لي كىچياڭ، ۋاڭ حۋنيڭ، حان جىڭ ماجىلىسكە قاتىناستى
شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 10 - ايدىڭ 10 - كۇنى تۇستەن كەيىن ورتالىق قازىنا - ەكونوميكا كوميتەتىنىڭ 3 - رەتكى ءماجىلىسىن باسقارىپ اشىپ، ەلىمىزدىڭ جاراتىلىستىق اپاتتاردان ساقتانۋ جانە ونى تىزگىندەۋ قابىلەتىن جوعارىلاتۋ، سىچۋان - شيزاڭ تەمىر جولىن جوبالاۋ، سالۋ ماسەلەلەرىن اقىلداستى. شي جينپيڭ ماجىلىستە ماڭىزدى ءسوز سويلەپ، مىنالاردى باسا دارىپتەدى: جاراتىلىستىق اپاتتاردان ساقتانۋ جانە ونى تىزگىندەۋدى كۇشەيتۋ مەملەكەت شارۋاشىلىعىنا جانە حالىق تۇرمىسىنا سايادى، جاراتىلىستىق اپاتتاردان ساقتانۋ جانە ونى تىزگىندەۋدىڭ ءونىمدى دە عىلمي جۇيەسىن ورناتىپ، بۇكىل قوعامنىڭ جاراتىلىستىق اپاتتاردان ساقتانۋ جانە ونى تىزگىندەۋ قابىلەتىن جوعارىلاتىپ، حالىق جۇرتشىلىعىنىڭ باس اماندىعى مەن مال - مۇلىك حاۋىپسىزدىگىن جانە مەملەكەت حاۋىپسىزدىگىن قورعاۋعا پارمەندى كەپىلدىك ازىرلەۋ كەرەك؛ سىچۋان - شيزاڭ تەمىر جولىن جوبالاۋ جانە سالۋ مەملەكەتتىڭ باياندى تىنىشتىعى مەن شيزاڭنىڭ ەكونوميكالىق، قوعامدىق دامۋىندا ماڭىزدى دا تەرەڭ مانگە يە، وسى ءىرى ءىستى، ءسوز جوق، ويداعىداي ىستەۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتىنىڭ ورىنباسار مەڭگەرۋشىسى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.
ماجىلىستە مەملەكەتتىك دامۋ جانە رەفورما كوميتەتىنىڭ، توتەنشە جاعدايلاردى مەڭگەرۋ مينيسترلىگىنىڭ، جاراتىلىستىق بايلىق مينيسترلىگىنىڭ، سۋ ىستەرى مينيسترلىگىنىڭ، عىلىم - تەحنيكا مينيسترلىگىنىڭ جانە جۇڭگو تەمىر جول باس سەرىكتەستىگىنىڭ مالىمەتى تىڭدالدى.
ماجىلىستە مىنالار اتاپ كورسەتىلدى: ەلىمىز دۇنيە جۇزىندەگى جاراتىلىستىق اپاتتاردىڭ ىقپالى ەڭ اۋىر مەملەكەتتەردىڭ ءبىرى. جاڭا جۇڭگو قۇرىلعاننان بەرى، پارتيا مەن ۇكىمەت جاراتىلىستىق اپاتتاردان ساقتانۋعا جانە ونى تىزگىندەۋگە باسا نازار اۋدارىپ، ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرىپ ءىرى ىستەر ىستەۋ ساياسي ارتىقشىلىعىن ساۋلەلەندىرىپ، اپاتتان قورعانۋ، اپات زيانىن ازايتۋ، اپاتتان قۇتقارۋدا قول جەتكەن تابىستارىمەن دۇنيە ءجۇزىن مويىنداتتى. سونىمەن بىرگە ەلىمىزدىڭ جاراتىلىستىق اپاتتاردان ساقتانۋ جانە ونى تىزگىندەۋ قابىلەتى، جالپىلاي ايتقاندا، ءالى ءبىرشاما ءالسىز، جاراتىلىستىق اپاتتاردان ساقتانۋ جانە ونى تىزگىندەۋ قابىلەتىن جوعارىلاتۋ − «قوس 100 جىلدىق» كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ قاجەتتى تالابى، حالىق جۇرتشىلىعىنىڭ باس اماندىعى مەن مال - مۇلىك حاۋىپسىزدىگىنە جانە مەملەكەتتىڭ حاۋىپسىزدىگىنە قاتىستى ءىرى ءىس، سونداي - اق پارتيامىزدىڭ بيلىك جۇرگىزۋ قابىلەتى جونىندەگى ماڭىزدى سىناق، ونى، ءسوز جوق، ءجىتى، ناقتى يگەرۋ كەرەك.
ماجىلىستە مىنالار باسا دارىپتەلدى: جاراتىلىستىق اپاتتاردان ساقتانۋ جانە ونى تىزگىندەۋ قابىلەتىن جوعارىلاتۋ ءۇشىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، «ءتورت تانىمدى» بەرىك ورناتىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، حالىقتى وزەك ەتكەن دامۋ يدەياسىنا تاباندى بولىپ، قورعانۋدى نەگىز ەتۋگە، قورعانۋ، قارسى تۇرۋ، قۇتقارۋدى ۇشتاستىرۋعا تاباندى بولىپ، ۇنەمىلىك اپاتتان قۇتقارۋ مەن ۇنەمىلىك ەمەس اپاتتان قۇتقارۋدى بىرلىككە كەلتىرۋگە تاباندى بولىپ، اپات زيانىن جان - جاقتى ازايتۋدى، ءتۇرلى جاراتىلىستىق اپاتتان ساقتانۋدى ءبىر تۇتاس جوسپارلاۋدى كۇشەيتۋ كەرەك. پارتيانىڭ باسشىلىعىنا تاباندى بولىپ، جاراتىلىستىق اپاتتاردان ساقتانۋ جانە ونى تىزگىندەۋدىڭ ءار جاق جابال يگەرىپ، جۇمىلا باسقارىپ، سايكەسە سەلبەسەتىن جاعدايىن قالىپتاستىرۋ؛ ادامدى نەگىز ەتۋگە تاباندى بولىپ، حالىقتىڭ باس اماندىعى مەن مال - مۇلىك حاۋىپسىزدىگىن شىنايى قورعاۋ؛ ەكولوگيانى الدىمەن ەسكەرۋگە تاباندى بولىپ، ادام مەن تابيعات اراسىندا جاراسىمدى، تاتۋ قارىم - قاتىناس ورناتۋ؛ الدىن الۋدى نەگىز ەتۋگە تاباندى بولىپ، جاراتىلىستىق اپاتتاردىڭ حاۋپى مەن شىعىنىن ەڭ تومەنگى شەككە تۇسىرۋگە قۇلشىنۋ؛ رەفورما جاساۋعا، جاڭالىق اشۋعا تاباندى بولىپ، جاراتىلىستىق اپاتتاردان ساقتانۋ، ونى تىزگىندەۋ جۇيەسى مەن ساقتانۋ - تىزگىندەۋ قابىلەتىنىڭ وسىزاماندانۋىن ىلگەرىلەتۋ؛ حالىقارالىق سەلبەستىككە تاباندى بولىپ، جاراتىلىستىق اپاتتاردان ساقتانۋ مەن تىزگىندەۋدى كۇش بىرىكتىرە وتىرىپ ىلگەرىلەتۋ كەرەك.
ماجىلىستە مىنالار اتاپ كورسەتىلدى: شەشۋشى سالالار مەن ءالسىز بۋىندارعا باعىتتاي وتىرىپ، ءبىرقانشا ءتۇيىندى ينجەنەريانىڭ جۇرگىزىلۋىن ىلگەرىلەتۋ كەرەك. اپات حاۋپى مەن ءتۇيىندى كومەسكى قاتەرلەردى ارىلتا تەكسەرۋ ينجەنەرياسىن اتقارىپ، حاۋىپ پەن كومەسكى قاتەردىڭ نەگىزگى كولەمىن يگەرۋ؛ ءتۇيىندى ەكولوگيالىق فۋنكتسيالىق وڭىرلەردىڭ ەكولوگياسىن قالپىنا كەلتىرۋ ينجەنەرياسىن اتقارىپ، ورمان، جايلىم، وزەن - كول، سازدىق، ءشول، تەڭىز ەكولوگيالىق جۇيەسىنىڭ فۋنكتسيالارىن قالپىنا كەلتىرۋ؛ تەڭىز جاعالاۋلارىن قورعاۋ، قالپىنا كەلتىرۋ ينجەنەرياسىن اتقارىپ، ەكولوگيالىق تەڭىز بوگەتتەرىن سالىپ، تايفىڭ داۋىلى، داۋىلدى اعىن سياقتى تەڭىز - مۇحيت اپاتتارىنان ساقتانۋ قابىلەتىن جوعارىلاتۋ؛ جەر وڭاي سىلكىنەتىن وڭىرلەردە تۇرعىن ءۇي قۇرىلعىلارىن بەكەمدەۋ ينجەنەرياسىن اتقارىپ، جەر سىلكىنىسىنە قارسى اتتانىپ، اپاتتان ساقتانۋ قابىلەتىن جوعارىلاتۋ؛ تاسقىننان ساقتانۋ، قۋاڭشىلىقپەن كۇرەسۋ مەن سۋ يگىلىگىنىڭ دارەجەسىن جوعارىلاتۋ ينجەنەرياسىن اتقارىپ، تاسقىننان ساقتانۋ، قۋاڭشىلىقپەن كۇرەسۋ ينجەنەريالىق جۇيەسىن كەمەلدەندىرۋ؛ گەولوگيالىق اپاتتاردى جان - جاقتى وڭاۋ جانە قاتەردەن ىعىسقانداردى كوشىرۋ ينجەنەرياسىن اتقارىپ، «13 - بەسجىلدىقتاعى» گەولوگيالىق اپاتتاردىڭ قاتەرىنەن ىعىسقانداردى كوشىرۋ مىندەتىن ويداعىداي تياناقتاندىرۋ؛ توتەنشە جاعدايلار بويىنشا جاردەم بەرۋ ورتالىقتارىن سالۋ ينجەنەرياسىن اتقارىپ، ءبىرقانشا وڭىرلىك سيپاتتى توتەنشە جاعداي بويىنشا جاردەم بەرۋ ورتالىقتارىن قۇرۋ؛ جاراتىلىستىق اپاتتار بويىنشا باقىلاۋ - ولشەۋ مەن ساقتاندىرۋدى ينفورماتسيالاندىرۋ ينجەنەرياسىن اتقارىپ، كوپ اپات ءتۇرى مەن اپاتتار تىزبەگىن جان - جاقتى باقىلاۋ - ولشەۋ، ولاردىڭ قاتەرىن كۇن ىلگەرى اجىراتۋ جانە بولجاۋ، ساقتاندىرۋ قابىلەتىن جوعارىلاتۋ؛ جاراتىلىستىق اپاتتاردان ساقتانۋ، ونى تىزگىندەۋ تەحنيكاسى مەن جابدىقتارىن وسىزامانداندىرۋ ينجەنەرياسىن اتقارىپ، شەشۋشى تەحنيكالاردان قامال الۋ تەبىنىن ارتتىرىپ، ەلىمىزدىڭ قۇتقارۋشىلار قوسىنىنىڭ ارنايى تەحنيكالارمەن جابدىقتالۋ دەڭگەيىن جوعارىلاتۋ كەرەك.
ماجىلىستە مىنالار باسا دارىپتەلدى: سىچۋان - شيزاڭ تەمىر جولىن جوبالاۋ، سالۋ − ۇلتتار ىنتىماعىن جەبەپ، وتاننىڭ بىرلىگىن قورعاپ، شەكارا ءوڭىردىڭ ورنىقتىلىعىن بەكەمدەۋدىڭ قاجەتى، شيزاڭنىڭ ەكونوميكالىق، قوعامدىق دامۋىن جەبەۋدىڭ قاجەتى، پارتيا ورتالىق كوميتەتىنىڭ شيزاڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى. عىلمي جوبالاۋ، تەحنيكانى تىرەك ەتۋ، ەكولوگيانى قورعاۋ، حاۋىپسىز دە سەنىمدى بولۋ جالپى وي جەلىسى بويىنشا، ءبىر تۇتاس باسشىلىقتى كۇشەيتىپ، نىساننىڭ الدىڭعى مەرزىمدىك قىزمەتتەرىن كۇشەيتىپ، قۇرىلىس جانە اينالىم قاراجاتىمەن قامتاماسىز ەتۋدى كۇشەيتىپ، «ەكى جول» رۋحى مەن چيڭحاي - شيزاڭ تەمىر جولى رۋحىن ساۋلەلەندىرىپ، ينجەنەريانى جوبالاۋدى، سالۋدى جوعارى باستامامەن، جوعارى ولشەممەن، جوعارى ساپامەن ىلگەرىلەتۋ كەرەك.
ورتالىق قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
