تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«تاتۋ اعا - ىنىلەر ءبىر - بىرىنە كومەكتەسۋى ءتيىس»

  ەرىكتى تىلشىلەر ۋاڭ جيڭتاۋ، حۋاڭ گىنشي

  9 - ايدىڭ 24 - كۇنى اپتاسىنا وتكىزىلەتىن تاعى ءبىر بازارشىلاۋ كۇنى بولاتىن، بولات مادي ۇلىنىڭ وتباسىنداعىلار اۆتوكولىكتەرىمەن قالاشىققا بازارشىلاي كەلدى، ونان سوڭ اۋەلگىدەي تيان حايچىڭنىڭ ۇيىنە باردى، بۇل ولاردىڭ تالاي جىلدان بەرى جالعاسىپ كەلە جاتقان داعدىلارى.

  20 جىلدىڭ الدىنداعى ءبىر رەتكى كەزدەيسوق ورايدا، بۇراتالا قالاسى شويىڭپان قالاشىعى ۇلاستابۇلاق قىستاعىنىڭ تۇرعىنى تيان حايچىڭ بولاتپەن تانىسىپ قالادى. تالاي جىلدان بەرى، ولار ءبىر - ءبىرىن اعا - ءىنى دەپ اتاپ كەلەدى، ەكى وتباسىنداعىلار ءىس بولسا بىرگە اقىلداسىپ، قيىنشىلىق بولسا تەڭ كوتەرىپ، تەرەڭ دوستىق سۇيىسپەنشىلىك ورناتتى.

  بولات مالشى بولاتىن، ءار جىلى كۇزدە ول قورالى قويىن اتىزعا جاياتىن. 1998 - جىلى بولات تيان حايچىڭنىڭ اتىزداعى جۇگەرىسىن تولىق جيناپ العانىن كورىپ، قويىن سول جەرگە جايادى. كۇن بىرتىندەپ سۋىتىپ، بولاتتىڭ شاتىرى سۋىقتا پانا بولماي كەتەدى، تيان حايچىڭ ونى شاقىرىپ اكەلىپ ۇيىنە جاتقىزادى. بولاتتىڭ مال باعۋىنا قولايلىلىق جاراتۋ ءۇشىن، تيان حايچىڭ مال باعاتىن جەرىن دە وعان تەگىن بەرەدى.

  «تيان اعاي ماعان وسىنشا كومەك كورسەتكەندە، مەن دە وعان كومەكتەسۋىم كەرەك»، - دەيدى بولات. ءار جىلى قاربالاس ەگىس جۇمىسى باستالعاندا، بولاتتىڭ وتباسىنداعىلار تيان حايچىڭنىڭ ەگىس جۇمىستارىنا كومەكتەسەدى.

  «قويدى قىستاۋعا اپارىپ باققاندا، قار جاۋعاننان كەيىن ءشوپ قالمايدى، تيان اعايعا تەلەفون شالسام بولعانى، ول تراكتورىمەن دەرەۋ ءشوپ جەتكىزىپ بەرەدى»، - دەدى بولات.

  مەيلى قايسىسى قيىنشىلىققا جولىقسا، تيان حايچىڭ مەن بولات ەكەۋى ءبىر - بىرىنە ەش ءارى - ءسارى بولماستان كومەك قولدارىن سوزادى، ەكەۋىنىڭ اراسى بارعان سايىن جاقىنداپ، ءبىر - ءبىرىنىڭ قامىن ويلايتىن بولادى.

  ءبىر جىلى قىستا، بولات مال جايىپ ءجۇرىپ سۋىق ءتيىپ اۋىرىپ قالادى. بولاتتىڭ قىزى گۇلزار مۇنان قاتتى ابىرجىپ، دەرەۋ تيان اكەسىنە تەلەفون شالادى. تيان حايچىڭ اۆتوكولىگىمەن دەرەۋ جەتىپ كەلىپ، بولاتتى شيپاحاناعا اپارادى.

  بولاتتىڭ وتباسى شويىڭپان قالاشىعىنان 10 نەشە كيلومەتر ارالىقتاعى مال شارۋاشىلىق وڭىرىندە تۇرادى. قالاشىقتاعى ورتا مەكتەپتە وقىپ جاتقان گۇلزاردىڭ ۇيىنە قايتۋى قولايسىز بولعاندىقتان، تيان حايچىڭ ونى ءوز ۇيىنە جاتقىزىپ، ونىڭ تۇرمىسىنا قارايلاسادى. گۇلزار ەسكە الىپ بىلاي دەدى: ءار اپتانىڭ سوڭىندا مەن تيان اكەمنىڭ ۇيىنە كەلەمىن، ولار ماعان ءدامدى تاماق پىسىرىپ، كيىم - كەشەگىمدى جۋىپ بەرەدى، مەن بۇل ارادا ورتالاۋدى تاۋىسقانعا دەيىن ءار سەنبى، جەكسەنبى كۇندەرىمدى كوڭىلدى وتكىزدىم.

  تيان حايچىڭ بولاتتىڭ ۇيىنە بارعاندا، ولار وتىرعان جەردە جانتاق كوپ وسەتىندىگىن، مۇنىڭ تۇيە باعۋعا وتە باپ كەلەتىندىگىن بايقاپ، بولاتتىڭ تۇيە باعىپ، كىرىسىن ارتتىرىپ، بايۋ جولىنا ءتۇسۋىن ۇسىنىس ەتەدى ءارى اقشاسى جەتپەسە قارىز اقشا بەرەتىندىگىن ايتادى. بولات تيان حايچىڭنىڭ ۇسىنىسى بويىنشا، قويلارىن ساتىپ جىبەرەدى دە تۇيە باعادى. بىرنەشە جىل قۇلشىنۋ ارقىلى بولاتتىڭ تۇيەلەرىنىڭ سانى 100دەن اسادى، تەك شۇباتتىڭ وزىنەن جىلىنا 100 مىڭ يۋان كىرىس كىرگىزەدى. قازىر بولات اۆتوكولىك ساتىپ الىپ، بايۋ جولىنا ءتۇستى.

  «تيان اعايدىڭ ۇسىنىسىمەن ءبىزدىڭ تۇرمىسىمىز بارعان سايىن جاقساردى». بولات پەن ونىڭ ايەلى نۇرگۇلزات شىنتەمىر تيان حايچىڭعا العىس جاۋدىردى. «بولات ەكەۋىمىز جاقسى اعا - ءىنىمىز، ءبىر - بىرىمىزگە كومەكتەسۋگە ءتيىسپىز، وسى اعا - ىنىلىك سۇيىسپەنشىلىگىمىزدى ماڭگى جالعاستىرامىز»، - دەدى تيان حايچىڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى