تيانشان تورابى   ›   جاڭالىقتار   ›   ماڭىزدى حابارلار

شي جينپيڭ ۆيەتنام كوممۋنيستىك پارتياسىنىڭ بۇرىنعى باس شۋجيى دۋ مەيدىڭ قايتىس بولعاندىعى جونىندە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭعا كوڭىل ايتۋ تەلەگرامماسىن جولدادى

  شينحۋا اگەنتتىگىنىڭ 10 - ايدىڭ 3 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 10 - ايدىڭ 2 - كۇنى ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭعا كوڭىل ايتۋ تەلەگرامماسىن جولداپ، جۇڭگو پارتياسى، ۇكىمەتى، حالقى ءارى ءوز اتىنان ۆيەتنام كوممۋنيستىك پارتياسىنىڭ بۇرىنعى باس شۋجيى دۋ مەيدىڭ قايتىس بولعاندىعىنا اسا قايعىلى سەزىممەن ازا بىلدىرەتىندىگىن، ونىڭ وتباسىنداعىلاردان شىنايى حال سۇرايتىندىعىن ءبىلدىردى. تەلەگراممانىڭ تولىق مازمۇنى تومەندەگىدەي:

  ۆيەتنام كوممۋنيستىك پارتياسىنىڭ بۇرىنعى باس شۋجيى دۋ مەي جولداستىڭ باقىتقا قارسى قايتىس بولعاندىعى جونىندە توسىن حابار الدىم، مەن جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى ءارى ءوز اتىمنان، سىزگە ءارى ءسىز ارقىلى ۆيەتنام كوممۋنيستىك پارتياسىنا، ۆيەتنام ۇكىمەتىنە، ۆيەتنام حالقىنا دۋ مەي جولداستىڭ قايتىس بولعاندىعىنا اسا قايعىلى سەزىممەن ازا بىلدىرەتىندىگىمدى، دۋ مەي جولداستىڭ وتباسىنان شىنايى حال سۇرايتىندىعىمدى جەتكىزەمىن.

  دۋ مەي جولداس ۆيەتنام پارتياسى مەن مەملەكەتىنىڭ اعا بۋىن تاڭداۋلى باسشىسى، جۇڭگو پارتياسى مەن حالقىنىڭ جاقىن جولداسى جانە دوسى، ۆيەتنامنىڭ جاڭالىق جاساۋ ىستەرى جانە سوتسياليستىك قۇرىلىسى ءۇشىن بۇكىل زەيىن - زەردەسىن ارناپ، جۇڭگو - ۆيەتنام پارتيالارىنىڭ، ەلدەرىنىڭ قارىم - قاتىناسىن دامىتۋعا ەسەلى ۇلەس قوستى.

   مەن باس شۋجي جولداستىڭ پارمەندى باسشىلىعىندا، ۆيەتنام كوممۋنيستىك پارتياسىنىڭ، ۆيەتنام ۇكىمەتىنىڭ، ۆيەتنام حالقىنىڭ قايعىنى قايراتقا جەڭدىرىپ، سوتسياليستىك قۇرىلىس ىستەرىندە ۇزدىكسىز تىڭ تابىستارعا قول جەتكىزەتىندىگىنە سەنەمىن. جۇڭگو جاق ۆيەتنام جاقپەن بىرگە جۇڭگو مەن ۆيەتنامنىڭ ءداستۇرلى دوستىعىن ۇزدىكسىز بەكەمدەپ، ءوزارا تيىمدىلىك جاساپ، سەلبەستىك جاساسۋدى تەرەڭدەتىپ، جۇڭگو مەن ۆيەتنامنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز اقاۋسىز، ورنىقتى دامۋىن ىلگەرىلەتۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى