تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

مەملەكەت مەرەكەسىنىڭ دەمالىسىندا رايونىمىزداعى ءار ۇلت پارتيا مۇشەلەرى، كادرلار وڭتۇستىك - سولتۇستىك شينجياڭداعى تۋىستارىنىڭ ۇيلەرىنە جابال باردى

ىنتىماقتى، سۇيىسپەنشىلىكتى بىرگە اڭگىمەلەپ، ۇلى وتانعا العىس ايتتى

  تۋىستارىمەن تۋ شىعارۋ سالتىنا بىرگە قاتىناسىپ، مول ءونىمنىڭ قۋانىشىنا ورتاقتاسىپ، اتا مەكەننىڭ وزگەرىستەرىنە بىرگە كۋا بولدى... «1 - قازان» كەزىندە رايونىمىزداعى ءار ۇلت پارتيا مۇشەلەرى، كادرلار جاۋاپكەرشىلىك، سۇيىسپەنشىلىك ارقالاپ وڭتۇستىك - سولتۇستىك شينجياڭداعى قىستاقتارعا، الەۋمەتتىك اۋماقتارعا بارىپ، تۋىستارىمەن قول ۇستاسىپ، كوڭىل توعىستىرىپ، زاڭ، ساياسات، مەيىر، وركەنيەت جەتكىزدى، «ۇلتتار ىنتىماعىنىڭ بەرەكەلى شاڭىراعى» قيمىلى تيانشاننىڭ وڭتۇستىگى مەن سولتۇستىگىندە قىزۋ ورىستەتىلدى. «كوممۋنيستىك پارتيا جاقسى، ۇلى وتانىمىز جاقسى، ۇلتتار ىنتىماعى جاقسى» دەگەن ءسوز ءار ۇلت كادر - بۇقاراسىنىڭ ورتاق جۇرەك ۇنىنە اينالدى.

تۋىستارىن ەرتىپ قىدىردى

  10 - ايدىڭ 1 - كۇنى تاڭەرتەڭ ياركەن اۋدانى باشكەنت قالاشىعى تاتارساڭ قىستاعىنىڭ تۇرعىنى تۇرسىن اتاۋلا ۇيىندەگىلەرمەن بىرگە قىستاقتىڭ الدىندا تۇر. بۇگىن ونىڭ تۋىسى «چىن اعاي» قىستاققا كەلىپ مەرەكەنى ولارمەن بىرگە وتكىزبەكشى. «چىن اعاي» دەپ وتىرعانىمىز اۆتونوميالى رايوندىق مەملەكەت جەر بايلىعىن باسقارۋ كادرلارىن جەتىلدىرۋ مەكتەبىنىڭ باستىعى چىن يانگۇي بولاتىن.

  چىن اعايدى انادايدان كورگەن تۇرسىن جۇگىرە باسىپ ونىڭ الدىنان شىقتى. «اعا، حالىڭىز قالاي؟»، «جاقسى! مەملەكەت مەرەكەسى كەلدى، مەرەكەنى بىرگە وتكىزەيىك!» وسىدان كەيىن ەكەۋى قول ۇستاسىپ امانداستى.

  جايعاسا سالىسىمەن تۇرسىن: پارتيانىڭ قامقورلىعىندا تۇرمىسىمىز بارعان سايىن جاقساردى، قازىر وتباسىمىزدا اۋلا شارۋاشىلىعى بار، مەن ءجۇزىم ەكتىم، مۇنان سىرت، كوكونىس اتىزىم مەن شاعىن قالتقىم دا بار، بيىلعى كىرىسىم دە قوماقتى بولار دەپ وتىرمىز. بۇگىن مەرەكە، مەن سىزدى ەرتىپ كۇما قىستاعىنداعى اكە - شەشەمە امانداسا بارماقشىمىن، بارلىعىمىز باس قوسىپ مەرەكە وتكىزەيىك، - دەدى چىن يانگۇيگە قۋانىشپەن.

  «جارايدى، ەندەشە كەتتىك»، - دەپ چىن يانگۇي تۇرسىننىڭ قولىن ۇستاپ سىرتقا شىقتى.

  ۇزاماي وتباسىنداعىلار ءۇش اياقتى موتوتسيكلگە وتىرىپ كۇما قىستاعىنا جەتتى، تۇرسىننىڭ اكە - شەشەسى، اعاسى، اپەكەسى قاتارلىلار ەسىك الدىندا كۇتىپ تۇرىپتى، تۇرسىننىڭ اكەسى چىن يانگۇيمەن ىقىلاستى قۇشاقتاسىپ امانداسىپ، «پارتيانىڭ حالىققا تيىمدىلىك جاساۋ ساياساتىنىڭ ارقاسىندا وتباسىمىزدىڭ تۇرمىسى جاقساردى، مۇنىمەن قوسا ماعان ۇرىمجىدەن تۋىس تاۋىپ بەردى، كوپشىلىك مەملەكەت مەرەكەسىن بىرگە قۇتتىقتايمىز، بۇل مەرەكە وتە ءماندى بولدى!» - دەدى. وتباسىنداعىلار ساكىگە قورالانا وتىرىپ تاماق ءىشىپ، مەملەكەت ءانىن بىرگە شىرقاپ، ءبي بيلەدى، كوڭىلدى كۇلكى ءۇنى اۋلانى كەرنەدى. «جاقسى تۇرمىس پارتيانىڭ جاقسى ساياساتىنان كەلگەن، باس شۋجي شي جينپيڭگە العىس ايتامىز، پارتيا ورتالىق كوميتەتىنە العىس ايتامىز، ۇلى وتانىمىزدىڭ گۇلدەنىپ - كوركەيۋىن، بايىپ - قۇدىرەتتەنۋىن تىلەيمىز!»، - دەدى چىن يانگۇي.

تۋىستارمەن بىرلەسكەن دوستىق قيمىلىنا قاتىناسىپ، مەرەكەنى بىرگە وتكىزدى

  10 - ايدىڭ 2 - كۇنى ءۇشتۇرپان اۋداندىق پارتكوم ۇگىت ءبولىمى اشاتاۋ اۋىلى توقسۇنتەتىر قىستاعىنداعى جۇپ قۇراعان تۋىستاردى «ۇلتتار ىنتىماعىنىڭ بەرەكەلى شاڭىراعى» بىرلەسكەن دوستىق قيمىلىن وتكىزۋگە ۇيىمداستىردى، كوپشىلىك ءۇشتۇرپان اۋدانىنىڭ زاماناۋي تۇرعىندار شاعىن رايونى، باعىمشىلىق كاسىپتىك سەلبەستىك كووپەراتيۆى، كاسىپورىنداردىڭ ءوندىرىس سەحتارى سياقتىلاردى بىرگە ارالادى جانە قىزىل كينو - فيلمدەردى بىرگە كوردى.

  60 جاستاعى قىستاق تۇرعىنى اقنياز اپەز بىلاي دەدى: «بۇگىن وسىنداي زور وزگەرىستەردىڭ ءدال ماڭايىمىزدا تۋىلىپ جاتقانىن كوردىك. پارتيا ورتالىق كوميتەتىنىڭ شىنايى قامقورلىعىندا، باس شۋجي شي جينپيڭ ۇلى كوسەمنىڭ باستاۋىندا تۇرمىسىمىز بارعان سايىن باي - باقۋاتتى بولادى!»

  10 - ايدىڭ 4 - كۇنى تۇستەن بۇرىن ءۇرىمجى قالاسى دابانچىڭ رايوندىق حالىق سوتى مەكەمەسىنىڭ باستىعى ليۋ شياۋۋىن كادر - ساقشىلارمەن بىرگە حال سۇراۋ بۇيىمدارىن الىپ ساياپىل باسقارۋ كوميتەتى تەرەكتى قىستاعىنا بارىپ جۇپ قۇراعان تۋىستارىنا امانداسا باردى ءارى قىستاق تۇرعىندارىنا زاڭنان ۇگىت - لەكسيا جاسادى.

  قاليما قاتىران قىزى ليۋ شياۋۋىننىڭ جۇپ قۇراعان تۋىسى، ول: مەرەكە سايىن تۋىسىم سي - سياپاتىن الىپ ۇيگە كەلەدى، ءبىزدىڭ جۇمىسىمىزعا قولعابىس ەتەدى، بۇعان قاتتى اسەرلەندىم. سۋديا تۋىسىمنىڭ كومەگىندە ءبىز زاڭدىق بىلىمدەردى ۇيرەنىپ، زاڭمەن جونگە سالۋ تانىمىمىز كۇشەيتىپ، پارتيانىڭ حالىققا تيىمدىلىك جەتكىزۋ ساياساتتارىن دا تەرەڭ تۇسىندىك. مەن بالالارىمدى قۇلشىنا ۇيرەنىپ، ەسەيگەندە قوعامعا پايدالى ادام بولۋعا تاربيەلەيمىن، - دەدى.

تۋىستارىمەن بىرگە مەملەكەت تۋىن شىعاردى

  «وتانىم ەكەۋىمىز ءبىر ءسات تە اجىرامايمىز، مەيلى قايدا بارسام دا وتانىمدى جىرلايمىن...» 10 - ايدىڭ 4 - كۇنى قارامايلى قالاسى قارامايلى رايونى يۇڭحۇڭ شاعىن رايونىنداعى 83 جاستاعى قاريا ءمومىن شاكىردىڭ ۇيىنەن ءان اۋەنى قالىقتاپ، كوڭىلدى كۇلكى ءۇنى شىعاندادى. قارامايلى قالالىق قازىنا مەكەمەسىنىڭ كادرى جين يۇڭبين جۇبايى داي چيڭدى ەرتىپ جۇپ قۇراعان تۋىسىنا امانداسا كەلدى.

  «ەرلى - زايىپتى ەكەۋى ءبىزدىڭ ءوز نەمەرەمىز سياقتى ۇنەمى بىزگە امانداسىپ كەلەدى، ولاردى كورسەم بولدى قاتتى قۋانامىن»، - دەدى ءمومىننىڭ زايىبى تەبىرەنە.

  مەملەكەت مەرەكەسىن قۇتتىقتاۋ ءۇشىن، 10 - ايدىڭ 1 - كۇنى جين يۇڭبين جانە ءمومىن وتباسىلارى الەۋمەتتىك اۋماققا بىرگە بارىپ مەملەكەت تۋىن شىعارۋ سالتىنا قاتىناستى، جين يۇڭبين مەن ءمومىن قاريا مەملەكەت تۋىن ءۇيدىڭ قاقپاسىنا ءىلدى.

  جاستارى ۇلعايىپ قالعان ەكى قاريا ۇل - قىزدارى جاندارىندا بولماعاندىقتان اۋىرىپ - سىرقاي قالسا جين يۇڭبين قاريالاردى دەرەۋ شيپاحاناعا جەتكىزىپ تۇرادى. «ءبىز ءبىر ءۇيلى جاندارمىز، ءبىر ءۇيلى جان ءبىر - بىرىنە قارايلاسىپ، ءبىر - بىرىنە قامقورلىق ەتىپ تۇرۋى كەرەك»، - دەدى جين يۇڭبين.

مەملەكەت مەرەكەسىندەگى ۇمىتىلماس سيلىق

  بيىلعى مەملەكەت مەرەكەسىندە قاشقار كونەءشار اۋدانى سايباق اۋىلى اشالى قىستاعىنىڭ باستاۋىش مەكتەبىندەگى بالاقايلار ەرەكشە سيلىق تاپسىرىپ الدى. انحۇي ولكەسى حىفەي قالاسىندا كىتاپ دۇكەن اشاتىن حى شۇن اشالى قىستاعىنىڭ باستاۋىش مەكتەبىندەگى كىشكەنتاي دوستارعا 100دەن استام بالالار كىتاپتارىن سيلادى.

  بىلتىر حى شۇن شينجياڭعا ساياحاتتاي كەلگەندە شينجياڭدىقتاردىڭ اق ەدىل قوناقجايلىعى وعان تەرەڭ اسەر قالدىرعان، كىتاپ دۇكەنىن اشاتىن ول وڭتۇستىك شينجياڭداعى بالالار ءۇشىن از دا بولسا ناقتى ءىس ىستەپ بەرۋگە بەكيدى.

  انحۇيعا قايتىپ بارعاننان كەيىن، حى شۇن ساياحات جاساعان كەزىندە تانىسقان جولباستاۋشى ارقىلى اۆتونوميالى رايوندىق ەگىن شارۋاشىلىعى مەڭگەرمەسىنىڭ كادرى ياڭ شياۋمەن حابارلاسادى، ياڭ شياۋدىڭ كومەكتەسۋىمەن حى شۇن اۆتونوميالى رايوندىق ەگىن شارۋاشىلىعى مەڭگەرمەسىنىڭ قاشقار كونەءشار اۋدانى سايباق اۋىلى اشالى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىمەن بايلانىس جاسايدى، قىزمەت اترەتىنىڭ ورىنباسار باستىعى ءادالات ابدۇرەيىم حى شۇنمەن بەلسەندىلىكپەن سويلەسىپ، ءبىر توپ كەدەي وقۋشىنى سيلىق بەرۋ وبيەكتىسى ەتىپ تۇراقتاندىرادى. حى شۇن بالالارعا ارنالعان عىلىم جالپىلاستىرۋ كىتاپتارىن زەر سالا تاڭداپ، ولاردى اشالى قىستاعىنىڭ باستاۋىش مەكتەبىنە جولداپ بەرەدى.

  − حى شۇن اعايعا راقىمەت، قىزمەت اترەتىندەگى اعايلار مەن اپايلارعا راقىمەت، - دەدى بيىل باستاۋىشتىڭ 2 - جىلدىعىندا وقيتىن ءمۇنيرا ابىليكىم كىتاپتاردى العاننان كەيىن قۋانىشپەن، - بۇل مەن العان مەملەكەت مەرەكەسىندەگى ۇمىتىلماس سيلىق، ءسوزسىز، جاقسى وقىپ، تاماشا ناتيجەممەن وتاننىڭ ءۇمىتىن اقتايمىن، بىزگە كوڭىل بولگەن ىشكەرى وڭىردەگى جان اشىرلارىمنىڭ ءۇمىتىن اقتايمىن.

(تىلشىلەر لي ياڭ، ما ينيڭ، شى شين، ياڭ شۋحان، ليۋ ي، حى حۇڭۋي، ەرىكتى ءتىلشى حان جيايۇي)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى