تيانشان تورابى   ›   جاڭالىقتار   ›   شينجياڭ حابارلارى

رايونىمىز ەمدەۋ، ەمدەۋ قامسىزداندىرۋى، ءدارى - دارمەك بىرلەستىرىلگەن رەفورمانى ءبىر تۇتاس ىلگەرىلەتتى

  ءتىلشى لياڭ ليحۋا 10 - ايدىڭ 2 - كۇنى ۇرىمجىدەن حابارلايدى. «قازىر ەسەپ جابۋ راسمياتىن ءبىتىرۋ ەرەكشە قولايلى، بالنيتساعا جاتقاندا تەك ەمدەۋ قامسىزداندىرۋ كارتچكاسىن ەسەپ جابۋ ورتالىعىنا تاپسىرىپ بەرسەڭىز بولعانى، شيپاحانادان شىققاندا تىكەلەي ەسەپتەن كوتەرتۋگە بولادى، بۇرىنعىدان كوپ وڭايلاستى»، - دەدى 9 - ايدىڭ 27 - كۇنى تۇستەن بۇرىن اۆتونوميالى رايوندىق جۇڭي شيپاحاناسىنىڭ ەسەپ جابۋ زالىندا ەسەپ جابۋ راسمياتىن بىتىرگەن ءۇرىمجى قالاسىنىڭ تۇرعىنى ۋاڭ ي.

  بىلتىردان بەرى، مەملەكەتتىڭ «<13 - بەسجىلدىق> ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ جوسپارى» بويىنشا، رايونىمىز ەمدەۋ، ەمدەۋ قامسىزداندىرۋى، ءدارى - دارمەك بىرلەستىرىلگەن رەفورما اياق الىسىن جەدەل ىلگەرىلەتىپ، ءار ۇلت بۇقاراسىنىڭ ەمدەۋ رەفورماسىنىڭ جەمىسىنەن شىنايى يگىلىكتەنۋىنە مۇمكىندىك جاسادى.

  «ەمدەۋ، ەمدەۋ قامسىزداندىرۋى، ءدارى - دارمەك بىرلەستىرىلگەن رەفورمانىڭ ەمدەۋ جاعىنداعى باستى شارالارى − دارەجە بويىنشا دياگنوز قويۋدىڭ، ەمدەۋدىڭ عىلمي، ۇيلەسىمدى ءتۇزىمىن، وسى زامانعى شيپاحانا باسقارۋدىڭ عىلمي، ءونىمدى ءتۇزىمىن جانە دارىندى تاربيەلەۋدىڭ، ىستەتۋدىڭ، ىنتالاندىرۋدىڭ، باعالاۋدىڭ كەمەلدى، تولىق مەحانيزمىن ورناتۋ»، - دەدى اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ مەڭگەرۋشىسى ءمۇتالىپ روزى. رايونىمىز ەمدەۋ، دەنساۋلىق ساقتاۋ بويىنشا قىزمەت وتەۋ جۇيەسىن كەمەلدەندىرۋ، ەمدەۋ، دەنساۋلىق ساقتاۋ بايلىقتارىنىڭ ورنالاسۋىن جاقسارتۋ، ەمدەۋ بىرلەسكەن تۇلعاسى قۇرىلىسىن ىلگەرىلەتۋ سياقتى شارالاردى قولدانۋ ارقىلى جەر - جەردى ناقتى جاعدايمەن بىرلەستىرىپ كوپ فورمادا دارەجە بويىنشا دياگنوز قويۋعا، ەمدەۋ ۇلگىسىن جالپىلاستىرۋعا ىنتالاندىرىپ، ەمدەۋدىڭ نەگىزگى ساتىدا العاش رەت دياگنوز قويىلاتىن، قوس باعىتتا اۋىسپالى دياگنوز قويىلاتىن، شۇعىل، سوزىلمالى ناۋقاستاردى بولەك ەمدەيتىن، جوعارى مەن تومەن بىرلەسىپ قيمىلدايتىن جاڭا ءتارتىبىن بىرتىندەپ قالىپتاستىردى. سونىمەن بىرگە، ۇكىمەت شيپاحانالارىنىڭ جالپىلىق رەفورماسىن ونان ارى بەكەمدەپ، تەرەڭدەتىپ، ۇكىمەت شيپاحانالارىن باسقارۋ ءتۇزىلىسىن كەمەلدەندىرىپ، اكىمشىلىك پەن كاسىپتى جانە باسقارۋ مەن جۇمىس جۇرگىزۋدى ءبولىپ، شيپاحانالاردىڭ باسقارۋ ۇلگىسى مەن جۇمىس جۇرگىزۋ تاسىلىنە بۇرىلىس جاساۋدى ىلگەرىلەتتى.

  ەمدەۋ قامسىزداندىرۋى جاعىندا، رايونىمىز ەمدەۋ قامسىزداندىرۋىنىڭ تولەۋ ءتاسىلى رەفورماسىن تەرەڭدەتىپ، اقى تولەۋ جالپى سوماسىن مەڭگەرۋ نەگىزىندە اۋرۋ ءتۇرى بويىنشا اقى تولەۋدى نەگىز ەتكەن، ادامعا، توسەك - كۇنگە قاراي ەسەپتەۋ سياقتى كوپ ءتۇرلى تولەۋ ءتاسىلى بىرلەستىرىلگەن قۇراما تۇرىندەگى تولەۋ ءتاسىلىن جاپپاي جالپىلاستىردى. نەگىزگى ەمدەۋ قامسىزداندىرۋى، سالماقتى ناۋقاس قامسىزداندىرۋى، ەمدەۋ بويىنشا قۇتقارۋ - كومەكتەسۋ، اۋرۋ جاعدايىنا قاراي توتەنشە جاعدايدا قۇتقارۋ - كومەكتەسۋ سياقتىلار ۇشتاسىپ، ءوزارا بايلانىساتىن ءبىرشاما كەمەلدى مەحانيزم ورناتىپ، ناۋقاستاردىڭ ەمدەلۋىنە جانە ەمدەۋ قامسىزداندىرۋىنان يگىلىكتەنۋىنە ايتارلىقتاي قولايلىلىق جاسادى. «بۇرىن ناۋقاستار ەسەپ جاپقان سوڭ، تالوندارىن الىپ قوعامدىق قامسىزداندىرۋ مەكەمەسىنە بارىپ ەسەپتەن كوتەرتەتىن، قازىر <ءبىر بەكەتتىك> ەسەپ جابۋ، تىكەلەي ەسەپتەن كوتەرۋ اتقارىلدى، بۇل ەمدەۋ قامسىزداندىرۋىنىڭ تولەۋ ءتاسىلى رەفورماسىنىڭ پايداسى»، - دەدى ءۇرىمجى قالالىق جۇڭي شيپاحاناسىنىڭ ەسەپشىسى ۋ حايپىڭ.

  «ءدارى - دارمەكتەرگە نولدىك باعا پارقى اتقارىلعان سوڭ، ناۋقاستاردىڭ ءدارى ساتىپ الۋ اقىسى كوپ مولشەردە تومەندەدى»، - دەدى ءۇرىمجى قالالىق جۇڭي شيپاحاناسى ەمدەۋ قامسىزداندىرۋى كەڭسەسىنىڭ قىزمەتكەرى رىن ۋىنجۋان. اۋرۋ كورسەتۋدىڭ قىمبات بولۋ ماسەلەسىن شەشۋ ءۇشىن، رايونىمىز ارزان ءدارى - دارمەك ءوندىرىسىن بەلسەنە سۇيەمەلدەپ، بازاردىڭ قامداۋىن قامتاماسىز ەتىپ، ءدارى - دارمەك باعاسىنىڭ تۇراقتىلىعىن نەگىزىنەن ساقتادى. سونىمەن بىرگە، ۇكىمەت اشقان نەگىزگى ساتى ەمدەۋ - دەنساۋلىق ساقتاۋ قۇرىلىمدارىندا جانە قىستاق ەمحانالارىندا نەگىزگى ءدارى - دارمەك ءتۇزىمىن اتقارۋدىڭ ناتيجەسىن بەكەمدەپ، مەملەكەتتىڭ نەگىزگىءدارى - دارمەكتەرىنىڭ جاڭادان رەتتەلگەن ءتىزىمى بويىنشا، اۆتونوميالى رايوننىڭ نەگىزگىءدارى - دارمەك ءتۇزىمىنىڭ جەتەكشىلىك حۇجاتىن جاساپ، كەمەلدەندىرىپ، نەگىزگى ءدارى - دارمەكتەردى الدىمەن ىستەتۋدى ىلگەرىلەتىپ، ناۋقاستاردىڭ ەمدەلۋ اقىسىن تومەندەتتى.

  «2017 - جىلدان بەرى، اۆتونوميالى رايون قاتىستى حۇجاتتاردى جيىلەتە جاريالاپ، ەمدەۋ، ەمدەۋ قامسىزداندىرۋى، ءدارى - دارمەك بىرلەستىرىلگەن رەفورمانى ىلگەرىلەتتى، تاياۋدا تاعى ينتەرنەت + ەمدەۋ - سالاماتتىق، ەمدەۋ - دەنساۋلىق ساقتاۋ سالاسىن جالپىلىق باقىلاۋ - باسقارۋ سياقتى قاتىستى سايكەستى حۇجاتتاردى جاريالاپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىنىڭ تۇزىمدىك جوباسىن جاپپاي ورىنداپ، مدەۋ، ەمدەۋ قامسىزداندىرۋى، ءدارى - دارمەك بىرلەستىرىلگەن رەفورمانىڭ اناعۇرلىم ايقىن، اناعۇرلىم قولايلى بولۋىنا مۇمكىندىك جاسايدى»، - دەدى ءمۇتالىپ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى