تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ەگىس الاڭىنىڭ جۇمىسشى - قىزمەتكەرلەرى پارتياعا العىس ايتتى

ءتىلشى چىن چىن

  «ءبىز زەينەتكەرلىك قامسىزداندىرۋىنان، ەمدەۋ قامسىزداندىرۋىنان يگىلىكتەندىك، ۇل - قىزدارىمىز تەگىن مىندەتتى وقۋ - اعارتۋدان يگىلىكتەندى، پارتيانىڭ ابزال ساياساتىنىڭ ارقاسىندا تۇرمىسىمىز بارعان سايىن جاقساردى. پارتيانىڭ حالىقتى اۋقاتتاندىرۋ ساياساتىنىڭ كومەگىندە سوڭعى جىلدارى وتباسىمىزدىڭ جىلدىق كىرىسى 200 مىڭ يۋاننان استى»، - دەدى داعۇر جۇمىسشى فۋ دىيىڭ. 10 - ايدىڭ 4 - كۇنى تۇستەن بۇرىن ءتىلشى شاۋەشەك قالاسى بوزداق ەگىس الاڭى ەگىنشىلىك 8 - دۇيىنە بارعاندا، بۇل جەردە «تيانشان ۇلاندارىنىڭ جۇرەگى پارتيا دەپ سوعادى، ەگىس الاڭىنىڭ جۇمىسشى - قىزمەتكەرلەرى پارتياعا العىس ايتادى» تاقىرىبىندا مەملەكەت مەرەكەسىن قۇتتىقتاۋ قيمىلى ورىستەتىلىپ جاتقاندىعىن كوردى.

  ەگىس الاڭىنداعى سۇحبات بارىسىندا ءتىلشىنىڭ ەڭ كوپ ەستىگەن ءسوزى «پارتيانىڭ ابزال ساياساتىنا العىس ايتامىز، جۇمىسشى - قىزمەتكەرلەرىمىزدىڭ كىرىسى جىل سايىن ارتتى» بولدى.

  ەگىس الاڭى رەفورماسىنىڭ ۇزبەي تەرەڭدەۋىنە ساي، جۇمىسشى - قىزمەتكەرلەر قاۋىمى قوعام ورنىقتىلىعى مەن رەفورمانىڭ، دامۋدىڭ يگىلىككە كەنەلىپ، بارلىق وتباسى عيماراتقا كوشىپ كىردى، كوپتەگەن وتباسى جەڭىل اۆتوموبيل ساتىپ الدى. بىلتىر بوزداق ەگىس الاڭى ەگىنشىلىك 8 - دۇيىندەگى جۇمىسشى - قىزمەتكەرلەردىڭ جان باسىندىق ورتاشا تازا كىرىسى 16 مىڭ يۋانعا جەتتى. بۇگىنگى كۇندەرى باقىت جولىنداعى ءار ۇلت جۇمىسشى - قىزمەتكەرلەرى پارتيا مەن ۇكىمەتكە دەگەن العىسقا تولى كوڭىلدە.

  مەملەكەت مەرەكەسى كەزىندە شاۋەشەك قالالىق بازار باقىلاۋ - باسقارۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ۇيىمداستىرۋىندا، ەگىنشىلىك 8 - دۇيىندە 200 نەشە ءار ۇلت جۇمىسشى - قىزمەتكەرلەرى «تيانشان ۇلاندارىنىڭ جۇرەگى پارتيا دەپ سوعادى، ەگىس الاڭىنىڭ جۇمىسشى - قىزمەتكەرلەرى پارتياعا العىس ايتادى» تاقىرىبىنداعى قۇتتىقتاۋ قيمىلىنا بەلسەنە قاتىناستى، كوپشىلىك ءوز كەشىرمەلەرىنە بىرلەستىرە وتىرىپ، وزگەرىستى بايانداپ، پارتيانىڭ مەيىرىن جىرلادى.

  وسى بىرنەشە كۇندە ءتىلشى مەيلى اتىز باسىنا بارسىن، الدە كوڭىل اشۋ، سەيىل - سەرۋەن شاعىن الاڭىنا بارسىن، بارلىق جەردەن ءار ۇلت جۇمىسشى - قىزمەتكەرلەرىنىڭ پارتيا 18 - قۇرىلتايىنان بەرى قوعامدىق تۇرمىستا بولعان وزگەرىستەردى بايانداپ، پارتياعا العىسىن، پارتياعا ماڭگى ىلەسەتىن بەرىك سەنىمى مەن بەكىمىن بەينەلەگەندىكتەرىن ەستىدى.

  «سوڭعى جىلدارى ەگىس الاڭىندا تۋىلعان زور وزگەرىستەردى ءوز كوزىممەن كوردىم، تۇرمىس ورتاسى، ءوندىرىس شارت - جاعدايى ۇزبەي جاقسارۋدا، ەرەكشە جايلى سەزىنۋدەمىز»، - دەدى جەرىنە تراكتورمەن كوڭ شاشىپ، جەر جىرتىپ جاتقان ۋاڭ چيڭجياڭ تىلشىگە.

  «<ۇعىسۋ، تيىمدىلىك جاساۋ، توعىستىرۋ> قىزمەت اترەتىنىڭ سايكەستىرىپ كومەكتەسۋىندە، مەن 56 جۇمىسشى - قىزمەتكەرمەن سەرىكتەسىپ، شاۋەشەك قالاسى جىڭحى ەكولوگيالىق ەگىن شارۋاشىلىعى ەگىنشىلىك كاسىپتىك سەلبەستىك كووپەراتيۆىن قۇرىپ، ورگانيكالىق ءبيداي، بالاۋىزدى جۇگەرى وندىردىك. قازىر كووپەراتيۆ ايىنا 2 توننا اينالاسىندا ورگانيكالىق اۋىل شارۋاشىلىق ونىمدەرىن ساتادى، رايونىمىزدىڭ ءىشى - سىرتىندا الارماندارىمىز بار. پارتيانىڭ ابزال ساياساتى شارۋاشىلىق قۇرۋ سەنىمىمدى ارتتىردى، پارتياعا دەگەن العىسىم شەكسىز»، - دەدى قىزمەتكەر ۋاڭ حۋ ەرەكشە اسەرلەنە.

  «بەيبىت زاماندا جاساپ جاتقان ءبىز، ءسوز جوق، پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز، قاجىرلى ەڭبەگىمىزبەن ءتىپتى دە كوركەم تۇرمىس جاراتۋىمىز كەرەك»، - دەدى شاۋەشەك قالالىق بازار باقىلاۋ - باسقارۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى چىن گوبيڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى