شينحۋا اگەنتتىگىنىڭ شولۋى
شينحۋا اگەنتتىگىنىڭ ءتىلشىسى ياڭ شاۋگۇڭ
ءتۇتىنى بۋداقتاعان شارۋا اۋلاسىنان ايبىندى دا سالتاناتتى سارايلارعا دەيىن، بيىك عيماراتتارى قارا ورمانداي سامسىعان قالا كوشەلەرىنەن الىپ تەڭىز، بايتاق دالاداعى قاراۋىلدار مەن شەكارا قورعانىستارىنا دەيىن ... جاڭا جۇڭگو قۇرىلعاندىعىنىڭ 69 جىلدىعى ساتىندە، وتاننىڭ سايىن دالاسىندا نارتتاي بەس جۇلدىزدى قىزىل تۋلار تاڭ شاپاعىنا مالىنىپ باياۋ كوتەرىلدى، وتان دالاسىنداعى ءار شاڭىراقتان كوڭىلدەردى تابىستىرىپ، نيەتتەردى قاۋىشتىرعان ءتاتتى ءۇمىت پەن بەرىك سەنىم ۇيىسا تاسقىندادى.
وتباسى مەن وتان تامىرلاس، بيىككە كوتەرىلگەن ءاربىر مەملەكەت تۋىنىڭ استارىندا وتباسى مەن وتاننىڭ تاعدىرلاستىعىنىڭ، تىنىستاستىعىنىڭ حيكاياسى جاتىر. حۋاڭحاي تەڭىزىنىڭ الدىڭعى قاراۋىلى كايشان ارالىندا مەملەكەتتىك «ءداۋىر ۇلگىسى»، ارالدى كۇزەتۋشى قاھارمان ۋاڭ جيسايدىڭ زايىبى ۋاڭ شىحۋا ارالداعى 33 - رەتكى مەملەكەت تۋىن شىعارۋ سالتىن جۇرگىزىپ، كۇيەۋىنىڭ «ارالدى بويىمنان حال كەتكەنشە كۇزەتەمىن!» دەگەن سەرتىن ورىندادى، ونان دا ماڭىزدىسى، «جەكە مۇددەنى مەملەكەتتىڭ مۇددەسىمەن توعىستىرعاندا عانا، ارمان مەن داڭق بولادى» دەگەن سەنىمدى ايگىلەدى.
ورنىڭ تومەنشىك بولسا دا وتاننىڭ قامىن ويلاۋدى ۇمىتپا، جاۋاپكەرشىلىكتەن سۇيىسپەنشىلىك تۋىندايدى. وتباسى مەن وتان سۇيىسپەنشىلىگى اۋىزدا عانا ايعايلايتىن قۇر ۇران ەمەس، قايتا جەكە مەن مەملەكەتتىڭ بەينەت پەن زەينەتتى بىرگە كورۋ جاعدايى جانە تابيعاتى. وتاندى جويىلۋدان قۇتقارىپ قالۋ جىلدارىندا، وتباسى مەن وتان سۇيىسپەنشىلىگى اۋىر تاۋقىمەت تانىمىن دا تۋدىردى؛ گۇلدەنۋگە بەت العان جاڭا داۋىردە، وتباسى مەن وتان سۇيىسپەنشىلىگى كۇشتى جاۋاپكەرشىلىكتى ايگىلەدى. مەيلى تاۋقىمەت تانىمى، الدە جاۋاپكەرشىلىك بولسىن، وتباسى مەن وتان سۇيىسپەنشىلىگى جەكەنىڭ كەلەشەگى مەن مەملەكەتتىڭ تاعدىرىنىڭ تامىرلاستىعىن، ىقپالداستىعىن ەسكە سالادى، ول وتباسى سۇيىسپەنشىلىگى مەن وتانشىلدىق رۋحىنىڭ ءبىر تۇلعالانىپ توعىسىپ وركەن جايۋى.
جاۋاپكەرشىلىكتى ءبىلۋ ەرلىكتىڭ باستاۋى؛ جاۋاپكەرشىلىكتى ادا ەتۋ ەرلىكتىڭ مۇراتى. سونىمەن بىرگە، وتباسى مەن وتان سۇيىسپەنشىلىگى − تۇرلىشە قىزمەت ورىندارىندا ۇلەس قوسىپ، ەڭبەك كورسەتۋدى مۇرات تۇتقانداردىڭ ەرلىگى مەن تاباندىلىعى. ادامدار ارالدى كۇزەتۋشى ۋاڭ جيسايدىڭ قايسارلىعى مەن تاباندىلىعىنا تەبىرەنەدى، حۋاڭ چۇن قاتارلى كەمەشىلەردىڭ ءوزىن وتانعا ارناعاندىعىنان اسەرلەنەدى، ءىس جۇزىندە بۇلار جاڭا ءداۋىر كۇرەسكەرلەرىنىڭ وتانشىلدىق، ۇلەس قوسۋ رۋحىنىڭ ۇندەستىگى. ۋاڭ جيساي، حۋاڭ چۇن سياقتى كۇرەسكەرلەر قىزمەت مىندەتىن ادا ەتىپ، قىزمەت ورنىن ءسۇيىپ، كاسىپتى ارداقتاپ، اسقاقتاعان وتباسى مەن وتان سۇيىسپەنشىلىگىن ساۋلەلەندىردى، سوندىقتان ولاردىڭ رۋحى جۇرتقا جاقىن، كۇرەسى باعدارعا يە، ومىرلەرىنەن ەرەكشە نۇر - شۇعىلا شاشادى.
وتباسى مەن وتاندى تورىنە قويىپ كوڭىلدىڭ، كەرەمەتىن كورسەتتى قاراپايىم ءومىردىڭ. ونەگەلى ءومىر كىشكەنە ىستەردەن قۇرالادى، ەلدەن ەرەك ناتيجە سان ۇرپاق ادامداردىڭ ۇزدىكسىز كۇرەس جاساۋىن قاجەت ەتەدى. جۇڭحۋا ۇلتىنىڭ ۇلى گۇلدەنۋىندەي جاڭا ءداۋىر وتاندى كوڭىل تورىنە قويعان، ۇلەس قوسىپ، جاۋاپكەرشىلىك ارقالايتىن ءتىپتى دە كوپ كۇرەسكەرلەردى قاجەت ەتەدى؛ ۇلى ىستەر وتباسى مەن وتاندى كوكەيدە بەرىك ساقتاعان ءاربىر مۇراتتى جانعا ەسەيۋدىڭ، جارامدى ادام بولۋدىڭ، ءومىر ونەگەسىن ايگىلەۋدىڭ ورايىن ازىرلەدى. ءداۋىردىڭ تالابىنا ۇيلەسىپ، تاريحي ورايدى مىقتى يگەرىپ، وتاننىڭ قۇرىلىسىنا ات سالىسقان ءار ادام وزىنە تيەسىلى كەرەمەت تاراۋلاردى جازاتىن بولادى.
(شينحۋا اگەنتتىگىنىڭ 10 - ايدىڭ 2 - كۇنى نانجيڭنەن بەرگەن حابارى)
