كوكتوعاي اۋداندىق حالىق قۇرىلتايى تۇراقتى كوميتەتىنىڭ مەڭگەرۋشىسى
پۋحاي راپحات ۇلى
باس شۋجي شي جينپيڭ بىلاي دەپ اتاپ كورسەتتى: شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلىمىزدىڭ رەفورما، دامۋ، ورنىقتىلىق جالپى جاعدايىنا، وتاننىڭ تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە، جۇڭحۋا ۇلتىنىڭ ۇلى گۇلدەنۋىنە سايادى. شينجياڭ قىزمەتىنىڭ جاقسى ىستەلگەن - ىستەلمەگەندىگىن باعامداۋدا، سايىپ كەلگەندە، بولشەكتەۋشىلىككە قارسى تۇرۋ كۇرەسىنىڭ قالاي جۇرگىزىلگەندىگىنە، تىنىش، ىنتىماقتى ساياسي جاعدايدىڭ، جاراسىمدى، ورنىقتى قوعامدىق جاعدايدىڭ ساقتالعان - ساقتالماعاندىعىنا قاراۋ كەرەك.
مەن پارتيانىڭ قامقورلىعىندا ەسەيىپ - ەرجەتتىم، پارتيانىڭ ماپەلەۋىندە تولىستىم، پارتيانىڭ قامقورلىعىندا باقىتتى تۇرمىس كەشىردىم، پارتيانىڭ مەيىرى مەن پارتيانىڭ سۇيىسپەنشىلىگى جۇرەگىمنەن تەرەڭ ورىن العان. مەن جۇڭگو كوممۋنيستىك پارتياسى مەن ۇلى وتانىمىز بولماعان بولسا، شينجياڭنىڭ گۇلدەنىپ - كوركەيۋىنىڭ، دامۋىنىڭ بولمايتىندىعىنا، ءار ۇلت حالقىنىڭ باقىتتى تۇرمىسىنىڭ بولمايتىندىعىنا باستان - اياق كامىل سەنىپ كەلەمىن. مەيلى قاي كەزدە، قاي جەردە بولسىن، مەن وتانعا شىنايى سۇيىسپەنشىلىكتە بولىپ، وتانعا بەرىلە قىزمەت ەتىپ، ءار ۇلت حالقىنا شەكسىز سۇيسىپەنشىلىگىمدى ارنايمىن.
رەفورما جاساپ، ەسىك اشقاننان، اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا، ءبىز كۇننەن - كۇنگە باقىتتى تۇرمىس كەشىرىپ كەلەمىز، ءار ۇلت حالقى ءبىرىن - ءبىرى قۇرمەتتەپ، ءبىر - بىرىنە سۇيىسپەنشىلىك ارناپ، تاتۋ - ءتاتتى ءوتىپ، باقىتتى تۇرمىس كەشىردى. الايدا «ءۇش ءتۇرلى كۇش»، «ەكىبەتكەيلەر» ءتۇرلى تاسىلدەردەن پايدالانىپ ءدىني ۇشقارى يدەيانى جانە ءپانىسلاميزم، پانتۇركيزم يدەياسىن تاراتىپ، شينجياڭ تاريحىن بۇرمالاپ، ۇلتتىق وشپەندىلىككە جەلىكتىرىپ، زورلىقتى كۇش، لاڭكەستىك دەلولارىن تۋدىرىپ، وتاندى بولشەكتەۋگە ۇرىندى. ولاردىڭ قىلمىستىق ارەكەتتەرى ءبىزدىڭ تۇرمىسىمىزعا كەسىرىن تيگىزىپ، قوعامنىڭ جاراسىمدىلىعىنا، ورنىقتىلىعىنا اۋىر دارەجەدە زالال جەتكىزدى. ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. الدا - جالدا ورنىقتىلىق سىندى وسى ىرگە تاستان ايرىلىپ قالساق، ءبىزدىڭ قوعامىمىزدىڭ دامۋى مەن گۇلدەنىپ - كوركەيۋى نەگىزدەن ايرىلادى، ءار ۇلت حالقىنىڭ مۇددەسى دە، ءسوز جوق، كەپىلدىكتەن ايرىلادى.
ۇلتتار اراسىندا ۇرىس - كەرىس تۋىلسا، مەملەكەتتىڭ تىنىشتىعى بۇزىلادى، بارلىق ءىس كەرى كەتەدى، ازۋلىلار السىزدەردى باسىنادى، حالىق تۇرمىسى ەسكەرۋسىز قالادى؛ ۇلتتار ىنتىماقتى بولسا، مەملەكەت ورنىقتى، حالىق الاڭسىز بولادى، ەكونوميكا گۇلدەنىپ - كوركەيەدى، ۇلتتىڭ ماقتانىشى ارتىپ، حالىق باقىتقا كەنەلەدى. 23 جىلدىق پارتيالىلىق ستاجى بار پارتيالى كادر رەتىندە، مەن ۇلتتاردىڭ ۇلى ىنتىماعى تۋىن بيىك ۇستاپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋ، ۇلتتار ىنتىماعىن جەبەۋ، ۇلتتىق بولشەكتەۋشىلىككە قارسى تۇرۋ، ءدىني ۇشقارى يدەيانى تەجەۋ سياقتى جاقتاردا باتىلدىقپەن جاۋاپكەرشىلىك ارقالاپ، بەلسەندىلىكپەن ىسكەرلىك تانىتىپ، ءىس جۇزىندىك ارەكەتىممەن ونەگە بولامىن.
الداعى قىزمەت پەن تۇرمىس بارىسىندا، مەن ساياسي تۇرعىمدى ۇزدىكسىز بەكەمدەپ، كوكىرەگىمە كۇشتى وتانشىلدىق سۇيىسپەنشىلىكتى ۇيالاتىپ، جۇمىستى تىندىرىمدى ىستەيتىن قىزمەت ستيلىمەن باتىلدىقپەن جاۋاپكەرشىلىك ارقالاپ، پوزيتسيامدى ايقىنداپ، باستاماشىلدىقپەن باتىل ءۇن قاتىپ، ايقىن پوزيتسيا ءبىلدىرىپ، ۇلتتىق بولشەكتەۋشىلىككە باتىل قارسى تۇرىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن، زاڭنىڭ بەدەلىن سانالىلىقپەن قورعاپ، ءار ۇلت كادرلارىمەن، بۇقاراسىمەن بىرگە ءوزىمنىڭ ءىس جۇزىندىك ارەكەتىم ارقىلى كورىكتى مەكەنىمىزدى قورعايمىن. «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا كەيىپ - كەسپىرىن ايپاراداي اشىپ، ولاردىڭ بولشەكتەۋ قاسكۇنەمدىگىن باتىل تالقانداپ، ولاردىڭ بولشەكتەۋ ارەكەتىنە سىلەيتە سوققى بەرىپ، «ءۇش ءتۇرلى كۇشتىڭ»، «ەكىبەتكەيلەردىڭ» شينجياڭنىڭ جاراسىمدى، ورنىقتى قوعامدىق جاعدايىن بۇلدىرۋىنە، ءار ۇلت حالقىنىڭ تىنىش، بەرەكەلى باقىتتى تۇرمىسىن بۇلدىرۋىنە استە جول بەرمەيمىن.
