جىلدىق نىسانالىق مىندەت %180 ورىندالدى
ءتىلشى لي چۇنشيا 10 - ايدىڭ 3 - كۇنى ۇرىمجىدەن حابارلايدى. «مىناۋ جاڭا عانا سويىلعان قويدىڭ جاس ەتى». 9 - ايدىڭ 30 - كۇنى، قاراقاش اۋدانى تۇڭشين حۋايۋان شاعىن الەۋمەتتىك اۋماعىنىڭ قاقپاسىنىڭ الدىنداعى ۋانفىڭ مال شارۋاشىلىعىن دامىتۋ شەكتى سەرىكتەستىگىنىڭ قوي ەتىن تىكەلەي ساتۋ تۇيىنىندە ساتۋشى يبىرايىم باكىر الارماندارعا ىستىق ىقىلاسپەن تانىستىرىپ جاتتى. ول بىلاي دەدى: ءۇيدىڭ جانىندا جۇمىس ىستەيمىن، ايلىق كىرىسىم 2000 يۋان، قوي ەتى كوپ ساتىلسا، بەرەتىن پايداسى تاعى بار. كوپ وتپەي كەدەيلىكتەن قۇتىلامىن.
32 جاستاعى يبىرايىم − قاراقاش اۋدانى توقۋلا اۋىلى باش گۇرە قىستاعىنىڭ تۇرعىنى، وتباسىندا ادام كوپ، جەر از، ءۇپى - ءتاپى كۇن وتكىزەتىن ارحيۆ تۇرعىزىلىپ، كارتچكا بەرىلگەن كەدەي وتباسى. بيىل 8 - ايدا، شينجياڭ ۋانفىڭ مال شارۋاشىلىعىن دامىتۋ شەكتى سەرىكتەستىگىنىڭ قاراقاش اۋداندىق بولىمشە سەرىكتەستىگى قاراقاش اۋدانىنىڭ قالا - اۋىلدارىندا قوي ەتىن تىكەلەي ساتۋ تۇيىندەرىن قۇرىپ، سول جەردەگى ارحيۆ تۇرعىزىلىپ، كارتچكا بەرىلگەن وتباسىلارىنداعى ەڭبەككۇشتەردى الدىمەن قابىلداپ، ولاردىڭ كەدەيلىكتەن قۇتىلىپ كىرىستى ارتتىرۋىنا كومەكتەستى. يبىرايىم دا جولى بولىپ جۇمىسقا قابىلداندى.
«ءبىز تاياۋ مەزگىلدە قاراقاش اۋدانىنىڭ قالا - اۋىلدارىندا 100 تىكەلەي ساتۋ ءتۇيىنىن قۇرۋدى جوسپارلادىق، كەلەشەكتە كولەمىن كەڭەيتىپ، تىكەلەي ساتۋ ءتۇيىنىن 1000عا جەتكىزەمىز. سول جەردىڭ وزىندە بولۋ، جاقىن ماڭدا بولۋ، كەدەي وتباسىلارىن الدىمەن ەسكەرۋ پرينسيبىنە ساي، ءاربىر تىكەلەي ساتۋ تۇيىنىنە 2 ادام قابىلدادىق، بۇل ارقىلى كەدەي وتباسىلارىنان 2000 ەڭبەككۇشتى جۇمىسقا ورنالاستىرۋعا بولادى»، - دەدى شينجياڭ ۋانفىڭ مال شارۋاشىلىعىن دامىتۋ شەكتى سەرىكتەستىگى قاراقاش اۋداندىق بولىمشە سەرىكتەستىگىنىڭ جاۋاپتىسى جاڭ چيڭ.
وڭتۇستىك شينجياڭدا يبىرايىم سياقتى كەدەي وتباسىلارىنداعى تالايلاعان ەڭبەككۇشتەر پارتيانىڭ تاماشا ساياساتىنىڭ يگىلىگىن كورىپ، باسقا كاسىپ سالاسىنا ويىسىپ جۇمىستانىپ، تۇراقتى قىزمەتكە يە بولىپ، كەدەيلىكتەن قۇتىلۋ سەنىمدەرىن نىعايتتى. ۇعىسۋىمىزشا، بيىل جىل باسىندا رايونىمىز وڭتۇستىك شينجياڭداعى 3 ايماق، ءبىر وبلىستاعى اۋىر كەدەي اۋدانداردا جۇمىسقا ورنالاستىرۋ جولىمەن كەدەيلەردى سۇيەمەلدەۋ قىزمەتىن باستاعان، 8 - ايدىڭ اياعىنا دەيىن، ارحيۆ تۇرعىزىلىپ، كارتچكا بەرىلگەن 72 مىڭ ەڭبەككۇش باسقا سالاعا ويىستىرىلىپ جۇمىسقا ورنالاستىرىلىپ، جىلدىق نىسانالىق مىندەت %180 ورىندالعان.
سول جەردىڭ وزىندە، جاقىن ماڭدا جۇمىسقا ورنالاسقاندا، كەدەي وتباسىلارىنداعى ەڭبەككۇشتەر كىرىستەرىن ارتتىرا الادى ءارى ۇيلەرىنە دە قارايلاسا الادى، بۇل − رايونىمىزدىڭ وڭتۇستىك شينجياڭداعى 3 ايماق، ءبىر وبلىستاعى كەدەي وتباسىلارىنداعى ەڭبەككۇشتەردى باسقا كاسىپ سالالارىنا ويىستىرىپ جۇمىسقا ورنالاستىرۋداعى نەگىزگى جولى. ءبىر جاعىنان، رايونىمىز «كەدەيلەردى سۇيەمەلدەۋ سەحىن»، «سەرىك زاۆود» قۇرۋ ارقىلى كەدەي وتباسىلارىنداعى ەڭبەككۇشتەردى ءۇيىنىڭ جانىندا جۇمىسقا ورنالاسۋعا تارتتى؛ ەندى ءبىر جاعىنان، شارۋاشىلىق قۇرۋدىڭ جۇمىسقا ورنالاسۋعا باستاماشىلىق ەتۋ رولىن تولىق ساۋلەلەندىرىپ، شارۋاشىلىق قۇرۋ كەپىلدىك قارىز اقشاسى، سالىقتى جەڭىلدەتۋ، كەشىرۋ، ورىندى جالعا الۋ اقىسىن ازايتۋ، كەشىرۋ سياقتى كەدەيلەردى سۇيەمەلدەۋ ساياساتىن تياناقتاندىرىپ، شاعىن ساۋدا دۇكەنى، شاعىن اسحانا، شاعىن شەبەرحانا، شاعىن جوندەۋ دۇكەنى سياقتىلاردى جەرگىلىكتى جاعدايعا قاراي دامىتىپ، ءىشىنارا بۇقارانىڭ شارۋاشىلىق قۇرۋ ارقىلى جۇمىسقا ورنالاسۋىنا جەتەكشىلىك ەتتى.
«ءبىز شينجياڭ ىشىندە وڭىرلەر ارا باسقا كاسىپ سالاسىنا ويىستىرىپ جۇمىسقا ورنالاستىرۋ، سول جەردىڭ وزىندە، جاقىن ماڭدا باسقا كاسىپ سالاسىنا ويىستىرىپ جۇمىسقا ورنالاستىرۋ، شاعىن، ۇساق شارۋاشىلىق قۇرۋ جولىمەن جۇمىسقا ورنالاسۋعا باستاماشىلىق ەتۋ سياقتى <6 ءبىر توپ> ارناسى ارقىلى جۇمىسقا ورنالاستىرۋ جولىمەن كەدەيلەردى سۇيەمەلدەۋدىڭ ۇيىمداسۋ دەڭگەيىن ءوسىرىپ، جۇمىسقا ورنالاسۋدىڭ ساپاسىن جوعارىلاتتىق». اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى شارۋا جۇمىسكەرلەر قىزمەتى باسقارماسىنىڭ ورىنباسار باستىعى لي حۇڭۋ بىلاي دەدى: رايونىمىز جۇمىسقا ورنالاستىرۋدىڭ تۇراقتىلىعىن ءوسىرۋدى نەگىزگى قامال الۋ باعىتى ەتىپ، جۇمىسقا ورنالاستىرۋ جولىمەن كەدەيلەردى سۇيەمەلدەۋدى ىشكەرىلەي، مۇقيات، ناقتاپ ىستەپ، اۋىل - قىستاقتاعى ەڭبەككۇشتەردى ۇيىمدى تۇردە باسقا كاسىپ سالاسىنا ويىستىرىپ جۇمىسقا ورنالاستىرۋدى باسقارۋ - قىزمەت وتەۋ جۇيەسىن قۇرىپ، «قانشاسى باسقا كاسىپ سالاسىنا ويىستىرىلسا سونشاسىن كىرگىزۋدى، قانشاسى جۇمىسقا ورنالاستىرىلسا، سونشاسىن كىرگىزۋدى» ىسكە اسىرىپ، شىنايى اتى - جونىمەن باسقارۋدى اۋدانعا، اۋىلعا، قىستاققا، وتباسىنا، ادامعا دەيىن تياناقتاندىردىق.
لي حۇڭۋدىڭ تانىستىرۋىنشا، تاياۋدا شىعارىلعان «اۆتونوميالى رايوننىڭ ساياحات كاسىبى ارقىلى جۇمىسقا ورنالاسۋعا جەتەكشىلىك ەتۋ ارەكەت جوسپارىنا (2018 − 2020)» سايكەس، رايونىمىز ساياحات كاسىبىن باسقا كاسىپ سالاسىنا ويىستىرىلىپ جۇمىسقا ورنالاسۋشىلاردى تارتۋدىڭ ماڭىزدى ارناسى جانە جۇمىسقا ورنالاسۋدىڭ جاڭا ارتۋ ءتۇيىنى ەتىپ، وڭتۇستىك شينجياڭداعى 3 ايماق، ءبىر وبلىستاعى اۋىر كەدەي اۋداندارداعى ارحيۆ تۇرعىزىلىپ، كارتچكا بەرىلگەن كەدەي وتباسىلارىنداعى ەڭبەككۇشتەرگە الدىمەن جۇمىس ورنىن ازىرلەپ، ولاردىڭ سول جەردىڭ وزىندە، جاقىن ماڭدا جۇمىسقا ورنالاسۋىنا مۇمكىندىك جاساپ، 2020 - جىلعا دەيىن وڭتۇستىك شينجياڭداعى 3 ايماق، ءبىر وبلىستاعى اۋىر كەدەي اۋداندارداعى ارحيۆ تۇرعىزىلىپ كارتچكا بەرىلگەن وتباسىلارىنداعى ەڭبەككۇشتەردەن تىڭنان 10 مىڭ ادامدى ساياحات كاسىبى ارقىلى جۇمىسقا ورنالاستىرۋ نىساناسىن جۇزەگە اسىرادى ەكەن.
