تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

قاليدا مەن شياڭ يۇيچيۇڭنىڭ تۋىسقاندىق سۇيىسپەنشىلىگى

ءتىلشى جاڭ تيڭ

  «ءسۇتتى شايدىڭ حوش ءيىسى اڭقىعان، ءبىز تانىستىق، ءبىز تابىستىق كوڭىلىمىز شالقىعان؛ انار قاشان گۇلدەيتىنىن بىزدەن قۇربىم سۇراما، سىچۋان قايدا، شينجياڭ قايدا، قاشىقتىعىن سىناما؛ تاعدىر ايداپ قيۋادا ءبىز تابىستىق، تۋىستىققا، تانىستىققا كۋا بولسىن وسى ارا». 10 - ايدىڭ 2 - كۇنى جىپ - جىلى اياداي ۇيدە قاليدا بەرىك قىزى دومبىرامەن تامىلجىتا ءان سالعاندا، قاسىندا وتىرعان حانزۋ اپەكەسى شياڭ يۇيچيۇڭنىڭ جانارىنا جاس ىركىلدى.

  بيىل 5 - ايدىڭ 20 - كۇنى، بۋرىلتوعاي اۋداندىق پارتكوم ينتەرنەت ينفورماتسياسى كەڭسەسىنىڭ بۋرىلتوعاي قالاشىعى حۋانچىڭ باتىس جولى الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى قاليدا مەن الەۋمەتتىك اۋماقتىڭ تۇرعىنى شياڭ يۇيچيۇڭ جۇپ قۇراپ، تۋىستاسقان بولاتىن. وسىدان باستاپ، ولار ءبىر - ءبىرىن اپەكە - ءسىڭلى دەپ اتاپ كەتتى.

  قولى بوساي قالسا بولعانى، قاليدا شياڭ يۇيچيۇڭعا قازاق ۇلتىنىڭ ەرەكشە تاعامدارىن الا كەلەدى ءارى وعان جاساۋدى ۇيرەتەدى. ءبىر كۇنى، قاليدا شياڭ يۇيچيۇڭنان: اپەكە، ءسىز قازاق ءتىلىن نەگە ۇيرەنىپ ءجۇرسىز؟ قانداي ەرەكشە سەبەبى بار؟ - دەپ تاڭىرقاي سۇرايدى، شياڭ يۇيچيۇڭ: ۇلتتار ىنتىماعىن قۇر اۋىزدا عانا ايتا سالۋعا بولمايدى، قازاق ۇلتى قاراپايىم، اق كوڭىل، ىقىلاستى، مەيماندوس كەلەدى، قازاق ءتىلىن ۇيرەنۋدەگى ماقساتىم قازاق ۇلتىنىڭ تاريحىن، مادەنيەتىن ءتىپتى دە جاقسى ءتۇسىنىپ، ءوزارا سىرلاسىپ، ناعىز دوس بولۋ، - دەيدى مۇقياتتىلىقپەن.

  مۇنى ەستىگەن قاليدا قاتتى تەبىرەنىپ اۋزىنا ءسوز تۇسپەي، شياڭ يۇيچيۇڭنىڭ قولىن قىسا بەرەدى.

  سودان باستاپ، قاليدا مەن شياڭ يۇيچيۇڭ بۇكپەسىز شۇيىركەلەسەتىن، ءوزارا كومەكتەرىن ايامايتىن تاتۋ اپەكە - ءسىڭلى بولادى. كەي كەزدەرى قاليدا اۋلادا تۇرعىنداردى جيناپ عيمارات جيىنىن اشىپ، حالىققا ءتيىمدى ساياساتتاردى جەتكىزگەندە، شياڭ يۇيچيۇڭ قاسىندا وتىرىپ قارتتارعا گازەت وقىپ بەرەدى. شياڭ يۇيچيۇڭ بىلاي دەدى: ءسىڭلىم قاليدانىڭ اسەرى مەن دەم بەرۋىندە، مەن كىتاپ، گازەت وقۋعا قىزىعا ءتۇسىپ، مەملەكەتتىڭ ءىرى ىستەرىنەن جانە اينالامىزداعى ىستەردەن دەر كەزىندە حابار تاباتىن بولدىم. وزىمە دەگەن سەنىمىم اناعۇرلىم كۇشەيىپ، باسقالارمەن شۇيىركەلەسە كەتەتىن بولدىم.

  ءبىر كۇنى قاليدا مەن شياڭ يۇيچيۇڭ ۇيدە مەملەكەتتىك، حالىقارالىق حابارلاردى كورىپ وتىرعاندا، كەنەت شياڭ يۇيچيۇڭ «مەن ساعان ءبىر كەرەمەت نارسە كورسەتەيىن» دەيدى دە، ىشكاپتان ءوزى تىككەن كەستەلەردى الىپ شىعادى، ولاردىڭ اراسىندا دومبىرانىڭ، كيىز ءۇيدىڭ ورنەگى سالىنعان كەستەلەر بار ەكەن... «نەدەگەن كەرەمەت كەستەلەگەنسىز!». اپەكەسىنە تاعى ءبىر رەت قايران قالعان قاليدانىڭ اۋزىنان القاۋ تۇسپەيدى.

  ۇيىنە قايتىپ بارعاننان كەيىن، شياڭ يۇيچيۇڭنىڭ ىشكابىنداعى كەستەلەر قاليدانىڭ ويىنا ورالا بەرەدى. شياڭ يۇيچيۇڭ جايشىلىقتا ۇقىپتى دا ۇنەمشىل بولعاندىقتان، كەستەلەرىن رامكالاتۋعا اقشاسىن قيمايدى. قاليداعا كەنەت مىناداي ءبىر وي كەلەدى: «مەن اپەكەمنىڭ كەستەلەرىن رامكالاتىپ، ۋيچاتتا دوستار شەڭبەرى ارقىلى اپەكەمنىڭ كەستەلەرىن تانىستىرايىن، اپەكەمە ازىن - اۋلاق كىرىس كىرۋى دە مۇمكىن». ايتقانىن ورىنداۋعا كىرىسكەن قاليدا دەرەۋ بۋرىلتوعاي اۋدان قالاشىعىنداعى كەستە دۇكەنىنە بارىپ، اپەكەسىنىڭ كەستەلەرىن رامكالاتادى. وسىدان كەيىن، قاليدا كەستەلەردى تۇرگە ءبولىپ، ات قويىپ، سۋرەتكە تارتىپ، ۋيچاتتاعى دوستار شەڭبەرىنە شىعارادى.

   شياڭ يۇيچيۇڭ ەرەن بازاردا اقشا الۋشى بولعاندىقتان، ءبىر كۇن تىكەسىنەن تىك تۇرعاندا ەكى اياعى ءىسىپ كەتەتىن، كەيدە اياعى اۋىرىپ، ءتۇنى بويى كوز ىلمەي شىعادى. مۇنى كورگەن قاليدانىڭ وعان جانى اشىپ، بوس ۋاقىتتارىندا اپەكەسىنە قولايلى جۇمىس قاراستىرادى. وتكەن ايدا، قاليدا جەرگىلىكتى ءبىر قانت زاۆودىنىڭ جۇمىسىنىڭ شياڭ يۇيچيۇڭعا ۇيلەسەتىندىگىن ەستىپ، قاتىستى جاۋاپتى اداممەن دەرەۋ حابارلاسىپ جاعداي ۇعىسادى ءارى شياڭ يۇيچيۇڭدى تانىستىرادى. اۋىزشا ەمتيحاننان وتكەن شياڭ يۇيچيۇڭ قانت زاۆودىنىڭ جۇمىسشىسى بولادى. ونىڭ جۇمىسقا قابىلدانعاندىعىنان حابار تاپقان سول ءبىر ساتتە، اپەكەلى - ءسىڭلىلى ەكەۋى قۋانعاندارىنان ءبىر - ءبىرىن قاتتى قۇشاقتايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى