تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

رايونىمىز قالا − اۋىل تۇرعىندارىنىڭ ەڭ تومەنگى تۇرمىسىن قامتاماسىز ەتۋ ورەسىن تاعى جوعارىلاتتى

  قيىنشىلىعى بار 2 ميلليون 640 مىڭ بۇقارا يگىلىكتەندى

  ءتىلشىمىز ليۋ جيڭ 10 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق حالىق ىستەرى مەڭگەرمەسىنەن ۇعىسۋعا قاراعاندا، 2018 - جىلى 7 - ايدىڭ 1 - كۇنىنەن باستاپ، رايونىمىز قالا - اۋىل تۇرعىندارىنىڭ ەڭ تومەنگى تۇرمىسىن قامتاماسىز ەتۋ ورەسىن جاپپاي جوعارىلاتقان، مۇندا قالا تۇرعىندارىنىڭ ەڭ تومەنگى تۇرمىسىن قامتاماسىز ەتۋگە ورتاشا ەسەپپەن بەرىلگەن قوسىمشا قاراجاتتىڭ ورەسى 2017 - جىلعى ايىنا 310 يۋاننان ايىنا 325 يۋانعا وسىرىلگەن، اۋىل - قىستاق تۇرعىندارىنىڭ ەڭ تومەنگى تۇرمىسىن قامتاماسىز ەتۋگە ورتاشا ەسەپپەن بەرىلگەن كومەك قاراجاتتىڭ ورەسى 2017 - جىلعى ايىنا 176 يۋاننان ايىنا 200 يۋانعا وسىرىلگەن. تۇتاس رايونىمىزداعى قيىنشىلىعى بار 2 ميلليون 640 مىڭ بۇقارا بۇدان يگىلىكتەنگەن.

  دالمە - ءدال تانۋدان جازباۋ، دالمە - ءدال قامتاماسىز ەتۋ ءۇشىن، رايونىمىز قاشقار، حوتان، اقسۋ ايماقتارىنداعى 4 اۋداندا «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى قىستاق دارەجەلى حالىق ىستەرى كومەكشىسى مىندەتىن قوسىمشا وتەۋ جانە ولاردى تاڭداۋ، تاربيەلەۋ سىناق ءتۇيىنى قىزمەتىن ورىستەتىپ، حالىق ىستەرىنىڭ نەگىزگى ساتىداعى قابىلەتىنىڭ ءالسىز بولۋى ماسەلەسىن شىنايى ءبىر جايلى ەتىپ، نەگىزگى ساتىداعى قوعامدىق قۇتقارۋدى دالمە - ءدال جەتكىزۋ ورەسىن جوعارىلاتىپ، شارتقا ۇيلەسەتىن قيىنشىلىعى بار بۇقارانىڭ ءبارىن قامتاماسىز ەتۋ كولەمىنە ەنگىزدى. قازىر تۇتاس رايونىمىز اۋىل - قىستاقتارىنداعى ەڭ تومەنگى تۇرمىسى قامتاماسىز ەتىلەتىن وبيەكتىلەر 2017 - جىلدىڭ باس شەنىندەگى ءبىر ميلليون 665 مىڭ ادامنان 2 ميلليون 100 مىڭ ادامعا كوبەيدى؛ مۇندا وڭتۇستىك شينجياڭداعى 3 ايماق، ءبىر وبلىستاعى اۋىر كەدەي 22 اۋداننىڭ اۋىل - قىستاقتارىنداعى ەڭ تومەنگى تۇرمىسى قامتاماسىز ەتىلەتىن وبيەكتىلەر ءبىر ميلليون 500 مىڭ ادام بولىپ، تۇتاس رايونىمىزدىڭ اۋىل - قىستاقتارىنداعى ەڭ تومەنگى تۇرمىسى قامتاماسىز ەتىلەتىندەر جالپى سانىنىڭ %71ىن يەلەدى. اۋىر كەدەي وڭىردەگى تومەنگى شەكتەن تۇسىرمەي كەدەيلىكتەن قۇتىلدىراتىن 320 مىڭ وبيەكتىنىڭ ءبارىن ەڭ تومەنگى تۇرمىستى قامتاماسىز ەتۋ كولەمىنە ەنگىزىپ، قامتاماسىز ەتىلۋگە تيىستىلەردىڭ ءبارىن قامتاماسىز ەتۋدى، تومەنگى شەكتەن تۇسىرمەيتىندەردىڭ ءبارىن تومەنگى شەكتەن تۇسىرمەۋدى جۇزەگە اسىردى.

  اۆتونوميالى رايوندىق حالىق ىستەرى مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى توحتى ياقۇپ بىلاي دەدى: تۇتاس رايونىمىزداعى قالا - اۋىل تۇرعىندارىنىڭ ەڭ تومەنگى تۇرمىسىن قامتاماسىز ەتۋ ورەسىنىڭ وسى رەت تاعى جوعارىلاتىلۋى «حالىقتى وزەك ەتكەن» دامۋ يدەياسىن تولىق بەينەلەدى، سونىمەن قاتار بۇل اۆتونوميالى رايوننىڭ قوعام ورنىقتىلىعىنان كەلگەن يگىلىك. حالىق ىستەرى تاراۋلارى پارتيا مەن ۇكىمەتتىڭ حالىققا تيىمدىلىك جاساۋ ساياساتتارىن شىن مانىندە قيىنشىلىعى بار بۇقاراعا دالمە - ءدال تياناقتاندىرىپ، ولارعا پارتيا مەن ۇكىمەتتىڭ قامقورلىعى مەن مەيىرىن شىنايى سەزىندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بۇقارالىق نەگىزىن اناعۇرلىم بەكەمدەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى