تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭداعى ءار ۇلت، ءار سالاداعىلار حالىق قاھارماندارىنا گۇل شارباق قويدى

چىن چۋانگو، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين قاتارلىلار قاتىناستى

9- ايدىڭ 30 - كۇنى قۇربانداردى ەسكە الۋ كۇنى حالىق قاھارماندارىنا گۇل شارباق قويۋ سالتى ءۇرىمجى حالىق الاڭىندا سالتاناتپەن وتكىزىلدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى تۇتاس رايونىمىزداعى ءار ۇلت، ءار سالا كادر - بۇقارا ۋاكىلدەرىمەن بىرگە حالىق قاھارماندارىنا گۇل شارباق قويىپ، قۇربانداردى ساعىنا ەسكە الىپ، تاريحتى ەستەن شىعارماي، اۋەلگى ماقساتتى ۇمىتپادى.

  ءتىلشىمىز ياۋ تۇڭ 9 - ايدىڭ 30 - كۇنى ۇرىمجىدەن حابارلايدى. الىپ تيانشان ادال رۋحتىڭ ماڭگىلىك تۇراعى. 9 - ايدىڭ 30 - كۇنى تۇستەن بۇرىن، قۇربانداردى ەسكە الۋ كۇنى حالىق قاھارماندارىنا گۇل شارباق قويۋ سالتى ءۇرىمجى حالىق الاڭىندا سالتاناتپەن وتكىزىلدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى تۇتاس رايونىمىزداعى ءار ۇلت، ءار سالا كادر - بۇقارا ۋاكىلدەرىمەن بىرگە حالىق قاھارماندارىنا گۇل شارباق قويىپ، قۇربانداردى ساعىنا ەسكە الىپ، تاريحتى ەستەن شىعارماي، اۋەلگى ماقساتتى ۇمىتپاي، بۇكىل رايونىمىزداعى ءار ۇلت حالقىنىڭ قۇربانداردىڭ مۇراتىنا مۇراگەرلىك ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن قۇلشىنا جازاتىن باتىل سەنىمدەرىن تولىق ايگىلەدى.

  سالتاناتتى دا ايبىندى ءۇرىمجى حالىق الاڭىندا بەس جۇلدىزدى قىزىل تۋ اسقاق جەلبىرەپ تۇر. چىن چۋانگو، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين، ليۋ ۋانلۇڭ، لي ۋي، ەركىن تۇنياز، تيان ۋىن، جي جىڭ، سارقىت اقان ۇلى، جاڭ چۇنلين حالىق قاھارماندارىنا گۇل شارباق قويۋ سالتىنا قاتىناستى. اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ سالتتى باسقاردى.

  قاراعايلار باس ءيىپ، ەسكەرتكىش ەڭسەلى تۇر. ساعات 11دە، حالىق قاھارماندارىنا گۇل شارباق قويۋ سالتى رەسمي باستالدى. «ەرىكتىلەر مارشى» ورىندالىپ، مەملەكەت ءانى تۇتاس الاڭدا بىركەلكى اسقاق شىرقالدى. ايبىندى مەملەكەت ءانى مايدان كەڭىستىگىندە قالىقتادى.

  مەملەكەت ءانى اياقتالىپ، بۇكىل الاڭداعىلار ءۇنسىز تۇرىپ، شينجياڭنىڭ ازاتتىق جانە قۇرىلىس ىستەرى ءۇشىن ەرلىكپەن قۇربان بولعان قۇرباندارعا، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، بولشەكتەۋشىلىككە قارسى تۇرۋ جانە لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ەرلىكپەن باسىن ءباي تىككەن قۇرباندارعا ءۇنسىز ازا ءبىلدىردى.

  ازا ءبىلدىرۋ اياقتالعان سوڭ، قولدارىنا گۇل ۇستاعان پيونەرلەر حالىق قاھارماندارى ەسكەرتكىشىنە قاراپ تۇرىپ «ءبىز كوممۋنيزم ىستەرىنىڭ ءىزباسارىمىز» دەگەن ءاندى ورىندادى ءارى پيونەرلىك سالەم بەردى.

  شارشى توپتىڭ الدىنا اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى، ءارقايسى دەموكراتيالىق پارتيا - توپتار، اۆتونوميالى رايوندىق ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر، ءۇرىمجى قالاسىنىڭ ءار ۇلت ءار سالا بۇقاراسى، جۇڭگو پيونەرلەر وتريادى اتىنان ۇسىنىلعان 9 گۇل شارباق رەتىمەن قويىلدى. گۇل شارباقتىڭ قىزىل جىبەك لەنتاسىنا التىن تۇسپەن جازىلعان «حالىق قاھارماندارى ماڭگى جاسايدى» دەگەن سوزدەر ەرەكشە جارقىرايدى.

  تەرەڭ سەزىمگە تولى «گۇل قويۋ مۋزيكاسىنا» ىلەسە، 18 قۇرمەت قاراۋىلى گۇل شارباقتاردى كوتەرىپ، حالىق قاھارماندارى ەسكەرتكىشىنە قاراي بايسالدى قادام تاستاپ، ەسكەرتكىشتىڭ تۇعىرىنا اكەلىپ قويدى.

  چىن چۋانگو، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين، ليۋ ۋانلۇڭ قاتارلىلار باسپالداقپەن باياۋ شىعىپ، گۇل شارباقتىڭ جىبەك لەنتاسىن ىجداعاتپەن رەتتەدى. ىلە - شالا، اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى، ءار ۇلت، ءار سالا كادر - بۇقارا ۋاكىلدەرى جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشىنە قۇرمەتپەن قاراپ، باياۋ اينالىپ ءوتتى.

  ءار ۇلت كادر - بۇقاراسى مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، قۇربانداردىڭ ورىندالماعان ارمانىن ەستە بەرىك ساقتاپ، ولاردىڭ قان توگىپ، باسىن ءباي تىككەن ۇلى مۇراتتارىن ماڭگى ەستەن شىعارماي، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، نازاردى باس نىساناعا شوعىرلاندىرىپ، كەشەندى شارانى ويداعىداي اتقارىپ، شينجياڭنىڭ قوعامىنىڭ جالپى جاعدايىنىڭ جاراسىمدىلىعىن، ورنىقتىلىعىن كۇش سالا ۇزبەي ساقتاپ، «قوس 100 جىلدىق» كۇرەس نىساناسىن ىسكە اسىرۋ جولىندا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاساپ، ءىس جۇزىندىك ارەكەتىمىز ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە قامقورلىعى مەن تەرەڭ سۇيىسپەنشىلىگىن اقتايمىز.

  اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار، ت. ب حالىق قاھارماندارىنا گۇل شارباق قويۋ سالتىنا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.