− جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قىزۋ قۇتتىقتايمىز
حالىق گازەتى باسماقالاسى
ۋاقىتتىڭ جىلدار قاتپارىندا كۇرەسكەرلەردىڭ ءىزى قالدى. 10 - ايداعى كۇننىڭ شۇلەن شۋاعى بايتاق دالاعا توگىلگەن ساتتە، ءبىز حالىق رەسپۋبليكاسىنىڭ 69 جىلدىعىن قارسى الىپ وتىرمىز. سولتۇستىك جۇڭگونىڭ تاۋ بوكتەرلەرىنەن نانحاي تەڭىزىندەگى مارجان قۇز ارالدارىنا دەيىن، باتىستاعى ۇستىرتتەن شىعىستاعى شۇرايلى القاپقا دەيىن، ءجۇز ميلليونداعان جۇڭحۋا ۇلانى كوكىرەك كەرنەگەن داڭق پەن ارمانعا بولەنىپ، بورىش پەن مىندەتتى ارقالاپ، گۇلدەنۋ جولىندا جىگەرلەرىن تاسقىنداتىپ، كوزدەگەن مۇرات - ماقساتىنا ۇدەرە العا تارتتى.
بەس جۇلدىزدى قىزىل تۋ جەلبىرەپ، ارمانعا ۇمتىلعان ساپارىندا تولقىن جارا ىلگەرىلەپ كەلەدى. وتكەن ءبىر جىلدا حالىق رەسپۋبليكاسىنىڭ جىلناما تاريحىنا تىڭ پاراق قوسىلدى. پارتيا 19 - قۇرىلتايى جەڭىسپەن اشىلدى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ءبىز جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ تىڭ ساپارىن باستادىق. نەگىزگى ماكرولىق كورسەتكىش ۇيلەسىمدى ارالىقتا تۇردى، ەكونوميكا تۇتاس تۇلعالىق جاقتان ورنىقتى بولىپ، ورنىقتىلىق بارىسىندا جاقسارۋ بەتالىسىن ساقتادى؛ پارتيا مەن مەملەكەتتىڭ قۇرىلىمدىق رەفورماسىن تەرەڭدەتىپ، ەسىكتى ايقارا اشۋدىڭ ءتورت ۇلكەن شاراسىن العا قويىپ، رەفورما جاساپ، ەسىك اشۋدىڭ تىڭ ورلەۋى كوتەرىلدى؛ بو - اۋ ازيا تالقى مىنبەرى، شاڭحاي سەلبەستىك ۇيىمىنىڭ چيڭداۋ باسشىلار باس قوسۋى، جۇڭگو - افريكا ەلدەرى سەلبەستىك تالقى مىنبەرىنىڭ بەيجيڭدەگى باسشىلار باس قوسۋى ءوتىپ، ءىرى ەلدىڭ ديپلوماتياسى كۇللى دۇنيەنى جالت قاراتتى؛ كەدەيلىكتەن قۇتىلدىرۋدان قامال الۋدى ىلگەرىلەتۋگە كۇش ۇستەلدى، لاستانۋدىڭ الدىن الۋدىڭ جانە ونى وڭاۋدىڭ سەرپىنى بۇرىن بولىپ كورمەگەن دەڭگەيگە كوتەرىلدى، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى نىعايدى... جۇڭگونىڭ بايتاق دالاسىنا كوز جىبەرسەك، جاڭا ءداۋىردىڭ جالىندى لەبى ەسىپ، ءتۇرلى ىستەر كۇننەن - كۇنگە ورگە باسىپ، رەفورما، دامۋ ىستەرى كوركەيىپ، ۇلى وتانىمىز جاندى دا جالىندى بەينەمەن تولىقسىپ، نەگىزى بەكەمدەلدى.
ءىشىنارا ماڭىزدى كەزەڭدەردە ۋاقىتتىڭ قۇنىن كورسەتىپ، العا باسۋدىڭ كوورديناتاسىن تۇراقتاندىردى. 1949 - جىلى 10 - ايدىڭ 1 - كۇنى العاشقى بەس جۇلدىزدى قىزىل تۋ بەيجيڭنىڭ اسپانىنا باياۋ كوتەرىلدى. تاياۋ زاماننان بەرگى 100 نەشە جىلدىق ماشاقاتتى كۇرەستى باسىنان وتكەرگەن جۇڭگو حالقى جۇڭحۋا ۇلتىنىڭ ازاپتى كۇندەردەن ارىلىپ، شۋاقتى كۇندەرىن قارسى الدى. 69 جىلدىق شۇعىلالى بەلەستە، بىرىنشىدەن، اق، ەكىنشىدەن، كەدەي بولعان نەگىز ۇستىنە ەڭ جاڭا، ەڭ تاماشا كورىنىستەر سالدىق؛ 40 جىلدىق رەفورما جاساۋ، ەسىك اشۋ ارقىلى ءبىز جەر شارىنان ىعىسۋ حاۋپىنەن تۇبەگەيلى قۇتىلىپ، دۇنيە ءجۇزى ساحناسىنىڭ ورتاسىنا كۇن سايىن جاقىندادىق. «سول شاقتى اسقار - اسۋ ەسىمە الام». جۇڭگو كوممۋنيستىك پارتياسى ءجۇز ميلليونداعان حالىققا باسشىلىق ەتىپ جاڭا جۇڭگونى قۇرىپ، ۇلى وتاندى كەدەيلىك پەن مەشەۋلىكتەن قۇتىلدىرىپ، قاسىرەت پەن قورلىقتان ايىقتىردى، ومىرشەڭدىگى قاۋلاعان جۇڭگو، ۇمىتكە تولى جۇڭگو دۇنيە ءجۇزىنىڭ شىعىسىندا ءور تۇلعامەن قاسقايىپ تۇردى. جۇڭگونىڭ دامۋ جەتىستىكتەرىن پارتيا ءجۇز ميلليونداعان حالىقتى باستاپ قاجىرلى ەڭبەگىمەن جاراتقان، ۇرپاقتان - ۇرپاق جالعاسقان جۇڭگولىقتار قايسارلىقپەن شايقاسىپ، كۇش جالعاپ كۇرەسۋ ارقىلى جاراتقان. ءبىز ۇلى وتانىمىزبەن ماقتانامىز، ۇلى حالقىمىزبەن ماقتانامىز.
باقىت كۇرەستەن كەلەدى، كۇرەس جاپالى بولادى ءارى ۇزاق ۋاقىتقا جالعاسادى. بۇگىن جۇڭگو تاريحتىڭ شەشۋشى تۇيىلىسىندە تۇر. ىشكى جاققا زەر سالساق، رەفورما تەرەڭ ءيىرىمدى قويناۋعا قادام تاستاپ، دامۋ شەشۋشى كەزەڭگە وتكەنىن، ساپالى دامۋدىڭ كىلتەڭ تۇستارىنان قامال الۋ كەرەكتىگىن، «ءۇش ءىرى قامال الۋ شايقاسىن» جەڭىستى جۇرگىزۋدە ۋاقىت كۇتىپ تۇرمايتىندىعىن، ءارقايسى مىندەتتەردى ورىنداۋدا ۋاقىتپەن جارىسۋ كەرەكتىگىن اڭعارامىز؛ سىرتقا زەر سالساق، دۇنيە ءجۇزىنىڭ قاۋىرت دامۋ، قاۋىرت وزگەرۋ، قاۋىرت رەتتەلۋ كەزەڭىندە تۇرعانىن، جاھاندانۋعا كەرى اعار يدەيا اعىمى، ساۋدا قورعامپازدىق نىسايى باس كوتەرىپ، جاڭا تۇراقسىزدىقتار اكەلگەنىن كورەمىز. «تابيعاتتىڭ تىنىمسىز قوزعالىستا بولاتىنى ءتارىزدى، ادام دا تولاسسىز تالپىنا ءتۇسۋى كەرەك». ءدال وسىنداي كەزدە، ءبىز، ءسوز جوق، كوپتەگەن تىڭ تاريحي ەرەكشەلىكتەرگە يە ۇلى كۇرەستەردى جۇرگىزىپ، بەرىك سەنىممەن، ەرەن اقىل - پاراساتپەن، تايسالمايتىن باتىلدىقپەن تىڭ جورىققا تولىق سەنىممەن اتتانىپ، تالىقپاي تالپىنىپ، جاڭا جەڭىستەرگە قول جەتكىزۋىمىز كەرەك.
تاسقىنداعان اسقاق سەزىممەن كۇرەس جۇرگىزۋ ارقىلى جۇڭگو جولىن داڭعىلداندىرا تۇسەيىك. نەشە ۇرپاق جۇڭگو كوممۋنيستەرىنىڭ ارمانى مەن تالپىنىسىن ارقالاعان، سانسىزداعان ارداگەرلەردىڭ ءۇمىتى مەن تىلەگىن ارقالاعان جۇڭگوشا سوتسياليزم ءجۇز ميلليونداعان حالىقتىڭ كۇرەسى مەن جاسامپازدىعىن شوعىرلاندىردى. ۇزاق تاريحى بار وركەنيەتتى بايىرعى ەل وسى جولدا جاڭا شالقىعان تىرشىلىك تىنىسىن تاسقىنداتتى. ەڭسە كوتەرگەننەن، بايىعاننان تارتىپ، قۇدىرەتتەنگەنگە دەيىن، جۇڭگو جولى بارعان سايىن داڭعىلدانىپ، سوتسياليزمنىڭ ابزالدىلىعى بارعان سايىن كورنەكتىلەندى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ارەكەت باعدارناماسى ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، ءبىر نيەتپەن سەلبەسىپ، بىرگە كۇرەس جۇرگىزسەك بولعانى، حاۋىپ - قاتەرلەردى، سايىستاردى، ءسوزسىز، جەڭىپ، مەملەكەت پەن ۇلت دامۋىنىڭ داۋىرلىك اسقاق جىرىن جازا الامىز.
تاسقىنداعان اسقاق سەزىممەن كۇرەس جۇرگىزۋ ارقىلى رەفورما ۇلى ءىسىن ىلگەرىلەتەيىك. بيىل رەفورما جاساپ، ەسىك اشۋدىڭ 40 جىلدىعى. 40 جىلدان بەرى، ءبىز جاڭا جول، جاقسى جول تاۋىپ، «داۋىرگە ىلەسۋدەن» «داۋىرگە جەتەكشىلىك ەتەتىن» ۇلى سامعاۋدى جۇزەگە اسىردىق. بۇگىنگى تاڭدا، رەفورما جاساپ، ەسىك اشۋدىڭ العا ىلگەرىلەۋ بەتالىسى اناعۇرلىم ايقىندالدى، قۇن بەتالىسى اناعۇرلىم كورنەكتىلەندى، ءادىس - امال، جولدارى اناعۇرلىم انىقتالدى، پەيىلى، كوز اياسى اناعۇرلىم كەڭەيدى، وسىنىڭ بارلىعى ءبىزدىڭ رەفورما ۇلى ءىسىن اناعۇرلىم جوعارى ساپامەن ىلگەرىلەتۋگە قابىلەتىمىزدىڭ قاپتال جەتەتىندىگىن بەينەلەيدى. جاڭا ءداۋىردىڭ شارت - جاعدايىن تياناق ەتىپ، جاڭا دامۋ كەڭىستىگىن اشىپ، جاڭا رەفورما ءورىسىن تاۋىپ، وسى دۇرىس جولمەن، ياعني مەملەكەتتى قۇدىرەتتەندىرۋ جولىمەن، حالىقتى بايىتۋ جولىمەن تاباندىلىقپەن ءجۇرىپ، حالىق رەسپۋبليكامىزدى ونان ارى گۇلدەندىرۋىمىز، قۇدىرەتتەندىرۋىمىز كەرەك.
تاسقىنداعان اسقاق سەزىممەن كۇرەس جۇرگىزۋ ارقىلى داۋىرلىك داڭققا قول جەتكىزەيىك. « اي - كۇنگە ءامىر شاشا الامىز جاڭارتۋعا كوك ءجۇزىن» دەيتىن رۋح بولماسا، جاڭا جۇڭگونىڭ 69 جىلداعى تالاي - تالاي تاۋقىمەتتەردى باسىنان وتكەرگەن وراسان زور وزگەرىسى بولماس ەدى؛ «قان مايداندا جول اشاتىن» جىگەر بولماسا، رەفورما جاساپ، ەسىك اشۋدىڭ 40 جىلدىعىنىڭ شۇعىلالى جەتىستىگى بولماس ەدى. بۇگىن ءبىز ءالى دە ەمتيحانعا قاتىناسۋ جولىندامىز، تاريحتىڭ ورايلارى ءبىزدىڭ يگەرۋىمىزدى، داڭقتى بورىشتار ءبىزدىڭ ورىنداۋىمىزدى كۇتۋدە. ناقتاپ ىستەگەندە عانا، ۇلى ىستە تابىسقا جەتۋگە، كۇرەس جۇرگىزگەندە عانا، ارماندى شىندىققا اينالدىرۋعا بولادى. قۇر قيالعا بەرىلمەيتىن، قۇر اتاققا بوي ۇرمايتىن، ماڭگى بويكۇيەزدىككە سالىنبايتىن رۋحاني كۇيدى جانە العان بەتىنەن قايتپايتىن كۇرەس جۇرگىزۋ ارىنىن ساقتاعاندا عانا، جۇڭگونىڭ دامۋىنىڭ اناعۇرلىم سالتاناتتى داۋىرلىك كوركەم سۋرەتىن كەسكىندەۋگە بولادى.
ۇلى جەتىستىك اتاۋلىنىڭ بارلىعى كۇش جالعاپ ىزدەنىس جاساۋدىڭ، دامىلسىز كۇرەس جۇرگىزۋدىڭ ارقاسىندا قولعا كەلەدى، ۇلى ءىس اتاۋلىنىڭ بارلىعىن بۇرىنعىعا مۇراگەر، كەيىنگىگە بۇيداگەر بولىپ، الدىڭعىلاردىڭ ءىزىن باسىپ، بولاشاققا جول اشۋ ارقىلى ىلگەرىلەتۋ كەرەك. ءبىز تالاي اسۋدان اسقانىمىزبەن، ءالى دە تالاي تار جول، تايعاق كەشۋدى باستان وتكىزەمىز؛ قات - قابات قيىنشىلىقتاردى جەڭگەنىمىزبەن، ءالى دە قيىندىقتاردى جەڭىپ، قامال الۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، داۋىرلىك ۇلى ءىستى جىرلاپ، تاماشا تۇرمىس جاراتىپ، ۇلى وتانىمىز ءۇشىن قاجىماي - تالماي كۇرەسىپ، جۇڭحۋا ۇلتىنىڭ ۇلى گۇلدەنۋىن تىزە قوسا جۇزەگە اسىرايىق!
(شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)
