ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

«تۋىسىم ءۇي جيھازدارى دۇكەنىن اشۋىما كومەكتەستى»

ءتىلشى لي داۋجۇڭ

  9 - ايدىڭ 30 - كۇنى، كۇن جەكسەنبى بولاتىن. قاشقار قالالىق پارتكوم ۇيىمداستىرۋ ءبولىمىنىڭ كادرى جاڭ شۇي تاعى دا دەمالىس ۋاقىتىنان پايدالانىپ، اتالعان قالانىڭ جاڭا وستەڭ اۋىلى بازار قىستاعىنداعى حالىققا تيىمدىلىك جاساۋ ءۇي جيھازدارى دۇكەنىنە كەلدى. ءىنىسى ابليكىمجان ءوماردىڭ وسى ءۇي جيھازدارى دۇكەنىن اشقانىنا بىرنەشە ايدىڭ ءجۇزى بولعان ەدى، جاڭ شۇي سونان بەرى دۇكەننىڭ تيجارات جاعدايىن ەسىنەن ءبىر ءسات تە شىعارمادى.

  تۇستەن كەيىن جاڭ شۇي مەن ابليكىمجان ەكەۋى قىستاق تۇرعىنى ابىلا كاردىڭ ۇيىنە باردى. بيىل 7 - ايدا ول 3000 يۋان اقشا جۇمساپ، حالىققا تيىمدىلىك جاساۋ ءۇي جيھازدارى دۇكەنىنەن 10 ادامدىق كرەسلو ساتىپ العان بولاتىن. كرەسلونى 2 ايدان ارتىق پايدالانعان سوڭ ابليكىمجان ۋادە بويىنشا ابىلانىڭ ۇيىنە كرەسلونى قايتالاي كورۋگە كەلدى. ابىلا قۋانىشپەن: كرەسلو وتە ساپالى شىقتى، وتىرساڭىز سونداي راقات، قازىرشە ساپاسىنان ەشقانداي كىنارات بايقالمادى، - دەدى. حالىققا تيىمدىلىك جاساۋ ءۇي جيھازدارى دۇكەنى تۇتاس اۋىلداعى جالعىز ءۇي جيھازدارى دۇكەنى، ۇيىنە جاقىن ءارى ونداعى ءۇي جيھازدارىنىڭ باعاسى قاشقار قالاسىنداعى بازاردان ارزان، ونىمەن قوسا تەگىن جەتكىزىپ بەرەتىندىكتەن، ابىلا كۇزگى جيىن - تەرىننەن كەيىن ابليكىمجاننىڭ دۇكەنىنەن اس ۇستەلىن، بىرنەشە توسەك ساتىپ الماق بولىپ وتىر.

  بيىل 25 جاستاعى ابليكىمجان وتكەندە جىجياڭ، جياڭسۋ سياقتى جەرلەردە جىل بويى ۋاقىتتىق جۇمىس ىستەپ، ازدى - كوپتى اقشا تاپقاننان كەيىن، بىلتىر 8 - ايدا اۋىلىنا قايتىپ كەلىپ، شارۋاشىلىق قۇرۋ قامىنا كىرىسەدى. ىشكى ولكەدە ۋاقىتتىق جۇمىس ىستەپ جۇرگەن كەزىندە ابليكىمجان اكە - شەشەسىنەن جاڭ شۇي اعاسى تۋرالى ەستۋشى ەدى. ول قايتىپ كەلگەننەن كەيىن اكە - شەشەسىنە جاڭ شۇيدىڭ وتباسىنداعىلارىن شاقىرتىپ، بىرگە مەرەكە وتكىزەدى، شەشەسىن ەرتىپ قالاداعى جاڭ شۇيدىڭ ۇيىنە دە الدە نەشە رەت قىدىرا بارادى. جاڭ شۇي قىستاقتا تۇرعان تۇستا ابليكىمجان ورتاق ءتىل بىلەتىن ارتىقشىلىعىمەن جاڭ شۇيگە اۋدارماشى بولادى، جاڭ شۇي ىشكى ولكەدەن قايتىپ كەلگەن ءىنىسىن ايرىقشا ۇناتىپ قالادى.

  ابليكىمجاننىڭ ءۇي جيھازدارى دۇكەنىن اشۋدى ويىنا العانىنا كوپ بولعان - دى، بيىل 5 - ايدا ول بۇل ويىن جاڭ شۇيگە ايتادى، جاڭ شۇي مۇنى ەرەكشە قۇپتاپ، ىنىسىنە جاردەمدەسىپ بازار قىستاعى بازارىنان دۇكەن اشاتىن ءۇي قاراستىرۋمەن بىرگە، ۇيىندەگى جيناعان اقشاسىنان 100 مىڭ يۋاندى ءىنىسىنىڭ ساۋدا باستاۋ قارجىسى ەتىپ بەرەدى. «حالىققا تيىمدىلىك جاساۋ ءۇي جيھازدارى دۇكەنى» دەگەن دۇكەن اتىن دا جاڭ شۇي مەن ءىنىسى اقىلداسىپ قويادى. ابليكىمجان كەزىككەندەردىڭ بارلىعىنا «تۋىسىم جاڭ شۇي اعامنىڭ كومەگىمەن ءۇي جيھازدارى دۇكەنىن اشتىم» دەيدى. ءۇي جيھازدارى دۇكەنى ابليكىمجاننىڭ شارۋاشىلىق قۇرۋ ارمانىن جۇزەگە اسىرۋمەن بىرگە، توڭىرەكتەگى شارۋالارعا دا قولايلى بولدى.

  بازار قىستاعىنىڭ بازارىنداعى حالىققا تيمدىلىك جاساۋ ءۇي جيھازدارى دۇكەنىنە بارعاندا، ءتىلشى دۇكەندە ءتۇرلى جيھازداردىڭ مول ەكەنىن كوردى. قىسقا عانا بىرنەشە ايدا وسى ماڭداعى شارۋالار قۇنى 35 مىڭ يۋاننىڭ ءۇي جيھازىن ساتىپ الىپتى. ابليكىمجان تىلشىگە: ابىلا ساتىپ العان اق سارى ءتۇستى كرەسلونىڭ ءوتىمى ەڭ جاقسى، ونى شارۋالاردىڭ بەيقۇت ۇيىنە قويعاندا كوزگە كورنەكتى كورىنۋمەن بىرگە بەرىك ەكەن، قىستاق تۇرعىندارى قاتتى ۇناتتى، - دەدى.

  «11 - ايدا شارۋالار ماقتا ساتادى، سىرتتا ۋاقىتشا جۇمىس ىستەپ جۇرگەندەر دە اۋىلعا قايتادى، سول ۋاقىتتا دۇكەننىڭ ساۋداسى كۇسەت بولاتىنى مۇندا تۇر»، - دەيدى حالىققا تيىمدىلىك جاساۋ ءۇي جيھازدارى دۇكەنىنىڭ بولاشاعى تۋرالى جاڭ شۇي مەن ابليكىمجان تولىق سەنىممەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى