تيانشان تورى   ›   جاڭالىقتار   ›   شينجياڭ حابارلارى

اقسۋ ايماعى: «ءجۇز قىستاقتا مىڭ زاۆود - فابريكا» ارتىق ەڭبەككۇشتەردىڭ ءۇيىنىڭ ماڭايىندا جۇمىسقا ورنالاسۋىنا مۇمكىندىك جاسادى

  ەرىكتى ءتىلشى جاڭ لۋ

  9 - ايدىڭ 25 - كۇنى توقسۋ اۋدانى ءىشارىق قالاشىعى جاي قىستاعىنداعى «كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ» باقشاسىندا قاربالاس جۇمىس ىستەلۋدە. كەستەشىلىك سەحىندا كەستە تىگۋ ستانوكتارى سىرىلداپ، كەستەلى ونىمدەر ءبىر - بىردەن تىگىلىپ جاتتى. ايەل جۇمىسشى مايرا كيبىر اسىپ قالعان كەستە جىپتەرىن جيناپ ابىگەر.

  جىجياڭ كاسىپ سالاسى ارقىلى شينجياڭعا كومەكتەسكەن «ءجۇز قىستاقتاعى مىڭ زاۆود» ينجەنەرياسىنىڭ يگىلىگىن كورگەن مايرا شارۋادان ونەركاسىپ جۇمىسشىسى بولىپ، ءۇيىنىڭ ماڭايىندا جۇمىسقا ورنالاستى. مايرا سياقتى 300 نەشە ايەل جۇمىسشى «كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ» باقشاسىندا قىزمەت ىستەيدى، ولاردىڭ ءبارى جاي قىستاعىنداعى جانە توڭىرەكتەگى قىستاقتارداعى ارتىق ەڭبەككۇشتەر.

  بيىل 30 جاستاعى مايرا جاي قىستاعىنداعى شارۋا، ونىڭ «كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ» باقشاسىنىڭ كەستەشىلىك سەحىندا ىستەگەنىنە جارىم جىل بولدى، قازىر ول كەستە تىگۋ ستانوگىن باسقارۋشى. مايرا بىلاي دەدى: «كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ» باقشاسىندا ىستەگەننەن بەرى، ءار كۇنىم ءماندى ءوتىپ جاتىر. قازىر ايىنا 2000 يۋاننان ارتىق ەڭبەكاقى الامىن، وتباسىمداعىلارعا دا قارايلاسا الامىن، وسىندا ىستەي بەرمەكشىمىن.

  جاي قىستاعى اۋىر كەدەي قىستاق، بۇرىن قىستاقتا تىگىنحانا، كىلەم توقۋ شەبەرحاناسى بار بولاتىن، ايتسە دە كولەمى شاعىن، ءونىم مولشەرى تومەن، ارتىق ەڭبەككۇشتەردى ىستەتۋى دە شەكتى ەدى. جىجياڭ ولكەسى ليشۇي قالاسىنىڭ شينجياڭعا كومەكتەسۋ الدىڭعى شەپ قولباسشىلىق شتابى بەلسەنە قارجى قۇراپ، جاي قىستاعىنان كيىم - كەشەك سەرىكتەس فابريكاسىن قۇرىپ، جاي قىستاعىنداعى جانە توڭىرەكتەگى قىستاقتارداعى ارتىق ەڭبەككۇشتەردىڭ جۇمىسقا ورنالاسۋىنا مۇمكىندىك جاسادى. قولباسشىلىق شتابى شارۋاشىلىق گرۋپپاسىنىڭ باستىعى جاۋ ي بىلاي دەدى: ءبىز توقسۋ اۋدانىنداعى 12 قىستاقتان 12 سەرىك فابريكا قۇرىپ، 2000نان كوبىرەك ارتىق ەڭبەككۇشتى جۇمىسقا ورنالاستىرۋدى جوسپارلاپ وتىرمىز، قازىر 4 سەرىك فابريكا ىسكە قوسىلىپ، 500 نەشە ادامدى جۇمىسقا ورنالاستىردى.

  گۇلنيساحان ءتالىم كەلپىن اۋدانى گەزلىك اۋىلى ۇستىڭگى قاشارىق قىستاعىنداعى شارۋا، وتباسىندا 5 ادام، 4 مۋ جەر بار، قولى قىسقا، كۇن كورىسى ءۇپى - ءتاپى ەدى. 2017 - جىلى 5 - ايدا، گۇلنيساحان «كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ» باقشاسىندا جۇمىسقا ورنالاستى، كۇيەۋى مەكتەپتە اماندىق ساقتاۋشى بولدى. گۇلنيساحان قۋانا بىلاي دەدى: زاۆود ۇيىمنەن الىس ەمەس، بالامدى بالاباقشاعا اپارىپ تاستاعاننان كەيىن، زاۆودقا الاڭسىز بارىپ جۇمىس ىستەيمىن. قازىر كۇيەۋىم ەكەۋىمىزدىڭ ايلىق كىرىسىمىز 5000 يۋانداي، جاڭادان بەيقۇت ءۇي سالدىق، تۇرمىسىمىز بارعان سايىن جاقسارىپ كەلەدى.

  جىجياڭ ولكەسى حۋجوۋ قالاسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى شارۋاشىلىق جانە قۇرىلىس گرۋپپاسىنىڭ باستىعى شيۇڭ گوبين: «ءجۇز قىستاقتا مىڭ زاۆود - فابريكا» ينجەنەرياسى اتقارىلعاننان بەرى، حۋجوۋ قالاسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى «جاقىن ماڭدا جۇمىسقا ورنالاستىرۋدى» ماقسات ەتىپ، جۇمىسقا ورنالاستىرۋ قامتىمى كەڭ باعىمشىلىق، كيىم - كەشەك، بايپاق كاسىبى سياقتى كاسىپتەردى ءتۇيىندى تۇردە ەنگىزىپ، سەرىك زاۆود - فابريكالار مەن كەدەيلەردى سۇيەمەلدەۋ سەحتارىن كەلپىن اۋدانىنداعى بۇقارانىڭءۇيىنىڭ ماڭايىنان قۇرىپ، بۇقارانى جاقىن ماڭدا، ءوز جەرىندە جۇمىسقا ورنالاستىردى، - دەپ تانىستىردى. «قولباسشىلىق شتابى ەنگىزگەن ىشكى ولكەلەردەگى 5 كاسىپورىن 800دەن استام جۇمىس ورنىن ازىرلەپ، ارحيۆ تۇرعىزىلىپ، كارتچكا بەرىلگەن 120 كەدەيدى الدىمەن قابىلداپ، تۇراقتى جۇمىسقا ورنالاستىردى. بيىل قولباسشىلىق شتابى 2 ميلليون يۋاننان استام قارجى شىعارىپ، جۇمىس ورنىن ورنىقتىرۋ تولىقتاما قاراجاتى رەتىندە جۇمساپ، سىرتتا جۇمىسقا ورنالاسقان بۇقارانىڭ الاڭسىز ىستەۋىنە كەپىلدىك ەتەدى، - دەدى شيۇڭ گوبين.

  ۇعىسۋعا قاراعاندا، بيىل جىجياڭ ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى اقسۋ ايماعىنداعى اۋدانداردان، قالالاردان جانە بيڭتۋان 1 - شىسى ارال قالاسىنداعى كەيبىر تۋان - الاڭدارىنان قۇرىلىس اۋماعى 200 مىڭ شارشى مەتر كەلەتىن 200 ولشەمدى زاۆود - فابريكانى (سەح) جاڭادان سالىپ، اۋىل - قىستاقتاعى 10 مىڭ ارتىق ەڭبەككۇشتىڭ جاقىن ماڭدا، ءوز جەرىندە جۇمىسقا ورنالاسۋىنا مۇمكىندىك جاساماقشى، بۇعان ارحيۆ تۇرعىزىلىپ، كارتچكا بەرىلگەن كەدەيلەردەن 500 ادام قامتىلادى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى