تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«سۇيىسپەنشىلىك قورابى» كادرلار مەن بۇقارانىڭ سۇيىسپەنشىلىگىن توعىستىراتىن دانەكەرگە اينالدى

ەرىكتى ءتىلشى يان فاڭ

  10 - ايدىڭ 4 - كۇنى تۇستەن كەيىن يانجي حۇيزۋ اۆتونوميالى اۋدانى بورقاي اۋىلى بورقاي قىستاعىنىڭ ءبىرىنشى شۋجيى ابىلاجان احات پەن قىستاق تۇرعىندار كوميتەتىنىڭ مەڭگەرۋشىسى ۇلايىم ءارىن وسى قىستاقتاعى تۋىسى ۋان ساندايدىڭ ۇيىنە كەلىپ، اۋلا قورعانىنىڭ سالىنۋ جاعدايىن كوردى، ولار تۇلعالىق قۇرىلىستىڭ توقتامداعى تالاپتار بويىنشا ۋاقىتىندا بىتكەنىن كورگەندە بار ىقىلاسپەن ىستەگەن ىستەرىنىڭ اقىرى جەمىسىن كورگەندەي بولىپ جۇزدەرىنە كۇلكى ءۇيىرىلدى.

  ۋان سانداي اعاسى ۇلايىم ءارىن مەن ءىنىسى ابىلاجان احاتتىڭ كەلگەنىن كورە سالا جۇگىرە الدىلارىنان شىعىپ قارسى الىپ، ولاردىڭ قولىن قىسىپ تۇرىپ: اعا، ءىنىم، راقىمەت سەندەرگە، ماعان كوپ كومەكتەستىڭدەر، سەندەر بولماعان بولساڭدار مىنا اۋلانىڭ قورعانى قاي ۋاقىتتا تۇرعىزىلىپ بولارىن كىم ءبىلسىن، - دەدى.

  ۋان ساندايدىڭ جاڭا كوشىپ كىرگەن بەيقۇت ۇيىندە ابىلاجان جاڭا ۇستەلدىڭ ۇستىندە تۇرعان «سۇيىسپەنشىلىك قورابى» دەگەن جازۋى بار ارحيۆ قورابىنان سۋرەت باسىلعان ءبىر بەت 4A قاعازىن الىپ شىعىپ، ۋان ساندايعا: مىناعان قاراشى، بۇل بۇرىنعى ءۇيىڭنىڭ قورعانىنىڭ سۋرەتى، قازىرگى قورعان بۇرىنعىداي تىم قاراپايىم ەمەس شىعارءا، - دەدى.

  ۋان سانداي اسەرلەنە: سولاي، بۇلاردىڭ بارلىعى سەندەردىڭ كومەكتەرىڭنىڭ ارقاسى، اسىرەسە، مىنا «سۇيىسپەنشىلىك قورابىندا» پارتيا مەن ۇكىمەتتىڭ ماعان جاساعان قامقورلىعى، سەندەردىڭ ماعان بەرگەن كومەكتەرىڭنىڭ ەستەلىگى، مەنىڭ تاماشا تۇرمىسقا دەگەن تالپىنىسىمنىڭ رۋحاني قوزعاۋشى كۇشى بار، - دەدى.

  ۋان سانداي بيىل 48 جاستا، قىستاقتاعى كەدەي وتباسى. ۋان سانداي: اعام مەن ءىنىم بولعالى مەنىڭ تۇرمىسىمدا ۇلكەن وزگەرىس بولدى، توك اقىمدى تاپسىرىپ، كۇرىش، ۇن، ماي جەتكىزىپ بەرىپ قالماستان، قورعانىمدى جيناپ، سىرقاتتانعان كەزىمدە شيپاحاناعا اپارادى... اعام مەن ءىنىمنىڭ ىقىلاستى كومەگى مەنى ايرىقشا اسەرلەندىردى، - دەيدى.

  ۋان سانداي وتباسىنداعى «سۇيىسپەنشىلىك قورابى» يانجيدىڭ «ۇلتتار ىنتىماعىنىڭ بەرەكەلى شاڭىراعى» قىزمەتىن كۇشەيتۋىنىڭءبىر شاراسى. ءار ۇلت بۇقاراسىنا پارتيا مەن ۇكىمەتتىڭ قامقورلىعى مەن مەيىرىن شىنايى سەزىندىرىپ، ولاردىڭ تابىس سەزىمىن، باقىت سەزىمىن جوعارىلاتۋ ءۇشىن، يانجي بۇكىل اۋدانداعى ءار ۇلت بۇقاراسى وتباسىنا «سۇيىسپەنشىلىك قورابىن» قويىپ، وعان جۇپ قۇراپ، تۋىس بولعانداردىڭ بايلانىس جاساۋ كارتچكاسى، توسىن زاقىمدالۋدى قامسىزداندىرۋ كۋالىگى، «ۇلتتار ىنتىماعىنىڭ بەرەكەلى شاڭىراعى» قيمىلى ەستەلىگى، الدەقاشان يگىلىكتەنگەن حالىققا تيىمدىلىك جاساۋ ساياساتى نىسانى، قيمىل سۋرەتتەرى سياقتى 8 ءتۇرلى ماتەريال سالىنعان، كادرلار تۋىس بولعان وتباسىنا بارعاندا تولتىرىپ وتىرادى.

  ابىلاجان احات: العاشىندا كادرلار وتباسىلاردى ارالاعاندا قاتىستى ماتەريالداردى بۇقارانىڭ ءۇيىنىڭ كورنەكتى جەرىنە ءىلىپ قوياتىن، كەيىن وسى «سۇيىسپەنشىلىك قورابىن» پايدالاندىق. باستابىندا وعان تەك «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ماتەريالدارى عانا سالىناتىن، كەيىن كەلە كادرلار وتباسىلاردى ارالاعاندا، بۇقارانىڭ پارتيانىڭ حالىققا تيىمدىلىك جاساۋ ساياساتىن تولىق بىلە بەرمەيتىندىگىن بايقاپ، كادرلار مەن بۇقارا ءار وتباسىنىڭ يگىلىكتەنگەن حالىققا تيىمدىلىك جاساۋ ساياساتىن كەستە فورماسى ارقىلى بىرگە ەستەلىككە الاتىن بولدى، وسىلاي بولعاندا تايعا تاڭبا باسقانداي انىق بولادى ەكەن. قازىر«سۇيىسپەنشىلىك قورابىنداعى» مازمۇن بارعان سايىن كوبەيىپ، بۇقارانىڭ «اسىل قورابىنا» اينالىپ، پارتيا مەن بۇقارانىڭ، كادرلار مەن بۇقارانىڭ قارىم - قاتىناسىن جاقىنداتتى، - دەيدى.

  ۇعىسۋعا قاراعاندا، يانجي اۋدانىنداعى قىستاقتارعا، الەۋمەتتىك اۋماق تۇرعىندارى وتباسىلارىنا جيىنى 23 مىڭ «سۇيىسپەنشىلىك قورابىن» قويعان، جۇپ قۇراپ، تۋىس بولۋ قيمىلى ورىستەتىلگەننەن بەرى جۇرتشىلىقتىڭ قيىنشىلىقتارىن اڭىس ەتكەن 1952 ءوتىنىشى شەشىمىن تاپقان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى