بۇگىننەن باستاپ، شينجياڭ تۇرعىندارى ازاماتتىق كۋالىگى جوعالسا توراپتا تولىقتاپ بىتىرۋىنە بولادى. بۇل 10-ايدىڭ 6-كۇنى ءتىلشىنىڭ اۆتونوميالى رايوندىق قوعام حاۋىپسىزدىگى مەڭگەرمەسىنەن ۇعىسقان حابارى.
شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: «بۇگىننەن باستاپ، تومەندەگى 3 ءتۇرلى شارتقا ۇيلەسەتىن شينجياڭ نوپوسىنداعى تۇرعىندار اۆتونوميالى رايوندىق قوعام حاۋىپسىزدىگى مەڭگەرمەسىنىڭ اكىمشىلىك ىستەر قىزمەت وتەۋ تەكشەسىنە تىركەلىپ بىتىرۋىنە بولادى. بۇل 3 ءتۇرلى شارت: ازاماتتىق كۋالىگى جوعالسا، سونداي-اق ازاماتتىق كۋالىگى ساۋساق تاۆى ينفورماتسياسى تىزىمگە الدىرىلعان ەكىنشى ۇرپاق ازاماتتىق كۋالىك بولۋى؛ ازاماتتىق كۋالىگىندەگى سۋرەتى، ساۋساق تابى قاتارلى ينفورماتسيالار تۇگەلدەي شەكتى مەرزىم ىشىندە بولۋى؛ سوڭعى رەت ازاماتتىق كۋالىك بىتىرگەننەن كەيىن، نوپوستاعى ينفورماتسياسى وزگەرتپەگەن بولۋى كەرەك. بىتىرگەن كەزدە، ءوتىنىش بەرگەن ادام اۆتونوميالى رايوندىق قوعام حاۋىپسىزدىگى مەڭگەرمەسىنىڭ اكىمشىلىك ىستەر قىزمەت وتەۋ تەكشەسىنە تىركەلىپ (http://www.xjgat.gov.cn)، ءىس بىتىرۋ ۇلكەن زالى دەگەندى باسىپ، «ازاماتتىق كۋالىك ءبىتىرۋ» ارقىلى بىتىرۋگە بولادى.
ۇعىسۋعا قاراعاندا، جوعالعان ازاماتتىق كۋالىكتى توراپتا ءبىتىرۋدىڭ اقى الۋ ولشەمى 40 يۋان، ءبىتىرۋ ۋاقىت شەكتەمەسى 20 كۇن (قىزمەت ۋاقىتى)، كۋالىك پوچتا ارقىلى جىبەرىلەدى.