تيانشان تورابى   ›   جاڭالىقتار   ›   شينجياڭ حابارلارى

ەڭ كوركەم ءساتتى ەستەلىككە الىپ، وتانعا ماداق جىرىن بىرگە شىرقادى

  − ءتىلشىمىزدىڭ مەملەكەت مەرەكەسىنىڭ دەمالىسىندا نەگىزگى ساتىدا جاساعان تىلشىلىگىنەن بايان

  ءتىلشىمىز گاي يوۋجۇن

  ەڭ كوركەم ساتتەردى ەستەلىككە الىپ، ەڭ جاڭا وزگەرىستەردى سەزىندى. مەملەكەت مەرەكەسىنىڭ دەمالىسىندا گازەتىمىزدىڭ كوپتەگەن تىلشىلەرى تيانشاننىڭ وڭتۇستىگى مەن سولتۇستىگىنە بارىپ، كاسىپورىندارعا كىرىپ، اۋىل - قىستاقتاردى ارالاپ، شارۋا وتباسىلارىنىڭ جاعدايىن ۇعىسىپ، جۇرتشىلىقتىڭ ەڭ تاماشا تىلەگىن، ەڭ شىنايى سۇيىسپەنشىلىگىن كوڭىل قويا تىڭداپ، قالامدارىمەن ەستەلىككە الىپ، ەڭ شىنايى سۇيىسپەنشىلىكپەن وقىرماندارعا شينجياڭنىڭ التىن رەڭگە ەنگەن دالاسىندا تۋىلعان اسەرلى اڭگىمەلەردى جەتكىزدى.

  التىن رەڭدى 10 - ايدا پارتياعا العىس ايتتى

  10 - ايدىڭ 1 - كۇنى ءتىلشى چىن چىن بيڭتۋان 9 - شىسى 161 - تۋانىنىڭ پەنسيونەرى ۋي دىيوۋدىڭ مەملەكەت تۋىن شىعارعان كورىنىسىنە كۋا بولدى. «سالەم!». ايەلى ليۋ جيڭحاۋ ارقاندى تارتقاندا، ۋي دىيوۋ وڭ قولىمەن مەملەكەت تۋىن سەرپىپ قالدى، سونان كەيىن مەملەكەت تۋىنا قاراپ سالتاناتپەن قۇرمەت ءبىلدىردى. مۋزيكا قويىلماعانىمەن، بۇل كورىنىس ايبىندى دا سالتاناتتى ەدى.

  «ۋي دىيوۋ ءوزىنىڭ ەڭ قاراپايىم دا ناقتى ارەكەتى ارقىلى وتان اناعا دەگەن ەڭ شىنايى سۇيىسپەنشىلىگىن ايگىلەدى»، - دەدى چىن چىن.

  ۋي دىيوۋعا تىلشىلىك جاساپ شاعانتوعاي اۋدانىنا قايتىپ كەلگەننەن كەيىن، چىن چىننىڭ ەسىنە كەنەت تىلشىلىك جاساعان كەزدەگى ءبىر جاعداي ءتۇسىپ، ۋي دىيوۋدان قايتا سۇراپ انىقتاماق بولدى. تەلەفون جالعانعان كەزدە انا جاقتاعى ۋي دىيوۋدىڭ قول تەلەفونىنان گۋىلدەگەن جەلدىڭ ءۇنى قۇلاققا كەلدى، «سەن تىلشىلىك جاساپ كەتكەننەن كەيىن مەن شەكارا شارلاۋعا قايتا شىعىپ كەتتىم، كۇن جارىق تۇرعان ورايدا شەكارا جەلىسىندەگى ءالى شارلاماعان ءبىر بولىك جولعا شارلاۋ جاسادىم». ۋي دىيوۋدىڭ ءسوزىن ەستىگەن چىن چىننىڭ كوزىنە جاس لىقسىدى.

  10 - ايدىڭ 1 - كۇنى ءتىلشى ماناس اۋدانى شىندىقوزى اۋىلى تۋاجۋاڭ قىستاعىنا باردى، بۇل جەردە «ۇلى وتانعا العىس ايتۋ. مەملەكەت مەرەكەسىن شات مەرەيمەن قارسى الۋ» اتىنداعى ادەبيەت - كوركەمونەر بىرلەسپە كونسەرتى قويىلىپ جاتىر ەكەن. قيزات قۇماربەك ۇلى مەرەكەلىك ادەمى كيىمىن كيىنىپ، دومبىراعا قوسىپ ءان شىرقاپ، پارتياعا العىس ايتىپ وتىر: «ەڭ ادەمى ءانىمدى پارتياعا ارنايمىن، ۇلى وتانعا ارنايمىن؛ پارتيانىڭ جاقسى ساياساتى بولماسا، وتاننىڭ گۇلدەنىپ - كوركەيۋى بولماسا، ءبىز مالشىلاردىڭ بۇگىنگى باقىتتى تۇرمىسى دا بولماق ەمەس...».

  قيزات مالشىلاردىڭ ورتاق جۇرەك ءۇنىن انگە قوسىپ شىرقادى. بۇرىن تۋاجۋاڭزى قىستاعىنىڭ مالشىلارى جىلدىڭ ءتورت ماۋسىمىندا مالدىڭ ارتىنان سالپاقتايتىن. قازىر ولار مالشىلاردىڭ وتىرىقتاندىرۋ جاڭا قىستاعىنا ىركەس - تىركەس كوشىپ كەلدى، وتىرىقتاندىرۋ جاڭا قىستاعىندا جول، ەلەكتر، ينتەرنەت، سۋمەن قامداۋ - سۋ ىعىستىرۋ قۇبىرى تۇتاستىرىلىپ، وقۋ - اعارتۋ قۇرىلعىلارى، ەمدەۋ قۇرىلعىلارى، مادەنيەت، دەنە تاربيە قۇرىلعىلارى تۇگەلدەي ءازىر بولدى.

  «قازىر تۇرمىسىمىز بارعان سايىن جاقساردى، پارتيا مەن ۇكىمەتتىڭ قامقورلىعىن ءبىز ماڭگى ەستە ساقتايمىز»، - دەدى قيزات.

  «جاپپاي دوڭگەلەك داۋلەتتى قوعام ورناتۋدا بىردە -ءبىر ادامنىڭ قاعىس قالۋىنا بولمايدى؛ بىرگە بايۋ جولىندا بىردە -ءبىر ادامنىڭ ارتتا قالۋىنا بولمايدى».ءتىلشى نەگىزگى ساتىدا تىلشىلىك جاساعاندا پارتيا مەن ۇكىمەتتىڭ ايبىندى ۋادەسىنىڭ تاماشا رەالدىققا اينالعاندىعىن تەرەڭ سەزىندى.

  تاماشا حيكايا، جاڭا بەينە

  «<1 - قازان> كەزىندە التايدىڭ اۋاسىنىڭ وزىنەن مول ءونىمنىڭ لەبى ەستى»، - دەدى ءتىلشى جاڭ تيڭ.

  بۋرىلتوعاي اۋدانىنداعى ۇلىڭگىر كولىنىڭ ايدىنىندا اۋ تولى بالىقتاردىڭ اۋلانۋىنا ىلەسە، باعىمشىلىق ءىرى وتباسى ۋاڭ سانرۇيدىڭ كوڭىلى قۋانىشقا كەنەلدى. ول: بيىلعى جىل دا مول ءونىم جىلى بولدى، - دەدى.

  جاڭ تيڭ تىلشىلىك جاساۋ بارىسىندا وسى بىرنەشە جىلدا بۋرىلتوعاي اۋدانىنىڭ ەكولوگيالىق ورتانى قورعاۋ تەبىنىن ارتتىرىپ، تۇنىق سۋ، جاسىل تاۋدىڭ كوركىنە كورىك قوسا تۇسكەندىگىن ۇعىندى. سۋىق سۋ بالىعى ەرەكشە كاسىبىن دامىتۋمەن بىرگە، قورشاعان ورتانى قورعايتىن باعىمشىلىقتى جالپىلاستىرىپ، بالىقشىلىقتا جاسىل دامۋدى قۇلشىنا ىلگەرىلەتتى. بيىل ۇلىڭگىر كولىنىڭ بالىقشىلىق ءونىم مولشەرى بۇرىنعى جىلدارداعىدان ءبىر ەسەدەن 2 ەسەگە دەيىن جوعارىلادى.

  «<تۇنىق سۋ، جاسىل تاۋ دەگەنىمىزدىڭ ءوزى قىمباتتى بايلىق>. پارتيا مەن ۇكىمەتتىڭ ەل باسقارۋ ۇستانىمى نەگىزگى ساتىدا وتە جاقسى دايەكتىلەندى، تياناقتاندى، مول ءونىم كورىنىسى مىنە وسىنىڭ ەڭ جاقسى بەينەسى»، - دەدى جاڭ تيڭ.

  10 - ايدىڭ 5 - كۇنى تۇستەن بۇرىن، چىن چىن شاۋەشەك قالاسى ارگۇڭ قالاشىعى قارا ءدوڭ قىستاعىنداعى «كوكتەمگى قوناعاسى» شارۋالار شاتتىعى ساياجايىنا بارىپ، جۇڭگو پوچتا امانات بانكەسى تارباعاتاي ايماقتىق بولىمشە بانكەسىندە قىزمەت ىستەيتىن وركەننىڭ وتباسىنا تىلشىلىك جاسادى. سول كۇنى وركەننىڭ وتباسىنداعىلاردىڭ وسىندا باس قوسۋعا كەلىسكەن كۇنى ەكەن، باس قوسۋعا وركەن مەن ونىڭ موڭعۇل ايەلى بايىرحىدان سىرت، ۇلكەن كۇيەۋ بالاسى شاۋەشەك قالالىق 3 - ورتا مەكتەپتەگى حانزۋ مۇعالىم شۇي شانلۇڭ، كىشى كۇيەۋ بالاسى شاۋەشەك قالالىق ءۇي الۋ - جاردەماقى بەرۋدەن قىزمەت كورسەتۋ ورتالىعىنداعى موڭعۇل كادر بايىنبات قاتارلىلار بار ەكەن. باس قوسۋدان چىن چىن وركەن وتباسىنداعىلارىڭ سونشاما تابيعي جاراسىمدىلىعىن تەرەڭ سەزىندى. بۇل وركەننىڭ: «ءبىزدىڭ بۇل ۇلكەن شاڭىراقتا ەشقاشان ۇلتقا ءبولىنۋ بولىپ كورگەن ەمەس، ويتكەنى كوپشىلىك تۇگەل جۇڭحۋا ۇلتى» دەگەنىندەي جاعداي ەدى.

  «تارباعاتاي ايماعىنداعى ءار ۇلت تاتۋ - ءتاتتى تۇرمىس كەشىرىپ، ءبىر - بىرىنە قارايلاسىپ، ەتەنە تۋىس بولىپ توعىسىپ، پارتيانىڭ نۇر - شۇعىلاسىندا، وتاندى ءسۇيۋ، شينجياڭدى ءسۇيۋ رۋحىمەن وسىناۋ شۇرايلى ولكەگە تامىر تارتىپ، گۇل اشىپ، جەمىس بەرىپ وتىر ەكەن»، - دەدى چىن چىن.

  ەكپىندەي ىلگەرىلەگەن جاڭا داۋىرگە العىس ايتتى

  10 - ايدىڭ 1 - كۇنى تۇستەن بۇرىن، ءتىلشى لي داۋجۇڭ قاشقار كونە ءشار اۋدانى توعىزاق قالاشىعى شوعۇز قىستاعىنان مىناداي جاعدايدى كوردى: 77 جاستاعى قىستاق تۇرعىنى ساۋىر نياز ءوز ءۇيىنىڭ قاقپاسىنا مەملەكەت تۋى مەن قىزىل شىراق ءىلىپتى، ول مۇنىڭ رەسپۋبليكا قۇرىلعاندىعىنىڭ 69 جىلدىعىن قۇتتىقتاۋ ءۇشىن ەكەندىگىن ايتتى.

  بيىل ساۋىر قاريا قىستاق پارتيا ياچەيكاسىنا پارتياعا مۇشە بولۋ ءوتىنىشىن تاپسىرىپتى. «مەن كەدەي، مەشەۋ كونە جۇڭگودا تۋدىم، جاڭا جۇڭگو قۇرىلعاننان كەيىن، جۇڭگو كوممۋنيستىك پارتياسىنىڭ باسشىلىعىندا عانا جاقسى تۇرمىسقا يە بولدىق، پارتيانىڭ شاپاعاتى تاۋداي! مەنىڭ ارمانىم كوزىمنىڭ تىرىسىندە ۇلى جۇڭگو كوممۋنيستىك پارتياسىنا مۇشە بولۋ»، - دەدى ساۋىر قاريا.

  «مىنە بۇل سەنىمنىڭ كۇشى، ول باعدار كورسەتىپ، ادامعا كۇش بەرەدى»، - دەدى لي داۋجۇڭ ساۋىر قارياعا تىلشىلىك جاساپ بولعاننان كەيىن تەبىرەنە.

  ىشكەرىلەي جاسالعان ءار رەتكى تىلشىلىكتەردەن تىلشىلەر نەگىزگى ساتىنىڭ جاڭا وزگەرىسىن، جاڭا بەينەسىن كوردى، ءار ۇلت بۇقاراسىنىڭ جۇزىندە جايناعان اناعۇرلىم ارايلى كۇلكىنى كوردى، تىلشىلەر ءار ۇلت بۇقاراسىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن ىقىلاستى قامقورلىعىنا شىنايى العىسىن، ۇلى وتاننىڭ ءتىپتى دە گۇلدەنىپ - كوركەيىپ، بايىپ - قۇدىرەتتەنۋىن تىلەگەن شىنايى تىلەكتەرىن، ادامداردىڭ تاماشا تۇرمىسقا دەگەن ءۇمىتىن ەستەلىككە الدى.

  «بۇقارانىڭ شاتتىعى ءبىر جىلداعى تاماشا ونىمنەن كەلگەن، جاڭا ۇيگە كىرۋدەن، ەسىكتەن شىقسا بولدى، الدارىندا سايراپ جاتقان اسفالت جولدان كەلگەن...»، - دەدى لي داۋجۇڭ.

  «مەملەكەت مەرەكەسىنىڭ دەمالىسىندا نەگىزگى ساتىعا بارىپ تىلشىلىك جاساعانىمدا، ءتىلشى رەتىندە ءوزىمدى باقىتتى سەزىندىم، ويتكەنى كوپتەگەن اسەرلى اڭگىمەلەردى قۇلاعىممەن ەستىپ، كوزىممەن كوردىم، ءبىز تاسقىنداعان ىنتامەن ەستەلىككە الىپ جانە بايانداپ، ءتىپتى دە كوپ ادامعا تيانشان پەرزەنتتەرىنىڭ پارتيا مەن وتانعا دەگەن ريزاشىلىقتى العىس ايتۋ سەزىمىن، شىنايى سۇيىسپەنشىلىگىن سەزىندىرىپ، تيانشان پەرزەنتتەرىنىڭ جاڭا داۋىردە قول ۇستاسا ەكپىندەي العا ىلگەرىلەۋ بەكىمىن ايگىلەيمىز»، - دەدى جاڭ تيڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى