− باس شۋجي شي جينپيڭنىڭ شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ماجىلىستە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ − ەلىمىزدىڭ وڭىرلىك دامۋ جونىندەگى جالپىلىق ستراتەگياسىنىڭ ىسكە اسۋىنا، ەلىمىزدىڭ جاڭاشا ونەركاسىپتەندىرۋ، ينفورماتسيالاندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ ىستەرىنىڭ سايكەستى دامۋىنا، ەلىمىزدىڭ توڭىرەگى مەن شىعىس سولتۇستىك ازيا ءوڭىرىنىڭ حاۋىپسىزدىگى مەن ورنىقتىلىعىنا سايادى.
شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ماجىلىستە، باس شۋجي شي جينپيڭ ەلىمىز دامۋىنىڭ جالپى جاعدايىنا كوز جىبەرىپ، شىعىس سولتۇستىكتى جاپپاي گۇلدەندىرۋدى، جان - جاقتى گۇلدەندىرۋدى تياناق ەتىپ، 6 جاقتاعى تالاپتى، اتاپ ايتقاندا، ماڭىزدى قىزمەت ورنالاستىرۋلارىن ايقىن العا قويدى، بۇل جاڭا داۋىردەگى شىعىس سولتۇستىكتى جاپپاي گۇلدەندىرۋدى ىلگەرىلەتىپ، مەملەكەتتىڭ ماڭىزدى ستراتەگياسىنا پارمەندى تىرەك قالىپتاستىرۋىمىزدا تەرەڭ مانگە يە.
ساۋدا ورتاسىن ساپالىلاندىرۋدى نەگىز ەتىپ، رەفورمانى جاپپاي تەرەڭدەتۋ؛ جاڭا دەمەۋشى قۋاتتى جەتىلدىرۋدى، زورايتۋدى ءتۇيىن ەتىپ، جاڭالىق اشۋعا دەم بەرەتىن ىشكى قوزعاۋشى كۇشتى قاۋلاتۋ؛ عىلمي ءبىر تۇتاس دالمە - ءدال شارا اتقارىپ، سايكەستى دامۋدىڭ جاڭا جۇيەسىن قۇرۋ؛ ەكولوگيالىق قۇرىلىس پەن استىق ءوندىرىسىن اناعۇرلىم جاقسى قولداپ، جاسىل دامۋ باسىمدىعىن بەكەمدەۋ، جوعارىلاتۋ؛ «ءبىر بەلدەۋ، ءبىر جولدى» بىرگە قۇرۋمەن تەرەڭ توعىسىپ، ەسىك اشۋ، سەلبەستىك تۇعىرىن قۇرۋ؛ حالىق تۇرمىسى سالاسىنداعى ولقىلىقتاردى تولىقتىرۋعا اناعۇرلىم نازار اۋدارىپ، حالىق بۇقاراسىن شىعىس سولتۇستىكتىڭ گۇلدەنۋىنىڭ جەتىستىكتەرىنەن بىرگە يگىلىكتەندىرۋ كەرەك. باس شۋجي شي جينپيڭ جاعدايدى عىلمي تۇردە يگەرىپ، ماسەلەنى باعدار ەتۋگە تاباندى بولىپ، شىعىس سولتۇستىكتى جاپپاي گۇلدەندىرۋدىڭ ءتۇيىندى مىندەتتەرىن تۇراقتاندىردى، بۇل وتە كۇشتى عىلميلىققا، جەتەكشىلىك سيپاتقا يە، جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋدىڭ ماڭىزدى قاعيداسى، شىعىس سولتۇستىك ءوڭىردىڭ قايشىلىقتى شەشىپ، ارتىقشىلىقتى اسىرىپ، كەمشىلىكتەن ساقتانىپ، باسىمدىقتى ساۋلەلەندىرۋىنە قۇلشىنىس باعىتىن نۇسقادى.
شىعىس سولتۇستىكتى گۇلدەندىرۋدىڭ ءتۇيىندى مىندەتتەرىن يگەرۋ ءۇشىن، رەفورمانى تەرەڭدەتۋدى ماڭداي الدى ورىنعا قويۋ كەرەك. شىعىس سولتۇستىك ءوڭىردىڭ دامۋى جاڭا قيىنشىلىق پەن ماسەلەلەرگە تاپ بولىپ وتىر، وسى قيىنشىلىق پەن ماسەلەلەردى شەشۋدە، تۇپتەپ كەلگەندە، ءالى دە رەفورمانى جاپپاي تەرەڭدەتۋگە ارقا سۇيەۋگە تۋرا كەلەدى. وسى رەتكى اڭگىمە ماجىلىستە باس شۋجي شي جينپيڭ «رايوننىڭ رەفورماسىن، دامۋىن جوبالاۋ وي جەلىسى جاعىنا كۇش سالۋ، كورنەكتى قايشىلىقتار مەن ماسەلەلەردى شەشۋگە كۇش سالۋ، نەگىزگى ساتى رەفورماسىندا جاڭالىق اشۋ ومىرشەڭدىك كۇشىن قاۋلاتۋعا كۇش سالۋدى» العا قويدى؛ «قامداۋ جاعىنداعى قۇرىلىمدىق رەفورمانى تەرەڭدەتۋگە ءتيىمدى بولۋ، ەكونوميكالىق ارتۋدىڭ جاڭا دەمەۋشى قۋاتىن جەدەل جەتىلدىرۋگە ءتيىمدى بولۋ، ءار ءتۇرلى بازار سۋبيەكتتەرىنىڭ ومىرشەڭدىك كۇشىن قاۋلاتۋعا ءتيىمدى بولۋ، حالىق بۇقاراسىنىڭ تابىس سەزىمىن كۇشەيتۋگە ءتيىمدى بولۋ، قالىڭ كادر - بۇقارانىڭ بەلسەندىلىگىن جۇمىلدىرۋعا، قورعاۋعا ءتيىمدى بولۋ جاقتارىنان ءتۇيىندى تۇردە رەفورما وي جەلىسىن كەمەلدەندىرۋدى» باسا دارىپتەدى. «ۇشكە كۇش سالۋ» رەفورمانى تەرەڭدەتۋدىڭ كۇش سالۋ تۇيىندەرىن ايقىنداپ، «بەسكە ءتيىمدى بولۋ» رەفورما وي جەلىسىن كەمەلدەندىرۋدىڭ جالپى پرينسيبىن كورنەكتىلەندىردى. باس شۋجي شي جينپيڭنىڭ تالابى بويىنشا، رەفورما سەنىمىن نىعايتىپ، رەفورما شارالارىن ناقتىلاندىرىپ، رەفورمانىڭ ومىرشەڭدىك كۇشىن اشىققا شىعارىپ، رەفورمانىڭ تيىمدىلىگىن جوعارىلاتىپ، جاڭا داۋىردە شىعىس سولتۇستىكتى جاپپاي گۇلدەندىرۋگە پارمەندى قوزعاۋشى كۇش ازىرلەۋ كەرەك.
شىعىس سولتۇستىكتى گۇلدەندىرۋدىڭ ءتۇيىندى مىندەتتەرىن يگەرۋ ءۇشىن، جاڭا دامۋ ۇستانىمىن ءار جاقتا دايەكتىلەندىرۋ كەرەك. جاڭا دامۋ ۇستانىمى − دريجەرلىك تاياقشا، باعدارشام، جالپى جاعدايعا، ءتۇپ نەگىزگە، ۇزاق بولاشاققا ساياتىن بەتالىس - باعدار. جاڭالىق اشۋعا سۇيەنۋ ارقىلى ناقتى ەكونوميكانى تياناقتاپ، قۋاتتاندىرىپ، ساپالىلاندىرىپ، جاڭادان گۇلدەنگەن شارۋاشىلىقتاردىڭ دامۋىنا بەلسەندى تۇردە قولداۋ كورسەتكەندە عانا، جاڭالىق اشۋدى جەتەكشى ەتۋدىڭ ىشكى قوزعاۋشى كۇشىنە دەم بەرۋگە بولادى؛ وسى زامانعى قالالار شوعىرىن جەتىلدىرىپ جانە دامىتىپ، شىعىس سولتۇستىك ءوڭىردىڭ سەلبەسىپ ەسىك اشۋ بىرىككەن كۇشىن قالىپتاستىرىپ، شىعىس سولتۇستىكتى گۇلدەندىرۋدىڭ بەيجيڭ - تيانجين - حىبەيدىڭ سايكەسە دامۋى، چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ - شياڭگاڭ - اۋمىن ۇلكەن شىعاناق ءوڭىرىنىڭ قۇرىلىسى سياقتى مەملەكەتتىڭ ماڭىزدى ستراتەگيالارىمەن ۇشتاسۋى مەن اۋىس - كۇيىس، سەلبەستىك جاساسۋىن ىشكەرىلەي ىلگەرىلەتكەندە عانا، سايكەسە دامۋدىڭ جاڭا جاعدايىن قالىپتاستىرۋعا بولادى؛ تۇنىق سۋ مەن جاسىل تاۋ − باعالى بايلىق، قارلى دالا دا باعالى بايلىق دەگەن ۇستانىمدى دايەكتىلەندىرىپ، شىعىس سولتۇستىك ءوڭىردىڭ وزگەشە بايلىعى مەن باسىمدىعىنان تولىق پايدالانىپ، ەكولوگيالىق قۇرىلىس پەن استىق وندىرىسىنە اناعۇرلىم ويداعىداي قولداۋ كورسەتكەندە عانا، جاسىل دامۋ ارتىقشىلىعىن بەكەمدەۋگە، جوعارىلاتۋعا بولادى؛ «ءبىر بەلدەۋ، ءبىر جولدى» بىرگە قۇرۋمەن تەرەڭ توعىسىپ، لياۋنيڭ ەركىن ساۋدا سىناق رايونىنىڭ ءتۇيىندى مىندەتىن جەدەل تياناقتاندىرىپ، ءتۇيىندى شەكارا وتكەلدەرىنىڭ نەگىزدىك قۇرىلعىلارىن كەمەلدەندىرگەندە عانا، ەسىك اشۋ، سەلبەسۋدىڭ بيىك تۇعىرىن قۇرۋعا بولادى؛ حالىق تۇرمىسى سالاسىنداعى ولقىلىقتاردى تولىقتىرۋعا اناعۇرلىم نازار اۋدارىپ، قالا، اۋىلدارداعى تۇرمىسىندا قيىنشىلىعى بارلاردىڭ نەگىزگى تۇرمىسىن ويداعىداي قامتاماسىز ەتىپ، شىعىس سولتۇستىك ءوڭىردىڭ الەۋمەتتىك نەگىزدىك قۇرىلعى سالاسىنداعى قارجى قوسۋ سەرپىنىن ارتتىرعاندا عانا، حالىق بۇقاراسىن شىعىس سولتۇستىكتىڭ گۇلدەنۋ جەتىستىكتەرىنەن بىرگە يگىلىكتەندىرۋگە بولادى.
شىعىس سولتۇستىكتىڭ گۇلدەنۋىن ىسكە اسىرۋ − تاريح ءبىزدىڭ بۋىنعا جۇكتەگەن جانە باس تارتۋعا بولمايتىن بورىش. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شىعىس سولتۇستىكتى گۇلدەندىرۋ جونىندەگى ءبىر قاتار شەشىم - ورنالاستىرۋىن دايەكتىلەندىرىپ جانە تياناقتاندىرىپ، ۇزبەي جالعاستىرىپ، ۇزاق ۋاقىت كۇش سالساق، شىعىس سولتۇستىك ءوڭىر، ءسوز جوق، ورتانى قايتا سومداپ، ايبىنىن قايتا اسقاقتاتىپ، جاپپاي گۇلدەنۋدى ىسكە اسىرا الادى.
(شينحۋا اگەنتتىگىنىڭ 10 - ايدىڭ 8 - كۇنى بەيجيڭنەن بەرگەن حابارى)
