باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ جانە دايەكتىلەندىرىپ، باس نىسانانى نازارعا الىپ، جاڭا دامۋ ۇستانىمىنا تاباندى بولىپ، جوعارى ساپالى دامۋدى ىلگەرىلەتەيىك
چىن چۋانگو ءماجىلىستى باسقاردى
ءتىلشىمىز ياۋ تۇڭ 10 - ايدىڭ 7 - كۇنى ۇرىمجىدەن حابارلايدى. 10 - ايدىڭ 7 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ شىعىس سولتۇستىكتەگى 3 ولكەدە قىزمەت تەكسەرگەندە جانە شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشقاندا سويلەگەن ماڭىزدى ءسوزىنىڭ رۋحىن جانە سىچۋان اۆياتسياسى «جۇڭگو حالىقتىق اۆياتسيا قاھارمان ۇشقىش قىزمەتكەرلەر گرۋپپاسىنىڭ» بارلىق مۇشەلەرىمەن كەزدەسكەندە سويلەگەن ماڭىزدى ءسوزىنىڭ رۋحىن جەتكىزىپ، ۇيرەنىپ، اۆتونوميالى رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ماجىلىستە مىنالار اتاپ كورسەتىلدى: باس شۋجي شي جينپيڭ شىعىس سولتۇستىكتەگى 3 ولكەدە قىزمەت تەكسەرگەندە جانە شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشقاندا ماڭىزدى ءسوز سويلەپ، پارتيا مەن مەملەكەتتىڭ دامۋ جالپى جاعدايى تۇرعىسىنان شىعىس سولتۇستىكتى گۇلدەندىرۋدىڭ العا باسۋ بەتالىسىن ايقىن كورسەتۋمەن بىرگە ءبىزدىڭ جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتۋىمىزگە ءتۇبىرلى دايەك ازىرلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇيعارىلعان ورنالاستىرۋدى تىڭعىلىقتى ىلگەرىلەتىپ، زەيىن - زەردەنى ءوز ءىسىمىزدى ويداعىداي ىستەۋگە شوعىرلاندىرۋداعى تەرەڭ تولعانىسى مەن ستراتەگيالىق تاباندىلىعىن تولىق ايگىلەدى. بۇكىل اۆتونوميالى رايونداعى ءار دارەجەلى تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي دايەكتىلەندىرىپ، اۆتونوميالى رايونىمىز ەكونوميكاسىنىڭ جوعارى ساپالى دامۋىن جاڭا بەينەمەن، جاڭا جاۋاپكەرشىلىكپەن، جاڭا ىسكەرلىكپەن ىلگەرىلەتۋى كەرەك. قوعام ورنىقتىلىعى مەن باياندى تىنىشتىق باس نىساناسىن مىقتاپ نازارعا الىپ، ءتۇرلى قىزمەتتە باس نىسانانى باسشىلىققا الۋعا تاباندى بولىپ، ورنىقتىلىقتى قورعاۋ شارالارىن ىشكەرىلەي، ەگجەي - تەگجەيلى تياناقتاندىرىپ، ماڭىزدى ءتۇيىندى كورنەكتىلەندىرىپ، تەتىكتى مىقتاپ يگەرىپ، ورنىقتىلىقتىڭ يگىلىگىن ۇزدىكسىز جارىققا شىعارىپ، جاراسىمدى، ورنىقتى تاماشا جاعداي ارقىلى ەكونوميكانىڭ جوعارى ساپالى دامۋىنا تاماشا ورتا ازىرلەۋ كەرەك. ۇزدىكسىز تۇردە رەفورمانى تەرەڭدەتىپ جانە ەسىكتى ايقارا اشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرىن، ورنالاستىرۋلارىن جاپپاي دايەكتىلەندىرىپ، رەفورما شارالارىن ناقتىلاندىرىپ، رەفورمانىڭ ومىرشەڭدىك كۇشىن قاۋلاتىپ، رەفورمانىڭ ونىمدىلىگىن جوعارىلاتىپ، ءتۇزىلىس - مەحانيزمدى جەدەل كەمەلدەندىرىپ، شارۋاشىلىق - ساۋدا ورتاسىن ساپالىلاندىرۋ؛ «ءبىر بەلدەۋ، ءبىر جول» باستاماسى ورتاعا قويىلعاندىعىنىڭ 5 جىلدىعىن ۇتىمدى وراي ەتىپ، بىرگە اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولىپ، وزەكتى رايون قۇرىلىسىن جەدەلدەتىپ، شىعىسپەن بىرلەسىپ باتىسقا شىعاراتىن حالىقارالىق جانە ىشكى ۇلكەن ارنا قۇرىپ، جۇڭگونىڭ باتىسقا ەسىك اشۋداعى تياناعىن قالىپتاستىرۋ كەرەك. جاڭالىق اشۋدى جەدەلدەتىپ، دامۋدىڭ ومىرشەڭدىگىن نىعايتىپ، جاڭالىق اشۋدى قوزعاۋشى كۇش ەتكەن دامۋ ستراتەگياسىن جەدەل اتقارىپ، قۇرىلىمدى رەتتەۋ مەن جاڭا قوزعاۋشى قۋات جەتىلدىرۋدى جەدەلدەتىپ، « ءۇش ءىرى قامال الۋ» شايقاسىن باتىلدىقپەن ويداعىداي جۇرگىزىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن، اۋىل - قىستاقتى گۇلدەندىرۋ ستراتەگياسىن، ساياحات شارۋاشىلىعىنىڭ دامۋىن كۇش سالا ويداعىداي يگەرىپ، جاڭالىق اشۋعا سۇيەنۋ ارقىلى ناقتى ەكونوميكانى شىنايى يگەرۋ، قۋاتتاندىرۋ، ساپالىلاندىرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىزداندىرۋ جانە جاقسارتۋ تەبىنىن ۇزدىكسىز ارتتىرىپ، كەدەيلىكتەن قۇتىلدىرۋدان قامال الۋ شايقاسىن باتىلدىقپەن ويداعىداي جۇرگىزىپ، جۇمىسقا ورنالاستىرۋدى، وقۋ - اعارتۋدى، ەمدەۋدى، قوعامدىق قامتاماسىزداندىرۋدى ءتۇيىن ەتكەن حالىق تۇرمىسى ينجەنەرياسىن تىڭعىلىقتى ىلگەرىلەتىپ، ءار ۇلت بۇقاراسىنىڭ تابىس سەزىمى مەن باقىت سەزىمىن ۇزدىكسىز نىعايتۋ كەرەك.
ماجىلىستە مىنالار اتاپ كورسەتىلدى: باس شۋجي شي جينپيڭنىڭ سىچۋان اۆياتسياسى «جۇڭگو حالىقتىق اۆياتسيا قاھارمان ۇشقىش قىزمەتكەرلەر گرۋپپاسىنىڭ» بارلىق مۇشەلەرىمەن كەزدەسكەندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ جانە دايەكتىلەندىرىپ، قاھارمان ۇشقىش قىزمەتكەرلەر گرۋپپاسىنىڭ مىندەتكە ادال بولىپ، جاۋاپكەرشىلىكتەرىن ادالدىقپەن وتەگەن ساياسي قاسيەتى مەن كاسىپتىك قۇلقىنان ۇيرەنىپ، حالىقتى وزەك ەتۋ يدەياسىن بەرىك ورناتىپ، قاھارمان ۇلگىلەردىڭ وسكەلەڭ مۇرات - سەنىمى مەن ءمورالدىق قاسيەتىنەن ۇيرەنۋ تالپىنىسىن ناقتى ارەكەتكە اينالدىرىپ، ونى كۇندەلىكتى قىزمەت پەن تۇرمىستا ايگىلەپ، حاۋىپسىزدىكتى قاشاندا ماڭداي الدى ءىرى ءىس رەتىندە يگەرىپ، اركىم ءوز جاۋاپكەرلىگىن ءبىلىپ، اركىم ءوز جاۋاپكەرلىگىن ارقالاپ، اركىم ءوز جاۋاپكەرلىگىن ادا ەتىپ، جۇمىس ورنىنا تاباندى بولىپ، قىزمەت جاۋاپكەرشىلىگىن تولىق وتەپ، بار كۇشىن سارقا جۇمساپ، جان قيارلىقپەن قىزمەت ىستەپ، سانالى تۇردە جۇمىس ورنىن شەپ رەتىندە ساقتاپ، قىزمەتتى كاسىپ رەتىندە ىستەپ، ۇلەس قوسۋدى تيەسىلى مىندەتىم دەپ قاراپ، قوعام ورنىقتىلىعى مەن باياندى تىنىشتىق باس نىساناسىن نازارعا الىپ، شينجياڭنىڭ قوعام جاراسىمدىلىعى مەن ورنىقتىلىعىنا، ءار ۇلت حالقىنىڭ باقىتى مەن باقۋاتتىلىعىنا اقىل - پاراسات پەن كۇش - قايرات ارناۋ كەرەك.
ماجىلىستە «اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتىنىڭ مەجە ەسەپ ناتيجەسىن باسقارۋدى جاپپاي جۇرگىزۋ جونىندەگى اتقارۋ پىكىرى» قارالدى. ماجىلىستە مىنالار اتاپ كورسەتىلدى: مەجە ەسەپ ناتيجەسىن باسقارۋدى جاپپاي جۇرگىزۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ماڭىزدى شەشىمى جانە ورنالاستىرۋى، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدىڭ ىشكى تالابى، قازىنا - سالىق ءتۇزىلىسى رەفورماسىن تەرەڭدەتىپ، وسى زامانعى قازىنا ءتۇزىمىن ورناتۋدىڭ ماڭىزدى مازمۇنى، قازىنا بايلىعىنىڭ ۇلەستىرىلۋىن ساپالىلاندىرىپ، الەۋمەتتىك قىزمەت وتەۋ ساپاسىن جوعارىلاتۋداعى شەشۋشى شارا. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ ەكونوميكالىق قىزمەتكە باسشىلىعىنا تاباندى بولىپ جانە ونى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، دۇرىس جۇمىس ناتيجەسى كوزقاراسىن بەرىك ورناتىپ، جاڭا دامۋ ۇستانىمىنا تاباندى بولىپ، ناتيجە باسقارۋ تانىمىن كۇشەيتىپ، ناتيجە باسقارۋ باعدارىن كورنەكتىلەندىرىپ، ناتيجە باسقارۋ ءتۇزىمىن اقاۋسىزداندىرىپ، ناتيجە باسقارۋ جاۋاپكەرشىلىگىن تياناقتاندىرىپ، ناتيجە باسقارۋدىڭ تەجەمىن قاتايتىپ، ناتيجە باسقارۋ جونىندەگى ۇيىمدىق باسشىلىق پەن باقىلاۋ، جاۋاپقا تارتۋدى كۇشەيتىپ، جالپى بارىستىق مەجە ەسەپ ناتيجەسىن باسقارۋ تىزبەگىن ورناتىپ، تولىق قامتىعان مەجە ەسەپ ناتيجەسىن باسقارۋ جۇيەسىن كەمەلدەندىرىپ، قازىنا بايلىعىنىڭ ۇلەستىرىلۋ تيىمدىلىگى مەن پايدالانىلۋ ونىمدىلىگىن كۇش سالا جوعارىلاتىپ، مەجە ەسەپ باسقارۋ دەڭگەيى مەن ساياساتتىڭ اتقارىلۋ ناتيجەسىن كۇش سالا جوعارىلاتىپ، بۇكىل اۆتونوميالى رايوننىڭ ەكونوميكاسى مەن قوعامىنىڭ ءۇرتىس، اقاۋسىز دامۋىنا پارمەندى كەپىلدىك ازىرلەۋ كەرەك.
ماجىلىستە باسقا دا ىستەر اقىلداسىلدى.
شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين، پىڭ جيارۇي ماجىلىسكە قاتىناستى.
