تيانشان تورابى   ›   جاڭالىقتار   ›   ماڭىزدى حابارلار

شي جينپيڭ يراقتىڭ جاڭادان سايلانعان زۇڭتۇڭى بارحام ساليحقا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 9 - كۇنى بارحام ساليحقا تەلەگرامما جولداپ، ونىڭ يراق رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن يراق ءداستۇرلى دوستار، سوڭعى جىلدارى ەكى ەلدىڭ ساياسي ءوزارا سەنىمى ۇزدىكسىز تەرەڭدەپ، ناقتى سەلبەستىگى تەز دامىپ، گۋمانيتارلىق بارىس - كەلىسى اناعۇرلىم نىعايا ءتۇستى، مەن بۇعان سۇيىنەمىن. ءسىزدىڭ باسشىلىعىڭىزدا يراقتىڭ ساياسي تاتۋلىق جانە ەكونوميكالىق قايتا قۇرۋ ءۇردىسىن نىق قاداممەن ىلگەرىلەتىپ، ءوز مەملەكەتىنىڭ جاعدايىنا ۇيلەسەتىن دامۋ جولىن قاراستىرۋدا اناعۇرلىم زور تابىسقا قول جەتكىزۋىن تىلەيمىن. مەن جۇڭگو - يراق قارىم - قاتىناسىنىڭ دامۋىنا بارىنشا ءمان بەرەمىن، سىزبەن بىرگە ۇزدىكسىز قۇلشىنىپ، جۇڭگو مەن يراقتىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن وراي ەتىپ، جۇڭگو مەن يراقتىڭ ستراتەگيالىق سەرىكتەستىك قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، ەكى ەل مەن ەكى ەل حالىقتارىن باقىتقا كەنەلتۋدى قالايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى