تيانشان تورابى   ›   زاڭ تارازى   ›   زاڭنان كەڭەس

شينجياڭ ينتەرنەت ينفورماتسيا كەڭسەسى قاتارلى قاتىستى تاراۋلار ساياسي وسەك-اياڭ، ينفورماتسيالاردى ويدان قۇراپ، تاراتقان تيپتىك 5 دەلونى تەكسەرىپ ءبىر جاقتىلى ەتتى

  10-ايدىڭ 11-كۇنى، شينجياڭ ينتەرنەت ينفورماتسياسى كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى مالىمدەلگەن دەرەكتەرگە نەگىزدەلىپ، ساياسي وسەك-اياڭ، ينفورماتسيالاردى ويدان قۇراپ، تاراتۋعا قاتىستى 18 - توپتاعى تيپتىك 5 دەلونى زاڭ بويىنشا، ەرەجە بويىنشا تەكسەرىپ ءبىر جاقتى ەتتى جانە جاريالادى. تەكسەرۋ ارقىلى دەلوعا قاتىستى ادامداردىڭ ينتەرنەت سياقتى تۇعىرلاردان پايدالانىپ، ساياسي وسەك - اياڭ، ينفورماتسيا سياقتىلارعا ساياتىن ءماتىن، سۋرەتتەردى ويدان قۇراعاندىعى، تاراتقاندىعى «جۇڭحۋا حالىق رەسپۋبليكاسىنىڭ قوعام اماندىعىن باسقارۋ جازا زاڭى»، «ينتەرنەتتە ينفورماتسيالىق قىزمەت وتەۋدى باسقارۋ ءادىسى»، «شينجياڭ ۇيعۇر اۆتونوميالى رايونىنىڭ ينتەرنەتتە جالعان ينفورماتسيالاردى تاراتۋدان ساقتانۋ جانە ونى جازالاۋ ەرەجەسى» سياقتى زاڭدارعا، زاڭ - ەرەجەلەرگە قايشىلىق جاساعاندىعى انىقتالدى. قوعام حاۋىپسىزدىگى قاتارلى تاراۋلار قاتىستى ادامداردى زاڭ بويىنشا، ەرەجە بويىنشا ءبىر جاقتى ەتتى.

  ءبىرىنشى دەلو: شانشي ولكەسىنىڭ توراپكەرى يۇي XXتىڭ ساياسي وسەك-اياڭ، ينفورماتسيانى ويدان قۇراۋ، تاراتۋ دەلوسى

  2018 - جىلى 10 - ايدىڭ 11 - كۇنى، توراپكەرلەر يۇي XXتىڭ (ەر، حانزۋ، 25 جاستا، نوپوسى: شانشي ولكەسى حانچىڭ قالاسى لۇڭتيڭ قالاشىعىنىڭ ادامى) ءۇنحات دوستار شەڭبەرىندە ساياسي وسەك-اياڭ، ينفورماتسيانى ويدان قۇراپ، تاراتقاندىعىن اشكەرەلەگەن. انىقتاۋ ارقىلى، سونداي - اق قاتىستى زاڭ، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا يۇي XXتى اكىمشىلىك ىستەر بويىنشا 10 كۇن قولدا ۇستاي تۇردى.

  ەكىنشى دەلو: شانشي ولكەسىنىڭ توراپكەرى گو XXتىڭ ساياسي وسەك-اياڭ، ينفورماتسيانى ويدان قۇراۋ، تاراتۋ دەلوسى

  2018 - جىلى 10 - ايدىڭ 11 - كۇنى، توراپكەرلەر گو XXتىڭ (ەر، حانزۋ، 50 جاستا، نوپوسى: شانشي ولكەسى شيانياڭ قالاسنىڭ ادامى) «شينلاڭ ۋيبو»دا ساياسي وسەك-اياڭ، ينفورماتسيانى ويدان قۇراپ، تاراتقاندىعىن اشكەرەلەگەن. انىقتاۋ ارقىلى، سونداي - اق قاتىستى زاڭ، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا گو XXتى اكىمشىلىك ىستەر بويىنشا 10 كۇن قولدا ۇستاي تۇردى.

  ءۇشىنشى دەلو: بايىنعولين موڭعۇل اۆتونوميالى وبلىسىنىڭ توراپكەرى ما XXتىڭ ساياسي وسەك-اياڭ، ينفورماتسيانى ويدان قۇراۋ، تاراتۋ دەلوسى

  2018 - جىلى 10 - ايدىڭ 11 - كۇنى، توراپكەرلەر ما XXتىڭ (ايەل، دۇڭشياڭ، 37 جاستا، نوپوسى: بايىنعولين موڭعۇل اۆتونوميالى وبلىسى باعراش اۋدانى تابانجوكىن اۋىلىنىڭ ادامى) قول تەلەفوندا كەلتەحات ارقىلى ساياسي وسەك-اياڭ، ينفورماتسيانى ويدان قۇراپ، تاراتقاندىعىن اشكەرەلەگەن. انىقتاۋ ارقىلى، سونداي - اق قاتىستى زاڭ، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا ما XXتى اكىمشىلىك ىستەر بويىنشا 10 كۇن قولدا ۇستاي تۇردى.

  ءتورتىنشى دەلو: شىىحىزى قالاسىنىڭ توراپكەرى جۋ XXتىڭ ساياسي وسەك-اياڭ، ينفورماتسيانى تاراتۋ دەلوسى

  2018 - جىلى 10 - ايدىڭ 11 - كۇنى، توراپكەرلەر جۋ XXتىڭ (ەر، حانزۋ، 25 جاستا، نوپوسى: شينجياڭ شىحىزى قالاسىنىڭ ادامى) ءۇنحات توبىندا ساياسي وسەك-اياڭ، ينفورماتسيانى تاراتقاندىعىن اشكەرەلەگەن. انىقتاۋ ارقىلى، سونداي - اق قاتىستى زاڭ، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا جۋ XXتى اكىمشىلىك ىستەر بويىنشا 10 كۇن قولدا ۇستاي تۇردى.

  بەسىنشى دەلو: شىىحىزى قالاسىنىڭ توراپكەرى جاۋ XXتىڭ ساياسي وسەك-اياڭ، ينفورماتسيانى تاراتۋ دەلوسى

  2018 - جىلى 10 - ايدىڭ 11 - كۇنى، توراپكەرلەر جاۋ XXتىڭ (ەر، حانزۋ، 59 جاستا، نوپوسى: شينجياڭ شىحىزى قالاسىنىڭ ادامى) كوپتەگەن ءۇنحات توبىندا ساياسي وسەك-اياڭ، ينفورماتسيانى تاراتقاندىعىن اشكەرەلەگەن. انىقتاۋ ارقىلى، سونداي - اق قاتىستى زاڭ، زاڭ - ەرەجەلەرگە ساي، قوعام حاۋىپسىزدىگى ورگانى زاڭ بويىنشا جاۋ XXتى اكىمشىلىك ىستەر بويىنشا 15 كۇن قولدا ۇستاي تۇردى.

  بۇدان سىرت، قوعام حاۋىپسىزدىگى ورگانى زاڭ بويىنشا ءۇنحات توبىندا وسەك-اياڭ، ينفورماتسيالاردى ويدان قۇراپ، تاراتۋعا قاتىستى قالعان 77 ادامدى اكىمشىلىك ىستەر بويىنشا 5 كۇننەن 15 كۇنگە دەيىن قولدا ۇستاي تۇردى.

  قوعام حاۋىپسىزدىگى ورگانى مىنانى ەسكەرتەدى: ينتەرنەت كەڭىستىگى − زاڭ قۇرىعى جەتپەيتىن جەر ەمەس، ينتەرنەتتەن پايدالانىپ زورلىقتى كۇش، لاڭكەستىككە، ۇلتتىق بولشەكتەۋشىلىككە، ءدىني ۇشقارىلىققا ساياتىن، سونداي - اق ۇلتتار ىنتىماعىن، وتاننىڭ تۇتاستىعىن بۇلدىرەتىن ءماتىن، سۋرەت، دىبىس - كەسكىندەردى ۋاعىزداعانداردىڭ، ساقتاعانداردىڭ، تاراتقانداردىڭ؛ جارىلىس قۇرىلعىلارىن، مىلتىق، شەكتەلگەن قۇرالداردى جاساۋ، قولدانۋ ءادىسىن، ونەرىن ۇيرەتكەندەردىڭ، سونداي - اق جالعان ينفورماتسيا تاراتۋ، قورلاۋ، قۇقاي كورسەتۋ، جالعان فاكت قۇراستىرىپ باسقالارعا جالا جابۋ سياقتى مازمۇنداعى ءماتىن، سۋرەت، دىبىس - كەسكىندەردى تاراتقانداردىڭ جاۋاپكەرلىگى زاڭ بويىنشا، ەرەجە بويىنشا قۋزاستىرىلادى. وسى اتالعان ماتىندەردى، سۋرەتتەردى، دىبىس - كەسكىندەردى ساقتاعاندار، ءسوز جوق، دەرەۋ وزدىگىنەن ءوشىرۋى، جويىپ تاستاۋى كەرەك، ءوزى وشىرە الماسا نەمەسە جويا الماسا، جەرگىلىكتى قوعام حاۋىپسىزدىگى ورگاندارىنىڭ سايكەسىپ ءبىر جاقتى ەتۋىنە تاپسىرىپ بەرۋىنە بولادى. قالىڭ توراپكەرلەردىڭ قاتىستى زاڭ، زاڭ - ەرەجەلەرگە قاتاڭ بويسۇنىپ، ينتەرنەتتەن مادەنيەتتى، زاڭ بويىنشا پايدالانىپ، اقاۋسىز، ءتارتىپتى ينتەرنەت ورتاسىن بىرگە قورعاۋىن ءۇمىت ەتەمىز.

  قالىڭ توراپكەرلەردىڭ ينتەرنەتتەگى زاڭعا، ەرەجەگە قايشى ينفورماتسيالاردى بەلسەندى تۇردە اشكەرەلەۋىن قارسى الامىز، اشكەرەلەپ، ەڭبەك سىڭىرگەندەر دەر كەزىندە سيلانادى.

  اشكەرەلەۋ ءتاسىلى:

  توراپ ءادرىسى: www.xjwIjb.com

  تەلەفون: 2384777 - 0991

  ەلەكتروندىق حات ساندىعى: xjIjb@xjts.cn

  ۋيبو:新疆网络举报@

  ءۇنحات الەۋمەتتىك تۇعىرى:新疆网络举报

  ساقشىعا مالىمدەۋ، اشكەرەلەۋ تەلەفون ءنومىرى: 110

  كەلتەحات ارقىلى ساقشىعا مالىمدەۋ ءنومىرى: 12110

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى