسشىلىق جاۋاپكەرشىلىكتى سانالى تۇردە ارقالاپ، يدەولوگيا سالاسىنىڭ حاۋىپسىزدىگىنە كەپىلدىك ەتۋ كەرەك.

  ءماجىلىس اۆتونوميالى رايوندىق ۇكىمەت پارتيا باسشىلىق گرۋپپاسىنىڭ تۇتاس رايونىمىزدىڭ ەكونوميكالىق قىزمەتى جونىندە بەرگەن مالىمەتتى تىڭدادى. ءماجىلىس مىنانى اتاپ كورسەتتى: بيىل جىل باسىنان بەرى، اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، بايىپتىلىقپەن ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، جوعارى ساپالى دامۋ تالابىن تياناقتاندىرىپ، نازاردى باس نىساناعا شوعىرلاندىرىپ، كەشەندى شارانى ويداعىداي اتقارىپ، تۇتاس رايونىمىزدىڭ قوعامدىق جالپى جاعدايى ۇزدىكسىز جاراسىمدى، ورنىقتى بولىپ، ەكونوميكاسى ورنىقتى، اقاۋسىز دامىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.

  ءماجىلىس مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن ىشكەرىلەي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قوعام جاراسىمدىلىعىنا، ورنىقتىلىعىنا، ەكونوميكانىڭ ساپالى دامۋىنا كەپىلدىك ەتىپ، ورنىقتىلىق پەن دامۋدان مول ونىمگە قول جەتكىزۋ كەرەك. ءبىرىنشى، نازاردى باس نىساناعا ەش بۇلجىماستان شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىمەن قىزمەتتەرگە ءبىر تۇتاس جەتەكشىلىك ەتۋدەن جازباي، ورنىقتىلىقتى قورعاۋ شارالارىن ىشكەرىلەي، تاپتىشتەي تياناقتاندىرىپ، ورنىقتىلىقتىڭ يگىلىگىن ۇزبەي ۇلعايتىپ، جاراسىمدى، ورنىقتى تاماشا جاعدايمەن ەكونوميكانىڭ دامۋىنا تاماشا ورتا ازىرلەۋ كەرەك. ەكىنشى، جاڭا دامۋ ۇستانىمىن بەرىك ورناتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ ۇستانىمىن مىقتاپ ورناتىپ جانە دايەكتىلەندىرىپ، تياناقتاندىرىپ، جاڭاشا ونەركاسىپتەندىرۋدىڭ، ينفورماتسيالاندىرۋدىڭ، قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ قاتار دامۋىن ىلگەرىلەتىپ، ەكونوميكانىڭ ساپالى دامۋىن ىسكە اسىرىپ، اۆتونوميالى رايونىمىزدىڭ ەكونوميكالىق قۋاتىن ۇزبەي كۇشەيتۋ كەرەك. ءۇشىنشى، بايىپتىلىقپەن ىلگەرىلەۋ سىندى قىزمەت جالپى ارناسىنا تاباندى بولىپ، جۇمىستاندىرۋدى ورنىقتىرۋ، فينانستى ورنىقتىرۋ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ، قارجى قوسۋدى ورنىقتىرۋ، مەجەنى ورنىقتىرۋ قىزمەتىن ءبىر تۇتاس جوسپارلاپ جاقسى ىستەپ، قامداۋ جاعىنداعى قۇرىلىمدىق رەفورمانى ىلگەرىلەتۋدە ماندىك دامۋعا توقتاۋسىز قول جەتكىزۋ كەرەك. ءتورتىنشى، عىلمي، ءونىمدى قىزمەت مەحانيزمىن كەمەلدەندىرىپ، ءبىر القانىڭ ورنىقتىلىقتى ساقتاۋعا بار كۇشىن سالۋىنا، ءبىر القانىڭ زەيىن - زەردەنى شوعىرلاندىرا دامۋدى يگەرۋىنە كەپىلدىك ەتىپ، ءبىر تۇتاس جوسپارلاپ سايكەستىرۋدى كۇشەيتىپ، قىزمەت بىرىككەن كۇشىن قالىپتاستىرىپ، ورنىقتىلىق، دامۋ سىندى ەكى ءىرى ءىستى مىقتاپ يگەرۋ كەرەك. بەسىنشى، بەلگىلەنگەن قىزمەت ورنالاستىرۋلارىن تەرەڭدەتىپ، باس نىسانانى مىقتاپ ارقاۋ ەتىپ، ءۇش ۇلكەن قامال الۋ شايقاسىن باتىلدىقپەن جاقسى جۇرگىزىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى، اۋىل - قىستاقتى گۇلدەندىرۋ ستراتەگياسى، ساياحات كاسىبىن دامىتۋ سىندى ءۇش ءتۇيىندى كۇش سالا ويداعىداي يگەرىپ، رەفورمانى تەرەڭدەتىپ، ەسىكتى ايقارا اشىپ، تۇيىندەردەن قامال الۋ ارقىلى جالپى جاعداي قىزمەتىنە جەتەكشىلىك ەتۋ كەرەك. التىنشى، 3 كاسىپ سالاسىنىڭ توعىسا دامۋىن ىلگەرىلەتىپ، 1 - كاسىپتە دەڭگەيدى وسىرۋگە، 2 - كاسىپتە ءتۇيىندى يگەرۋگە، 3 - كاسىپتە قاۋىرت دامۋعا تاباندى بولىپ، ءوزارا سايكەستىرۋدى، ءوزارا ۇشتاستىرۋدى، ءوزارا جەبەۋدى ىسكە اسىرىپ، اۋىل شارۋاشىلىعىنىڭ ساپاسىن ءوسىرىپ، ءونىمىن ارتتىرۋدى، ونەركاسىپتىڭ تيبىن وزگەرتىپ، دارەجەسىن جوعارىلاتۋدى، قىزمەت كورسەتۋ كاسىبىن زورايتۋدى، ساپالىلاندىرۋدى ىلگەرىلەتىپ، ساپالى دامۋ تالابىنا ۇيلەسەتىن، شينجياڭنىڭ ەرەكشەلىگىنە يە وسىزاماندانعان كاسىپ سالاسى جۇيەسىن قۇرۋ كەرەك. جەتىنشى، رەفورما جاساۋ، ەسىك اشۋ ارقىلى قوزعاۋشى كۇش قوسىپ، ومىرشەڭدىك كۇشتى ارتتىرىپ، ءتۇيىندى سالالارداعى رەفورمانى ۇزبەي تەرەڭدەتىپ، ىشكە جانە سىرتقا ەسىك اشۋ دەڭگەيىن جوعارىلاتىپ، ءتۇرلى كاسىپورىنداردى شينجياڭعا كەلىپ قارجى قوسىپ، شارۋاشىلىعىن گۇلدەندىرۋگە باۋراپ، شينجياڭداعى كاسىپورىنداردىڭ «سىرتقا شىعۋىن» قولداپ، رەفورما مەن ەسىك اشۋدىڭ ءبىر - ءبىرىن جەبەۋىنە، ءبىر - بىرىنە ساي كەلۋىنە مۇمكىندىك جاساۋ كەرەك. سەگىزىنشى، ىشكى سۇرانىستى بەلسەنە زورايتىپ، پارتيا ورتالىق كوميتەتىنىڭ ورنالاستىرۋىنا ساي، ماڭىزدى سالالارعا جانە ءالسىز بۋىندارعا ءونىمدى قارجى قوسۋدى ارتتىرىپ، ناقتى ەكونوميكانى زورايتىپ، حالىقتىق شارۋاشىلىقتى قولداپ، تۇتىنۋ ورتاسىن جاقسارتىپ، تۇتىنۋ ساياساتىن كەمەلدەندىرىپ، تۇتىنۋ ءتۇيىنىن جەتىلدىرىپ، ەكونوميكانى ارتتىرۋعا قوزعاۋشى كۇش قوسۋ كەرەك. توعىزىنشى، قازىنانىڭ فينانستىق تىرەكتىك رولىن ساۋلەلەندىرىپ، قازىنا قارجىسىنىڭ تۇرتكىلىك رولىن جانە ۇلعايتۋ ونىمدىلىگىن جاقسى ساۋلەلەندىرىپ، ءار ءتۇرلى فينانس قۇرىلىمدارىنىڭ ناقتى ەكونوميكاعا بەلسەنە قىزمەت كورسەتۋىن قولداپ جانە وعان جەتەكشىلىك ەتىپ، بازار مەحانيزمىنىڭ رولىن ساۋلەلەندىرۋىنە ءتيىمدى شارت - جاعداي مەن ورتانى قۇلشىنا ازىرلەۋ كەرەك. ونىنشى، ءتۇرلى ساياساتتاردان جەتكىلىكتى، ويداعىداي پايدالانىپ، پارتيا ورتالىق كوميتەتىنىڭ ساياسات، شارالارىن قاز - قالپىندا دايەكتىلەندىرىپ، تياناقتاندىرىپ، شينجياڭنىڭ ءىس جۇزىندىك جاعدايىنا ۇشتاستىرا وتىرىپ ناقتى اتقارۋ پىكىرىن بەلگىلەپ، ساياسات ابزالدىلىعىن دامۋ ابزالدىعىنا شىنايى اينالدىرۋ كەرەك. ون ءبىرىنشى، حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن بارىنشا قامتاماسىز ەتىپ جانە جاقسارتىپ، حالىققا تيىمدىلىك جاساۋدىڭ 9 ءتۇرلى ينجەنەرياسىن ۇزبەي ىشكەرىلەي اتقارىپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋ كەرەك. ون ەكىنشى، قابىلەت دەڭگەيىن ۇزبەي جوعارىلاتۋ، ءار دارەجەلى باسشى كادرلار ۇيرەنۋدى كۇشەيتىپ، جاڭا داۋىردە ەكونوميكالىق قىزمەتكە باسشىلىق ەتۋ قابىلەت دەڭگەيىن قۇلشىنا جوعارىلاتۋ؛ نەگىزگى ساتىعا تەرەڭ بويلاپ، ەكونوميكانىڭ دامۋى بارىسىندا ۇشىراعان قيىنشىلىقتار مەن ماسەلەلەردى دەر كەزىندە اقىلداسىپ شەشىپ، شەگە قاعۋ رۋحىمەن قىزمەتتەردى ناقتى، تاپتىشتەي، جاقسى ىستەپ، ەكونوميكانىڭ، قوعامنىڭ ۇزدىكسىز ورنىقتى، اقاۋسىز دامۋىنا كەپىلدىك ەتۋ كەرەك.

  ءماجىلىس باسقا دا ىستەردى اقىلداستى.

 شوكىرات زاكىر، شاۋكەت يمىن، جۋ حايلۇن، لي پىڭشين، شۇي حايرۇڭ، ەركىن تۇنياز، تيان ۋىن، سارقىت اقان ۇلى، ياڭ شين، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.