− كەزەكتەگى جۇڭگونىڭ رەفورماسىنا، دامۋىنا شولۋ (3)
شينحۋا اگەنتتىگىنىڭ تىلشىلەرى چي جۇڭشي، ۋاڭ مين
رەفورمادا، دامۋدا حالىق تۇرمىسى تياناق سانالادى.
كەزەكتە ەلىمىز ەكونوميكاسى تيبىن وزگەرتىپ، دارەجەسىن ءوسىرۋدىڭ شەشۋشى كەزەڭىندە تۇر، سىرتقى ورتادا دا كورنەكتى وزگەرىس تۋىلدى. حالىق تۇرمىسىن جاقسارتۋ رەفورمامەن، دامۋمەن بىرگە ىلگەرىلەتىلدى، دەسەدە، كەيبىر ادامداردىڭ تۇرمىس بارىسىندا ءىشىنارا قىسىمدى سەزىنۋى ىقتيمال.
حالىق تۇرمىسىنداعى تابىس پەن وزگەرىسكە قالاي قاراۋ كەرەك؟ جاڭا باستامادا حالىق تۇرمىسىنداعى تىڭ ارمان - تىلەكتەرگە قالاي جاۋاپ قايتارۋ كەرەك؟
كۇردەلى جاعداي الدىندا، حالىق تۇرمىسىنداعى ءجىتى قاداعالانعان ىستەرگە قالاي جاۋاپ بەرۋ كەرەك؟
ەندى عانا وتكەن «1 - قازان» التىن اپتالىعىندا، ەل ىشىندەگى ساياحاتشىلار 700 ميلليون ادامنان (رەت) اسىپ، شەكارادان شىعىپ ساياحاتتاۋشىلار شامامەن 7 ميلليون ادامعا (رەت) جەتىپ، ەكەۋى بىردەي تىڭ رەكورد جاڭالادى.
قارىن تويعىزۋدان بارعان سايىن ىرعىن تۇرمىسقا كەنەلۋ دە ساياحات - تۇتىنۋ دارەجەسىنىڭ ءوسۋىنىڭ ماڭىزدى بەينەسى. 2013 - جىلدان باستاپ، ەلىمىز ءۇرتىس 5 جىل شەكارادان شىعىپ ساياحاتتاۋشىلار قاينارى جاعىندا ءبىرىنشى ءىرى ەل قاتارىن ساقتاپ كەلەدى.
الايدا، ەكونوميكانىڭ ارتۋ قارقىنىنىڭ باسەڭدەۋى مەن ەل ءىشى - سىرتىنداعى كۇردەلى جاعداي الدىندا، كەيبىرەۋلەر حالىق تۇرمىسىنا قوسىلاتىن قارجى كەمەيە مە، جوق پا؟ حالىق تۇرمىسىن جاقسارتۋ كىدىرە مە، جوق پا؟ دەگەننەن الاڭداۋدا.
«حالىق تىلەگى − ەڭ ۇلكەن ساياسي». ءىس جۇزىندە، بيىل جىل باسىنان بەرى، حالىقتى وزەك ەتكەن دامۋ يدەياسىنىڭ جەتەكشىلىگىندە حالىق تۇرمىسىن جاقسارتۋ جەدەل العا باسىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم نىعايدى.
قوسىلاتىن قارجى تەك قانا ارتادى، استە كەمىمەيدى −
بيىل جىل باسىنان بەرى، ءار دارەجەلى قازىنا تاراۋلارى ادەتتەگى شىعىندى قاتاڭ مەڭگەرۋ نەگىزىندە، كۇشتى شوعىرلاندىرا وتىرىپ كەدەيلىكتەن قۇتىلدىرۋدان قامال الۋ، وقۋ - اعارتۋ، قوعامدىق قامتاماسىزداندىرۋ، ەمدەۋ سياقتى ءتۇيىندى سالالاردى قولداپ كەلدى. الدىڭعى جارتى جىلدا، مەملەكەت بويىنشا كەدەيلەردى سۇيەمەلدەۋگە جۇمسالعان ارناۋلى شىعىس سايكەس مەزگىلدەگىدەن %39.7ارتتى؛ وقۋ - اعارتۋعا جۇمسالعان شىعىس سايكەس مەزگىلدەگىدەن %6.9 ارتتى؛ ەمدەۋ - دەنساۋلىق ساقتاۋعا جۇمسالعان شىعىس سايكەس مەزگىلدەگىدەن %9.8 ارتتى.
تومەنگى شەك بەكەمدەلدى، نىعايدى −
مەملەكەت مەرەكەسى قارساڭىندا، يانچى اۋدانى رەسمي تۇردە كەدەي اۋدان قاتارىنان شەگىنىپ، نيڭشيا شيحايگۋ وڭىرىندەگى 9 كەدەي اۋدان، رايون ىشىندە تۇڭعىش رەت كەدەيلىكتەن قۇتىلىپ، «قالپاعىن العان» اۋدان، رايون بولدى.
پارتيا 18 - قۇرىلتايىنان بەرى، پارتيا ورتالىق كوميتەتى كەدەيلەردى كەدەيلىكتەن قۇتىلدىرۋدى جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى جانە نىشاندىق كورسەتكىشى ساناپ، كەدەيلىكتەن قۇتىلدىرۋدان قامال الۋ شايقاسىن جاپپاي جۇرگىزدى. بىرنەشە جىل قۇلشىنۋ ارقىلى كەدەيلەر سانى 68 ميلليون 530 مىڭعا ازايىپ، 100 دەن استام كەدەي اۋدان كەدەيلىك قالپاعىن الىپ، كەدەي وڭىردەگى بۇقارانىڭ ءوندىرىس، تۇرمىس شارت - جاعدايى كورنەكتى جاقساردى.
قامتاماسىزداندىرۋ اناعۇرلىم كەمەلدەندى −
جۇمىستاندىرۋ، ەمدەۋ، زەينەتكەرلىك، قوعامدىق قامتاماسىزداندىرۋ... بۇقارانىڭ ءتۇبىرلى مۇددەسىنە ساياتىن ىستەردىڭ بارلىعىن پارتيا ورتالىق كوميتەتى تۇگەلدەي كورنەكتى ورىنعا قويدى.
تاياۋدا ج ك پ ورتالىق كوميتەتى ساياسي بيۋروسىنىڭ ءماجىلىسى ورتاعا قويعان «التىنى ورنىقتىرۋ» تالابىندا جۇمىستاندىرۋدى ورنىقتىرۋ الدىڭعى قاتارعا قويىلدى، جۇمىستاندىرۋ اياسىن كەڭەيتەتىن، جۇمىستاندىرۋمەن قامتاماسىز ەتۋدى كۇشەيتەتىن ءبىر قىدىرۋ ساياساتتار مەن شارالار ىركەس - تىركەس العا قويىلدى؛
7 - ايدىڭ 1 - كۇنىنەن باستاپ، كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىندا ورتالىق رەتتەۋ قورىن قۇرىپ، قيىنشىلىعى بار از ساندى ولكەلەردىڭ قور كىرىس - شىعىس قىسىمىن ءتۇيىندى تۇردە باسەيتىپ، نەگىزگى زەينەتاقىسىنىڭ ۋاعىندا، تولىق تاراتىلۋىنا كەپىلدىك ەتتى؛
نەگىزگى زەينەتكەرلىك قامسىزداندىرۋ قورى بويىنشا قارجى قوسۋ كاسىبىنىڭ كوپ ءتۇرلى سالىعىن كەشىرىم ەتكەننەن كەيىن، قازىنا مينيسترلىگى، سالىق باس مەكەمەسى بۇكىل ەلدىڭ قوعامدىق قامتاماسىزداندىرۋ قورىنىڭ سىرتقا قارجى سالۋى جونىندە ارتقان قۇن سالىعى سياقتى كوپ ءتۇرلى سالىقتى كەشىرىم ەتۋدى ايقىندادى...
يگىلىك ۇزبەي جارىققا شىقتى −
الدىڭعى جارتى جىلدا، بۇكىل ەلدەگى تۇرعىنداردىڭ جان باسىندىق قولداعى تابىسى سايكەس مەزگىلدەگىدەن ناقتى %6.6 ارتىپ، نەگىزىنەن ەكونوميكانىڭ ارتۋىمەن بىردەي قارقىندا بولدى. سونىمەن قاتار سالىقتى ازايتۋ، اقىنى كەمەيتۋ رەفورمالارى دا بۇقارانى جۇكتەن ارىلتتى.
5 - ايدىڭ 1 - كۇنىنەن باستاپ، راكقا قارسى ءدارىنى قامتىعان 28 ءدارى - دارمەكتىڭ يمپورت كەدەن سالىعى الىنبايتىن بولدى، راكقا قارسى كوپ ءتۇرلى ءدارى ەمدەۋ قامسىزداندىرۋى تىزىمىنە كىرگىزىلدى.
10 - ايدىڭ 1 - كۇنىنەن باستاپ، جەكەلەردىڭ ايلىق تابىسى 5000 يۋاننان اسقاننان كەيىن تابىس سالىعى الىناتىن بولدى، ورتادان تومەنگى كىرىستەگىلەرگە ءتىپتى كوپ سالىق كەمەيتۋ تيىمدىلىگىن اكەلەدى، ايلىق كىرىسى 20 مىڭ يۋاننان تومەنگى سالىق تاپسىرۋشىلاردىڭ سالىق اۋىرتپالىعى %49 مولشەرىندە ازايادى.
«ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسى ۇزدىكسىز تەرەڭدەپ، بازار تۇلعاسى ەركىندىك الۋ، كەدەرگىنى الاستاۋ بارىسىندا ومىرشەڭدىگىن قاۋلاتىپ، كىناراتتار جويىلعاننان كەيىن بۇقارا قولايلىلىقتارعا قول جەتكىزدى.
تۇرمىس قىسىمى الدىندا، حالىق تۇرمىسىنداعى ۋايىمدى قالاي ارىلتامىز؟
تۇرمىس وزىندىك قۇنى جوعارىلاي ما، جوق پا؟ وقۋ - اعارتۋ، ەمدەۋ، زەينەتكەرلىك قامتاماسىز ەتىلە مە، جوق پا؟ ازىق - تۇلىك حاۋىپسىزدىگىنەن الاڭداۋ كەرەك پە، جوق پا؟ ...
جوعارىداعى ۋايىمدار حالىق تۇرمىسىن اناعۇرلىم جوعارىلاتۋعا بولاتىن - بولمايتىندىعىنىڭ ناقتى بەينەسى بولىپ قانا قالماستان، ەلىمىز ءىشى - سىرتىنداعى كۇردەلى، وزگەرمەلى ەكونوميكالىق ورتاعا ءساتتى توتەپ بەرۋگە بولاتىن - بولمايتىندىعى جونىندەگى ارمان - تىلەكتەرى دە سانالادى.
كەزەكتە ەلىمىز ەكونوميكاسى دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ارتۋ قوزعاۋشى كۇشىن جاڭالاۋدىڭ قامال الۋ كەزەڭىندە تۇر، ساپالى دامۋعا ۇيلەسپەيتىن ەكونوميكالىق كۇي مەن كاسىپورىندار تيپ جاڭالاۋعا، اۋەلى، ىعىستىرىلۋعا ءدوپ كەلدى. سونىمەن قاتار دۇنيە جۇزىلىك ەكونوميكالىق ورتادا كورنەكتى وزگەرىستەر تۋىلىپ، دۇنيە جۇزىمەن ىشكەرىلەي توعىسقان جۇڭگو ەكونوميكاسىنا بەلگىلى ىقپال جەتكىزگەندىگى داۋسىز. حالىق تۇرمىسىن قامتاماسىز ەتۋ، شىنىمەن، تىڭ سايىستارعا ءدوپ كەلدى.
بولاشاعىڭنان الاڭدامايمىن دەسەڭ، قازىرگىڭنىڭ قامىن جە.
تولىسۋدىڭ «ۋايىمىنا» تۋرا قاراۋمەن بىرگە، دامۋدىڭ تۇراقتىلىعىن ءتىپتى دە ساقتاۋ كەرەك −
ورنىقتىلىق بارىسىندا وزگەرىس بولاتىن ورتادا جالپى جاعدايدى تانىپ، جالپى بەتالىستى ايقىنداپ، تۇراقتىلىقتى ساقتاعاندا عانا، باعىتتان جازباۋعا بولادى.
ورتالىق كوميتەت ساياسي بيۋروسىنىڭ ءماجىلىسى جاعدايدى دۇرىس تۇجىرىمداپ، جۇمىستاندىرۋدى ورنىقتىرۋدى، فينانستى ورنىقتىرۋدى، سىرتقى ساۋدانى ورنىقتىرۋدى، شەتەل قارجىسىن ورنىقتىرۋدى، قارجى قوسۋدى ورنىقتىرۋدى، مەجەنى ورنىقتىرۋدى العا قويىپ، بولاشاقتاعى ەكونوميكا قىزمەتىنە ءتۇيىندى جانە باعىتتى ايقىنداپ بەرۋمەن قاتار، حالىق تۇرمىسىن قامتاماسىز ەتۋ جونىنەن ايقىن تالاپتاردى ورتاعا قويدى.
حالىقتىق قارجى قوسۋ مەن حالىقتىق مەنشىكتەگى شارۋاشىلىقتى دامىتۋداعى كەدەرگىلەردى الاستاپ، سالىقتى ازايتۋ، اقىنى كەمەيتۋ شارالارىن ورتاعا قويىپ، ناقتى ەكونوميكانىڭ دامۋىن قولدادى، «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسى تاعى تەزدەدى... مەجەنى ورنىقتىرۋ، سەنىمدى بەكەمدەۋ رەفورما شارالارى ۇزبەي كۇش ۇستەۋدە.
العا باسۋداعى كەدەرگىلەرگە قادالا قاراۋمەن بىرگە، ۇردەلى اۋقىمعا توتەپ بەرۋ قۋاتىن دا كورە ءبىلۋ كەرەك −
الدىڭعى جارتى جىلدا GDP %6.8 ارتىپ، ءۇرتىس 12 ماۋسىمدا ورتادان جوعارى جىلدامدىق ارالىقتا ورنىقتى اينالىم جاسادى؛ 1 - ايدان 8 - ايعا دەيىن بۇكىل ەلدەگى قالا - قالاشىقتاردا جاڭادان جۇمىستانعاندار 10 ميلليون ادامنان اسىپ، قالا - قالاشىقتارداعى جۇمىسسىزدىق سالىستىرماسىن تەكسەرۋدە %5 اينالاسىنداعى ورنىقتىلىقتى ساقتاعان؛ ءتۇرلى بازار تۇلعالارى 100 ميلليوننان اسىپ، جاڭادان كوبەيگەن بازار تۇلعالارىنىڭ بەلسەندىلىك دارەجەسى %70 اينالاسىندا بولدى.
«كەزەكتە ەكونوميكانىڭ ورنىقتىلىق بارىسىندا جاقسارۋداي نەگىزگى بەينەسى وزگەرمەي، سىرتقى سايىسقا توتەپ بەرۋگە تاماشا نەگىز قامدادى»، - دەدى جۇڭيۋان بانكەسىنىڭ باس ەكونوميسى ۋاڭ جۇن، - «رەفورما جاساپ، ەسىك اشقان 40 جىلدا توپتالعان قوردامىز وزگەرىسكە توتەپ بەرۋىمىزگە قۋات جينادى».
حالىق تۇرمىسىنداعى ولقىلىقتاردى كورە بىلۋمەن قاتار، دامۋداعى كومەسكى قۋاتتى دا ايقىن تانۋىمىز كەرەك −
حالىق تۇرمىسىنىڭ تىڭ باستاماسىندا بۇقارا اناعۇرلىم تازا اۋانى، اناعۇرلىم كوركەم ورتانى ارماندايدى، قوعامدىق ادىلدىكتى، تۋراشىلدىقتى كوكسەيدى، ادامنىڭ جان - جاقتى دامۋىن ىسكە اسىرۋدى قاجەت ەتەدى.
ادامداردىڭ تاماشا تۇرمىسقا تالپىنىسى ۇزبەي ارتىپ، رەفورما، دامۋ ۇستانىمى دا تەرەڭدەي وزگەرۋدە. قوعام جان - جاقتى دامىعان بۇگىنگى كۇندە، حالىق تۇرمىسى سالاسىنداعى ولقىلىقتاردى تولىقتاۋ ءتىپتى دە قاجەت.
مەملەكەتتىك دامۋ، رەفورما كوميتەتىنىڭ ورىنباسار مەڭگەرۋشىسى ليان ۋيلياڭ بىلاي دەدى: جۇڭگو - ا ق ش ەكونوميكا - ساۋدا قاقتىعىسى الا كەلگەن ەكونوميكانىڭ باسەڭدەۋ قىسىمىنا توتەپ بەرۋدە جۇڭگو تۇتىنۋدى ساپالىلاندىرۋدى، دارەجەسىن جوعارىلاتۋدى، كومەسكى كۇشتى تۋىنداتۋدى بارىنشا جەبەپ، نەگىزدىك قۇرىلعىلار جاعىنداعى ولقىلىقتاردى، حالىق تۇرمىسى جانە الەۋمەتتىك قىزمەت كورسەتۋ جاعىنداعى ولقىلىقتاردى، اۋىل شارۋاشىلىعى جانە ەكولوگيالىق ورتانى قورعاۋ جاعىنداعى ولقىلىقتاردى كۇش سالا تولىقتايدى.
حالىقتىڭ جاڭا تىلەگىنە مەڭزەس، حالىق تۇرمىسىن قالاي ۇزدىكسىز قامتاماسىز ەتۋ جانە جاقسارتۋ كەرەك؟
حالىق تۇرمىسىنىڭ جاڭا تىلەگى، دامۋدىڭ جاڭا نىساناسى، رەفورمانىڭ جاڭا باعدارى.
باس شۋجي شي جينپيڭ مىنانى اتاپ كورسەتتى: حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتى يگەرىپ، حالىق جۇرتشىلىعىنىڭ ۇساق ىستەرىن ءوزىمىزدىڭ ۇلكەن ءىسىمىز ەتىپ، حالىق جۇرتشىلىعى كوڭىل بولەتىن ىستەردەن باستاپ ىستەپ، حالىقتىڭ رازىلىعىن الاتىن ىستەردەن باستاپ يگەرۋ كەرەك.
ماسەلەنى باعدار ەتۋدەن جازباي، حالىق تۇرمىسىنداعى تالماۋ تۇيىندەردى، قيىن تۇيىندەردى شەشتى.
8 - ايدىڭ سوڭىنان 9 - ايدىڭ ورتا شەنىنە دەيىن، مەملەكەتتىك كەڭەس ىلگەرىندى - كەيىندى 39 باقىلاۋ - تەكسەرۋ گرۋپپاسىن جىبەرىپ، بۇكىل ەلىمىزدەگى ولكە، اۆتونوميالى رايون، قالالاردا، ورتالىقتىڭ ءتۇرلى تاراۋلارىندا باقىلاۋ - تەكسەرۋ جۇرگىزدى.
پويەز ۆوكزالىندا كىرە كولىگىنە وتىرۋدىڭ قيىندىعى جاقساردى ما؟ ينتەرنەتتىڭ جىلدامدىعىن تەزدەتىپ، اقىسىن تومەندەتۋدىڭ تياناقتاندىرىلۋ جاعدايى قانداي؟ تاس جولدا بەتالدى اقى الۋ شاۋجايلاندى ما؟... باقىلاۋ - تەكسەرۋ گرۋپپاسى كوزدەگەننىڭ ءبارى بۇقارا مەن كاسىپورىنداردىڭ اڭىسى ەڭ كۇشتى حالىق تۇرمىسىنداعى تالماۋ تۇيىندەر، قيىن تۇيىندەر.
ۇساق ىستەردەن باستاپ قولعا الىپ، حالىق جۇرتشىلىعى كوڭىل بولەتىن ىستەردەن باستاپ ىستەدى، قاتىستى تاراۋلار ىركەس - تىركەس ناقتى شارا قولدانىپ، بەلسەندى اڭىس بىلدىرۋدە.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى باسىپ تاراتقان «ادام كۇشى بايلىعى، قوعامدىق قامتاماسىزداندىرۋدا كەدەيلەردى سۇيەمەلدەۋدەن قامال الۋ شايقاسىندا جەڭىسكە جەتۋدىڭ 3 جىلدىق ارەكەت جوباسى» 2020 - جىلعا جەتكەندە ءبىر ميلليون كەدەي ەڭبەككۇشتىڭ جۇمىسقا ورنالاسۋىن جەبەپ، 3 ميلليون كەدەي جان سانىنىڭ كەدەيلىكتەن قۇتىلۋىن جەتەكتەۋدى تۇراقتاندىردى.
مەملەكەتتىك دەنساۋلىق ساقتاۋ - اقاۋسىزدىق كوميتەتى «مەملەكەتتىڭ اقاۋسىزدىق، ەمدەۋ ۇلكەن ساندى مالىمەت ولشەمىن، حاۋىپسىزدىگىن جانە قىزمەت وتەۋىن باسقارۋ ءادىسىن (سىناق رەتىندە اتقارىلادى)» جاريالاپ، اقاۋسىزدىق، ەمدەۋ ۇلكەن ساندى مالىمەتىنىڭ جاريا، تەڭ يگىلىكتەنەتىن مەحانيزمىن ورناتۋدى تۇراقتاندىردى.
جوعارى ساپالى دامۋ بولماسا، حالىق تۇرمىسى قاينارسىز سۋ، تامىرسىز اعاشقا اينالادى.
40 جىلدىق رەفورما جاساپ، ەسىك اشۋ امالياتى ەكونوميكالىق، قوعامدىق دامۋدى حالىق تۇرمىسىن ءۇرتىس جاقسارتۋ مەن ورگانيكالى بىرلىككە كەلتىرۋدى ىلگەرىلەتىپ، دامۋ العا ءبىر قادام ىلگەرىلەسە، حالىق تۇرمىسىن جاقسارتۋدىڭ دا الدىعا ءبىر قادام ىلگەرىلەۋىنە كەپىلدىك ەتۋ كەرەكتىگىن تولىق دالەلدەدى.
جىل باسىنان بەرى، «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسى اناعۇرلىم تەرەڭدەتىلىپ، سالىقتى ازايتىپ، اقىنى تومەندەتۋ شارالارى ناقتاپ تياناقتاندىرىلدى، ەسىك اشۋدى كەڭەيتۋ ءۇرتىس سەرپىندى بولدى... ءبىر قىدىرۋ رەفورما، دامۋ شارالارى، ەكونوميكالىق اينالىمنىڭ ۇيلەسىمدى كولەمدە بولۋى «بالكۇلشەنى» ۇزدىكسىز ۇلكەيتە بەرۋ ءۇشىن تاۋسىلماس قوزعاۋشى كۇش ازىرلەدى.
الداعى 3 جىلدا، اۋىل - قىستاقتاعى 30 ميلليونداي كەدەي جان سانىنىڭ كەدەيلىكتەن قۇتىلۋى قاجەت، ورتالىق قازىنا جاڭادان 214 ميلليارد يۋان قارجى ءبولىپ، اۋىر كەدەي وڭىرلەردىڭ كەدەيلىكتەن قۇتىلدىرۋدان قامال الۋىن قولدايدى.
«كەدەيلەردى سۇيەمەلدەۋدەن قامال الۋ شايقاسىندا، ءسوزسىز، جەڭىسكە جەتۋ، بۇل − اۋەلگى ماقسات شايقاسى». سانشي ولكەلىك كەدەيلەردى سۇيەمەلدەۋ كەڭسەسىنىڭ مەڭگەرۋشىسى ليۋ جىجيە بىلاي دەدى: بۇل ولقىلىقتاردى تولىقتاۋ قالا مەن اۋىلدىڭ دامۋىنداعى، وڭىرلەردىڭ دامۋىنداعى پارىقتاردى تولىقتاۋمەن قاتار، كەيىن بايىعاندار مەن بۇرىن بايىعانداردىڭ اراسىنداعى پارىقتى تولىقتاۋ، ءسويتىپ، حالىقتى جەتەكتەپ، بىرگە بايۋدى ىسكە اسىرۋ، بۇل − پارتيامىز تاباندى بولىپ كەلگەن حالىقتى باقىتقا كەنەلتۋ سىندى اۋەلگى ماقسات.
كۇزدە بارلىق جەردە مول ءونىمنىڭ بەلگىسى بايقالادى.
حالىق تۇرمىسىن قامتاماسىز ەتۋ مەن جاقسارتۋ اياقتامايدى، تەك ءۇزىلىسسىز باستالۋ ءتۇيىنى عانا بار. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىقتى وزەك ەتۋدەي دامۋ يدەياسىنان جازباي، رەفورما جاساۋ سەنىمىن بەكەمدەپ، دامۋ سەنىمىن كۇشەيتسەك قانا بولعانى، حالىق تۇرمىسى سىندى سۇراققا، ءسوزسىز، بارعان سايىن كەرەمەت جاۋاپ قايتارامىز.
(شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى)
