بولشەكتەۋشىلىككە قارسى تۇرۋ كۇرەسىنىڭ سانالى تۇردە امالياتتا ايگىلەۋشىسى بولامىن

　　ءۇرىمجى قالاسى ميدۇڭ رايونى تيەچاڭگوۋ قالاشىعى پارتكومىنىڭ ورىنباسار شۋجيى

　　ما حانجۇن

　　مەن ۇرىمجىدە تۋىلىپ، ۇرىمجىدە ەسەيىپ - ەرجەتكەن از ۇلت كادرىمىن ءارى اسكەري قوسىننان كاسىپ اۋىستىرعان كادرمىن، كىشكەنتاي كەزىمنەن باستاپ اعا بۋىنداردىڭ كونە قوعامداعى باقىتسىزدىقتارى مەن تارتقان ازاپتارىن ەستيتىنمىن، پارتيانىڭ باسشىلىعىندا شينجياڭداعى ءار ۇلت حالقى كوڭىل توعىستىرىپ، كۇش قوسىپ، ىنتىماقتى، جاراسىمدى، كوركەيگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭنىڭ شۇعىلالى بارىسىن بىرگە سومداعانىنا كۋا بولدىم.

　　الايدا، «ءۇش ءتۇرلى كۇش» شينجياڭداعى ءار ۇلت حالقىنىڭ تىنىش، ىنتىماقتى، بىرگە قايراتتانا العا باسقان اسا تاماشا جاعدايىن كورگىسى كەلمەي، تاريحتى كەرى بۇرۋعا، شينجياڭدى وتان قۇشاعىنان ءبولىپ اكەتۋگە، شينجياڭداعى ءار ۇلت حالقىن ءتۇپسىز تەرەڭ شىڭىراۋعا قاراي يتەرۋگە ۇرىندى. ولار قۇتىرىنىپ، ادامشىلىقتان بەزىپ، ۇلتتىق وشپەندىلىككە جەلىكتىرىپ، زورلىقتى كۇش، لاڭكەستىك دەلولارىن تۋدىرىپ، شينجياڭنىڭ قوعام ورنىقتىلىعى مەن ءار ۇلت حالقىنىڭ باقىتتى تۇرمىسىن اۋىر دارەجەدە ءبۇلدىردى، مىنە وسىنىڭ ءبارى ولاردىڭ ادامزاتقا قارسى، قوعامعا قارسى، وركەنيەتكە قارسى جاۋىز كەيىپ - كەسپىرىن اشكەرەلەدى. «ەكىبەتكەيلەر» «ءۇش ءتۇرلى كۇشتىڭ» قولشوقپارىنا اينالىپ، كوممۋنيستىك پارتيانىڭ اسىن ءىشىپ، كوممۋنيستىك پارتيانىڭ قازانىن شاعىپ، زورلىقتى كۇش، لاڭكەس ەلەمەنتتەرىن استىرتىن قولداپ، ەركىنە جىبەرىپ، قورعاشتاپ، «ءۇش ءتۇرلى كۇشتىڭ» قورعاۋشىسىنا اينالدى، زورلىقتى كۇش، لاڭكەس ەلەمەنتتەرمەن سالىستىرعاندا، ولار ءتىپتى دە اككى، ءتىپتى دە زىميان، زيانى ءتىپتى دە اۋىر، ءتىپتى دە ۇزاققا سوزىلادى. ءبىز، ءسوزسىز، وسى كەسىرلەردى ەش اياۋشىلىق جاساماستان تارتىپ شىعىپ، ادا - كۇدە الاستاپ، ءار ۇلت حالقىنىڭ ورنىقتى دا بەرەكەلى ورتادا اناعۇرلىم باقىتتى تۇرمىس كەشىرۋىنە مۇمكىندىك جاساۋىمىز كەرەك.

　　4 جىلدىق اسكەري تۇرمىس مەنىڭ ەرىك - جىگەرىمدى شىڭداپ، پارتيالىلىق ساپامدى كۇشەيتىپ، مەنىڭ رۋحىما قىزىل گەن ءسىڭىردى، «پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ» مەنىڭ قانىمدا تاسىپ جاتقان قىزىل گەنگە اينالدى. جاۋ كۇشتەرىنىڭ سوقتىعۋىنا ءدوپ كەلگەندە، مەن اسكەريلەردىڭ ستيلىن ساقتاپ، ساياسيدا سەرگەكتىك پەن تۇراقتىلىقتى باستان - اياق ساقتاپ، ساياسي سەزگىرلىك پەن ساياسي پارىقتاۋ قابىلەتىمدى ۇزدىكسىز كۇشەيتىپ، «ءۇش ءتۇرلى كۇشتىڭ»، «ەكىبەتكەيلەردىڭ» شىنايى كەيىپ - كەسپىرىن جەتە تانىپ، جۇرەكتىلىكپەن باتىل ءۇن قاتىپ، باتىلدىقپەن ايقىن پوزيتسيا ءبىلدىرىپ، تۋىم ايقىن تۇردە بولشەكتەۋشىلىك يدەيا مەن ءسوز - ارەكەت اتاۋلىعا بەرىك، بەكەم تۇردە سوعىس جاريالاپ، بولشەكتەۋشىلىككە قارسى تۇرۋ كۇرەسىنىڭ سانالى تۇردە امالياتتا ايگىلەۋشىسى بولامىن.

　　مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جەتەكشى ەتىپ، باس نىسانا تانىمىن باستان - اياق بەكەمدەپ، باس نىسانا تۋىن بيىك جەلبىرەتىپ، نازاردى باس نىساناعا شوعىرلاندىرۋدىڭ ساياسي تۇراقتىلىعىن ساقتاپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» قاز - قالپىندا ويداعىداي اتقارامىن. اسىرەسە، حاۋىپسىزدىكتەن ساقتانۋدا قالتارىس قالدىرماي، سايكەسىپ ىستەۋدە بوس جەر تاستاماي، قىزمەتتىڭ بىرىككەن كۇشىن شىنايى توپتاپ، جاۋلارمەن بولعان كۇرەستە ىرىقتىلىقتى بەرىك مەڭگەرىپ، ءتۇرلى ورنالاستىرۋلاردىڭ ناقتى ونىمدىلىككە قول جەتكىزۋىنە كەپىلدىك ەتەمىن. وتاندى بولشەكتەيىن، ۇلتتار ىنتىماعى مەن قوعام ورنىقتىلىعىن بۇلدىرەتىن ءسوز - ارەكەت اتاۋلىمەن ەڭ قاتاڭ، ەڭ تۇبەگەيلى كۇرەس جاساۋعا سەنىمىم دە بەكىمىم دە بار، مەن شينجياڭنىڭ قوعام ورنىقتىلىعى مەن باياندى تىنىشتىعى ءۇشىن بار كۇشىمدى ارنايمىن.