ءتاڭىرتاۋ تورابى   ›   جاڭالىقتار   ›   ەل ءىشى حابارى

كۇش - قۋات مەملەكەت تۋى استىنا توپتالدى

  − مەملەكەت مەرەكەسىندە تيان - انمىن الاڭىندا مەملەكەت تۋىن شىعارۋ سالتىنان ەستەلىك

  شينحۋا اگەنتتىگىنىڭ تىلشىلەرى ياڭ ياۋىن، فان پان

  جىم - جىرتتىق قۇشاعىنداعى ايبىندى كۇش −

  145 مىڭ ادام جينالعان تيان - انمىن الاڭىنداعى جىم - جىرتتىقتان اركىم ءوزىنىڭ تىنىس العان ءۇنىن ايقىن ەستيتىندەي. كەنەتتەن، اياق دىبىسى شىقتى، ەكپىندى دە رەتتى اياق دىبىسى الىستان جاقىنداپ الاڭدى كەرنەپ، ادامدار كوڭىلىن ءدۇر سىلكىنتتى.

  ساعات 6دان 5 مينۋت وتكەندە، تۋ شىعارۋ كەرنايىنىڭ اسقاقتاعان ءۇنى اسپاندى كەرنەدى، مەملەكەت مەرەكەسىندە مەملەكەت تۋىن شىعارۋ سالتىن كورۋگە كەلگەن جۇرت ءبىر ۋاقىتتا تيان - انمىن عيماراتى جاققا قادالا قارادى. ازاتتىق ارميا قۇرمەت قاراۋىلىنىڭ 96 مۇشەسىنەن قۇرالعان تۋ قورعاۋشى شارشى اترەت مارش قادامىمەن ايبىندى باسىپ كەلە جاتتى.

  شارشى اترەتتىڭ ورتاسىندا مەملەكەت تۋىن ۇستاپ كەلە جاتقان جاۋىنگەر − 21 جاستاعى شياشى يۋان جينشۋاڭ بولاتىن. حىنان ولكەسى شينشياڭ قالاسى يانجين اۋدانىندا تۋىپ - وسكەن بۇل ازاماتتىڭ جانارى وتتى، قادامى مىعىم، تۇلعاسى ايبىندى ەدى. ءبىر قادام، ەكى قادام... 96 قادامنان كەيىن، تۋ قورعاۋشى شارشى اترەت مەملەكەت تۋى شىعارىلاتىن اۋماققا كەلىپ مەملەكەت تۋىنا قاراپ قاتارعا ءبولىنىپ تۇرا قالدى، تۋ ۇستاۋشى جانە 2 تۋ قورعاۋشى تەڭ قاداممەن باسىپ تۇعىرعا شىقتى.

  «مەملەكەت تۋىنا − سالەم!» دەگەن بۇيرىق ءۇنى شىعىسىمەن، ازاتتىق ارميا اسكەري وركەسترى «ەرىكتىلەر مارشىن» ورىندادى. تۋ ۇستاۋشى يۋان جينشۋاڭ وڭ بىلەگىنە بار كۇشىن جيناپ بەس جۇلدىزدى نارت قىزىل تۋدى اسپانعا قاراي سەرپە لاقتىردى.

  ۇزىندىعى 5 مەتر، كەڭدىگى 3.3 مەتر مەملەكەت تۋىن اسەم دوعا قالىپتاستىرىپ اسپانعا سەرپە لاقتىرۋ ءارى سارى ءتۇستى بەس جۇلدىزدى تۇگەلدەي ايقىن كورسەتۋ وڭاي ءىس ەمەس، تۋدى وسىلايشا جازىپ كورسەتۋ قيمىلىنا يۋان جينشۋاڭ ءار كۇنى مىڭ رەتتەن استام جاتتىققان.

  بەس جۇلدىزدى قىزىل تۋ تاڭ ساۋلەسىمەن باياۋ كوتەرىلىپ، بۇكىل الاڭداعى جۇرت مەملەكەت ءانىن اسقاقتاتا شىرقادى.

  «قوزعال، قۇل بولعىسى كەلمەگەن جان...» جاڭا جۇڭگومەن ءبىر كۇندە تۋعان تۋ قورعاۋشى اترەت مۇشەسى ساۋ جينيۋان مەملەكەت ءانىن الدەقاشان ءوزىنىڭ تۋعان كۇن انىنە اينالدىرىپ العان.

  «جاڭا جۇڭگودا تۋىپ، جاڭا داۋىردە جاساپ جاتقانىم ءۇشىن ءوزىمدى ەرەكشە باقىتتى سەزىنەمىن». ساۋ جينيۋاننىڭ قاراۋىنشا، مەملەكەت تۋى − مەملەكەتتىڭ بەلگىسى مەن سيمۆولى، سان - ساناقسىز توڭكەرىستىك قۇربانداردىڭ ىستىق قانىمەن بويالعان وسى مەملەكەت تۋى مەملەكەتتى قورعاۋدا، حالىقتى قورعاۋدا.

  46 سەكۋندتان كەيىن مەملەكەت تۋى باعانانىڭ باسىنا جەتتى، جۇرت اراسىنان شاپالاق ءۇنى، الاقاي ءۇنى كۇركىرەي كوتەرىلدى.

  «تۋعان كۇنىڭ قۇتتى بولسىن!»، «وتانىمىز جاساي بەرسىن!»، «وتانىمىز بارعان سايىن جاقسارسىن!» مەملەكەت تۋىنىڭ جان - جاعىنان جۇرتتىڭ تەبىرەنىستى الاقاي ءۇنى جامىراي كوتەرىلدى.

  حىبەيدىڭ چينحۋاڭداۋ قالاسىندا جەكەشە شارۋاشىلىقپەن اينالىساتىن ۋاڭ پىڭفا مەملەكەت مەرەكەسىندە بەيجيڭگە ارنايى مەملەكەت تۋىن شىعارۋ سالتىن كورۋگە كەلدى، بيىل 54 جاستاعى ول چينحۋاڭداۋدىڭ دامۋىنا كۋا. «رەفورما جاساپ، ەسىك اشقان 40 جىلدا چينحۋاڭداۋدىڭ ءبىر شاعىن قالاشىقتان قازىرگى ۇلكەن قالاعا وزگەرگەنىن ايتىپ جەتكىزگىسىز ماقتانىش سەزىنەمىن». جۋىقتاعى بىرنەشە جىلدان بەرى ۋاڭ پىڭفا ينتەرنەتتە كيىم - كەشەك دۇكەنىن اشۋ جاعىنا قۇلشىندى. «ورايدى مىقتاپ يگەرىپ، قاجىرلىلىقپەن ىستەسەك بولعانى، جەڭبەيتىن قيىنشىلىق بولمايدى، تۇرمىسىمىز بارعان سايىن جاقسارادى»، - دەدى ۋاڭ پىڭفا نىق سەنىممەن.

  ايبىندى تيان - انمىن الاڭىندا قىزىل تۋ جەلبىرەپ تۇر، اسپان شايداي اشىق، كورىنىس كوز تارتادى.

  بيىل بەيجيڭگە داشۋەگە وقۋعا كەلگەن لي جيالى جۇرتتىڭ تۋ سىرتىندا تۇرىپ مەملەكەت تۋىنىڭ ايشىقتالا باياۋ كوتەرىلگەندىگىن كوردى، ساعات 5تە تيان - انمىن الاڭىنا كەلگەن ول وسىنشاما كوپ ادامنىڭ كەلەرىن ويلاماعان ەدى. لي جيالى بىلاي دەدى: «مەملەكەت تۋى شىعىپ، كوپشىلىك سانالى تۇردە مەملەكەت ءانىن ورىنداعان ساتتە ەرىكسىزدەن كوزىمە جاس الدىم. 100 مىڭنان استام ادامنىڭ توڭىرەكتىڭ ءتورت بۇرىشىنان ءبىر اراعا جينالىپ مەملەكەت تۋىن شىعارۋدى كورۋىنىڭ ءوزى ءبىر ءتۇرلى سۇيىسپەنشىلىك، ءبىرءتۇرلى سەنىم، ءبىر ءتۇرلى كۇش، ۇلتتىڭ گۇلدەنۋىنىڭ ۇلى كۇشىنىڭ شوعىرلانۋى».

  «عازيز انا وتاندى جىرلايمىز، كوركەيۋگە قادام تاستاعان!» اسكەري وركەستر ورىنداعان «وتاندى جىرلايمىز» ءانىنىڭ تانىس ىرعاعىمەن تۋ قورعاۋشى شارشى اترەت اۋەلگى كەلگەن جولىمەن اسكەري كازارما وڭىرىنە قايتتى، الاڭداعى جۇرت ەرىكسىزدەن اسقاقتاتا انگە باستى.

  وسى ساتتە بەيبىتشىلىك كوگارشىندارى كوك اسپانعا كوتەرىلىپ، كۇننىڭ شۇلەن شۇعىلاسى بايتاق دالاعا تۇسە باستادى.

   (شينحۋا اگەنتتىگىنىڭ 10 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى