ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

تۋىسى لي اعايدىڭ ىقىلاستى كومەگىندە ارزىگۇل جاقسى تۇرمىس كەشىردى

ءتىلشى گاي يۋجۇن، ەرىكتى ءتىلشى جاڭ ليچيڭ

  «سۇيەم سەنى جۇڭگو، سۇيەم سەنى جۇڭگو، سۇيەم سەنىڭ قاۋلاعان كوكتەمدەگى مايساڭدى، سۇيەم سەنىڭ تولىقسىعان كۇزدەگى جەمىسىڭدى...». 10 - ايدىڭ 1 - كۇنى ءتۇستىڭ الدىندا ماناس اۋدانى ماناس قالاشىعى لۋنان قىستاعىنىڭ تۇرعىنى ارزىگۇل الىمجاننىڭ شاعىن اۋلاسىنان ءان اۋەنى شارىقتادى.

  تازا دا رەتتى شاعىن اۋلاداعى ەكى ۇزىن ۇستەلگە جەمىس - جيدەك، ساڭزى، ءبۇتىن تاۋىق قۋىرداعى قويىلعان، جاقىن دوستار بەرەكە داستارقانىندا كوڭىلدى باس قوسىپ، بىرگە تاماقتاندى.

  شاعىن اۋلادا ارزىگۇلدىڭ اكە - شەشەسى، سۇيكىمدى ۇلى مەن قىزى جانە ارزىگۇل جايشىلىقتا اۋىز جاپپاي ماقتايتىن لي شينحاي اعايدىڭ وتباسىنداعىلار باس قوستى. كوپشىلىك نارت قىزىل مەملەكەت تۋىن ۇستاپ، «سۇيەم سەنى جۇڭگو» ءانىن تەبىرەنە شىرقادى، ءان اۋەنى مەن كۇلكى داۋىسى اۋلانى دۋمانعا بولەدى.

  وسى مەملەكەت مەرەكەسى ارزىگۇل جونىنەن ەرەكشە ءمان الادى. مەملەكەت مەرەكەسى قارساڭىندا، ارزىگۇل ەڭ تومەنگى تۇرمىستى قامسىزداندىرۋدان شەگىنىپ، شىت جاڭا تۇرمىسىن باستادى. ونىڭ جۇپ قۇراپ، تۋىستاسقان تۋىسى، ماناس اۋداندىق قوعام حاۋىپسىزدىگى مەكەمەسىنىڭ حالىق ساقشىسى لي شينحاي وسى شاعىن كولەمدى قۇتتىقتاۋ سالتىن ارنايى ورنالاستىرعان.

  «ارزىگۇل قارىنداسىم ەڭ تومەنگى تۇرمىستى قامسىزداندىرۋدان ىرىقتىلىقپەن شەگىندى، قاجىرلى ەڭبەگىنە سۇيەنىپ شارۋاشىلىق قۇرىپ، تۇرمىسىن وزگەرتتى، مەن بۇعان قاتتى قۋاندىم. 10 - ايدىڭ 1 - كۇنى ءبىر اراعا باس قوسىپ، ءبىز پارتياعا، وتانعا بىرگە العىس ايتتىق»، - دەدى لي شينحاي.

  «ىشتەي قاتتى تەبىرەنىپ وتىرمىن، پارتيانىڭ جاقسى ساياساتىنىڭ ارقاسىندا، لي اعايدىڭ قالتقىسىز كومەگىندە، مەن كەدەيلىك قالپاعىن لاقتىرىپ تاستاپ، جاقسى تۇرمىس كەشىردىم»، - دەدى ارزىگۇل. وتباسىنىڭ وزگەرىسىن كوپشىلىككە كورسەتۋ ءۇشىن، ارزىگۇل 2 جىلدىڭ الدىندا بالا - شاعاسىمەن بىرگە تۇسكەن سۋرەتىن الىپ شىقتى. سۋرەتتە ول جۇدەۋ تارتىپ، كونەتوز كيىم كيىپ تۇرعان؛ ال قازىر ول كەلتە شاش قويىپ، كاسىپتىك كيىم كيىپ، وتە ىسىلعان. «2 جىلدان استام ۋاقىتتان بەرى، مەندە وتە زور وزگەرىس بولدى. كيىم كيىنۋىم مەن جاسانۋىمدى بىلاي قويعاندا، ەڭ نەگىزگىسى، مەن رۋحاني جاقتان سەرپىلدىم». ارزىگۇل ءسوز اراسىندا ءوزىن ەرىكسىز ماقتاي سويلەدى.

  «2016 - جىلى مەن ارزىگۇلمەن جۇپ قۇراپ، تۋىس بولدىم، سول كەزدە ول كەم ءسوزدى، بۇيىعى بولاتىن، باسقالارمەن ىشتەسۋدەن، ارالاسۋدان تارتىناتىن. مەن وعان كومەكتەسۋدە، ءسوز جوق، اقىل - پاراسات جاقتان كومەكتەسۋ مەن ەرىك - جىگەر جاقتان كومەكتەسۋدى ءوزارا ۇشتاستىرۋ كەرەك ەكەنىن، كۇرىش، ۇن، ماي ۇسىنۋمەن ءتۇبىرلى ماسەلەنى شەشۋگە بولمايتىندىعىن ويلادىم». لي شينحاي بىلاي دەدى: مەن ارزىگۇلگە پارتيانىڭ جاقسى ساياساتتارىن ۇنەمى وقىپ، ايەلدەردىڭ شارۋاشىلىق قۇرىپ تابىسقا جەتكەن تيپتىك اڭگىمەلەردى ايتىپ بەردىم، سونداي - اق توراپتا زات ساتۋدا تاجىريبەسى بار دوستارىمدى تاۋىپ، ارزىگۇلدىڭ توراپتا زات ساتۋ قىزمەتىمەن شۇعىلدانۋىنا كومەكتەستىم.

  ۇزبەي ءجون سىلتەۋ، بىرتىندەپ ءتۇسىندىرۋ ارقىلى ارزىگۇلدىڭ شارۋاشىلىق قۇرۋ سەنىمى بەكەمدەلدى. ونىڭ توراپتا زات ساتۋ ونەرىن جانە قاتىستى ونىمدەر جونىندەگى بىلىمدەردى تەز ارادا يگەرۋىنە كومەكتەسۋ ءۇشىن، لي شينحاي 3000 يۋان قارجى شىعارىپ، ارزىگۇلدى ۇرىمجىدەگى ارناۋلى كۋرسقا قاتىناستىرادى، ونى دەنساۋلىق باسقارۋشى تولىمدىلىق كۋالىگىن الۋعا شابىتتاندىرادى. بىلتىر 5 - ايدا ارزىگۇل ەمدىك ونىمدەردى توراپتا ساتىپ، ايىنا نەشە مىڭ يۋان كىرىس كىرگىزەدى، ءوزىنىڭ سەنىمى دە كۇشەيەدى. بىلتىر جىل سوڭىندا، ول اۋدان قالاشىعىندا ەمدىك ونىمدەر كورمەسى دۇكەنىن اشتى، بيىل 3 - ايدا دۇكەننىڭ كولەمىن كەڭەيتىپ، ەمدىك ونىمدەردى ناقتى ساتۋ دۇكەنىن قۇرىپ، ساۋداسى بارعان سايىن جاقساردى.

  «قازىر توراپ جانە ناقتى زات دۇكەنى ساۋداسى ارقىلى ءار ايدا 20 مىڭ يۋاننان اسا پايدا تابامىن. لي اعايدىڭ سول كەزدە ايتقان سوزدەرىنىڭ ءمانىن قازىر شىنايى ءتۇسىندىم، ءوزىڭ كۇشەيگەندە عانا، ءوز كۇشىڭە سۇيەنە الاسىڭ، ءوز كۇشىڭە سۇيەنىپ ءومىر سۇرگەندە عانا، بارعان سايىن جاقساراسىڭ...»، - دەپ كۇلە سويلەدى ارزىگۇل.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى