تيانشان تورى
تيانشان تورى   ›   ۇيرەنۋ   ›   شولۋ

قايراتتانا ۇمتىلىپ، جاڭا بەينە، جاڭا جاۋاپكەرلىك، جاڭا ىسكەرلىك كورسەتەيىك

− باس شۋجي شي جينپيڭنىڭ شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ماجىلىستە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

     پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ − شىعىس سولتۇستىكتى گۇلدەندىرۋدىڭ پارمەندى كەپىلى.

  «يدەيانى ازات ەتىپ، قايراتتانا ۇمتىلىپ، باعداردى ءدال كوزدەپ، تاباندىلىقتى ساقتاپ، رەفورمانى تەرەڭدەتىپ، قايشىلىقتاردى شەشىپ، ارتىقشىلىقتى ساۋلەلەندىرىپ، ولقىلىقتى تولىقتاپ، ەرەكشەلىكتى ايگىلەپ، جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرە ءتۇسۋ كەرەك». شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ماجىلىستە باس شۋجي شي جينپيڭ پارتيا مەن مەملەكەتتىڭ ىستەرىن دامىتۋ جالپى جاعدايىن نەگىز ەتىپ، جاڭا داۋىردەگى شىعىس سولتۇستىكتىڭ جاپپاي گۇلدەنۋىن، جان - جاقتى گۇلدەنۋىن ىلگەرىلەتۋ جونىندە كەلەلى ورنالاستىرۋ جاساۋى، پارتيانىڭ شىعىس سولتۇستىكتى گۇلدندىرۋدەگى جاپپاي باسشىلىعىنا تاباندى بولۋ جانە ونى كۇشەيتۋ جونىندە ناقتى تالاپ قويۋى جاڭا باعىتتى تياناق ەتۋىمىزگە، جاڭا كوورديناتانى ءدال تابۋىمىزعا، جاڭا ىسكەرلىك كورسەتۋىمىزگە قۇلشىنۋ باعىتىن ايقىنداپ بەرىپ، سەنىم قوزعاۋشى كۇشىن قوستى.

  ءبىر جەردىڭ ساياساتى تابىستى، ەلى بەرەكەلى، تىنىش، ءتارتىپتى بولۋى ءۇشىن، ءسوز جوق، تاماشا ساياسي ەكولوگياسى بولۋى كەرەك. شىندىق مىنانى دالەلدەدى: ساياسي ەكولوگيا تازا بولسا، تاماشا ساۋدا ورتاسىن قالىپتاستىرىپ، ءار جاقتىڭ ءىس تىندىرىپ، شارۋاشىلىق قۇرۋ ارىنىن، قوزعاۋشى كۇشىن قاۋلاتادى؛ ساياسي ەكولوگيا بىلعانسا، جۇرت تىلەگى بىتىراپ، كىنارات كوبەيىپ، سول جەردىڭ دامۋىنا ناشار ىقپال تۋدىرادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ستيلى پاك، سالتى دۇرىس ساياسي ەكولوگيا قالىپتاستىرۋعا بارىنشا كۇش سالىپ، جالپى كادرلاردىڭ زەيىن - زەردەنى شوعىرلاندىرا وتىرىپ ءىس تىندىرۋىنا، ساۋدا ورتاسىنىڭ ۇزبەي جاقسارۋىنا مۇمكىندىك جاساپ، شىعىس سولتۇستىك رايون ەكونوميكاسىنىڭ، قوعامىنىڭ دامۋىن پارمەندى كەپىلمەن قامدادى. جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرۋدى ىلگەرىلەتۋدە شىعىس سولتۇستىك رايوننىڭ پارتيانىڭ ساياسي قۇرىلىسىن كۇشەيتىپ، پارتيانىڭ ىشكى ساياسي ەكولوگياسىن جاپپاي تازارتىپ، سالتى دۇرىس، ستيلى پاك، اسقاق تا ءورشىل قوعامدىق اۋقىم قالىپتاستىرۋ كەرەك؛ تيىم سالىناتىن رايون بولماۋعا، جاپپاي قامتۋعا، نولدىك توزىمدىلىككە تاباندى بولىپ، ءار ءتۇرلى ءىرىپ - ءشىرۋ دەلولارىن باتىل تەكسەرىپ ءبىر جاقتى ەتىپ، قاي - قاشان دا پارتيانىڭ حالىق بۇقاراسىمەن ەتەنە بايلانىسىن ساقتاۋ كەرەك. بۇل پارتيانى جاپپاي قاتاڭ جونگە سالۋدىڭ ماڭىزدى مىندەتى بولىپ قانا قويماي، تاماشا دامۋ ورتاسىن قالىپتاستىرۋدىڭ دا ماڭىزدى نەگىزى سانالادى.

  مەملەكەت ىستەرىن باسقارۋدا، ادام ەڭ باستى ورىندا تۇرادى، ءىستى ويداعىداي ىستەۋدىڭ تەتىگى − ادامدا. ادام − وندىرگىش كۇش بارىسىنداعى ەڭ جاندى فاكتور، قوعامداعى زاتتىق بايلىق پەن رۋحاني بايلىقتى جاراتۋشى، قوعامدىق وزگەرىستى بەلگىلەۋشى كۇش. بۇگىنگى تاڭدا، مەيلى جاعدايعا تالداۋ جاساۋ، الدە شەشىم جاساۋ بولسىن، مەيلى دامۋ قيىنشىلىقتارىن شەشۋ، الدە بۇقارانىڭ مۇددەسىن شارپيتىن ماسەلەلەردى شەشۋ بولسىن، تۇگەلدەي باسشىلىق قابىلەتتى، كاسىپتىك ساپانى، ناقتى شارانى قاجەت ەتەدى. جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىردى ىلگەرىلەتۋ جوعارى ساپالى كادرلار قوسىنىن جەدەل قۇرىپ، باسشىلىق قابىلەتتىڭ ماماندانۋ دەڭگەيىن جوعارىلاتۋدى قاجەت ەتەدى، ساياسيدا بەرىك بولىپ قانا قويماي، قابىلەتى دە مىعىم بولۋ كەرەك. ستيلى پاك بولعاندا عانا، سالتى دۇرىس بولادى، سالتى دۇرىس بولعاندا عانا، نيەت بىردەي بولادى، نيەت بىردەي بولعاندا عانا، ءىس تىندىرۋعا بولادى. تاماشا ستيل مىعىم وڭ ەنەرگيا ۇيىستىرىپ قانا قويماي، ەكونوميكانىڭ، قوعامنىڭ دامۋىن مىعىم نەگىزبەن جانە پارمەندى تىرەكپەن قامداي الادى. جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرۋدى ىلگەرىلەتۋدە باسشى كادرلار باستاماشىلدىقپەن ستيلگە بۇرىلىس جاساپ، شىنايى يگەرىپ، ناقتى ىستەپ، شىنايى ادىستەر قاراستىرىپ، ناقتى ىستەر ىستەپ، ناقتى ونىمدىلىككە ۇمتىلىپ، فورماشىلدىقتان، تورەشىلدىكتەن ساقتانىپ جانە ونى جەڭىپ، رەفورمانى ىلگەرىلەتۋ قۋاتىن، قايشىلىقتاردى شەشۋ ارىنىن، دامۋعا باسشىلىق ەتۋ كۇشىن اناعۇرلىم ارتتىرۋ كەرەك.

  ناقتى ىستەۋ − قۇندى، تياناقتاندىرۋ − ماڭىزدى. تاريحتان بەرى، شىعىس سولتۇستىك ءىس تىندىرۋ، شارۋاشىلىق قۇرۋ ارىنى تاسقىنداعان قۇتتى قونىس بولىپ كەلەدى. بۇل جەردەن كەزىندە لەي فىڭ، گو ميڭي، لو ياڭ سياقتى ۇلت تىرەگى مولىنان شىعىپ، داچيڭ رۋحى، تەمىر ادام رۋحى، بەيداحۋاڭ رۋحى سىندى وسكەلەڭ رۋح وسىندا اسقاقتاپ، سەنىم كۇشى، ۇلى سۇيىسپەنشىلىككە تولى پەيىل، جان قيارلىق رۋحى، تالماي تالپىنۋ ۇلت رۋحىمىزدىڭ ەڭ تاماشا شىنايى بەينەسى بولىپ، رەفورمانى، دامۋدى ىلگەرىلەتۋدەگى قۇدىرەتتى قوزعاۋشى كۇشكە اينالدى. جاڭا داۋىردەگى شىعىس سولتۇستىكتى گۇلدەندىرۋ تاس ارقالاپ تاۋعا شىعاتىن، ورگە ورمەلەپ، كەدەرگىدەن وتەتىن شەشۋشى كەزەڭگە جەتتى، كوپتەگەن قيان - كەسكى كۇرەستى جۇرگىزۋ كەرەك. مىندەت جاپالى بولعان سايىن، ناعىز شەبەرلىكتى، شىنايى يگەرىپ ناقتى ىستەۋدى قاجەت ەتەدى. العان بەتىنەن قايتپاي ەڭبەكتەنۋدەي قاجىرلىلىقتى ساقتاپ، بىلەك سىبانا قايراتتانا ىستەۋ رۋحىن جەلپىندىرگەندە عانا، ساياسات، شارالاردىڭ تياناقتانۋىنا، ەگجەي - تەگجەيلى بولۋىنا، ورىندالۋىنا كەپىلدىك ەتىپ، ىنتىماقتاسا كۇرەسۋ بارىسىندا شىعىس سولتۇستىكتى جاپپاي گۇلدەندىرۋدىڭ جاڭا ناتيجەسىن جاراتۋعا بولادى.

  شىعىس سولتۇستىكتەگى ساپارى اياقتاۋ قارساڭىندا، باس شۋجي شي جينپيڭ شىعىس سولتۇستىكتەگى قالىڭ كادرلار مەن بۇقاراعا تەرەڭ سۇيىسپەنشىلىككە تولى سالەم جولدادى: «پارتيا ورتالىق كوميتەتى شىعىس سولتۇستىككە مول ءۇمىت ارتۋدا!». شىعىس سولتۇستىك سىندى وسىناۋ ىرىستى القاپ جۇڭگونىڭ توڭكەرىسى مەن قۇرىلىسىن، رەفورما جاساۋ، ەسىك اشۋ اۋقىمىن باسىنان وتكەرىپ، داڭقپەن جانە ارمانمەن توعىستى. جاڭا داۋىردە ەكپىندەي ىلگەرىلەپ، ءىستى ءىزىن سۋىتپاي تىندىرىپ، جىلدى جىلعا جالعاپ ىستەسەك، شىعىس سولتۇستىك، ءسوز جوق، ايبىندى قايتا اسقاقتاتىپ، شۇلەن شۇعىلا شاشا الادى.

    (شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.