ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

شۇپەرەك شاقايدىڭ حيكاياسى

ەرىكتى ءتىلشى گۇڭ يۇڭ

  «سەپا شەشەي، سىزگە كوپ راقىمەت، مەن بۇل شۇپەرەك شاقايدى ەرەكشە قاستەرلەيمىن». 9 - ايدىڭ 21 - كۇنى ليۋ چىڭ باعراش اۋدانى شەكىننۇر اۋىلى حارنودون قىستاعىنداعى موڭعۇل قىستاق تۇرعىنى سەپانىڭ قولىنان قاتىرما تاباندى شۇپەرەك شاقايدى الىپ، بار ىجداعاتپەن ادىپتەلگەن شۇپەرەك شاقايدىڭ تابانىن ايالاي سيپاعاندا كوڭىلى ەلجىرەپ سالا بەردى.

  «بالام، شاقاي جايلى بولسا، سەپا شەشەيىڭ تاعى بىرەۋىن تىگىپ بەرسىن»، - دەيدى سەپا شەشەيدىڭ جولداسى ماگا ليۋ چىڭعا.

  «ليۋ چىڭ قولى بوساي قالسا بولدى بىزگە امانداسا كەلەدى، ءوز بالامىز سياقتى. وتباسىمىزداعى ۇساق - تۇيەك جۇمىستاردىڭ بارلىعىنا قول ۇشىن بەرىپ جاردەمدەسىپ جاتادى»، - دەپ ماگا كاريا تۋىسى ليۋ چىڭنىڭ اتى اتالدى بولدى قاتتى تەبىرەنەدى.

  بيىل 66 جاسقا كەلگەن ماگا كاريانىڭ ەكى ۇلى ءۇرىمجى، كورلا قالالارىندا قىزمەت ىستەيتىندىكتەن، جايشىلىقتا ۇيدە قوس كاريا عانا تۇرادى. 2017 - جىلى 1 - ايدا باعراش اۋداندىق پارتكومنىڭ ۇيىمداستىرۋ بولىمىنەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەسى ليۋ چىڭ ولارمەن جۇپ قۇراپ، تۋىس بولادى.

  «ۇلىم قاسىمىزدا ەمەس، ەگەر ليۋ چىڭ بولماسا ول شاقتا قايتەر ەدىم...»، - دەپ 5 - ايدىڭ 26 - كۇنگى وقيعانى ەسىنە الدى بولدى سەپا شەشەي ءالى كۇنگە دەيىن ۇرەيى ۇشادى.

  سول كۇنى تاڭعى ساعات 5 تە شىرت ۇيقىدان ويانا كەلگەن ماگا مۇرنىنان قان اعىپ كەتكەنىن بايقايدى، قان توقتاماعان سوڭ، جولداسى سەپانى وياتادى. سەپا لەزدە ليۋ چىڭعا حابارلاسادى، ليۋ چىڭ تىزگىن ۇشىمەن جەتىپ كەلىپ، قوس كاريانى باعراش اۋداندىق حالىق شيپاحاناسىنا جەتكىزەدى.

  تەكسەرۋ ارقىلى شيپاگەر ماگانىڭ قان قىسىمى جوعارىلاۋ سەبەپتى مۇرىن قۋىسى ارتەريالارىنىڭ جارىلعاندىعىن انىقتايدى. شيپاگەر ولارعا: باقىتقا جاراي شيپاحاناعا دەر كەزىندە كەلىپسىزدەر، ايتپەگەندە قيىن جاعداي بولعانداي ەكەن، - دەيدى.

  «ىلە - شالا ءبىز بيڭتۋان 2 - شىسى يانجي شيپاحاناسىنا بارىپ ەمدەلدىك، ليۋ چىڭ شيپاحاناعا جاتۋ سياقتى قاتىستى راسمياتتاردى وتەپ بەردى، قاسىمىزدا بولىپ ەمدەلۋىمىزگە جاردەمدەسىپ، تاڭەرتەڭگى قىزمەتكە شىعار ۋاقىتىندا ءبىر - اق قايتتى، كوپ اينالماي الاڭسىز بولا المادىم دەپ قايتىپ كەلدى»، - دەپ ماگا كاريا سول كۇنگى وقيعانى ەسىنە الا وتىرىپ كوزىنە ىستىق جاس الدى. سول كۇنى ليۋ چىڭ تۇسكە دەيىن ماگا كاريانىڭ قاسىندا بولىپ، ول قاتەردەن اراشالانعاننان كەيىن عانا قىستاققا قايتادى.

  «ءبىز اكە - شەشەمىزدەن شالعايدا ءجۇرىپ، قارايلاسا المادىق، باقىتقا جاراي ليۋ چىڭ باۋىرىمىز بار»، - دەگەن كاريالاردىڭ ۇرىمجىدەن كەلگەن ۇلكەن ۇلى سارىنجا: بىلتىر اكەمنىڭ وكپەسى قابىنىپ قىزۋى ورلەپ كەتەدى، العاشىندا ادەتتەگى تۇماۋ عوي دەپ ەلەمەيدى، ۋكول سالدىرىپ، ءدارى ىشسە دە ءونىمى بولعانى بىلاي تۇرسىن، سىرقاتى اۋىرلاي بەرەدى، سول كەزدە ليۋ چىڭ اكە - شەشەمە امانداسا كەلىپ، جاعدايدىڭ تىم جاقسى ەمەس ەكەنىن بايقاپ دەر كەزىندە اكەمدى شيپاحاناعا جەتكىزىپ ەمدەتتى، - دەيدى.

  «شىنىن ايتساق، ەكەۋىمىز ۇيدە وتىرساق قۇلازىپ قالامىز. ليۋ چىڭ بالامىز ۇنەمى بىزبەن اڭگىمەلەسىپ، ءۇي جۇمىسى مەن ەگىس جۇمىسىنا كومەكتەسىپ، البارىندى بولىپ جۇرەدى، مۇنى كورگەن جۇرەگىمىز قالاي ەلجىرەمەي تۇرا السىن، ليۋ چىڭ بالام قىستاقتا تۇرعان 2 جىلدان بەرى جۇدەپ - جاداپ كەتتى، قىزمەتى قاربالاس بولعاندىقتان، الدەنەشە اياق كيىمدى دە توزدىرىپ تاستادى، شۇپەرەك شاقاي اياققا جايلى بولار - اۋ دەپ وعان تىگىپ بەرگەنىم وسى»، - دەيدى سەپا شەشەي.

  «سەپا شەشەيىم ۇنەمى ماعان تاماق ىستەپ بەرىپ، ءوز تۋعان بالاسىنداي مامىلە جاسايدى، ءۇيىمدى ساعىنسام بولدى سەپا شەشەي مەن ماگا اتايىممەن اڭگىمەلەسەمىن، ول كىسىلەر بەينە تۋعان اكە - شەشەم سياقتى، ول جەردەن وتباسىنىڭ مەيىرىن سەزەمىن»، - دەيدى ليۋ چىڭ تەبىرەنگەن سەزىممەن. ول بۇل شۇپەرەك شاقايدى كيۋگە قيماي، ونى ماڭگىلىك ەستەلىك رەتىندە ساقتاپ قويماقشى، ويتكەنى وندا سونشالىق كوركەم، سونشالىق مەيىرلى كوپتەگەن حيكايا بار، بۇل ونى شابىتتاندىرىپ، اناعۇرلىم تاسقىنداعان جىگەرمەن قىستاقتا تۇرۋ قىزمەتىنە ات سالىسۋىنا جەبەۋشى بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى